مرسى يقيل رئيس المخابرات واللواء حمدي بدين ومدير الامن والمحافظ

[ahmedabdelziem]

أصدر الدكتور محمد مرسى، رئيس الجمهورية، اليوم قراراً بإحالة اللواء مراد موافى، رئيس جهاز المخابرات العامة، للتقاعد، وتعيين اللواء عبد الواحد شحاتة، قائماً بالأعمال، خلفاً له.

وقال الدكتور ياسر على، المتحدث باسم رئاسة الجمهورية، إن مرسى قرر تعيين اللواء محمد أحمد زكى، قائداً عاماً للحرس الجمهورى.. كما قرر إقالة محافظ شمال سيناء. كما قرر الرئيس محمد مرسى تعيين قائد جديد للشرطة العسكرية.

وقال "على": "أصدر الرئيس مرسى، تعليمات بتفعيل الأمن، وقرر تعيين اللواء ماجد مصطفى، مساعداً لوزير الداخلية لقطاع الأمن المركزى، وأسامة الصغير مساعداً لوزير الداخلية لقطاع أمن القاهرة".

يذكر أن اللواء محمد أحمد زكى يشغل منصب قائد وحدات المظلات بالقوات المسلحة، وقبلها كان رئيساً لأركان وحدات المظلات، وله مكانة مقربة من القيادة العامة للقوات المسلحة، وتتمتع وحداته بكفاءة قتالية عالية، ويعهد إليها دائما بتنفيذ المهام الصعبة.

[خلود]

طيب لما نشوف ايه اخرتها ويا مرسى وتصرفاته دى

ادينا صابرين

[ahmedabdelziem]

فى خبر اجمل ياخلود
المشير امر بتعيين حمدى بدين او كرش كبير وسمين
مستشار عسكرى لسيناء

[fagrmasr01]

اجمل ما فى الخبر
تعيين اللواء محمد أحمد زكى
قائداً عاماً للحرس الجمهورى
رجل فعلا محترم

[lionking]

يا جدعان هو انتوا مش عاجبكوا حاجة ابداااااااااا

بريييييييييييييييييييه من ده شعب

كلامى ليكى يا خلود على فكره

الراجل ده رئيسنا شئنا ام ابينا وله منا كل الاحترام والتقدير وليس التفخيم ولا الاهانة والاستهزاء بيه بالشكل ده

وانتى عارفانى كويس من قبل الثورة امووووووووت فى المعارضه والخناق واحب اوى اشتم حسنى وحكومته وكنتوا بتخافوا عليا .... يعنى انا زى ما انا لكن العقل والديموقراطيه تحتم عليا ان اقف في صف المنتخب

انا لم ولن انتخب اى شخص من الاخوان ولكن الديموقراطيه تحتم علينا احترام النتائج ولا يجوز الانقلاب عليها واعتقد اقل واجب مننا اننا نقف جنبه مش يمكن يتصرف صح

وبعدين انا وجهة نظرى الاخوان بيقضوا على نفسهم باديهم

ولا تنسي يا خلود ان ناس كتير من اللى معترضين على الرئيس دلوقتى هما نزلوا بالعند فينا واختاروا الاخوان فى المجالس وقبلها سمعوا كلام الاخوان فى الاستفتاء ... فلو عايزين نلوم نلم بأه الناس دى ونلوم عليهم

مش كده ولا ايه

شوية انصاف وصبر لان التركة منيله بنيلة والعصابه لسه بتحكم والثورة اتجمدت والرئيس بيحارب فى مليون اتجاه

معلش ممكن اكون محتده فى الكلام

لكن الاجراءات اللى اخدها اجراءات كويسه يستحق الشكر عليها

وعشان تفهمى العصابه بأه

طنطاوى بعد ما اتشال بدين اخده عنده مستشار

فهمتى ايه باه من كيد العوالم ده

وهتلاقينى كاتبه كده ع الفيس امبارح

كيد العوالم مين اده لو مال على حيط هده

رفقاااااا بالرئيس المنتخب


معلومة صغيره للاعضاء الجداد اللى احتمال يفهموا انى اخوانجيه

احب اقولهم انى

ليبراليه برادعاوية صميمة ومن الاحرار جداااا
والناس اللى هنا تشهد عليا انى من المعارضين المتشددين

[ahmedabdelziem]

محدش يصدق ليون
هى بتعمل زى ابو الفتوح بتقول انها ليبراليه
وهى اخوانيه بس عشان نطمن لها
انا قولت اقولكم لحسن تعرف تغير تفكيركم ولا حاجه
ههههههههههههههههههه

[lionking]

يا سيدى الفاضل

انا لا اسعى لتغير افكار اى فرد لان ثبت علميا ان المصري اللى فى دماغه هيفضل فى دماغه

زى اللى شايفيين ان اى كلام عن المجلس يبأه سب وقذف فى الجيش ومهما نقول ونعيد يقولك الجيش والكلام الفارغ وبيغض الطرف خالص عن فضائح الجيش اللى فى موقعة العباسية ومحمد محمود وماسبيرو والتحرير والمصيبه ان كل ده متصور فيديو بس الظاهر ان العوكش سره باتع مع شعب اكتر من نصه جاهل ويعانى من اميه فكريه حتى لو كان متعلم ويعمل فى مجالات محترمه لكن الجهل عامل زى السوس بياكل فيهم ..

موقفى من الاخوان واضح جدا
وموقفى من العسكر واضح وضوح الشمس

ولله الحمد انا متصالحه مع نفسي ومحدده افكارى ولن انساق الى لعبه الانقلاب على الديموقراطية التى طالما سعينا اليها

الاسلام السياسى مخطىء والعسكر كذلك مخطئون

والشعب هو من يدفع الفاتوره الباهظة الثمن


سيدى الفاضل

جميع دول العالم لا ياتيها رئيس عليه اجماع شعبى من كافة الطوائف بل تكون نسبته 51%
وبالرغم من هذا تجد الاحترام من الجميع وفى نفس الوقت تجد النقد البناء ولا تجد الاهانة والتجريح
انقدوا رئيسك بكل الطرق المشروعه ولكن لا تسبوه او تهينوه لان كرامته من كرامتنا

الرئيس ليس نبى ولا معصوم من الغلط ولكن لا يجب ان تسبه وتستهين به فى كل التصرفات

[ahmedabdelziem]

اجمل مافى كلامك حاجتين
اولا كلمه سيدى الفاضل
خلتنى احس انى جاى من عصر المماليك
وتانى حاجه توضيحك اللى خلانى اشك انك كلامى بهزر
وواضح جدا من الصيغه بتاعته
اخر حاجه هقولها
اقولك مش هقول حاجه
هههههههههههههههههههه