مطلوب حداد رسمي بجد

[lionking]

هو يعنى ايه حداد رسمى

يعنى نعلق شريطة سوده على طرف القناه

http://www12.0zz0.com/2012/08/06/21/811846961.png (http://www.0zz0.com)

والقناه شغاله هجص ورقص وزمر وقرف



http://www12.0zz0.com/2012/08/06/21/455901848.jpg (http://www.0zz0.com)


http://www12.0zz0.com/2012/08/06/21/833069398.jpg (http://www.0zz0.com)

ولا حداد يعنى قرآن ووقف لجميع ما يبث على القنوات



اللى انا اعرفه عن الحداد الرسمي للدولة
يعني على المستوى الرسمي للدوله , تعطل الدوائر الحكوميه ومن ضمنها مجلس الوزراء والمدارس وكل ماهو رسمي , و السفارات والدوائر الرسميه بالخارج مع تنكيس علم الدوله حدادا

ينكس العّلمّ برفعه إلى منتصف الصاري في حالات إعلان الحداد الرسمي في الدولة، كما ينكس على دور السفارات وسكن السفير وسكن القنصل العام ومقار وفود الدولة الدائمة لدى الهيئات والوكلات الدولية والإقليمية في الخارج في حالة إعلان الحداد الرسمي في الدول الموجودة بها .




حد يقولى اللى احنا عاملينه ده بأه اسمه ايه

غير ضحك ع الدقون واستغفال للشعب واستهتار بالارواح


الدم المصرى هيفضل رخيص لامتى



حسبنا الله ونعم الوكييييييييييل

[lionking]

شكلكوا كده محدش عنده اجابه لسؤالى

ههههههههههههههههههههه

[fagrmasr01]

ضحك ع الدقون واستغفال للشعب واستهتار بالارواح

واستهانة واستهتار برد الفعل
اللى ممكن يصدر من الشعب
لأنهم واثقين اننا شعب ناااايم ف العسل

[قموره]

اللى اعرفه ياليون ان كان فى مذبحه فى بور سعيد وعدت ولا كان فى حاجه

ونسينا وخلاص

والان فى قتل لشهداء وابطال وتليفزيون بلدنا بيذيع لنا الزوجه الرابعه واعلانات والدنيا حلوه وجميله جدا

بلاش قرف منتهى الاستهتار بمشاعرنا كمصريين راح منه اجمل شبابنا

ومرسى ما شاء الله عليه خايف يروح يصلى على الشهداء لانه جاله تهديد

[احمد 300]

عندك حق والله قموره بس هنعملو ايه دا نصبنا عن جد ومن غير مجامله انا حذين على كل شئ فى مصر
ولحد ما ربنا يكرمنا والحكومه تحترم الشعب انا مش هفتح اى قناه مصريه

وربنا يرحم الشهداء ويرذقهم الجنه

[lionking]

ضحك ع الدقون واستغفال للشعب واستهتار بالارواح

واستهانة واستهتار برد الفعل
اللى ممكن يصدر من الشعب
لأنهم واثقين اننا شعب ناااايم ف العسل


لا يا جمال احنا مش شعب نايم فى العسل
احنا شعب بيحب يستسهل ويريح دماغه وهمه الوحيد هو رغيف العيش والعلاوة

[lionking]

اللى اعرفه ياليون ان كان فى مذبحه فى بور سعيد وعدت ولا كان فى حاجه

ونسينا وخلاص

والان فى قتل لشهداء وابطال وتليفزيون بلدنا بيذيع لنا الزوجه الرابعه واعلانات والدنيا حلوه وجميله جدا

بلاش قرف منتهى الاستهتار بمشاعرنا كمصريين راح منه اجمل شبابنا

ومرسى ما شاء الله عليه خايف يروح يصلى على الشهداء لانه جاله تهديد




الاعلام ده متسلط علينا من ايام المحروق حسني وده مش جديد عليه خاااااااااالص

وبعدين مش مذبحة بورسعيد بس اللى اتنست ده كل حاجة يا قمورة

وده ليه

لاننا بنحب نستسهل وحسنى عرف يربي كويس وعود الناس ع الهطل والهبل

[lionking]

عندك حق والله قموره بس هنعملو ايه دا نصبنا عن جد ومن غير مجامله انا حذين على كل شئ فى مصر
ولحد ما ربنا يكرمنا والحكومه تحترم الشعب انا مش هفتح اى قناه مصريه

وربنا يرحم الشهداء ويرذقهم الجنه


ده باه الفرق بين ثورة ليبيا والبتاعة اللى حصلت عندنا

لو كنا ثورة حقيقية كان التليفزيون ده تمت السيطره عليه واتغيرت كل قياداته

لكن الجيش مى الثورة

ههههههههههههههه

[خلود]

اقولك ايه بس

الاعم عندنا مغيب

يابنتى امبارح جايبين خيرى حسن من قدام المنصه بيقول والان نرى الرئيس محمد مرسى متاثر من شده حزنه على ابناؤه شهداء الوطن وعمال يقول ويعيد ويزيد ومرسى اصلا اصلا مراحشى الجنازه ولا الصلاه

ههههههههههه

سلام مربع لاعلامنا اللى مفرضش حداد على ولاده اللى ماتوا صايمين

وربنا يجعلو عامر