مسابقة رمضان كروت شحن وأوسمة ودرع المنتدى

[fagrmasr01]

كل عام وأنتم جميعاً بخير

اللهم اجعلنا ياربنا برحمتك من الفائزين فى هذا الشهر الكريم بالرحمة والمغفرة والعتق من النار

اللهم تقبل منا ومنكم صالح الأعمال وأهدنا ياربنا الى ما ينصلح به حالنا ويستقيم معه أمرنا

اللهم آمين

باسم اداره منتدى 6 اكتوبر

نقدم اليكم بمسابقة بسيطة عن القرآن الكريم

ونذكر انفسنا ونذكركم بالحديث الشريف

(( ولا أقول الم حرف ولكن ألفٌ حرف ولامٌ حرف وميمٌ حرف ))

تابعونا باذن الله فى مسابقتنا البسيطة وباذن الله كلنا فائزين بالحسنات والمراجعة وقراءة القرآن الكريم

المسابقة هى سؤال يتم وضعه هنا يوم بعد يوم

أول سؤال باذن الله يوم السبت من كل اسبوع وثانى سؤال الاثنين وثالث سؤال الأربعاء

ومسموح بالإجابة على السؤال خلال 24 ساعة من وضع السؤال

الفائز الاول هو من يجيب على الأسئلة بصورة صحيحة ويجمع أكبر عدد من النقاط ..

يتم احتساب 3 نقاط لأول اجابة صحيحة
ونقطتين لصاحب الاجابة الثانية بشرط صحة الاجابة طبعا
ونقطة واحدة لصاحب الاجابة الثالثة بشرط صحة الاجابة طبعا

يتم فى نهاية الشهر تجميع النقاط للمشتركين
ويفوز الفائزين الثلاثة الذين حصلوا على أعلى درجات بدرع المنتدى

كما يتم تقديم هدية رمزية من
اداره المنتدى

للفائز الأول

كارت شحن بقيمة خمسين جنيه

ويحصل كل من الثانى والثالث على

كارت شحن بقيمة خمسة وعشرين جنيه لكل منهما

كما يتم منح وسام لكل من يشترك بالإجابة على اكثر من نصف الأسئلة خلال الشهر الكريم


كما يتم تقديم جائزة رمزية كل اسبوع للفائز الأول على مستوى الاسبوع
كارت شحن بقيمة عشرة جنيهات
بالاضافة الى وسام يتم منحه للفائز الأول كل أسبوع

كل عام وأنتم بخير وصحة وسعادة

[خلود]

ممكن اشترك وياكم

ربنا يخليك

انا دايسه معاكم بقى فى اى مسابقه دى كروت شحن مش اى كلام

كل سنه وانت طيب ياجمال واداره منتدانا واعضاؤه بخير يارب

[fagrmasr01]

كل عام وانتى بخير وطيبة
ومن ربنا دايماً قريبة

طبعا انتى تنورى المسابقة ونتشرف باشتراكك يا ست المديرة
بس خدى بالك مفيش واسطة .. الكل هيفوز والمسابقة كبيرة

[ahmedabdelziem]

كل سنه وانتوا طيبين
ومسابقه جميله ان شاء الله
انا بس جاى اقولكم معلش
متعملوش حسابى معاكو

[fagrmasr01]

كل سنة وانت طيب يا احمد واسرتك بخير
لسا اول سؤال يوم السبت باذن الله
واتمنى تشاركنا وتفوز كمان

[ahmedabdelziem]

ياحاج ربنا يخليك
بس انت عارف انا ماليش
فى الاسئله كفايه التفكير اللى مش بيخلص
فى القرارت اللى عماله تطلع لنا كل شويه
هههههههههههههههههههههه

[قموره]

مسابقه جميله جدا

بالتتوفيق ان شاء الله

وانا معاكم بمشيئه الله وكل عام وانتم بخير

[DMR]

معاكم بإذن الله
كل سنة و انتم طيبين و يا رب دايما فرحانين

[ام الاء]

كل عام وكل جميع الاعضاء بصحة وسلامة
بمناسبة شهر رمضان الكريم
اعاده الله على الامة الاسلامية بخير

[fagrmasr01]

أحبابى فى الله

اخواتى واخوانى فى حب سيدنا رسول الله صلى الله عليه وسلم

كل عام وانتم بخير وعلى خير دايما باذن الله

كل عام وانتم فى صحة وسعادة

باذن الله الكريم كلنا لازم نشترك فى هذه المسابقة السهلة البسيطة

لأن لها فوائد باذن الله كبيرة لينا كلنا

أهمها اننا سوف نتابع باذن الله البحث عن الاجابات فى كتاب الله الكريم

وباذن الله دائما يارب نجتمع عليه فى الدنيا الآخرة ونكون من أهل القرآن الكريم يوم يقوم الحساب

[fagrmasr01]

يشرفنى ويسعدنى أن أعلن عن
زيادة حجم الجوائز لتصبح كروت شحن بقيمة 140 جنيه
بالاضافة الى أوسمة عديدة تمنح لكل الفائزين


حيث سيتم تقديم هدايا رمزية اضافية
كل اسبوع كارت شحن بقيمة عشرة جنيهات
للفائز الأول فى كل اسبوع

ويكون مجموع الجوائز كالتالى

1 - كل اسبوع كارت شحن بقيمة عشرة جنيهات للفائز الأول أسبوعياً
مع وسام للتكريم

2 - كارت شحن بقيمة 50 جنيه للفائز الأول على مستوى الشهر
مع وسام للتكريم

3 - كارت شحن بقيمة 25 جنيه للفائز الثانى على مستوى الشهر
مع وسام للتكريم

4 - كارت شحن بقيمة 25 جنيه للفائز الثالث على مستوى الشهر
مع وسام للتكريم

[خلود]

ايه ده كل التشجيع ده

طيب انا معاكم بقى ماليش دعوه

على فكره وده للعلم بالنسبه لكروت الشحن الاسبوعيه فئه 10 ج مقدمه من الحاج جمال تشجيعا للمسابقه والمنتدى جزاه الله كل خير

اما الجوائز الشهريه مقدمه من اداره المنتدى

واتمنى الكل يشارك ويحقق اعلى النقاط والغرض هنا ليس لكسب الكروت ولكن لتنشيط المنتدى

وكل عام وحضراتكم بخير

[DMR]

ايه التشجيع ده كله ... ان شاء الله معاكم .. ربنا يجمعنا دايما على خير
و جزاكم الله خيرا

[fagrmasr01]

يارب يخليكم ويبارك فيكم
ويجازيكم خير الجزاء

بكرة السبت باذن الله أول سؤال
استعدوا والله يوفقنا جميعا لكل الخير

[@الملاك الطيب@]

كل سنه وانتو طيبين ورمضان سعيد على احلى منتدى
متابع ان شاء الله

[شذا]

وانا معاكم ان شاء الله

وكل سنه وحضراتكم طيبين وبخيرر

[fagrmasr01]

شذا و الملاك الطيب

المسابقة تنور بيكم والمنتدى ينور والعالم كله يزيد بيكم نور على نور

ياللا نستعد لأول سؤال

والحقوا اعزموا كل اصحابكم معانا ينورونا

[fagrmasr01]

بسم الله الرحمن الرحيم وعلى بركة الله

السؤال الأول

دعاء كريم ورد فى الجزء الثانى من القرآن الكريم هو :


{......... رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ ....}


ما هو رقم الآيه واسم السوره
وعلى لسان من جاء هذا الدعاء الطيب

[اميرة حبى انا]

رقم الايه 250 سورة البقرة وعلى لسان جنود سيدنا داود(طالوت)

[اميرة حبى انا]

مسابقة جميلة ومفيدة فعلا
معلش حليت قبل ما استأذن واهنيكم على المسابقة
عاملة زى اللى سلخ قبل ما يدبح
ههههههههههههههههههه

[DMR]

بسم الله الرحمن الرحيم
إجابة السؤال الأول

سورة البقرة .. الآية ( 250 )
لما واجه حزب الإيمان وهم قليل من " أصحاب طالوت " لعدوهم أصحاب جالوت ( قالو ربنا افرغ علينا صبرا ..... )

[fagrmasr01]

الله يبارك لك يا أميرة
ويجازيكى خير على اشتراكك وتشجيعك الجميل

[fagrmasr01]

الله ينور عليكى يادى دى
ويجازيكى كل خير على اشتراكك يارب فى ميزان حسناتك

[fagrmasr01]

وننتظر باقى المشاركات يا أحبابى الطيبين
يارب يكرمنا بصحبة القرآن لحد يوم الدين
اتمنى الجميع يشارك وكلنا بالمغفرة فايزين
نتجمع دايماً على الرحمة ونعيش كلنا آمنين

إنتباه .. تتوقف الاجابة قبل المغرب بدقيقتين

[خلود]

يلا اللى ملحقش يحل ويجاوب ويشترك

يلا قبل ما نشطب ياجدعاااااااااااااااااااان

والسؤال سهل ومسابقتنا جميله

[nouran_111]

السلام عليكم ورحمة الله وبركاته كل عام وانتم بخير وصحة وعافية
مسابقة رائعة جزاكم الله خيرا

[خلود]

[QUOTE=nouran_111;203710]السلام عليكم ورحمة الله وبركاته كل عام وانتم بخير وصحة وعافية
مسابقة رائعة جزاكم الله خيرا
و
عليكم السلام نوران

نورتى من تانى وكل عام وانتى بخير

تقدرى تشاركى ويانا فى المسابقه يانوران

وده يسعدنا جميعا

لسه المسابقه مستمره والجوايز كتيره وجميله

واتمنى ترجعى لمنتداكى اللى وحشتيه كتير

[fagrmasr01]

نورتى الدنيا يا نوران
ومن قلبى بقول لك
وحشتينا يا شاعرتنا المحبوبة

يارب متغيبيش عننا تانى باذن الله
وترجعى تنشطى لنا قسم الابداعات اللى بجد اشتاق لأشعارك الجميلة اللى مليانة احاسيس رووووعة
وياللا بئا بسرعة الحقى اشتركى ف المسابقة الحلوة دى

[fagrmasr01]

السؤال الثانى

فى الجزء الرابع من القرآن الكريم ورد هذا الدعاء الطيب المبارك

بسم الله الرحمن الرحيم
{رَّبَّنَا إِنَّنَا سَمِعْنَا مُنَادِيًا يُنَادِى لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ} ( .. )
{رَبَّنَا وَآتِنَا مَا وَعَدتَّنَا عَلَى رُسُلِكَ وَلاَ تُخْزِنَا يَوْمَ الْقِيَامَةِ إِنَّكَ لاَ تُخْلِفُ الْمِيعَادَ}

فما هو رقم الآيه واسم السوره
وعلى لسان من جاء هذا الدعاء فى سياق هذه الآية الكريمة

مسموح بالإجابة حتى آذان المغرب من يوم غد الثلاثاء 24 يوليو2012 باذن الله الكريم

[احمد 300]

وانا ممكن اشترك معاكم ولا عشان انا جديد فى المنتدى دايما نسينى

كل سنه والاعضاء بخير ويتعاد عليكم بالصحه والسلامه

[شذا]

انا كمان عايزه اشترك

ممكن

بس فاتنى اول سؤال بس هلحق باقى الاسئله ان شاء الله

[شذا]

الايه رقم 193 و 194 من سوره ال عمران

الايه جت على لسان الذين يذكرون الله قياما وقعوداوعلى جنوبهم ويتفكرون فى خلق السموات والارض

[DMR]

بسم الله الرحمن الرحيم
إجابة السؤال الثاني
سورة آل عمران الآية ( 193 ) ( 194 )
جاء الدعاء على لسان الذين يذكرون الله قياما و قعودا و على جنوبهم و يتفكرون في خلق السماوات و الارض

[قموره]

مسابقه جميله وهشارك وياكم ده بعد اذن استاذ جمال طبعا

رقم الايه 193 --- 194

وجاءت لسان من يتذكرون الله قياما وقعودا

اسم السوره ال عمران

[lionking]

انا عايزة الجوايز منغير ما اشارك

هههههههههههههههههههههههههههههههههههههه

احنا ادارة مع بعضينا ههههههههههه


هشارك ان شاء الله

[fagrmasr01]

وانا ممكن اشترك معاكم ولا عشان انا جديد فى المنتدى دايما نسينى

كل سنه والاعضاء بخير ويتعاد عليكم بالصحه والسلامه


انت طبعا تنور الدنيا كلها يا أخى الكريم
ومنتظر مشاركاتك .. ياللا شد حيلك يا بطل وشارك

[fagrmasr01]

نورتوا العالم بوجودكم

يارب يبارك ويزيدكم

وكروت ووسام رمز هدية

ومن قلبى ليكوا ألف تحية

[شذا]

نورتنا
ياعمو جمال
يارب بفضل متجمعين بوجودك
ووجدهم

[خلود]

رمضان السنه دى احلى واجمل بلمتنا كلنا مع بعض و

اشتركى يلا ياليون المسابقه للكل ومنظمها جمال وهيعلنها جمال ويلا ياجدعان قبل ما يرجع فى كلامه ياجدعااااااااااااااااااااااااااااااااااااااااااااا ن

[lionking]

اهدى بأه انتى ما صدقتى زيطة وزايطة فيها

مسابقة ايه بس هو انا ملاحقة ع البيت ورمضان

انا يا حبيبتى هاخد جايزة وخلاص احسن اطربق المنتدى واخلص على جمال

دى كروت شحن يا امى

:50 (25)::50 (25):

[خلود]

[QUOTE=ام الاء;203555]كل عام وكل جميع الاعضاء بصحة وسلامة
بمناسبة شهر رمضان الكريم
اعاده الله على الامة الاسلامية بخير
ايه ياام الاء

انتى فين

احنا ما صدقنا دخلتى مشيتى تانى ليه

يلا ياحاجه المنتدى يناديكى ونحن معه ننادى ونقول

انتى فين ياام الاء

وحشتينا ووحشتنا مواضيعك ومشاركارتك الجميله

[ام الاء]

انا موجودة
وان شاء الله هشترك معاكم فى المسابقة

هو ممكن اشترك ولا ايه

[ام الاء]

وسورة ال عمران
الاية رقم 193 / 194
الآ ية على لسان الذين يذكرون الله قياما وقعودا وعلى جنوبهم يتفكرون فى خلق السموات والارض

[fagrmasr01]

يا ألف أهلاً وسهلا بيكى اختى أم آلاء
انتى نورتى قلوبنا يا أم الاء ونورتى المنتدى كله
فرحتينى والله بوجودك ومشاركتك يا ام الاء
يارب يكرمك ويبارك لك

[fagrmasr01]

نورتنا
ياعمو جمال
يارب نفضل متجمعين بوجودك
ووجودهم


انا اللى قلبى منور بوجودكم ووجودك يا شذا
يارب دايماً موجودين ومنورين
جوه القلب وجوه العين

[fagrmasr01]

اهدى بأه انتى ما صدقتى زيطة وزايطة فيها

مسابقة ايه بس هو انا ملاحقة ع البيت ورمضان

انا يا حبيبتى هاخد جايزة وخلاص احسن اطربق المنتدى واخلص على جمال

دى كروت شحن يا امى

:50 (25)::50 (25):



أهى دى الثقة والا بلاش
اهم حاجة توريلهم القوة والتهديد والتخويف والإرهاب اللى على حق
مع ان بصراحة بئا الأسهل والأحسن
... تخلصيلهم على جمال ..
ونريح العاللللللم كله منه ونرتاح

[fagrmasr01]

(( 3 ))

السؤال الثالث
يقول رب العزة والجلال فى محكم التنزيل فى الجزء الخامس من القرآن الكريم

بسم الله الرحمن الرحيم

(( ........ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا ...))

ما هو رقم الآية واسم السورة
وعلى لسان من جاء هذا الدعاء فى سياق الآية الكريمة

[يحيى مطرواى]

أية رقم75/سورة النساء/جاء هذا الدعاء على لسان المظلومين من المسلمين فى مكة قبل الفتح

[ام الاء]

متشكرة اوى با جمال
المنتدى منور بك وباعضاءه
وكل عام وانتم بخير

[ام الاء]

رقم الاية 75 من سورة النساء

جاءت هذه الآية على لسان المستضعفين من الرجال والنساء

[DMR]

بسم الله الرحمن الرحيم
اجابة السؤال الثالث
الآية ( 75 ) سورة النساء
جاء هذا الدعاء على لسان المستضعفين من الرجال و النساء في مكة

[خلود]

شاطره يادى دى
منابعه وحاله وما شاء الله عليكى

شكلك انتى اللى هتكسبى

برافو عليكى ياحبيبتى

[ahmedabdelziem]

والله برافو عليكم
ربنا يوفقكم فى المسابقه
بس خلوا بالكو لحسن ابن مرسى
هو اللى يكسب فى الاخر
عشان حزب الاغلبيه

[fagrmasr01]

أحبابى اعضاء المنتدى

بحمد الله عز وجل وبتوفيقه سبحانه وتعالى

ثم بمشاركاتكم الطيبة

استكملنا الأسبوع الأول فى مسابقة شهر رمضان القرآنية

وفى هذا الرابط تجدون مسابقة الأسبوع الثانى
وكذلك نتيجة المسابقة للأسبوع الأول
http://www.vb.6ocity.net/showthread.php?t=120008&p=204101#post204101

مع العلم بأن للمسابقة جوائزها الأسبوعية وفى نفس الوقت يستمر تجميع النقاط للمشاركين من اول يوم وحتى نهاية الشهر باذن الله