صـــــــــــور مــــــرفـــــــوضـــــــة

[lionking]

السلام عليكم ورحمة الله وبركاته

http://www8.0zz0.com/2012/07/18/07/853928862.gif (http://www.0zz0.com)

موضوع شاغل دماغى جدااا

صور مرفوضه بنشوفها طول ما احنا عايشين

وبنتعامل فى حياتنا

عايزين نجيب الصور دى
ونتناقش فيها مع بعض

بهدووووووووووووووووووووووووووووووووء

الصور دى ممكن تكون سلوكيات غريبة انتشرت

افكار غريبة ظهرت

اشكال عجيبة انتشرت فى مجتمعنا


انا هنا بمساعدتكم ( يعنى تتفضلوا تذكروا الصور المرفوضه من وجهة نظركم )

هحاول اجيب الصور ده

يمكن لو لفتنا نظر بعض ليها وكنا بنعملها نتكسف ونبطل نعملها



نسمى الله وأبـــــــــدأ

من الصور المرفوضه اللى ملاحظاها


الـــــعـــــصـــــبـــــيــــــــــة

الناس كلها او معظمها بقت عصبية بطريقة غريبة
وكانهم كانوا مرفهين وعايشيين فى رغد وفجاه اتوكسوا الوكسة دى

مش عارفة ايه اللى جد وخلى الناس بالعصبية دى
ما انتوا عايشيين فى الهم ده طول عمركم والفقر محاوطكم
وكنتوا ساكتين

ايه الجديد بأه
؟؟؟؟؟؟؟

[fagrmasr01]

ههههههههههههههههههههه

ايوة صح

ايه الجديد

مفيش جديد بس الصبر طااال .. والليل مش باين له نهار
كان بننفخ فى قربة مخرومة .. وخيبتنا مش نافع لها أعذار
وكل واحد بيعلق خيبته على شماعة.. وبطلت تكون أسرار
اما اللى انا هنا رافضه ..وقارفنى ... وقايد جوا قلبى النار
الباهوات اللى باسم الدين مربيين الدقون تمثيل وهم م الفجار
اللى ممسوك جوا عربية واصحابه ولا حتى أعلنوا استنكار
وهجوم من كل شكل ولون .. على كل من يشتبه انهم ثوار

[خلود]

طيب والله موضوع جميل بجد والصورتين اللى قولتوهم وجودين فعلا فى حياتنا ومنتشرين بطريقه تنرفز

راجعه لكم تانى بصور كتير مضايقانى ومعصبانى جدا

تسلمى ياحاجه ليون

[ahmedabdelziem]

لا انا فعلا فى حاجه بتعصبنى بجد
هو تقبل الناس لاغانى فيها الفاظ خارجه وزى الزفت
وبقيت احس انها حاجه عاديه مش عارف ليه
انا زمان كنت اعرف ان اغنيه السح الدح امبو
ديه اغنيه وحشه وعيب اغنيها
وكان ابويا بيقولى اسمع لاتكذبى لنجاه
او اسمع عبدالحليم
انا خايف بقا يجى الوقت اللى اقول لابنى فيه
اللى بيتسمعه ده اغنيه وحشه
اسمع اغنيه الحنطور للفنانه الرائعه امينه
او اسمع المطرب العظيم شعبان عبدالرحيم

[خلود]

هههههههههههههههههههه

والله عندك حق يااحمد

انا بقى يغيظنى اوى الناس الحشريه اللى حاطيين مناخييرهم فى كل حاجه تتخصهم او مش لهم دعوه بيها

دايما فاهمين كل حاجه ودايما عايزين يعرفوا كل حاجه ومش يرتاحوا الا لما يقعدوا على الخبر

[lionking]

ههههههههههههههههههههه

ايوة صح

ايه الجديد

مفيش جديد بس الصبر طااال .. والليل مش باين له نهار
كان بننفخ فى قربة مخرومة .. وخيبتنا مش نافع لها أعذار
وكل واحد بيعلق خيبته على شماعة.. وبطلت تكون أسرار
اما اللى انا هنا رافضه ..وقارفنى ... وقايد جوا قلبى النار
الباهوات اللى باسم الدين مربيين الدقون تمثيل وهم م الفجار
اللى ممسوك جوا عربية واصحابه ولا حتى أعلنوا استنكار
وهجوم من كل شكل ولون .. على كل من يشتبه انهم ثوار



الله عليك يا جمال الله عليك

ده كله كوم والبهوات دول كوم تانى خااااااااااااااااااااااااااااالص

[lionking]

طيب والله موضوع جميل بجد والصورتين اللى قولتوهم وجودين فعلا فى حياتنا ومنتشرين بطريقه تنرفز

راجعه لكم تانى بصور كتير مضايقانى ومعصبانى جدا

تسلمى ياحاجه ليون



تسلميلى يا بنتى

مستنياكى اوعى تتاخرى

[lionking]

من الصور المرفوضه

غباء وقلة ذوق قائدى السيارات

فى مصر فقط

لما تدى اشارة يمين او شمال تلاقى اللى وراك يكبس عليك بغباء

فى مصر فقط

محدش بيستعمل الزرار بتاع الفلاشر قبل المطبات او عند الطوارىء

فى مصر فقط

الحارة اللى ع الشمال بيمشي فيها عربيات مكسحة سرعتها مش بتعدى ال 60 او 80 ولما تبصله يعمل عبيط

فى مصر فقط

محدش بيقف ع الاشاره الا لو العساكر واقفين انما الاشاره لوحدها والله ماحد بيعبرها
ولو وقفت الناس يبصوا عليك ويقولوا مجنون

فى مصر فقط

الناس ايديها ع الكلاكس باستمرار وكأن مافيش حاجة فى السواقة اسمها لغة النور والتقليب

فى مصر فقط

لما تكون عربيتين جايين فى وش بعض بالليل وتقلبله نور عشان تفكره يطفى العالى يقوم يتنح ويخلى العالى شغال


فى مصر فقط

معظم الحوادث هتلاقيها عند اليوتيرنات بسبب واحد بيقص حته بالعكس


انا اتخنقت ومش عايزة اكمل

[ahmedabdelziem]

وفى مصر فقط لازم نغير الغير
انما نغير نفسنا انسى
كله بيقول هى جات عليا انا يعنى