صوم 3 ايام يامرسى بقى

[خلود]

'أقسم بالله العظيم أن أحافظ مخلصاً على النظام الجمهوري، وأن أحترم الدستور والقانون، وأن أرعى مصالح الشعب رعاية كاملة، وأن أحافظ على استقلال الوطن وسلامة أراضيه'
ده اليمين اللى اقسمه مرسى
اللى عمله مرسى ده بيقول للناس احنا بقينا فى سوق مش دوله
خلاص هنبقى سويقه مش دوله محترمه
اللى مش عاجبه حكم ينزل يعمل مظاهره
اللى مش عاجبه حكم يجيب واسطه تلغيه
نازلين تقولوا بتحاربوا الاسلام و و ضد الدين بأماره ايه اننا بنقول لاء ولا من اولها اللى مش عاجبه يشرب من البحر و الترعه ولا من اولها هيبقى الخروج عن الوالى ؟؟؟؟
اللى يعرف مرسى يفكره ان 10 % بس من الشعب و اللى معظمهم او كلهم من الجماعه هما اللى اختاروه
عايز يخلى الرئاسه اخوانيه و المجلس اخوانى و الشاطر (الرئيس الحقيقى ) رئيس وزراء ؟؟؟
مصر مش عزبه و لا احنا غنم علشان نمشى بمزاج مرسى واذا هو مش عارف يعنى ايه قانون اقوله احنا مش فئران علشان يجرب فينا اللى على هواه وعليه يفهم يعنى ايه دوله و دستوريا عليا
افتكرنا ان البلد هتنظف لقينا نفسنا ماشين من حزب وطنى لحزب الاخوان
حد فكر ليه القرار ده طلع انهارده بعد اجتماع مجلس شورى الجماعه !!!!!

الرئيس من الشعب و يقدر يسائل قانونيا ومحدش فوق القانون

[lionking]

مهو احنا يا اما مع المجلس النيله العسكرى يا اما مع الرئيس محمد مرسي

تحبى تختارى ايه بالضبط

[خلود]

ولا ده ولا ده

مش عايزاهم الاتنين

ومن الاخر كده

زهقت ومش قادره اقول زهقت منك يامصر لانك فى دمى

بس اللى بيحصل ده كتير اووووى علينا

[اميرة حبى انا]

كلام زى الفل
وقشطة جدا
وطيب
http://www.cksu.com/vb/storage/avatars_pictures/avatar64886_10.gif
حد بس يقولى بيروحوا تركيا ازاى والنبى
http://2.bp.blogspot.com/_OAA_L5twb7s/SQOLa7DRUII/AAAAAAAAAAc/nXQbXG-9kd0/s320/hawahome_babeis19.jpg

[اميرة حبى انا]

http://img.al-wlid.com/imgcache/13262.png
ومالو ده لما يبقى رئيس جمهورية مصر العربية
ههههههههههههههههههه
والنبى عثثثثثثثل

[خلود]

هههههههههههههههههههههه

ياصباح التهيس يااميره

ربنا يكرمك يااوختى اعملى حسابى معاكى فى تذكره والاخت ليون برضو اظن كانت ناوياها

[قموره]

اظن مرسى خانه التفكير المظبوط فى الحركه دى

هو اتحل وكانت هتتعمل انتخابات تانى ويتم الاختيار مره تانيه ليه بقى وايه المصلحه فى اللى حصل ده

[فريد]

اعتقد الذين يهاجمون الرئيس من باب التهيس الهزار ده مش وقته بجد
ومرسى على حق و الايام ستثبت ذلك ارجو منكم عدم العبث بامن مصر و الانصياع وراء شائعات
مغرضة
ثم ان كان الف مستشار قالوا انه خطاء
فهناك الف ايضا قالوا قراره صحيح
هو لم يتعرض لحكم المحكمة الدستورية على العكس
قال نحترم القضاء الموضوع هو يستخدم صلاحياته فقط
وقراره صحيح لان المجلس سيحل بناء على حكم المحكمة بعد الدستور ب 60 يوم
سبحان الله وبحمده سبحان الله العظيم

[M.Khalifa]

رأيي بوضوح أنا لا يكفيني فقط أن يقوم مرسي بالغاء القرار الذي أصدره المجلس السمكري بحل مجلس الشعب
بل أريد عزل المجلس السمكري وماكمة أعضاء على الدماء التي أسالوها والأعراض التي انتهكوها وأرفض أن يقال عنهم أنهم حموا الثورة فأنا أراهم هم من أجهضوا الثورة وخدعوا الشعب وعاقبوه على ثورته ولو كان باستطاعته فعل شيء لفعلوا بالمصريين كما فعل نظام الأسد بشعبه فأريد ألا أرى أي أثر لهؤلاء حتى الثكنات أصبحت لا أئتمنهم عليها فمن يخون أبناء الوطن ويسحلهم لا يؤتمن على حمايتهم واختلافي مع مرسي انه بيقدم ليهم تنازلات وأنا متأكد انه لوعمل كده الشعب كله هيبقى معاه يااااه يا سلاااام لو أصحى من النوم ألاقيه عزل المجلس السمكري وعزل النائم العام وعزل شيخ الأزهر ومفتي السلطة وألغى الاعلان المكمم وطهر القضاء والاعلام ... ساعتها بجد سأفرح أنني أعطيته صوتي ...... كفانا ذلا وقبولا للاستعباد

[fagrmasr01]

من خلال قراءة بسيطة جدا لتطور التحالف بين العسكرى والاخوان ... انا واثق كل الثقة ان الريس لا يستطيع اتخاذ قرار مفصلى .. أغلب الظن انه اتفاق وتمثيلية سوف يكشفها الوقت القريب جدا
العسكرى والاخوان عايزين يسحبونا الى دوامات لا تنتهى .. حتى يحافظوا على مكاسبهم


ويكفى انه حتى الان لم يعلن عن اسم رئيس الوزراء الجديد ونكتفى بحكومة تسيير الأعمال .. امال هايتم تشكيل الوزارة امتى ؟ من المفترض ان كان عندهم خطة للتنفيذ والا لازم يفشلوا ولما نتكلم وقتها يقولوا اننا بنحاربهم


مش هو ده نفس الجنزورى الى كانوا عايزين يسحبوا منه الثقة بفارغ الصبر .. لماذا لم يتم حتى بداية اول خطوة فى طريق التغيير .. انه زمن يتم فيه منح التقدير للعسكرى والاخوان وللجنزورى

.. وتانى يوم يمثلوا علينا انهم مختلفين..

انه رأيى الشخصى .. الى ان يثبت الرئيس انه على الاقل قادر على ان يختار رئيس وزرائه او يعمل اى خطوة اى خطوة فى برنامج الـ100 يوم اللى هو نفسه أعلن عنه
احنا زهقنا من التمثيل والوعود والتحالفات التى تتم فقط على حساب الوطن
اتقوا الله فى مصر وقولوا قول الحق

يامجلس ياعسكرى ارحل

يا اخوان استلموا المسئولية او ارحلوا مع الراحلين

ياشعب مصر التف حول أهدافك او فلنعلنها صريحة
كلنا مشاريع شهداء

[ahmedabdelziem]

كنا مشروع شهيد ياحاج جمال وسنبقا
لكن الشهاده من اجل الوطن ورفع الظلم وليس من اجل اى تيار
كما يحاول تيار بعينه الان جرنا الى ذلك

اخيرا
الفكره لن تموت ستبقا مابقينا سنعلمها لابنائنا ونورثها للاحفاد
وسنبقا دائما مشروع شهيد من اجل مصر