شخابيط ليون كينج [الأرشيف] - منتدى مدينة 6 أكتوبر

lionking

05-07-2012, 01:22 PM

عايزة اقول كلمتين فى نفسى ومش عارفه احطهم فين بصراحة

فقلت اكتبهم هنا وخلود بأه وهيا بتروق المنتدى كده تشوف للموضوع ده مكان

معلش يا خلود استحملينى

انا اد والدتك برضو

هههههههههههههههههههه

حلوة اد والدتك دى !!!!!

خدوا بأه الكلمتين عشان انا صايمة ودايخة

نسمى الله ونقول

طبعا دى وجهة نظرى

انا شايفة ان المسيحية لا تتلخص فى شخص نجيب ساويرس وكمان الدين الاسلامى لا يتلخص فى عبد المنعم الشحات ولا البرهامى

ومشكلتنا اننا مش اغبياء لكن مش بنحاول نفكر ونفهم يعنى مش بنحاول نشغل الجمجمة شوية ومريحينها ع الاخر

وكمان احنا مش قادرين نحتوى بعض ونلم بعض لاننا اكيد معندناش مشكلة فى الحب مشكلتنا فى عدم الاحتواء

مشكلتا تكمن فى انعدام الضمير مش انعدام الفلوس والموارد

مشكلتنا اننا فقدنا الاخلاق والمبادىء العامة لان اكيد احنا معندناش مشكلة فى الدين سواء اسلامى او مسيحي لكن احنا اللى فقدنا مبادئنا وغيرنا سلوكياتنا الى الاسوأ

مشكلتنا تكمن فى الخلط وعدم التمييز لاننا اكيد بنعرف نفرق بين الابيض والاسود لكن بنحب الرمادى عشان كده مش بنميز الخبيث من الطيب

خلود

05-07-2012, 04:23 PM

ههههههههههههههههه

انا تعبت من الترويق ياليون وانتى بصراحه زودتيها اوى وكل يوم صايمه ودايخه وتعبانه وزهقتينى اخر 3 حاجات

ههههههههههه

اولا بالنسبه لموضوعك ياستى فلانه من شخابيطك يعنى بقلمك فهو يندرج تحت قسم بقلم الاعضاء ولذلك هينقل للقسم بتاعه

ثانيا بقى ياستى بالنسبه لكلامك مظبوط جدا جدا وفكرت فيه كتير اوى وسالت نفسى كتير اوى هو ليه ده وبيحصل ليه كده

ليه الناس اتغيرت وليه الفمفاهيم جوانا اتغيرت وليه كل واحد بقى يدور على مصلحته هو وبس

فى اول ايام الثوره كان فى ترابط جميل اوى ولجان شعبيه وكله واقف جمب بعضه وكله قلبه على مصر ومصلحتها

بعد كده الدنيا اتغيرت ليه وكله بقى يدور على مصلحته وهيخد ايه منها وبس

كله عايز يكون له مكان بصرف النظر مكانه ده هيخدم مصر ازاى

مسيحين ومسلمين نفسهم مصر تستقر كلنا هدفنا واحد

ادينا وصلنا لرئيس خلينا نشوف هيقدر يعمل ايه فى بلد واقعه ومستهدفه وربنا يستر

lionking

05-07-2012, 04:30 PM

ميرسي يا خلود انك نقلتى الموضوع

واحب اقولك ان ترويقك حلو ولوز اللوز

هههههههههههههههههههههههه

lionking

05-07-2012, 04:32 PM

بمناسبة بأه ان دى شخابيط ليون يعنى بتاعتى ههههههههههه

يبأه كل شوية احط شخبوطة صغنونة كده

وامركم لله بأه

:1 (14)::1 (14)::1 (14):

lionking

05-07-2012, 04:35 PM

عندى احساس اننا دلوقتى فى المرحلة الحرجة دى

محتاجين الكثير من العقل

والكثير الكثير من الادب وحسن التصرف

lionking

05-07-2012, 05:00 PM

والله انا فرحانه اووووووووووووى

بقالى حته ملك فى المنتدى

زعرطى يا انشراح

هههههههههههههههههههه

lionking

05-07-2012, 05:11 PM

والنبى يا ريس

الحرية لمعتقلى الحرية

lionking

05-07-2012, 05:27 PM

اللى يقولك انا من جماعة الامر بالمعروف والنهى عن المنكر

تلفي وبالشنطة اللى فى ايدك وعلى وشه علطول

يعنى تعلمى عليه

ولو ماشية منغير شنطة

تجري على اقرب زلطه وتحدفيه فى خلقته

وتقوليله

اتنيل على عينك يا اهبل

وطبعا لازم تجري فى الاخر

لانه فعلا اهبل ومش معروف هيعمل ايه

fagrmasr01

05-07-2012, 05:28 PM

والحرية بتقول لك يا ليون افندى انها زهقت ووانها عارفة جدا خالص انها مش هاتعرف توصل لمعتقلى الحرية

لأنها ياست الناس .. لو وصلت للمعتقلى الحرية .. لازم غيرهم يخشوا السجن

وغيرهم بقا ايه ياست البنات .. غيرهم دووول طلعوا ساكنين ف العلالى

والميه ... معندهاش موتور عشان تطلع فى العلالى

مياه الحرية ابارها غالية يا ليون

تحتاج الى ان نروى بئرها بالدماء

lionking

05-07-2012, 05:30 PM

الحرية تمنها غالي فعلا

لكن يجب ان لا ننسى معتقلوا الحرية

ولابد من المحاولة

fagrmasr01

05-07-2012, 05:59 PM

مش ننساهم باذن الله .. حتى لو العسكرى جاب مصحف ووقف يحلف ويقول لنا انهم بلطجية .. اغلب الناس دى والله متاخدة من الميادين او من بيوتهم واتحاكموا ظلم وبهتان

والله ان تركناهم لن نستطيع ان نحترم أنفسنا

لن ننسى حق الشهيد ولا المصاب ولا المعتقل باذن الله ولن تصمت الثورة مهما حاول المجلس السمكرى او مهما دافع عنه المنافقين .. او الصامتين .. فالساكت عن الحق شيطان أخرس

قموره

05-07-2012, 09:08 PM

ومن اخر كلام استاذ جمال ان الساكت عن الحق شيطان اخرس

ونحن وشبابنا لن يسكت لهم بعد اليوم

الشعب المصرى اثبت انه قوه ضاربه واطاح برئيسه بعد 18 يوم فقط

تحياتى لكل الثوار وشهداءنا

lionking

06-07-2012, 01:02 AM

تحياتى ليكى قمورة

نورتى الشخابيط بتاعتى بكلماتك الجميلة

تعيشي وتنورينى كده دايما

ههههههههههههههههههههههه

فريد

06-07-2012, 01:59 AM

lionking

06-07-2012, 02:11 AM

الموضوع رائع ياليون لكن
المشكلة بجد ومغلش بقى استحملينى
قى شخابيطك دى
المشكلة بقى انه بجد
فيه تحامل غير محدود على التيارات الاسلامية
مش من النصارى و بس
لا فيه ايضا مايسمون بانهم مسلمون اسما فقط
لكنهم اشد خطرا على الاسلام من النصارى
طيب ايه السبب
انها المصالح الشخصية
خدى بالك بقى قبل الرد انا مقلتش لا سلفيين
ولا اخوان ولا جماعات اسلامية
انا تكلمت فى العموم
و الثورة مستمرة
بس لا داعى للهجوم على الرئيس فهو يحاول جاهدا ان يكون رئيسا
رغم كل العوائق
مساء الشخابيط بس اوعى
تشخبطى على الحيط
احسن طنط خلود
تزعل
هههههههههههه

يادى النور والهنا

فريد عندى فى شخابيطى

خد بالك دى اول حته ملك ليا فى المنتدى ده

ومنورنى والله

بص يا سيدى

الخوف اللى عند العامة من المسلمين اللى مش متاسلمين مجاش من فراغ طبعا

خلينا كده انا وانت نتكلم بهدوء الله يسترك

دلوقتى الناس كانت عشمانه فى التيارات الاسلامية جدااا والدليل انهم انتخبوهم فى مجلس الشعب باعداد رهيبة

لكن للاسف الاعضاء الافاضل خيبوا املهم فيهم

ده غير بأه اتجاهات السلفيين اللى ظهرت فى المجلس بشكل غريب وحرمانية كل حاجة فجاه

من وقوف حداد او وقوف للسلام الوطنى

وغيره كتير اوووووووى

دى كلها حاجات تخوف العامة المسلميين اللى مش متاسلمين

معايا ولا تهت منى

:1 (5): :1 (5):

lionking

07-07-2012, 02:24 PM

نفسي فى الفانوس ابو شمعه

فريد

07-07-2012, 08:02 PM

نفسي فى الفانوس ابو شمعه
عارفة روحى للريس عند القصر
وقولى عاوزة فانوس بشمعة
مبارك مجبوش
مش انت الريس
عاوزه دلوقتى ياما هاروح لطنط لميس و اونكل الابراشى و الجزمة
عماد و باقى الشلةواقول الريس قالى مفيش

lionking

08-07-2012, 01:41 AM

خدوا الشخبوطة دى

قمة المسخرة لما بكون سايقة العربية وداخلة نفق واوطى راسى

احسن اتخبط

ههههههههههههههههههههه

والله حلوة جداااا

fagrmasr01

08-07-2012, 01:51 AM

الله ينور عليكى يا ليون بصراحة احلى شخابيط

lionking

08-07-2012, 01:53 AM

تسلملى يا جمال

حاجات خفيفة عشان الناس متتعصبش عليا

ههههههههههههههههههههه

lionking

08-07-2012, 12:10 PM

كل ده يا مووووووووووووورسي عشان تشيل النائب العام

يالهوتـــــــــــــــــــــــــــــــــى

lionking

08-07-2012, 02:36 PM

آرائي هنا لا تعبـــــــر عنـــــــــــي
ولكــــــــــن
عن مــــــــــرارتــــــــــــي
واللى جرالها

lionking

17-07-2012, 01:02 PM

هو إنتى يا حبيبتى مجرد سكن ولا جواز سفر ولا حتة أرض فاضية جنب شط وسموها وطن
والله لو ضهرك الغالى انكسر الدنيا كلهاح تدفع التمن وبرضه مايكفيش

على سلامة

lionking

24-07-2012, 11:21 AM

يا ريس

سيبك من موضوع جمع القمامة اللى شغال فيه ده

وادخل ع التقيل بأه

الـــ 100 يوم بيخلصوا وهتتحاسب

اووووووووووووف

اللهم انى صايمة

lionking

25-07-2012, 02:18 AM

هشام قنديل

مين هشام قنديل ده يا مووووووووووورسي

تصدق ان مبادىء الشلل السباعى ابتدت تظهر عليا

اشكو الـــــــــــــــــــــــيــــــــــــــــــــــــ ـــــــــك

lionking

25-07-2012, 01:39 PM

أهـــــــــــــــــــــــم إنــــــجـــــــــــازات

ثورة 25 يناير

وصــــــــــــــــول الاخـــــــــــــوان للحـــــــــكـــــــــــــــــــم

والســـــــــلام عليــــــــــكم ورحـــــــــمـــــــــــة الله وبركــــــــــــاته

قموره

25-07-2012, 02:17 PM

كانوا بيحلموا بيها فعلا

وجت لهم لغايه عندهم

امله

lionking

26-07-2012, 01:24 PM

اه والله يا قمورة

لله الامر من قبل ومن بعد

ahmedabdelziem

27-07-2012, 01:59 AM

lionking

28-07-2012, 03:41 PM

ياستى انت عندك حق فى اللى انت بتقوليه
بس نرجع ونقول ان ظروف الحياه وتفكير الناس فى لقمه العيش
خلى دماغ الناس مش بتشتغل غير فى المفهموم ده
انما بقا انهم يحاولوا يتفهموا ايه اللى بيحصل
احب اقولك انا كل يوم بشغل دماغى
وبرضو مش قادر افهم ايه اللى بيحصل
ولا اصلا فاهم انا دخلت ارد ليه

هههههههههههههههههههههههههههههه

وال الرجالة اذكى من الستات ياراجل اتقى الله بأه

ههههههههههههههههههههههههههههههههه

وبعدين انا ممكن اقولك دخلت ترد ليه :)

دخلت ترد عشان لازم تدخل ترد وياريت متسالش ليه لازم لانى معرفش ليه لازم بس اهو كده وخلاص

انت تنورنى يا احمد فى اى وقت وممكن تشخبط عادى هنا ماهى سايبة اهى

ههههههههههههههه

fagrmasr01

28-07-2012, 06:42 PM

جيت اشخبط شخبطة
لقيت الحالة متلغبطة
ناس فرحانة مزقططة
وناس حزينة متنططة
فى الذيول متشعبطة
وناس بتاكل الجمبرى
وناس يا عينى متكحرطة
بلقمة حاف ومشطشطة

fagrmasr01

28-07-2012, 06:54 PM

قلت اجرب اكتب فى السياسة
وهامثل انى شيك آخر كياسة

وأشترى من هايبر او كارفور
وع الأسواق رح ألف وأدور

وهامسك فى ايدى مجلة شيك
احكى انجليزى كلام سمباتيك

لقيتنى ف اخر شخابيطى صحيت
مُدوِن مديون .. على بيتنا جريت

والباهوات حملات نظافة فى الميادين
واحنا الغلابة بنبكى ونايمين جعانين

وأكوام دعاية .. واليافطة بملايين
واحنا يا ولداه ... نايمين جعانين

يحيا الاخوان ......... المسلمين

lionking

29-07-2012, 12:06 AM

جيت اشخبط شخبطة
لقيت الحالة متلغبطة
ناس فرحانة مزقططة
وناس حزينة متنططة
فى الذيول متشعبطة
وناس بتاكل الجمبرى
وناس يا عينى متكحرطة
بلقمة حاف ومشطشطة

روووووووووعة وربنا يا عم الحاج

تسلم شخابيطك

lionking

29-07-2012, 12:08 AM

lionking

29-07-2012, 11:07 PM

ليه كده يا مرسى

طب احنا ونستحمل عمايلك وامرنا لله

لكن السوريين ذنبهم ايه فى وكستنا التقيلة

بتعدى السفن الصينية والروسية من القناة ليه يا موووووووووووووورسي

ahmedabdelziem

30-07-2012, 02:25 AM

هقول ايه ايه فى مرسى
لو سكت دمى هيفضل محروق
ولو شتمته هياخد حسنات على قفايا
احسن حاجه انى اقول
اللهى تنشك فى قلبك يامرسى

lionking

02-08-2012, 10:15 PM

متعاطفه بصدق مع شباب الإخوان،
كيف سيبرروا الهتاف للعسكر ثم لإسقاطهم ثم إبقائهم؟
كيف سيبرروا دعم الجنزوري ثم المطالبة لإسقاطه تم ابقائه ثم تكريمه ؟؟

كان الله فى عونكم يا شباب

lionking

04-08-2012, 03:45 AM

كان ادامكوا فرصه تبقوا بنى ادمين يا اخوان

لكن الحمد لله طلعتوا حيوانات رسمى واغبياء اخر حاجة

اتفووووووووو عليكم وعلى غباؤكم

fagrmasr01

04-08-2012, 11:43 AM

ولن يتغيروا .. مهما امتد بهم الزمان او تغيرت بهم الأحوال

lionking

04-08-2012, 01:17 PM

شعار الاخوان الجديد

يوم ما ابطل ابرر هكون ميت اكيد

lionking

05-08-2012, 11:19 PM

عندما تختفي مقولة مسيحي بس كويس و ملتحي بس مش نصاب .... ستختفي الطائفية في مصر

lionking

08-08-2012, 03:55 PM

طول ما في خالد عبد الله اكيد لازم يكون في توفيق عكاشة العبيط

ahmedabdelziem

08-08-2012, 10:17 PM

تعيين حمدى بدين ابو كرش تخين وسمين
مستشارا عسكريا لسيناء

هى اقاله ولا ترقيه

lionking

10-08-2012, 01:12 PM

ده اسمه كيد عوالم يا احمد

يعنى الرئيس يقيله يقوم طنطن يرقيه

عرفته بأه ان العصابة كبيرة اوووووووى

lionking

10-08-2012, 01:41 PM

لآ تگونوا صامتينَ دائماً .. فـَبعض الأعترافـَات قد ّتغيِر الگثير!

ahmedabdelziem

11-08-2012, 02:03 AM

من ناحيه كيد عوالم
فده شئ مش جديد
على اصحاب الكاس والمزاج
لكن لما يكون عندى رئيس بفتح الجاكت
ويسكت على حاجه زى كده
يبقا احنا الحمد لله جبنا رأس كرمبه

lionking

11-08-2012, 01:25 PM

من ناحيه كيد عوالم
فده شئ مش جديد
على اصحاب الكاس والمزاج
لكن لما يكون عندى رئيس بفتح الجاكت
ويسكت على حاجه زى كده
يبقا احنا الحمد لله جبنا رأس كرمبه

شكل الصيام نساك الاعلان المكمل

ع العموم بشوية الاجراءات دى ابتدى يمسك الموضوع وده رايى حبيبك صباحي

lionking

14-08-2012, 03:02 PM

انا تعبت اووووووى

رمضان السنة دى متعب موووووووووووت

fagrmasr01

14-08-2012, 06:19 PM

كل عام وانتى والأسرة والمسلمين
بخير وصحة وسعادة

lionking

19-08-2012, 04:50 AM

كل سنة وانت طيب يا جمال والمنتدى كله بخير وسعاده يارب

lionking

22-08-2012, 01:31 AM

البلد كلها بتتحول لمستعمرة اخوانيه

هههههههههههههههههههههههه

الناس كلها بتمسح جوخ للاخوان الا من رحم ربى

ahmedabdelziem

22-08-2012, 02:07 AM

شكل الصيام نساك الاعلان المكمل

ع العموم بشوية الاجراءات دى ابتدى يمسك الموضوع وده رايى حبيبك صباحي

لا الحمد مش بنسى
وحمدين حبيبى فعلا بس انا مش تابع لحد
عشان اسمع واردد وبس
كل واحد بيكون ليه رائيه اللى بيحتمل الصواب او الخطاء

مصطفى مامون

24-08-2012, 01:52 AM

اولا مبروك الايجار ليون حته فى المنتدى عقبال الملك
ثانيا عنوان الموضوع رائع 0شخابيط )
ثالثا هو مين مع مين ومين ضد مين لحسن قرأتالموضوع ومش عارف

مصطفى مامون

24-08-2012, 01:58 AM

متهيألى انك ضد الاخوان والا مرسى والا المجلس العسكرى والا الثوره المضاده او الفلول او الصحافه الصفراء
ضد لاميس الحديدى والا مع محمد ابو حامد ضد المصريين الاحرار والا مع هشام قنديل بشجع الجنزورى والا عايزها اسلاميه بحته والا ليبراليه مع تاجير قناه السويس والا مع الاتفاق مع ايران والا تجديد معاهده كامب ديفيد والا نعلن الحرب ونحرر القدس نشترى الرغيف ابو شلن والا نلغى الدعم (بقينا فى بلد مش عارفين ليها اول من اخر توبها وسع اوى ومش لاقيين ترزى ناصح يأيفه

خلود

24-08-2012, 02:13 AM

وطول ما احنا احزاب وتكتلات وهمنا مصلحتنا بس مش هنلاقى الترزى ده يامصطفى

ايمتى هنمسك فى ايد بعض ونبقى زى ايام الثوره شعار وتنفيذ ايد واحده

lionking

24-08-2012, 02:14 AM

هههههههههههههههههههههههههههههه

بص يا زعيم

انا مع المدنية بحكم انى ليبراليه وللاسف الصناديق والجهل والاميه جابوا مرسي ومش مع الانقلاب على الصناديق خالص

واعتقد ده صح جدااا خلى اللى جاب مرسي يشرب من كيعانه

اكره وامقت لميس الحديدى وعيلتها كلها وفرع اديب كله والجلاد وخيرى رمضان ومصطفى بكرى وكل الناس التيييييت اوى اللى معروفيين

مرسي رئيسنا شئنا ام ابينا له منا كل احترام وتقدير وعلينا ان ننقده ولا نهينه

تقولي يا بت يا ليون تكرهى ايه اقولك اكره الاخوان المنافقين المتلونيين الكدابين وكل اللى على شاكلتهم

تقولى هل انتى مع حريه الصحافه اقولك طبعا مع حريه الصحافه والتعبير واللى يغلط او ينشر اكاذيب توقع عليه غرامات باهظة

اقولك بحترم الاسوانى وحمدى قنديل وحمزاوى معتز عبد الفتاح والدكتورة هبه عبد الرؤوف وكمال خليل الناشط السياسى ونواره نجم برغم تحفظى على اختيارها لالفاظها

اقولك انا مع الليبراليه

اقولك ان البرادعى رجل لم يكذب علينا قط وانا معاه قلبا وقالبا ( برادعاويه صميمة )

بحب فكر 6 ابريل واختلفت معاهم لما ايدوا مرسي

ضد خرافة تاجير قناة السويس

مع تجديد معاهدة كامب ديفيد

ضد المجلس العسكرى من اول يوم وعمرى ما حبيت هتاف الجيش والشعب ايد واحده

اقولك حكومة قنديل لازم تاخد فرصتها زيها زى الرئيس

عايز ايه تانى

ع العموم اسال يا زعيم وانا اجاوب

مصطفى مامون

24-08-2012, 02:19 AM

مرسي رئيسنا شئنا ام ابينا له منا كل احترام وتقدير وعلينا ان ننقده ولا نهينه
كنت عايز اسمع دى واقرأها لكى تحياتى وان ساختلف معك فى البعض وسأؤيدك فى البعض ولكن كما تعودنا دوما فى احاديثنا ان اختلافنا لايفسد مابيننا من ود

lionking

24-08-2012, 02:21 AM

اختلف يا زعيم براحتك بس قولى مختلف فى ايه الله يسترك

وانا سعيده جدااا بوجودك فى شخابيطى

يلا بسرعة اكتب الاختلافات

مصطفى مامون

24-08-2012, 02:48 AM

هههههههههههههههههههههههههههههه

بص يا زعيم

بصيييييييييييييييييييييييييييييييييييييييييت اهو
انا مع المدنية بحكم انى ليبراليه وللاسف الصناديق والجهل والاميه جابوا مرسي ومش مع الانقلاب على الصناديق خالص
طب ممكن اعرف ياليون امتى الانسان دعا الى دوله مش مدنيه 0رسولنا الكريم امر غير المسلمين من اليهود والنصارى ان يتتبعوا احوالهم الشخصيه بينهم فهم افقه فيها وانا مع تعديل الماده الثانيه باضافه فقره ان يكون لغير المسلمين الحق فى تتبع احوالهم الشخصيه عن طريق محاكم شرعيه للكنيسه او المعبد
واعتقد ده صح جدااا خلى اللى جاب مرسي يشرب من كيعانه

فعلا الناس اللى جابت مرسى هتشرب بس هتشرب خير بئا الراجل اللى حافظ كتاب ربنا واللى كرم حفظة القرأن والا الراجل اللى سأل على منه شلبى هى ماجتش ليه فى عيد الفن عشان تسلم عليه ههههههههههههه
الراجل ده هو اللى شالك المجلس العسكرى اللى انتى كرهاه واللى قال عليه اردوغان ان اللى عمله مرسى فى شهر ونصف صنعه هو فى سنيين علشان يتخلص من العسكر الترك
اكره وامقت لميس الحديدى وعيلتها كلها وفرع اديب كله والجلاد وخيرى رمضان ومصطفى بكرى وكل الناس التيييييت اوى اللى معروفيين

معاكى قلبا وقالبا لان دول ابواق نفاق وكان ليهم مصالح مع النظام السابق بالعكس دا واحد زى مجدى الجلاد انا شفت له يوتيوب بيقول ان صوته محجوز لجمال مبارك
مرسي رئيسنا شئنا ام ابينا له منا كل احترام وتقدير وعلينا ان ننقده ولا نهينه

تقولي يا بت يا ليون تكرهى ايه اقولك اكره الاخوان المنافقين المتلونيين الكدابين وكل اللى على شاكلتهم

ليون احنا جربنا الاشتراكيه مع عبد الناصر والراسماليه المتحرره مع السادات والانتهازيه مع مبارك وقبلهم الملكيه مع فاروق ماتيجى ندى فرصه للاسلاميه مع الاخوان يمكن ينفعوا وبينا وبينهم صناديق وميدان
تقولى هل انتى مع حريه الصحافه اقولك طبعا مع حريه الصحافه والتعبير واللى يغلط او ينشر اكاذيب توقع عليه غرامات باهظة

لما الحريه تقول انى اقول على رئيس الجمهوريه عبيط ومفضوح وخدام لامريكا من غير ادله ولا مستندات ولما تمس حياته الشخصيه متبقاش دى حريه تبقى قله ادب وتطاول انا كنت لسه بتفرج على عبد الحليم قنديل من شويه بيعيب الحبس على الصحفيين اللى موجود فى الدستور الجديد اللى بيتعمل حتى لو مس الخبر العرض الشخصى او السب او القذف بالذمه دا كلام يعنى هو الصحفى ملك من السما منزه عن الحساب والقضاء احنا بنرجع والا بنتقدم دا اوباما اقسى نقد او كلمه اتوجهت له هى كلمه الخاسر مش العبيط
اقولك بحترم الاسوانى وحمدى قنديل وحمزاوى معتز عبد الفتاح والدكتورة هبه عبد الرؤوف وكمال خليل الناشط السياسى ونواره نجم برغم تحفظى على اختيارها لالفاظها

مؤيدك حتى فى تحفظى على نواره ومش تحفظى بس لا تجريمها على الاقل فى حق محمد حسان
اقولك انا مع الليبراليه
وانا مع الليبراليه الاسلاميه

اقولك ان البرادعى رجل لم يكذب علينا قط وانا معاه قلبا وقالبا ( برادعاويه صميمة )

البرادعى هو عزيز المصرى لثوره يناير هيذكره التاريخ بعد زمن انه الاب الروحى للثوره المصريه ماكانش نفسى يبقى ريس لمصر لان مش بالضروره الزعماء يكونوا رؤساء فلو كان اختار لنفسه الزعامه بعيدا عن الرئاسه لكانت صورته افضل وهو بالطبع تنازله اعطاه ذلك بس ياخساره حب السلطه هيرجعه تانى للكرسى والانتخابات وساعتها هيخسر كل شىء لان فيه ناس خلقت للزعامه وحب الجماهير واناس اخريين خلقوا للرياسه ودهاء السلطه والكل اختلفوا على عبد الناصر والسادات ولم يختلفوا على مصطفى كامل ومحمد فريد
بحب فكر 6 ابريل واختلفت معاهم لما ايدوا مرسي

معاكى وهم فعلا شريك اساسى فى ثوره وتايدهم لمرسى كان لنفس السبب انى وانك ايدنا مرسى لان لو مكنش مرسى كان بئا شفيق
ضد خرافة تاجير قناة السويس

دا هيبقى لعب عيال دى سياده مصريه
مع تجديد معاهدة كامب ديفيد
طبعا

ضد المجلس العسكرى من اول يوم وعمرى ما حبيت هتاف الجيش والشعب ايد واحده

اقولك حكومة قنديل لازم تاخد فرصتها زيها زى الرئيس

عايز ايه تانى
سلامتك
ع العموم اسال يا زعيم وانا اجاوب

lionking

24-08-2012, 03:01 AM

هههههههههههههههههههههههههههههه

بص يا زعيم

بصيييييييييييييييييييييييييييييييييييييييييت اهو
انا مع المدنية بحكم انى ليبراليه وللاسف الصناديق والجهل والاميه جابوا مرسي ومش مع الانقلاب على الصناديق خالص
طب ممكن اعرف ياليون امتى الانسان دعا الى دوله مش مدنيه 0رسولنا الكريم امر غير المسلمين من اليهود والنصارى ان يتتبعوا احوالهم الشخصيه بينهم فهم افقه فيها وانا مع تعديل الماده الثانيه باضافه فقره ان يكون لغير المسلمين الحق فى تتبع احوالهم الشخصيه عن طريق محاكم شرعيه للكنيسه او المعبد

الكلام ده اى ليبرالى او حد بيفهم بينادى بيه لكن اللى بيتكلموا باسم الدين هما اللى بيحاولوا يشككوا فى الكلام ده وانا معاك بالنسبة للماده التانية

واعتقد ده صح جدااا خلى اللى جاب مرسي يشرب من كيعانه

فعلا الناس اللى جابت مرسى هتشرب بس هتشرب خير بئا الراجل اللى حافظ كتاب ربنا واللى كرم حفظة القرأن والا الراجل اللى سأل على منه شلبى هى ماجتش ليه فى عيد الفن عشان تسلم عليه ههههههههههههه
الراجل ده هو اللى شالك المجلس العسكرى اللى انتى كرهاه واللى قال عليه اردوغان ان اللى عمله مرسى فى شهر ونصف صنعه هو فى سنيين علشان يتخلص من العسكر الترك

لا تقارن بين مرسي ومبارك
كتر خيره انه شال العسكرى وشاله عشان مصلحة الجماعة اللى مش عايز يخرج من عبايتها
اكره وامقت لميس الحديدى وعيلتها كلها وفرع اديب كله والجلاد وخيرى رمضان ومصطفى بكرى وكل الناس التيييييت اوى اللى معروفيين

معاكى قلبا وقالبا لان دول ابواق نفاق وكان ليهم مصالح مع النظام السابق بالعكس دا واحد زى مجدى الجلاد انا شفت له يوتيوب بيقول ان صوته محجوز لجمال مبارك
مرسي رئيسنا شئنا ام ابينا له منا كل احترام وتقدير وعلينا ان ننقده ولا نهينه

تقولي يا بت يا ليون تكرهى ايه اقولك اكره الاخوان المنافقين المتلونيين الكدابين وكل اللى على شاكلتهم

ليون احنا جربنا الاشتراكيه مع عبد الناصر والراسماليه المتحرره مع السادات والانتهازيه مع مبارك وقبلهم الملكيه مع فاروق ماتيجى ندى فرصه للاسلاميه مع الاخوان يمكن ينفعوا وبينا وبينهم صناديق وميدان
وهو ده اللى بقوله انهم ياخدوا فرصتهم للاخر بس ابوس ايديهم واحد واحد يبطلوا يربطوا الدين بالسياسه وسياسة التكفير والترهيب واستغلال الجهل بالدين
تقولى هل انتى مع حريه الصحافه اقولك طبعا مع حريه الصحافه والتعبير واللى يغلط او ينشر اكاذيب توقع عليه غرامات باهظة

لما الحريه تقول انى اقول على رئيس الجمهوريه عبيط ومفضوح وخدام لامريكا من غير ادله ولا مستندات ولما تمس حياته الشخصيه متبقاش دى حريه تبقى قله ادب وتطاول انا كنت لسه بتفرج على عبد الحليم قنديل من شويه بيعيب الحبس على الصحفيين اللى موجود فى الدستور الجديد اللى بيتعمل حتى لو مس الخبر العرض الشخصى او السب او القذف بالذمه دا كلام يعنى هو الصحفى ملك من السما منزه عن الحساب والقضاء احنا بنرجع والا بنتقدم دا اوباما اقسى نقد او كلمه اتوجهت له هى كلمه الخاسر مش العبيط

احنا الناس عندنا بقت سافلة وقليلة الادب وفهموا الديموقراطيه بالغباء ده وانا قلت نحترم الرئيس ولكن ننتقده ولا نهينه وبطلب بتوقيع غرااااااااامة واعاده نشر تكذيب فى نفس الصفحة بنفس المساحه لكن انك تحبس صحفى ده احنا كده رجعنا لايام الزفت مبارك
اقولك بحترم الاسوانى وحمدى قنديل وحمزاوى معتز عبد الفتاح والدكتورة هبه عبد الرؤوف وكمال خليل الناشط السياسى ونواره نجم برغم تحفظى على اختيارها لالفاظها

مؤيدك حتى فى تحفظى على نواره ومش تحفظى بس لا تجريمها على الاقل فى حق محمد حسان

بلاش تجيب سيرة الراجل ده معايا الله يخليك
اقولك انا مع الليبراليه
وانا مع الليبراليه الاسلاميه
وانا كمان معاها بس الاسلاميين او المتحدثين باسم الدين يسبونا فى حالنا مش يفضلوا يشككوا فينا وخلاص

اقولك ان البرادعى رجل لم يكذب علينا قط وانا معاه قلبا وقالبا ( برادعاويه صميمة )

البرادعى هو عزيز المصرى لثوره يناير هيذكره التاريخ بعد زمن انه الاب الروحى للثوره المصريه ماكانش نفسى يبقى ريس لمصر لان مش بالضروره الزعماء يكونوا رؤساء فلو كان اختار لنفسه الزعامه بعيدا عن الرئاسه لكانت صورته افضل وهو بالطبع تنازله اعطاه ذلك بس ياخساره حب السلطه هيرجعه تانى للكرسى والانتخابات وساعتها هيخسر كل شىء لان فيه ناس خلقت للزعامه وحب الجماهير واناس اخريين خلقوا للرياسه ودهاء السلطه والكل اختلفوا على عبد الناصر والسادات ولم يختلفوا على مصطفى كامل ومحمد فريد
بحب فكر 6 ابريل واختلفت معاهم لما ايدوا مرسي

معاكى وهم فعلا شريك اساسى فى ثوره وتايدهم لمرسى كان لنفس السبب انى وانك ايدنا مرسى لان لو مكنش مرسى كان بئا شفيق

انا لم اعطى صوتى لمرسي ولكن احترم اختيار الشعب
ضد خرافة تاجير قناة السويس

دا هيبقى لعب عيال دى سياده مصريه
مع تجديد معاهدة كامب ديفيد
طبعا

ضد المجلس العسكرى من اول يوم وعمرى ما حبيت هتاف الجيش والشعب ايد واحده

اقولك حكومة قنديل لازم تاخد فرصتها زيها زى الرئيس

عايز ايه تانى
سلامتك
ع العموم اسال يا زعيم وانا اجاوب

اى خدمة يا زعيم

طلعنا مش مختلفين اهو

هههههههههههههههههههههه

مصطفى مامون

28-08-2012, 02:21 PM

عمرنا ليون ماهيكون بينا صراع لسببين اننا همنا واحد وهو انمصر تكون احسن دوله ثانيا لاننا اسلوبنا راقى فى حوارنا واذا انتهينا عند نقطه صدام فكل واحد يتمسك برأيه واختلافا فى الرأى لايفسد الود تحياتى

lionking

28-08-2012, 02:47 PM

الحمد لله ان هدفنا واحد

وربنا ما يجيبش خلاف ولا صراع

lionking

28-08-2012, 02:52 PM

ايفيـــــــــــــــــــــــه بتاع امبارح بأه عشان تعرفوا الشعب ده هيعمل فينا ايه

ابنى بيتسجل فى فريق النادى وفى اوراق مطلوبه وحصلت لغبه والكابتين بعد ما مشيت كتر خيره جاب استماره جديده ومشكورا بيعيد ملىء البيانات ولكن الفجاه بأه انه اتصل بيا بيسالنى

عن خانة الديانة

هو مسلم مش كده :1 (18)::1 (18):

قلتله امال انا محجبه يعنى ايه :1 (18):

قالى لا انا بس بتاكد انه مسلم مش ليبرالى

ان ان اااااااااااااااااااااااااااااااااااااااااااااااااا اااااااااااااااااااااااااان

قلتله اقفل يا كابتين وسيب الورق انا جايه احل المشكله

مصطفى مامون

28-08-2012, 03:27 PM

ممكن تصدقى يبقى اقتراح نعمله بعد كده ان تبقى الديانه مسلم
النوعيه ليكى الاختيار فيها
اخوانى ***سلفى ** شيعى** وسطى**مرجعى ** فوق الركبه ** بكباسين

lionking

28-08-2012, 05:42 PM

هههههههههههههههههههههههههههههههههههههه

ماشى يا زعيم ههههههههههههههههههههه

اقولهم الكلام ده ونشوف هنضرب بانهى جزمة

ahmedabdelziem

28-08-2012, 09:35 PM

عادى جدا مش فى واحد صاحبى مسيحى
بيقول على نفسه مسلم ارثوذكس من كتر مابطلع عينه فى صيام رمضان كل سنه

lionking

06-09-2012, 02:43 PM

بيقولك ايه بأه

ان الاخوان نجحوا فى الوصول للحكم عشان اول ما ركبوا الثورة قالوا دعاء السفر

فريد

06-09-2012, 05:01 PM

بيقولك ايه بأه

ان الاخوان نجحوا فى الوصول للحكم عشان اول ما ركبوا الثورة قالوا دعاء السفر

لاتعليق لا تعليق

lionking

06-09-2012, 08:27 PM

معترض علي ايه بس
الكلام مافيهوش اي حاجه تزعل ولا تمس الدين بصله الا لو انت هتاخد كلمه دعاء السفر دي وتعملها حكايه

lionking

06-09-2012, 08:32 PM

طب انا دلوقتي قاعدة ليدي في ال Club House في النادي وهدوء وتكييف وحركات ومرمي ع الانتريه اللي بيني وبينه حوالي متر ونص راجل في الخمسينات من العمر ومعاه اللاب توب بتاعه وسلطاته وبابا غنوجه وعمال يشن لما قلبلي بطني وجابلي صداع. .... اعمل ايه في الطحش ده. ...
1-اهزقه
2-اجيب مناديل واحدفها في وشه
3-اسيب المكان واطفش

fagrmasr01

06-09-2012, 11:35 PM

ahmedabdelziem

07-09-2012, 12:24 AM

بمناسبه الرجل
ممكن تديله مناديل
كنوع من الاشتراكيه الثوريه
هههههههههههههههههههههههه

lionking

07-09-2012, 12:10 PM

منورة العالم يا ليون يارب دايماً ويانا مجمعانا

5000 مشاركة تعتبر كلها قمة وانتى منورانا

شرف كبير للعقل حوراتك يانجمة منورة سمانا

صادقة أصيلة .. والصدق يزيد الحسن إحسانا

ثابتة فى قيمك والمبادئ فى حوار العقل عنوانا

وفى معارك الاختلاف .. كالذهب تزدادى لمعانا

الحمدلله الذى شرفنى بمعرفتك

ربنا يكرمك يا جمال

والله فرحانه بكلامك اووووى اوووووووووى ومش عارفه ارد اقولك ايه

ربنا يخليك يا جمال وتنورنى دايما باراءك واشعارك وذوقك العالى

lionking

07-09-2012, 12:12 PM

بمناسبه الرجل
ممكن تديله مناديل
كنوع من الاشتراكيه الثوريه
هههههههههههههههههههههههه

يخربيت الاشتراكيه الثوريه وسنينها السوده

هههههههههههههههههههههه

انا انسحبت من المكان كله

يخربيت اهله راجل نتن صحيح

lionking

12-09-2012, 02:06 PM

الاخوة اصحاب الرايات السوداء نفسي اقولكم

انتوا بتفكرونى بالقول المشهور عندنا

حـــــــــــســـــنــــــــــــة وأنــــــــــا ســـــيدك

fagrmasr01

12-09-2012, 07:05 PM

والله باتمنى ان ربنا يستر علينا
من التيارات الخايبة كلها

lionking

12-09-2012, 10:18 PM

حمد الله ع السلامه يا اجدع عجوز فى الدنيا

والله منور يا حاج

lionking

17-09-2012, 11:53 PM

طب معلش باه

ربنا يولع فيهم كووووووووووووووووووولهم

lionking

20-09-2012, 02:47 PM

شالوا الجرافيتى اللى فى محمد محمود

فاكرين كده اننا هننسي الثورة وتاريخها وشهداءها

وانا اعتقد انهم خايفين من تاريخهم الاسود فى الثورة

اتفوووووووووووو

قموره

20-09-2012, 08:52 PM

ومعاكى 15 اتفووووووووووووو

بس قوليلى هما شالوا البتاع ده ليه وازاى وننسى ايه

لاحول ولا قوه الا بالله

lionking

21-09-2012, 12:30 AM

والله يا قمورة هو موووووووورسي قال انه يشجب اللى حصل ده

وانا اعتقد ان دى محاولة مسح جوخ للريس من وزير الداخلية الاحمق او المحافظ الاخرق او رئيس حي متخلف

والله اعلم طبعا

وعامة يعنى هي حركه غبيه غباء التنين

الثورة مش ممكن تتنسي وبيحطوا نفسهم فى مواقف بايخه وبس

وخلوا مورسي بلسانه يطلب الفنانيين ويطلب منهم يرسموا

جماعه غبيه تيييييييييييييييييييييييييييييييييت

lionking

21-09-2012, 01:29 AM

بما انى مخنوقه جدااااا

استحملونى شويه باه

SwHBLyY-vq4&feature

حاتم جلال

21-09-2012, 03:21 AM

الف سلامه عليكى نواره المنتدى ونجمته

lionking

21-09-2012, 08:02 PM

تسلم يا حاتم ربنا يبارك فيك

fagrmasr01

22-09-2012, 03:36 AM

لسا راجع من ميدان عابدين ..
برغم انى رايح بالعكاز .. ومتسند .. لكن فرحتى بنجاح التنظيم الجميل جددلى شباب حالتى النفسيتى والله
قابلت هناك حبايب كتير اووووى ... اهمهم والله ابنى البطل الثورى الجميل احمد عبد العظيم وناس كتير حلوين اوى .. فرحة جميلة .. ونسمة أمل حلوة جدا فى وقت مصر كلها محتاجة تشوف شعاع الأمل فى وسط ظلام الاخونة

lionking

22-09-2012, 12:33 PM

حمد الله ع السلامه يا جمال

احكيلى ياه انت واحمد عملتوا ايه

ادونا شويه تفاؤل والنبى

lionking

22-09-2012, 12:53 PM

eilikowyes4&feature

fagrmasr01

22-09-2012, 03:04 PM

حمد الله ع السلامه يا جمال

احكيلى ياه انت واحمد عملتوا ايه

ادونا شويه تفاؤل والنبى

فرحة مصر امبارح ضحكة صافية من غير شجن
عروسة وحواليها أحبابها فرحتها وبتتحدى الزمن
بتأسيس التيار الشعبى بميدان عابدين رغم المحن
ابتسامة ف جبين الشهيد والمصاب واللى اتسجن

وضحكة بتقول ان مصر ولادة ومش هاتموت
مهما يفوت الزمان انا عرابى .. و حتشبسوت
مهما يحاولوا يخرسونا .. او يرهبونا بالنبوت
فى ميدان عابدين هتفنا وغنينا وكسرنا التابوت

انتهى يامصر امبارح زمن السكوت .. ومصر ملك الجميع
هاترجع الصرخة تكسر جبال الصمت وثورتنا مش هاتضيع
والدم ياشهيدنا مع الم المصاب هانلملمه .. نصنع منه الربيع
وهازرع جناين الأمل .. رغم التخوين والتخويف والتجويع

lionking

23-09-2012, 01:01 AM

كلماتك جميله جداا واحساسك بالموقف رائع واكتر من رائع

ربنا يوفقنا لما فيه الخير للبلد ياااااااااارب

fagrmasr01

23-09-2012, 12:26 PM

ربنا يبارك لك يا ليون ويخليكى
أسعدتينى بتقديرك يا رمز جميل للمعارضة العاقلة القوية

ahmedabdelziem

23-09-2012, 09:09 PM

يعنى انت ياليون كنتى سئلت عليا لما غبت
انا غبت ليه
كان نفسى الحق ارد قبل الحاج جمال
عموما انا فرحان بشعورك الجميل

lionking

24-09-2012, 02:08 PM

يعنى انت ياليون كنتى سئلت عليا لما غبت
انا غبت ليه
كان نفسى الحق ارد قبل الحاج جمال
عموما انا فرحان بشعورك الجميل

حقك عليا يا احمد

بس انا سامعه من جمال انك مشغول اوى فى حاجات كتير وزاد عليهم التيار الشعبى

بس سالت جمال عليك

fagrmasr01

25-09-2012, 05:34 PM

انا والله باعتبر ان احمد ابنى واخويا فعلا يا ليون
وبصراحة بئا .. انا عارف ان الجنرال احمد مش محتاج توصية وانا عارف قد ايه هو برغم انه مشغول لكنه ودائماً .. صاحب واجب برجولة اوى

تحية كبيرة من الاعماق الى ليون .. المتألقة دائما
والى احمد عبد العظيم الثورى النقى بجد فى قت عز فيه النقاء

ahmedabdelziem

25-09-2012, 06:49 PM

ربنا يخليكى ياليون
ومتشكر ياحاج جمال على شهاداتك الغاليه فى حقى دايما
جزاك الله عنى خيرا

lionking

25-09-2012, 07:02 PM

حدش يعرف اولع فى الشورى ازاى

ahmedabdelziem

25-09-2012, 07:13 PM

بمناسبه الكلام اللى اتقال عن حمدين والغطريفى ممثل حزب الدستور
بخصوص المستثمرين الامريكان
انتظرو رد مفاجاءه على الصفحه الرسميه للتيار الشعبى المصرى اليوم
الساعه 11.30 مساء
يفجر المفاجاءه صديقى يحيى احمد المتحدث الاعلامى باسم التيار

lionking

25-09-2012, 07:16 PM

ادينى اللينك يا جنرال بسرعه

ahmedabdelziem

25-09-2012, 07:56 PM

http://www.facebook.com/TayarSha3by

ahmedabdelziem

26-09-2012, 11:21 PM

ليون المفاجاءه نزلت خلاص
تسجيل صوتى لكلمه حمدين امام وفد المستمثرين الامريكان
لكشف كذب الكاذبون

lionking

27-09-2012, 11:50 AM

ليون المفاجاءه نزلت خلاص
تسجيل صوتى لكلمه حمدين امام وفد المستمثرين الامريكان
لكشف كذب الكاذبون

وصل يا جنرااااااااااال

اسامة22

29-09-2012, 06:42 AM

سعدت بمتابعه شخابيطك ياليون ولى عوده لمناقشتكم فى ارائكم حول حمدين وما يقال حوله

lionking

30-09-2012, 04:26 PM

ده شىء يشرفنى يا اسامه

فى انتظار رايك ومشاركتك

lionking

30-09-2012, 04:32 PM

اعتقد اننا محتاجين نخلق ثقافة الاجتهاد والتفانى فى العمل

"ان الله يحب اذا عمل احدكم عملا ان يتقنه "
اخرجه ابو على والطبرانى وصححه الالبانى

lionking

02-10-2012, 02:03 PM

كل واحد يجهز قفاه عشان ختم الــ 100 يوم ينزل يرف عليه

خلود

02-10-2012, 04:54 PM

هههههههههههههه

انا محجبه ياليون مش هينفع

هاني عبد المنعم

06-10-2013, 03:00 AM

ممتازة ارائك يا ليون فيها سعة افق وادراك لحقائق الامور
يا ريت تكملي الموضوع ممتاز وهتندمي لو مكملتيش
بس انتي فين

خلود

07-10-2013, 08:57 AM

ليون راحت فى الوبا

هههههههههههههههههههههه

ليون شكلها اتخطفت مع مرسى علشان كانت بتحبه بس مخبيه

هههههههههههههههه

وحشتينا يابنتى تعالى بقى