مقام سيدى التحرير .. نظرة للميدان بعيون شهيد

[fagrmasr01]

http://llemor.com/wp-content/uploads/2012/01/five-star-review.jpeg

انا رحت مقام سيدى التحرير



هناك فى الزحمة الخلق كتير

http://www.alzo9.com/vb/images/smilies/EGYPT_%7E2.GIF



على كل شهيد فيه ألف مقام



والناس واقفين وسط الزحام

http://www.alzo9.com/vb/images/smilies/EGYPT_%7E2.GIF



لكن مفيش مقام واحد يشهد على موتتى



ولو ان كل مقام مرسوم عليه صورتى



http://www.alzo9.com/vb/images/smilies/EGYPT_%7E2.GIF





سألت مين اتدفن فى مكانى ياأصحاب



قالولى امشى بعيد .. دا مولد الأحزاب



انا الوزير ودا النائب ودى زفة الأحباب



ودا الزعيم المفدى اللى لابس الجلباب



http://www.alzo9.com/vb/images/smilies/EGYPT_%7E2.GIF





قلت لهم طب دمى أنا فين راح



قالوا لى خلاص لملمنا الجراح



خلاص نسيناكم بلا بكا ونواح



خد اشرب الشربات مع التفاح



http://www.alzo9.com/vb/images/smilies/EGYPT_%7E2.GIF





وقفت امسح فى دمى وألملم فى همى


لقيتك واقفة بتبكى هناك بالدمع ياأمى



تبكى على الغايبين .. أنا ، وولد عمى



الناس هناك هايصين .. بيوزعوا دمى



http://www.alzo9.com/vb/images/smilies/EGYPT_%7E2.GIF




كفكفت دمعك يا غالية يا مصر ياام الكفاح


حلفت فوق قبر الشهيد لا اهدى ولا أرتاح



هارجع ألملم جراحك .. مبخافش من سفاح



ابنك بطل يا مصر .. حبك فى قلبى سلاح



http://www.alzo9.com/vb/images/smilies/EGYPT_%7E2.GIF






ومهما كبرت الزفة ..اوعى تطاطى فى يوم



راح استعيد لك حقوقك ومش باخاف اللوم



ولو ألف كذاب حاولوا ياخدوا حقوق القوم



حق الشهيد مايضيعش بإذن الواحد القيوم



http://3.bp.blogspot.com/-hOfjpvvGgWw/TVcflZTcpGI/AAAAAAAADXg/9aEF7naJjec/s1600/110212134301AaNM.jpg

كتبتها من شهور .. والنهاردة تانى أهديها
الى روح الشهيد اللى بيتاجر بعضهم فيها

واترحم عليه بالدمع وأبكى على حالى
ناس نسيت ربها وفرحت باللى جرالى

بيوزعوا التركة كأنهم الورثة الشرعيين
وهم شرعيتهم سلاح مع بلطجية وأفاقين

والباقى بيعزموا بعضهم من تانى على مليونيات
نسيوا اننا من الجوع والغلاء قربنا نكون أموات

ياناس ارحمونا وركزوا فى حياة الناس غلابة
دا كل شئ فى حياتنا صعب واصبح فى غابة
مش عارفين مين حمل وديع ولا مين الديابة
مع الجوع والغلا كرهنا حتى الشعر او الكتابة

[قموره]

اه والله مسخوا لنا كل حاجه وضيعوا فرحتنا بالثوره حسسونا ان الحال مش هيهدى خالص واننا مطلوب نفضل كده نلف حوالين بعض ولا حد فاهم حاجه

اما عن شعرك بقى مينفعش اقول غير انت شاعر عظيم جميل كلماتك فى منتهى الروعه
اتمنى اشوف اشعارك دائما

http://sewar.panet.co.il/images/2009/04/11/352thanks.gif

[fagrmasr01]

انا اللى أشكرك الف شكر
واتمنى تفرحينى هنا دايما بمرورك

[خلود]

الله ينور عليك وعلى كلامك الجميل ده ياجمال

تسلم ايدك وابداعاتك وربنا ما يحرمنا منها ابدا

[fagrmasr01]

يارب يكرمك ويبارك لك يا خلود .. تسلمى ويسلملى مرورك
ويارب دايما صفحاتى تنور بوجودك

[fagrmasr01]

أعيد رفعها بعد ان مرت شهور
كالجمال تعيد الاجترار عندما يصيبها العطش
فى حر وجدب الصيف فى الصحراء

[lionking]

برغم التشاؤم الواضح فيها المصاحب للياس
لكنها روووووووووووعة
بكل معانى الكلمة وصادقة وواقعية

بس مش عايزين نكون متشائمين اوى كده

بشروا ولا تنفروا

[الشاعره الثائره]

نثرت حروفك كالعطور ..فتراسمت اجمل الكلمات
كلما اقرأها يحيطنى السرور..مبدع انت وبلا مجاملات
ناقشت موضوع هام..لمست قلوبنا بهذه العبارات
فأدام الله ابداع قلمك ..
ودامت الحروف تتبعك فى الخطـــوات

سيـــدى ..لأا اجد ما يكفى من الثناء..فكلامك رائع ..
واجمل ما بها انها ناقشت موضوع هام
فلك ولقلمك منى تحيـــه
ولا تحرمنا من حروفك البهيــه
☻☻

[ahmedabdelziem]

كفكفت دمعك يا غالية يا مصر ياام الكفاح


حلفت فوق قبر الشهيد (http://www.vb.6ocity.net/showthread.php?t=119042)لا اهدى ولا أرتاح



هارجع ألملم جراحك .. مبخافش من سفاح



ابنك بطل يا مصر .. حبك فى قلبى سلاح

فكره ممتازه
وشرح رائع لفكره عظيمه
ومعانى اجمل مافيها انها
رسمت الحقيقه كما يجب ان ترسم

اخيرا احسنت ياحاج جمال
ودائما مبدع

[اميرة حبى انا]

بجد كلمات روعتها حسستنى انى شايفة الميدان
وشايفة كل كلمة انت كاتبها وراسمها
الله يرحمهم جميعا

[اميرة حبى انا]

نسيت اقولك
قصيدة خمس نجوم

[fagrmasr01]

برغم التشاؤم الواضح فيها المصاحب للياس
لكنها روووووووووووعة
بكل معانى الكلمة وصادقة وواقعية

بس مش عايزين نكون متشائمين اوى كده

بشروا ولا تنفروا







ربنا يخليكى يا ليون

الف شكر على التشجيع

ومعلش مش عارف اتفائل

لان المعطيات كلها .. جوايا ع الاقل .. تؤكد اننا فى أسود عهود مصر .. وان القادم أسوأ

[fagrmasr01]

نثرت حروفك كالعطور ..فتراسمت اجمل الكلمات
كلما اقرأها يحيطنى السرور..مبدع انت وبلا مجاملات
ناقشت موضوع هام..لمست قلوبنا بهذه العبارات
فأدام الله ابداع قلمك ..
ودامت الحروف تتبعك فى الخطـــوات

سيـــدى ..لأا اجد ما يكفى من الثناء..فكلامك رائع ..
واجمل ما بها انها ناقشت موضوع هام
فلك ولقلمك منى تحيـــه
ولا تحرمنا من حروفك البهيــه
☻☻



شاعرتنا المبدعة الرائعة .. حتى الرد اتحفنى
مرورك شهادة تقدير أعتز بها ورأيك يشرفنى
لا حرمنى الله من تشجيعك الطيب

[fagrmasr01]

كفكفت دمعك يا غالية يا مصر ياام الكفاح


حلفت فوق قبر الشهيد (http://www.vb.6ocity.net/showthread.php?t=119042)لا اهدى ولا أرتاح



هارجع ألملم جراحك .. مبخافش من سفاح



ابنك بطل يا مصر .. حبك فى قلبى سلاح

فكره ممتازه
وشرح رائع لفكره عظيمه
ومعانى اجمل مافيها انها
رسمت الحقيقه كما يجب ان ترسم

اخيرا احسنت ياحاج جمال
ودائما مبدع


يارب يخليك يا صديقى الجنرال المحبوب

دائماً أنتظر رأيك يا احمد .. ويسعد قلبى بمرورك ايها الثورى الطاهر النظيف بحق

[fagrmasr01]

بجد كلمات روعتها حسستنى انى شايفة الميدان
وشايفة كل كلمة انت كاتبها وراسمها
الله يرحمهم جميعا



مش عارف اشكرك ازاى يا اميرة منتدانا على تشجيعك
احنا هنا كلنا بتفرح قلوبنا بكل ردودك وجميع مواضيعك
أسعدتينى بمرورك يا أميرة
دخلتى ف قلبى فرحة كبيرة
شكرا ليكى
ربنا يحميكى

[fagrmasr01]

نسيت اقولك
قصيدة خمس نجوم



الخمس نجوم الحقيقية
تستاهلها طلعتك البهية

ربنا يخليكى يا أميرتنا
المتوجة بحق
على عرش كل القلوب

[اميرة حبى انا]

ايه الردود الجامدة دى
شكرا الله يكرمك

[fagrmasr01]

على فكرة
الرد مكانش فيه حرف مجاملة
تستحقى بجد يا أميرة

[حاتم جلال]

قصيده وكلام فى منتهى الجمال

انت بحق من الشعراء القليلين فى اتقان مخارج كلماتهم وفى نهايه كل بيت

سلمت استاذ جمال وسلمت اشعارك الرائعه

[fagrmasr01]

اشكرك على مجاملتك اللطيفة
واعتذر عن تاخير الرد