المساعد الشخصي الرقمي

مشاهدة النسخة كاملة : للأعضـــاءفقط ..مهم جدا



وردة الايمان
26-05-2010, 07:54 PM
اعضـــــاءمنتدانا الجميل


http://www.vb.6ocity.net/imgcache/2113.imgcache.jpg



انا عارفه ان الموضوع ده هيكون نتيجته حاجه من اتنين


إما الغاء عضويتى من المنتدى


اوانى هروح مكان ....صعب ارجع منه تانى


المهم ....ربنا يستر


http://www.vb.6ocity.net/imgcache/2114.imgcache.jpg (http://www.google.com/imgres?imgurl=http://www.alw-ed.com/upload/files/azb6ulf43marvua4krwt.jpg&imgrefurl=http://www.alw-ed.com/vb/showthread.php%3Ft%3D27851&usg=__HJTFogZ6YRPLetB3lBtOR3ITTXs=&h=600&w=499&sz=34&hl=ar&start=169&itbs=1&tbnid=9B4DUYhCpOfa6M:&tbnh=135&tbnw=112&prev=/images%3Fq%3D%25D8%25B7%25D9%2581%25D9%2584%25D9%2 587%2B%25D8%25B4%25D9%2582%25D9%258A%25D9%2587%26s tart%3D160%26hl%3Dar%26sa%3DN%26gbv%3D2%26ndsp%3D2 0%26tbs%3Disch:1)


هى فكره جديده طبعا


بس ياريت تعجبكم



احنا هنعمل حاجه جديده جدا


وهى اننا هنعمل حزب للأعضاء


وده طبعا هيكون غير الحزب الحاكم قصدى حزب الأداره اللى بيتمثل فى الأداريين والمشرفين


والحزب ده هيتكون من خمس اعضاء ....اعضاء فقط


وهيكون من اهداف الحزب


حماية حقوق الأعضاء والتى تتمثل فى :
:1:


* منع حذف او تعديل اى موضوع او اشتراك لأى عضو من غير الرجوع للعضو واخباره ولو برساله خاصه


* عدم الغاء و حذف اى وسام من اى عضو دون اخبار العضو وتوضيح اسباب الحذف


عدم استخدام الوساطه او المحسوبيه داخل المنتدى يعنى اختيار الألقاب والأوسمه للمشرفين لابد ان يكون لها سبب يقتنع به الحزب


عدم وضع اى قانون جديد فى المنتدى وله تأثير مباشر على الأعضاء بدون استشارة الحزب فيه


* عند عمل المسابقات فى المنتدى لايتم اختيار الفائز الا بأستشارة الحزب ( لأن من المنطقى ان الحكم على اى عمل يكون برأى الأغلبيه مش برأى شخص واحد )



ما يمكن ان يفعله حزب الأعضاء


http://www.vb.6ocity.net/imgcache/2115.imgcache.jpg (http://www.google.com/imgres?imgurl=http://www.alhayrh.com/galry/albums/userpics/%25DE%25E3%25C9%2520%25C7%25E1%25CA%25DD%25DF%25ED %25D1.jpg&imgrefurl=http://www.kuwait44.com/vb/showthread.php%3Ft%3D42474&usg=__tIcXByf-uSYNyjQ1OFad5M2aJqs=&h=600&w=600&sz=334&hl=ar&start=77&itbs=1&tbnid=xFt-KznhOU273M:&tbnh=135&tbnw=135&prev=/images%3Fq%3D%25D8%25B7%25D9%2581%25D9%2584%25D9%2 587%2B%25D8%25B4%25D9%2582%25D9%258A%25D9%2587%26s tart%3D60%26hl%3Dar%26sa%3DN%26gbv%3D2%26ndsp%3D20 %26tbs%3Disch:1)



اذا تم اهمال حقوق الأعضاء واستخدم حزب الأداره سلطته فى الغاء اى قرار للحزب


فسيتم الآتى


:1:


عمل مقاطعه لكل مواضيع المنتدى وعدم المشاركه فيها


وتحريض باقى الأعضاء على تجميد اشتراكاتهم داخل المنتدى


يعنى هنكون حزب الأغلبيــــــــــــه



وعلى الحزب الحاكم قصدى حزب الأداره الآتى


السماح لحزب الأعضاء بعمل موضوع مستقل لعقد المؤامرات قصدى المؤتمرات الخاصه بالحزب


وده هيكون فى موضوع مستقل فى قسم المناقشات وهيكون تحت اسم ( مناقشات حزب الأعضاء )



2- عدم تجنيد اى عضو من اعضاء الحزب لصالح حزب الأداره



3- عدم التدخل فى المناقشات التى ستتم بين الأعضاء فى الحزب وعدم التسجيل بأسماء اعضاء للدخول فى المناقشات التى تتم فى الحزب




اذا تم الغاءهذا الموضوع او نقله الى مكان آخر هيكون
اعتداء واضح وصريح من النظام الديكتاتورى قصدى نظام الأداره على حقوق الشعب قصدى الأعضاء







http://www.vb.6ocity.net/imgcache/2116.imgcache.gif (http://www.google.com/imgres?imgurl=http://www.alwafi.net/gallery/data/media/3/1_4.gif&imgrefurl=http://emadmet3b.fr-bb.com/montada-f50/topic-t43121.htm&usg=__YdvFJzH-ZzPkSkl9uODRQN8NFII=&h=423&w=452&sz=130&hl=ar&start=25&itbs=1&tbnid=S3L7FI8_55TZzM:&tbnh=119&tbnw=127&prev=/images%3Fq%3D%25D8%25B7%25D9%2581%25D9%2584%25D9%2 587%2B%25D8%25B4%25D9%2582%25D9%258A%25D9%2587%26s tart%3D20%26hl%3Dar%26sa%3DN%26gbv%3D2%26ndsp%3D20 %26tbs%3Disch:1)




والآن
اعضاءالحزب هما اول خمس اعضاءهيقوموا بالرد على هذا الموضوع وتقديم طلب الأنضمام



واذا كان هناك طلبات لأكثر من خمس اعضاء فسيتم عمل انتخابات نزيهه بين المشتركين واختيار خمسه فقط


على فكره الأعضاء لازم يكونوا مش اى اعضاء

يعنى اعضاء جامدين مش بيخافوا بسهوله ويعرفوا ازاى يخدوا حقهم

( بالقانون طبعا )


وسيظل هذا الموضوع لمدة اسبوع واذا لم يتم استكمال الأعضاء فى هذه الفتره
على الأداره الغاء الموضوع


ولكـــــــــــــــن:1:
على ان يعـود مره اخرى للمناقشه





ويارب بعد الموضوع ده اقدر اشوفكم تانى
تقبلــــــــــوا تحياتى



http://www.vb.6ocity.net/imgcache/2117.imgcache.jpg

اميرة حبى انا
26-05-2010, 08:17 PM
هههههههههههههههههههههه
والله يا اختى انا مستنية اعرف رأى الادارة
اما نشوف
انا ماليش دعوة

محمود التهامي
26-05-2010, 08:23 PM
ههههههههههههههههههههههههه
والله انتي عسل وموضوعك عسل ابيض قطفة أولى كمان

الفكرة في حد ذاتها جميلة جدا جدا لكن ليا شوية ملاحظات عليها
نشوف اراء باقي الأعضاء وليا رجعه تاني للنقاش

بس بجد
فرحتيني قوي

الفارس
27-05-2010, 09:41 AM
هو ممكن يكون الموضوع حلو . . لكن للاسف ماعجبنيش

غير موافق بنسبه 100 % . . .

fagrmasr01
27-05-2010, 11:20 AM
مع الأسف فكرة مش صح
لانها ضد فكرة تأسيس المنتديات عموما
وتؤدى الى تدمير المنتدى بتجزئته الى احزاب
خصوصا انهم خمسة .. من خمستاشر الف
الصح هو ان اى عضو فينا كلنا له نفس الحقوق ويقدر يقول .. والادارة عمرها ما كانت ضد مصلحة الناس .. الادارة هى احنا الناس
انا واحد من الناس كتير اختلفت مع نجوم من الادارة والمشرفين
وكانت الادارة دايما فى صف الحق والصح
ارفض الفكرة .. وكما قال فارس.. 100%

lionking
27-05-2010, 11:25 AM
هههههههههههههههههه

موضوع لذيذ والله بس مش عملى

انا شخصيا ارفض التقسيم وتكوين احزاب هنا...... انا اصلا مضايقنى احساس ان فى ناس بتعمل كده ......

و للتوضيح بتضايق لما الاقى 2 او 3 شغالين يطبلوا ويغنوا ويردوا على بعض

وبعدين اللى انتى طالباه يا وردة بيحصل لوحده تلقائيا لما عضو بيتظلم الناس بتعرف وكلها بتاخد موقف واحد منغير تكوين احزاب وتقسيم الناس

وبعدين بحكم اننا عرب هنتخانق من اولها على الرئيس والاعضاء والذى منه

حاول تفتكرني
27-05-2010, 11:39 AM
هههههههههههههههههه

موضوع لذيذ والله بس مش عملى

انا شخصيا ارفض التقسيم وتكوين احزاب هنا...... انا اصلا مضايقنى احساس ان فى ناس بتعمل كده ......

و للتوضيح بتضايق لما الاقى 2 او 3 شغالين يطبلوا ويغنوا ويردوا على بعض

وبعدين اللى انتى طالباه يا وردة بيحصل لوحده تلقائيا لما عضو بيتظلم الناس بتعرف وكلها بتاخد موقف واحد منغير تكوين احزاب وتقسيم الناس

وبعدين بحكم اننا عرب هنتخانق من اولها على الرئيس والاعضاء والذى منه


كلام سليم جدا

AFIFI MOSTAFA
27-05-2010, 11:53 AM
السلام عليكم ورحمه الله وبركاته

انا طبعا مع الفكرة قولولى ليه لعدة اسباب :
1- علشان اول مرة هنحس ان فى ديمقراطية فى حياتنا
2- الفكرة مش هتبقى فكرة تكتلات او احزاب داخل المنتدى وانما نوع من انواع الحراك السياسى داخل المنتدى فيما يخص المنتدى
3- فكرة مراقبة الادارةشيء جيد جدا طبعا لو الادارة وافقت لان فعلا هتكون فى مشاركة فى اتخاذ القرارت اللى هتفيد الجميع
4- انا مش معاكى يا وردة فى موضوع اول خمس اعضاء يردو على الاقتراح لان الاعضاء هيكونوا بمثابة اعضاء مجلس شعب داخل المنتدى ويجب انتخابهم وفقا لاصول وقواعد وايضا بالانتخاب بين الاعضاء
5- الفكرة جيدة جدا وانا شخصيا برشح اخويا الكبير الاستاذ / جمال لكى يكون رئيس لمجلس شعب المنتدى ويكون مسئول عن ادارة الحوار والمناقشات بين الاعضاء والادارة فيما يخص كل المواضيع التى تفيد المنتدى


والله ولى التوفيق

الفارس
27-05-2010, 12:41 PM
والله انا قرأت الموضوع اكتر من مره يمكن تتغير فكرتى

واحس بالديمقراطيه الى بتتكلمو عليها

لقيت ان فيه بند اخير من بنود الموضوع ماتكتبش من مؤسسه الحزب

هى ان قبل تأسيس الحزب الاداره تقدم استقالتها وكفايه عليهم كدا

ههههههههههههههههه

fagrmasr01
27-05-2010, 01:42 PM
اشكر لك ترشيحك يا عفيفى طبعا لشخصى .. تقدير جميل منك يا صاحب الأخلاق العالية

ولكن يعزز رأيى اننا من اول شهر تقريبا فى المنتدى عائلة واحدة .. والادارة اهلنا واصحابنا ومفيش اى داعى ان المنتدى ينقسم على نفسه
وفعلا عملت زى فارس وراجعت الموضوع اكثر من مرة

مع اعتذارى طبعا لوردة وعفيفى
ملقبتش بجد ايجابية ابنى عليها موافقتى
مع كل تقديرى لهم كثنائى رائع طبعا
ولهم مكانتهم العالية جدا فى المنتدى

ياريت نفكر ازاى نبنى المنتدى وننشطه .. وخصوصا وردة وعفيفى ... نجمتين فى الابداعات ونتمنى نشوف تنشيطهم للمنتدى
اللى كلنا فعلا بنحبه مهما حصل

ياسر احمد
27-05-2010, 02:18 PM
فكره كويسه بس محتاجه توضيح وترسيخ اكثر لصلاحيات الاحزاب داخل المنتدى ليعرف كلا منا لمن يذهب لو صارت معه مشكله بالمنتدى-وشكرا على محاولات التجديد والتغيير

وردة الايمان
27-05-2010, 08:20 PM
اخواتى الأعضاء ...

الفكره لسه مطروحه وباب النقاش فيها مستمر ...

وبرغم انى اتفاجئت بأراء ناس معينه ...

لكن مع ذلك هما اخواتى فى المنتدى ومستحيل هزعل منهم ...

والموضوع مستمر لحد انتهاء المهله المحدده لعرضه والنقاش فيه ...

والموضوع ده مستحيل يكون علشان المنتدى يتجزأ بالعكس

لما الأعضاء يشاركوا الأداره فى اتخاذ اى قرار خاص بيهم هما نفسهم

ولما عضو بيتظلم او بيتخذ عليه اى اجراء المفروض يعرف السبب

ولما نكون كلنا هدفنا هو ان المنتدى يكون فيه مشاركه يبقى المنتدى هيكون افضل

الموضوع مش مسأله احزاب .....

مسألة ان كل انسان لما يحس انه رأيه مسموع ومؤثر فى المنتدى وانه جزء منه هيدى اكتر واكتر للمنتدى

المنتدى لينا كلنا ......

ياريت اكون وصلت فكرتى

خلود
27-05-2010, 11:35 PM
مع احترامى طبعا لصاحبه الموضوع اختنا الغاليه ورده اللى بكن لها كل تقدير واحترام

ولكن من قبل ما اكون مشرفه او مشرف عام عمرى ما حسيت مره واحده ان عايزه اراجع الاداره فى اى قرار تتخذه

وده لان الاداره عارفه كويس اوى ايه اللى ممكن يتعمل ويكون فى صالح المنتدى والاعضاء

معلشى ياورده باقتراحك ده يبقى الاداره هتتلغى خالص ومش هيكون فى اى ظوابط للمنتدى وهيبقى منتدى بلا اداره

ده رائى وارجو تتقبليه بصدر رحب

وردة الايمان
28-05-2010, 05:58 PM
مع احترامى طبعا لصاحبه الموضوع اختنا الغاليه ورده اللى بكن لها كل تقدير واحترام



ولكن من قبل ما اكون مشرفه او مشرف عام عمرى ما حسيت مره واحده ان عايزه اراجع الاداره فى اى قرار تتخذه


وده لان الاداره عارفه كويس اوى ايه اللى ممكن يتعمل ويكون فى صالح المنتدى والاعضاء


معلشى ياورده باقتراحك ده يبقى الاداره هتتلغى خالص ومش هيكون فى اى ظوابط للمنتدى وهيبقى منتدى بلا اداره


ده رائى وارجو تتقبليه بصدر رحب


طبعا .....يا خلود انتى صديقتى ورأيك يهمنى ومستحيل ازعل ابدا

بس هوفيه حاجه

ليه احنا شايفين ان الموضوع فيه الغاء للأداره او نقد لتصرفاتها ؟؟؟

خلود .... الموضوع ابسط من كده بكتير

لما بيكون فيه اسره واحده عايشه فى البيت مع بعض

فيها ايه لوكل واحد حب انه يوضح رأيه ويعرف سبب اى تصرف تم توجيهه اليه ؟؟؟

خلود ............الناس نوعين

نوع منهم يقبل انه يعيش بسلام طالما ان الأنسان المسؤول عنه بيقوم برعايته

ونوع تانى بيحب يكون مؤثر فى البيئه اللى حواليه ويثبت وجوده ويناقش الأمور المتعلقه بحياته

وكل نوع منهم ...........ليه وجهة نظره اللى المفروض نحترمها

الموضوع اللى انا كتباه هو محاوله منى لمشاركة الأعضاء فى الأمور الخاصه بيهم فى المنتدى

من غير تدخل فى اى شئون تانيه ؟؟؟؟

وفى النهايه يا خلود .....

انا بحترم رأيك جدا

fagrmasr01
29-05-2010, 06:55 AM
[QUOTE=وردة الايمان;62852]
عمل مقاطعه لكل مواضيع المنتدى وعدم المشاركه فيها


وتحريض باقى الأعضاء على تجميد اشتراكاتهم داخل المنتدى


يعنى هنكون حزب الأغلبيــــــــــــه

مع احترامى للفكرة ولرأيك يا وردة .. لكن ... ان علشان قرار مش عاجبك او عضو متضايقة منه مثلا .. ان يكون من حقك تقاطعى وتحرضى باقى الاعضاء على المقاطعة ؟؟؟؟؟

وللعلم .. من زمااان اوى وانا رئيس البرلمان هنا ...... لكن .. مش بالمقاطعة والتجميد ومحاولة تدمير المنتدى بتحريض الكل على المقاطعة
ياريت تقتنعى انتى برأى الأغلبية ... أغلبية اللى شاركوا لحد الان ... لان المنتدى مش هايستحمل كمان دعوات تحريض على المقاطعات .. ياريت نفكر كلنا ازاى ننشط المنتدى وازاى نحل المشاكل الموجودة حاليا ...
مع تحياتى
جمال - فجر مصر
رئيس البرلمان .... لحد الان

وردة الايمان
29-05-2010, 08:03 AM
مع احترامى للفكرة ولرأيك يا وردة .. لكن ... ان علشان قرار مش عاجبك او عضو متضايقة منه مثلا .. ان يكون من حقك تقاطعى وتحرضى باقى الاعضاء على المقاطعة ؟؟؟؟؟


استاذ جمال مين اللى قال ان فيه عضو متضايقه منه او ان فيه قرار مش عاجبنى


حضرتك جبت الكلام ده منين ؟؟؟


وثانيا اى جهه او وزاره اوحزب او اى شكل سياسى لازم يبين حدود امكانياته ومدى تأثيره وسلطته والا هيكون حزب من غير اى فائده ولا يتم الأهتمام بأى قراراته



وللعلم .. من زمااان اوى وانا رئيس البرلمان هنا


اهلا بيك .......لكن انا عمرى ما فكرت انى اكون رئيسة برلمان


وللعلم انا مكنتش عايزه اكون من الخمس اعضاء
.
..... لكن .. مش بالمقاطعة والتجميد ومحاولة تدمير المنتدى بتحريض الكل على المقاطعة


تدمير ايه يا استاذ جمال ؟؟


لو سمحت حاول تقرا الموضوع اكتر من مره


ومش وردة ابدا اللى تفكر بلأسلوب ده


ياريت تقتنعى انتى برأى الأغلبية ... أغلبية اللى شاركوا لحد الان ...


طبعا يا استاذ جمال ....رأى الأغلبيه هواللى هيتم ( أغلبية الأعضاء)


بس فيه حاجه مهمه جدا لازم الكل يعرفها


انا كنت عارفه ان الموضوع ده هيكون صعب تحقيقه


اى تغيير فى اى نظام لازم يكون ليه نسبة معارضين كبيره


والموضوع ده كان نموذج صغير لحاجه تانيه اكبر


( ياريت تكونوا فاهمنها )



والموضوع ده كان ليه اهداف تانيه


والحمد لله انها كلها اتحققت


وكفايه اننا كلنا شاركنا بآرائنا سواء بالرفض او القبول


ده فى حد ذاته نجاح كبير


وانا سعيده بيه


لان المنتدى مش هايستحمل كمان دعوات تحريض على المقاطعات .. ياريت نفكر كلنا ازاى ننشط المنتدى وازاى نحل المشاكل الموجودة حاليا ...


كنت اتمنى انك تفهم ان الموضوع ده اهم هدف ليه هوتنشيط المنتدى


مش تدميره يا استاذ جمال



مع تحياتى
جمال - فجر مصر
رئيس البرلمان .... لحد الان


مع تحياتى
* وردة *
عضوة فى المنتدى

fagrmasr01
29-05-2010, 09:35 AM
حضرتك جبت الكلام ده منين ؟؟؟
من مقدمة موضوعك ( اذا تم اهمال حقوق الأعضاء واستخدم حزب الأداره سلطته فى الغاء اى قرار للحزب فسيتم الآتى :1:عمل مقاطعه لكل مواضيع المنتدى (http://vb.6ocity.net/) وعدم المشاركه فيها وتحريض باقى الأعضاء على تجميد اشتراكاتهم داخل المنتدى (http://vb.6ocity.net/)يعنى هنكون حزب الأغلبيــــــــــــه



لو سمحت حاول تقرا الموضوع اكتر من مره
قرأته عدة مرات وحييت الفكرة ولكننى اوضحت فقط اسباب رفضى لها


بس فيه حاجه مهمه جدا لازم الكل يعرفها انا كنت عارفه ان الموضوع ده هيكون صعب تحقيقه اى تغيير فى اى نظام لازم يكون ليه نسبة معارضين كبيره والموضوع ده كان نموذج صغير لحاجه تانيه اكبر ( ياريت تكونوا فاهمنها )

صدقينى لا يوجد أى وجه للشبه يا وردة ... وهنا لا يفيد الاسقاط لوجود اختلافات جذرية
بين النموذجين ...
واوضحت لك انا وغيرى اننا من بداية انتمائنا لأكتوبر شفنا أمثلة حقيقية على عدالة الادارة ونزاهتها .. وانها دايما بتنصر الصح والحق ... لدرجة ان خلافاتى انا شخصيا كانت مع أكبر أقطاب المنتدى والى الان باشارك بكل حرية

وردة الايمان
اختلاف الرأى هو علامة صحية ... وأكرر تحيتى ... مع تأكيدى على عدم قبولى وليس لمجرد الرفض انما خوفا على المنتدى من الآثار السلبية اللى ممكن تحصل لو نفذناها

AFIFI MOSTAFA
29-05-2010, 10:37 AM
السلام عليكم يا جماعة اهدو كدا وصلوا على النبى

الموضوع والله بسيط جدا وردة تقصد المشاركة بين الاعضاء والحكومة اقصد قادة المنتدى ودا طبعا شيء ايجابى جدا زى ما قلت
وان كانت قالت تجميد او ما شابة ذلك فدا طبعا وانا واثق من كدا كان على سبيل المزحة والدليل على كدا مفيش حد يقدر يجمد نشاط حد حتى من الادارة الا اذا كان فى مخالفة للنظام العام والاداب
ووردة يا جماعة تقصد المشاركة السياسية فيما يخص المنتدى ودا مفهوش حاجة خالص ومش هيقلل من هيبة ادارة المنتدى ابدا بالعكس هتكون فى مشاركة بناءة بين الجميع
اتمنى ان تكون الاختلافات فى الاراء بيننا لا تؤدى الى الخلاف لاننا فى النهاية اخوة واصدقاء تحياتى لك يا استاذ / جمال على عرض رأيك وتحيتى لكى يا وردة على طرح الفكرة

( ومش عاوزين يا جماعة نبقى زى العرب على طول فى اختلاف )

fagrmasr01
29-05-2010, 10:53 AM
شكرا جزيلا يا عفيفى على توضيحك لما تقصده وردة .. لكن انا لما كتبت رأيى .. كتبته بناء على اللى كتبته وردة .. وعلى سبيل توضيح وجهة نظرى فى اللى اتكتب ... ووردة ردت باللى تقصده بوضوح
واحنا يا صديقى العزيز بنتحاور ومفيش اى خلاف .. على العكس .. قدمت وكررت تحيتى عدة مرات ...

lionking
29-05-2010, 11:36 AM
والله يا جماعة الموضوع حلو عشان النقاش اللى حاصل فيه والحمد لله لغاية دلوقتى لم يسفر عن اى خناقات او مقاطعات ...

انا بس عايزة اوضح لوردة وجهة نظرى فى عدم وجود احزاب من واقع موقف حصل ليا هنا فى المنتدى ده

انا شخصيا تعرضت للوقف وكانت لمده غير محددة واللى كان واقفنى استاذنا الديكتاتور محمود التهامى ( مش هنساهالك يا محمود ) ولمزيد من التفاصيل اتصلوا على 09009991

شوفى يا ستى ايه اللى حصل

كل اللى ناتى بتنادى بيه تم منغير احزاب ولا اى حاجة فى ناس قاطعت المنتدى وناس كلمت الادارة وناس ابدت اعتصامها وتوقفها عن المشاركة لحين انتهاء الوقف ... والحمد لله رئيس البرلمان قام بدوره طبعا والحمد لله اخدت براءة بس برده مش ناسيهالك يا محمود

هو ده يا وردة اللى بتكلم عليه

الناس هنا بتتحرك لوحدها واللى مش عاجبك بتقولى عليه وبتعمليه

اتمنى ان عدم موافقتى على الفكرة ماتكونش غيرت رايك فيا لان الاكيد انك كنتى متوقعة ان ليون اكثر الاعضاء اعتراضا على كل حاجة اول واحدة هتوافق لكن رفضى مبنى على اساس تجربة واقعية

وبعدين يا وردة خلينا اكثر واقعية

هما الاعضاء اللى انتى متوقعة انهم يناقشوا معاكى الفكرة اصلا كانوا كام ؟؟

هو احنا وبس يعنى نتعد على صوابع اليد الواحدة وهما اللى بالفعل دخلوا النقاش

تحياتى

الفارس
29-05-2010, 12:09 PM
تعرفى ياورده انا كل مااقراء الموضوع بوصل لنتيجه واحده

هى حاله استغراب شديده من المكتوب لانه كلام كبير اووووووووى

ماينفعش يتكتب ولا يتقال

لانه من يوم مادخلنا المنتدى انا عن نفسى عمرى ماحسيت

بفرق بين عضو ومشرف ومدير وكلنا اخوات واسره واحده

كل الى بيجمعهم الحب والصداقه والاخوه حتى لو اختلفنا .

( حاولى تقرأى موضوعك تانى وانتى تعرفى حجم الكلام المكتوب )





ومن كل قلبى بقول لكل افراد الاداره مشرفين

ومديرين انتم ناس زوق اوى وعلى مستوى عالى من الاخلاق

والاحترام . . وربنا يوفقكم ,,,

إبراهيم البشبيشي
29-05-2010, 02:17 PM
سلام الله عليكم والرحمة

أولا : أنا مع فكرة وردة الإيمان

ثانيا : اسبابي في قبول الفكرة أنها بعد استبعاد أي سبب سلبي ( الانحياز ضد الإدارة , الانحياز ضد عضو أو أحد موضوعاته الخاصة , استخدام الحزب كوسيلة ضغط بشكل غير حيادي على الإدارة .... الخ ) هي فكرة مشوقة وليس بها أي عيب بل بها تمرين حقيقي للديمقراطية التي نراها في السي ان ان ولا نمارسها حتى في بيوتنا .


ثالثا : ما المشكلة في تكوين حزب واثنان وثلاثة وكيف يجزئ هذا من عائلة المنتدى ؟؟؟ بل ان الاختلاف في لرأي لا يفسد للود قضية أو على الأقل فإن هذا ما ندّعيه

رابعا : أنا معك يا وردة الإيمان لنسعى لتأسيس الحزب وليكن اسمه حزب اليوم على غرار الغد فكيف نبحث ونحن لم نحل بعد مشكلات اليوم

kamy
29-05-2010, 07:12 PM
والله الفكره حلوه بس بصراحه لو كانت طلعت من استاذ محمود كنا قلنا دا تدريب على الانتخابات للى ملوش فيها ومبينتخبش
بس فعلآ والله المنتدى حلو جدآ وهو فعلآ حزب واحد جميل او شله او مجموعه هايله

وردة الايمان
30-05-2010, 04:47 PM
أعضاء المنتدى


انا سعيده جدا بكل الآراء اللى اتقالت فى الموضوع ده


سواء بالرفض او بالقبول


واحب اوضح نقطه مهمه جدا


ان موضوع الحزب ده زى ما كان هيوضح رأى الأعضاء فى قرارات الأداره


كنا من خلاله هنقدر نعرف افكار الأعضاء الجديده اللى ممكن تفيد المنتدى .


يعنى موضوع الحزب ده هوموضوع لتنشيط المنتدى


وكل عضومن خلاله كان هيقول كل اللى نفسه فيه سواء للمنتدى او ليه هو شخصيا



وطبعا كان المفروض ان الموضوع يستمر لمدة اسبوع


لكن بعد التهديد قصدى التفكير
:1 (15):
هينتهى انهارده


بس قبل ما انهى الموضوع ده


احب اشكر كل اللى أيدوا الفكره وخلونى أحس فعلا ان فيه أمل فى حاجات كتير
والأجمل انهم ( مش اى اعضاء فى المنتدى )


اشكرهم جدا وانا استمتعت بردهم وقريته اكتر من مره


ومش هقدر اقول ان الكلام ده فشل كفكره لأن فيه نسبة مؤيدين مش قليله


ولكن اللى اقدر اقوله ان الكلام ده نجح كموضوع قدر من خلاله كل انسان يقول رأيه بصراحه


وده كان من اهداف الموضوع


وزى ما قلت ان الموضوع كان له اهداف تانيه غير تحقيق الفكره نفسها


والحمد لله الأهداف اتحققت ونسبة نجاح الموضوع اكبر مما توقعت


وطبعا فى النهايه رأى اغلبية الأعضاء هواللى هيتنفذ


والحمد لله انى خرجت من الموضوع ده بدون اى خسائر


http://www.vb.6ocity.net/imgcache/2511.imgcache.gif


وميعادنا مع فكره تانيه


بس المرة دى مش هتكون مجرد حزب


لالالالالالا


الفكره هتكون اكبر من كده بكتيييييييير



:1 (15):





وفى الختـــــــام



منتدانا أجمل سواء بحزب اومن غير حزب


منتدانا اجمل لما تكون قلوبنا مليـــانه حب


منتدانا اجمل لما يكون كلامنا من القلب للقلب


منتدانا اجمل وهيفضل اجمل


فـ كل ثانيه ...وفـ كل لحظه ....وفـ كل وقت



منتدانا جميل


* وردة *


http://www.vb.6ocity.net/imgcache/2513.imgcache.jpg&ei=zlrxs_wyb9jg-qa894svba&sa=x&oi=image_landing_page_redirect&ct=legacy&usg=afqjcnfiqikeze6ej_sjqhld6ffuomzxkw

AFIFI MOSTAFA
30-05-2010, 05:49 PM
احسنتى يا وردة كعادتك