آه يابلد بتتطهر بدم ولادها

[fagrmasr01]

بتتطهرى تانى يابلد .. فى حمامات دم الولاد
بنزيف من العين والكبد .. فى كل أنحاء البلاد

وبتخططى لنا مجزرة ورا مجزرة
بظلام الليل .. فى كل فترة مؤامرة
بتخوفينا كل يوم من خطط متدبرة
وعجلة الإنتاج المتعطلة ومتكسرة

واننا لازم نكسر بسرعة شوكة الثوار
ولابد ندفن بالقلوب أحزاننا ع الأحرار
وننسى نتحاسب ولانطلب ف يوم التار
ولازم نتهم أبو الشهيد انه سبب الدمار

ومجلس عسكرى وشعب والاستشارى سكوت
ومشير بيشير علينا نصمت نهائى لحد الموت
وتسعين لواء ومدرعة على جثة ولادى تفوت
ولسا بتستحمى يابلدى من دمى وأنا ف تابوت

قومى تانى واستحمى فى دمايا انتهى زمن الكسوف
ولايهمك ولا يهزك ابن مات او فى المعتقل مخطوف
والأكابر فى طرة بيتمختروا ومعشش ف قلبك خوف
يابلدى حاكميهم زهقنا م التمثيل واللعب ع المكشوف

لكن يام البلاد انا مش هاسيب تارى
أقسم بالله العدل هاعيش بإصرارى
مش هسكت ولا يبرد ف يوم نارى
الا فى يوم الانتقام يرتاحوا ثوارى

[اميرة حبى انا]

بجد رغم انها بتقول واقع اليم جدا
واحداث مؤسفة مصر كلها بتعيشها
الا انك قدرت تهز كياننا بقوة كلماتك
الف الف شكر
وربنا يحلها من عنده

[fagrmasr01]

يارب تكون كلمات الشعب مدخل ان السلطان يصحصح وينتبه الى ان دم ولادى مش رخيص
اشكرك على تقديرك يا أميرة
وندعوا الله جميعا ان يلطف بأهالى الشهداء الذين يدهسونهم اليوم بالمدرعات لمجرد انهم يطلبون التحقيق مع من قتل اولادهم

[فريد]

المجلس يسوق البلاد الى مجزرة كبرى
ليعتم على كل جرائمه
و لكن الحق اعلى صوتا من الباطل
بارك الله فيك ياعم جمال
كلملت اكتر من رائعة
عبرت عما يجول بخاطرنا جميعا
بوركت و بارك الله فى قلمك

[fagrmasr01]

يارب يبارك لك يا فريد يا مصرى يا أصيل بحق

[خلود]

كلمات قويه جدا وحماسيه بشكل رائع

حسستنى انى عايزه انزل الميدان دلوقتى حالا

تسلم ايدك ياجمال ويسلم ابداعك الجميل

[اسامة22]

ياأهلا بيك ياجمال وبقصايدك الجميله اللى وحشتنا جدا

كلام فى روعته مافيش وفى قوته متلاقيش

ايوه كده ارجع لنا من تانى بأشعارك الجميله

مفاجأه جميله انى اجى الاقى جمال فى المنتدى من تانى

منور ياصديقى المشاكس

هههههههههههه

[fagrmasr01]

كلمات قويه جدا وحماسيه بشكل رائع

حسستنى انى عايزه انزل الميدان دلوقتى حالا

تسلم ايدك ياجمال ويسلم ابداعك الجميل




يارب يبارك لك يا مديرتنا

شكرا على التشجيع والتحفيز

ومع بعضنا ندعوا الى الله ان يحفظ مصر وشعبها الطيب

اللهم آمين

[fagrmasr01]

ياأهلا بيك ياجمال وبقصايدك الجميله اللى وحشتنا جدا

كلام فى روعته مافيش وفى قوته متلاقيش

ايوه كده ارجع لنا من تانى بأشعارك الجميله

مفاجأه جميله انى اجى الاقى جمال فى المنتدى من تانى

منور ياصديقى المشاكس

هههههههههههه



ربنا يخليك يا مشرفنا اشكرك جدا على التشجيع .. وأسعدنى جدا مرورك ياأسامة على كلماتى وتشجيعك يا صديقى .. وأتمنى اتطمن عليك يارب دايما بخير انت وأسرتك

ومع بعضنا ندعوا الى الله ان يحفظ مصر وشعبها الطيب

اللهم آمين

[الشاعره الثائره]

قصيده تتحدث عن نفسها
تشكى حالنا وحال دوله وما بها ...
صنعتها ايادى مبدعه أحببت تحتيها
فالحروف انحنت امامها

قصيده فى منتهى الجمال وحقا تناسب وقتنا هذا
دمت مبدعا تتلألأ دوما
تثبل مرورى البسيط هذا
تحياتى ♣

[fagrmasr01]

قصيده تتحدث عن نفسها
تشكى حالنا وحال دوله وما بها ...
صنعتها ايادى مبدعه أحببت تحتيها
فالحروف انحنت امامها

قصيده فى منتهى الجمال وحقا تناسب وقتنا هذا
دمت مبدعا تتلألأ دوما
تثبل مرورى البسيط هذا
تحياتى ♣



لكى كل الشكر والتقدير ياشاعرتنا الثائرة الرائعة
أسعدنى جداً اهتمامك وتقديرك يا شاعرة ومبدعة

ولا املك لكى ما يكافئ هذا التقدير
الا الدعاء جزاكى الله دوماً كل خير