في عيد ميلادك : أحمد فؤاد نجم

[محمود التهامي]

http://www.6ocity.net/vb/images/icons/icon4.gifفي عيد ميلادكhttp://www.6ocity.net/vb/images/icons/icon4.gif

للشاعر: أحمد فؤاد نجم


1184





سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
ليلتنا طين
وهل تعلم أن النيل بقي رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والإقتصاد سداح
والسرقة بقت كفاح
ومصر متاحة بس للسياح
وعرض البلد بقي مستباح
والثانية
ورتنا الويل
دا الخطوة في عهدك بقت ميل
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والثالثة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن بلدنا بقي تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام….عام
والفساد…..ساد
وفي جتة بلدنا بيرعي
أفتكر لجنابك إيه وللا إيه
وكل ذكري ليك بدمعة
آآآآآآآآه آآآآآآآآه
أنا كنت حالف مية يمين
أكملهم لك تمنية وسبعين
بس ها كفيهم ورق منين
وكل سنة وانت …………..
واحنا طيبين

[خلود]

اهلا وسهلا بك يامحمود وبرجوعك

اظن انا احضر شنطه وشويه لبس علشان هنروح كلنا كده مشوار

ربنا يستر

انا معرفش وماليش دعوه بحد

[اميرة حبى انا]

انا ماليش دعوة يا عم
انا عندى عيال
يعنى اعمل ايه بس احذفها ازاى دى
غلبتنىىىىىىىىىى
:50 (8)::50 (8)::50 (8):

[محمود التهامي]

ههههههههههههههههههه
ليه يا خلود
مش انتي اللي بعتيلي القصيدة دي وقلتيلي احطها عشان جهازك بايظ
ههههههههههههههههههههههههههههههههههههه

[خلود]

ياخرااااااااااااااااااااابى

ادينى لبستها اهو

محمود انت ايه جابك هنا تانى ياعم

والله ولا لى دعوه وربنا

[محمود التهامي]

لأ انتي
وأميرة ومحمد شاهدين
ومنصور قصدي محمود كمان

[اميرة حبى انا]

هههههههههههههههههه
اهو جابها فيكى يا حاجة
اما ديكتاتور صحيح

[الباشا تلميذ]

القطاع العام….عام
والفساد…..ساد
وفي جتة بلدنا بيرعي
أفتكر لجنابك إيه وللا إيه
وكل ذكري ليك بدمعة
آآآآآآآآه آآآآآآآآه
أنا كنت حالف مية يمين
أكملهم لك تمنية وسبعين
بس ها كفيهم ورق منين
وكل سنة وانت …………..
واحنا طيبين

وربنا يستر
عليناااااااااااااااااااااااااااا

[خلود]

مين اميره محمد ومحمود

انا معرفش حد بالاسامى دى

انتم مين وجايين مع مين

انت عايز مين

هو فيه ايه:36_6_7[1]:

[محمد المصري]

هههههههههههههههههههههههه

بصوا بقى ما دام فية خلافات داخلية يبقى كلكم فى الخيه

يا اما حد يعترف ويشيل الليله

بقى
هههههههههههههههههه

[خلود]

انا معرفش حاجه ومعرفش حد اسمه محمود التهامى

وربنا حرام عليكم بقى

مافيش عندكم غيرى ولا ايه :50 (8)::50 (8):