المساعد الشخصي الرقمي

مشاهدة النسخة كاملة : انقطاع المياه


nogafoda
22-05-2010, 03:13 PM
يا جماعه المياه مقطوعه من امبارح
واتصلت ب125
رد عليا الموظف وقالي انها مش هتيجي قبل48ساعه كمان
وكان صريح معايا وقالي يا مدام لو لكي مكان تاني غير اكتوبر ياريت تروحي
علشان المشكله المره دي كبيره
واحنا بنحاول نسيطر علي الموقف
ده طبعا بخلاف انقطاع الكهرباء المستمر علي الاقل ساعه في اليوم
وربنا يرحمنا جميعا
stylooo
22-05-2010, 08:16 PM
ماذا يحدث ف 6 أكتوبر ؟؟ظ
و ما هذه المعاناة ؟
إذا لم يكن عندى مكان آخر أذهب لمن ؟؟؟؟؟؟؟
ما هذا التقاعس عن خدمة الجمهور ؟؟؟؟
فلا غنى عن المياه
و الكهرباء أيضاً
محمد المصري
22-05-2010, 08:22 PM
اعتقد ياجماعة اننا لازم نقدم استجواب لمجلس الشعب

يا اما نشترى بمرتباتنا مياه معدنيه وياريتها تكفى

وامرنا لله

انا فى مصر اذا انا غير ادمى

لا حول ولا قوة الا بالله

انا اعانى من مشكلة المياة يوميا

حتى بدون مشاكل او اعطال

المياة لا تصل للدور الخامس

قولولى اعمل ايه انا تعبت
محمود التهامي
23-05-2010, 06:07 AM
واحده واحده بس يا جماعه
بلاش نعلق المشانق على كل حاجه او غلطة او سهوة صغيرة
عشان ما نعملش زي الراجل اياه اللي راح اعتصم عشان بنته مدخلتش المدرسة

المية كانت مقطوعة بسبب انفجار ماسورة رئيسية
وكان تأثيراها على اغلب الاحياء
انقطاع تام بالحي الثامن والـ 12
وضعف شديد بالحي 6
لكن الغريب انها كانت موجودة بضعف بسيط جدا في الحي السابع

المهم انها رجعت يوم السبت الساعة 2 ونص ظهرا
يعني مش 48 ساعه ولا حاجه

مع العلم اني في الدور الخامس
ورغم كدا المية بتوصل وموجوده اغلب الوقت بنسبة لا تقل عن 98%

بالمرة كمان احب اضيف ان المدينة فيها شغل واضح في الكام يوم اللي فاتو
زي وضع اليفط على الميادين
ووضع اشارات مرور في ميدان الحصري
وتحسن في الحركة المرورية بشكل عام
امبارح بليل وانا راجع شوفت ميكروباص اصفر سوزوكي مكتوب عليه مشروع نقل الركاب الداخلي 6أكتوبر - الشيخ زايد
هل تم بدء تسيير الميكروباصات الجديدة ؟؟
وهل ستعمل بين الأحياء بدل النص نقل والميكروبااصات الرمسيس او الترامكو
ياريت حد يأكدلنا المعلومة دي ويمدنا بالتفاصيل لو أمكن
stylooo
23-05-2010, 09:07 AM
واحده واحده بس يا جماعه
بلاش نعلق المشانق على كل حاجه او غلطة او سهوة صغيرة
عشان ما نعملش زي الراجل اياه اللي راح اعتصم عشان بنته مدخلتش المدرسة

المية كانت مقطوعة بسبب انفجار ماسورة رئيسية
وكان تأثيراها على اغلب الاحياء
انقطاع تام بالحي الثامن والـ 12
وضعف شديد بالحي 6
لكن الغريب انها كانت موجودة بضعف بسيط جدا في الحي السابع

المهم انها رجعت يوم السبت الساعة 2 ونص ظهرا
يعني مش 48 ساعه ولا حاجه

مع العلم اني في الدور الخامس
ورغم كدا المية بتوصل وموجوده اغلب الوقت بنسبة لا تقل عن 98%

بالمرة كمان احب اضيف ان المدينة فيها شغل واضح في الكام يوم اللي فاتو


أحيى حضرتك على نبرة التفاؤل دى
و لكن تقاعس الجهات التى تقدم خدمات
هو ما يجعل المدينة ف انهيار بسبب إنها تحولت محافظة
و الفرد منا لا يدرى لمن يتوجه بالشكوى للمحافظة أم للجهاز و هكذا دواليك
زي وضع اليفط على الميادين
ووضع اشارات مرور في ميدان الحصري
وتحسن في الحركة المرورية بشكل عام
جهد رائع يشكر عليه المسئولين
و لكن مازال هناك أمل ف استمرار التحسن
لكن لماذا تم تغيير أسماء الميادين ؟؟؟؟؟؟
امبارح بليل وانا راجع شوفت ميكروباص اصفر سوزوكي مكتوب عليه مشروع نقل الركاب الداخلي 6أكتوبر - الشيخ زايد
هل تم بدء تسيير الميكروباصات الجديدة ؟؟
وهل ستعمل بين الأحياء بدل النص نقل والميكروبااصات الرمسيس او الترامكو
ياريت حد يأكدلنا المعلومة دي ويمدنا بالتفاصيل لو أمكن

المكروباس موجود و لكن ليس له رابط
و لا بونديرة فكل ما تشاور لأحدهم يقلك مخصوص
أذن المشكلة لم تحل
هذا بجانب أن السيارات السوزوكى
تعمل برغبة السائق بين الحى العاشر و السابع و العكس
و باقى الاحياء مازالت تغط فى سيارات النقل
الغير آدمية

و هكذا يكون المنتدى مناقشات
و معرفة الجديد دائما تحت سماء
6 أكتوبر
محمود التهامي
23-05-2010, 06:20 PM
بالنسبة لحكاية المحافظة والمدينة فيه حاجه نفسي ناخد بالنا منها
وهي انه مفيش أي فرق بين 6 أكتوبر لما كانت تابعه للجيزة
وبين مدينة 6 أكتوبر عندما اصبحت تابعه لمحافظة 6 أكتوبر

المفهوم الخاطي ان مدينة 6اكتوبر أصبحت محافظة

لكن كل الموضوع ان المدينة تبعيتها اتغيرت لمحافظة جديدة اسمها 6 اكتوبر بدلا من محافظة الجيزة
وأكرر ان المدينة لم تتحول لمحافظة بل نقلت تبعيتها لمحافظة اخرى

وبالتالي مش من المفروض اننا نستنى اي فرق او تغيير بين الحال السابق والحالي
الا شوية زيادة في الميزانية لان 6 اكتوبر - المحافظة - اغنى من الجيزة
محمود التهامي
23-05-2010, 06:23 PM
وبخصوص سؤالك نشتكي للجهاز وللا للمحافظة فأكيد للجهاز
لان القوانين الحالية تنص على ان تبعيه المدن الجديدة على مستوى الجمهورية
هي لهيئة المجتمعات العمرانية الجديدة التابعه لوزارة الاسكان وليس للمحافظة
يعني مدينة 6 أكتوبر ستظل تابعه وتحت مسؤولية هيئة تنمية المجتماعت العمرانية الجديدة
إلى ان تكتمل كل انشاءاتها وتسلم بعد ذلك لمحافظة 6 أكتوبر
haneen
23-05-2010, 11:10 PM
المية رجعت امبارح العصر ورجعت قطعت اليوم الاحد طول اليوم ويا عالم هتيجي امتى
125 كل مرة المية تقطع بالايام يقولوا كسر في الماسورة الرئيسية الا جاية من الهرم وفيصل
عيزة افهم هيا الماسورة دي ملهاش حل خالص؟
ولا هي حجة كل مرة ؟
ولا البلد دي ملهاش ظابط ولا رابط ؟
حسبنا الله ونعمى الوكيل
محمود التهامي
23-05-2010, 11:28 PM
انا ساكن في الحي السادس والميه موجودة
وشغلي في الحي السابع والمية برضه موجودة
تبقا فين المشكلة ؟؟؟
haneen
24-05-2010, 07:05 PM
في كارثة في الحي الرابع عندنا
واضح انهم وهما بيصلحوا العطل قفلوا علينا المية ونسيونا كمان
بقالنا يومين المية مقطوعة في شارعنا بس وباقي الحي عنده ميه
يا ريت يا جماعة

انا بستأذن لو ممكن حد يديني نمرة تليفون حد من الجهاز او المسؤلين عن المية
125 معندهمش خبر عننا وبيقولوا الخط اتصلح خلاص
رجاء المساعدة بجد تعبنا ومش لاقيين حد نكلمه وواضح انهم هينسونا كده
محمود التهامي
24-05-2010, 07:25 PM
دي أرقام تليفونات أعطال المياه في الجهاز
38350401/38350410