إبراهيم البشبيشي
12-02-2009, 10:26 PM
من زمان وأنا بحبها .. من سنين طويلة معرفش كام سنة , ممكن يكون حبي لها من يوم ما اتولدت ممكن يكون بدأ في يوم من غير حتى ما أقصد وأنا عيل صغير واقف ببص عليها من الشارع وهي واقفة في بلكونة بيتهم بتروي الورد , وكنت ساعتها دايما بفتكر اغنية عم أحمد منيب المتسجلة على شريط قديم عند ابويا الدنيا برد .. وعم خليل بيسقى الورد برغم إننا كنا بنبقى في يوليو وأنا واقف بالعب بلي في الشارع وهي أحلي بكتييييييير من عم خليل اللي أنا عمري ما شوفته غير في خيالي طبعا وهو بيسقي الورد , يمكن حبيتها لما كبرت وبقيت عيل في إعدادي وحسيت ناحيتها بكل العواطف المختلطة اللي بتملأ نفوس كل المراهقين في السن ده ولما اخترت عروسة لأحلامي لأول مرة في حياتي كانت (( مــــرام )) وما حدش غيرها قدر ينافسها في قلبي , يمكن حبيتها أكتر لما كبرنا وبقينا كبار في ثانوي برغم انها دخلت ثانوي تجاري وأنا دخلت الثانوية العامة لكن كان دايما بيجمعنا بيت واحد ويلم واحد وشغف في مدرسة الشهيد أحمد عمران وقالتلي ساعتها على تصريح خطير قالتلي انها بتحب الشعر جدا وانها بتكتب شعر ويومها قررت إني اتقرب ليها بالشعر حتى لو ما بعرفش اكتب شعر هاحفظ شعر كتير واقوله قدامها وبكده اضمن إني اقعد معاها شوية زيادة على الرصيف واحنا مروحين من المدرسة للبيت ياه إيه الحلاوة دي كل يوم 30 دقيقة لمدة 6 ايام في الأسبوع ولو رتبت مواعيدي صح هاقدر اقابلها وهي نازلة يوم الجمعة الصبح تجيب الفطار والسجاير لأبوها . وأصبحت مرام بمر الأيام حلوة .. سمراء .. مسمسمة .. أنثى بمعنى الكلمة وماتفتكروش إني هاقول أكتر من كده أنا واحد , انبسطت مني مرام أوي لما قلت لها بكل فخر إني رايح مسابقة الإلقاء في كفر الجبلمعتنق مبدأ ( عنترة بن شداد ) في الغزل العفيف مش الشعر إياه بتاع عمرو ابن كلثوم وزهير بن ابي سلمى والناس الصعبة دي , وأول ماكتبت الشعر كتبته عشان ابقى جنبها واحوز على اعجابها وقلت فيها ساعتها :
حاولـت نظم أشــعاري علِّي بها أصل المــرام
ونثرت حلمي تحت أقدام محبتــك وبدون كلام
ورسمت وجهك بين دفتي قلبي منزوع اللجام
لكنني أصحو من أثر الوصـــال كأضغاث المنــام
ولما قلت الأبيات السابقة لاقيتها أوشكت على تقبيلي من كتر فرحتها بيا , الظاهر أنها انبهرت باللي قلته فيها من شعر وحسيت انا كأني عنترة وهو واقف قدام عبلة وبيناجيها بشعرة الرائع بتاع الجاهلية ........
وده كان مفتتح حكايتي مع مرام وأنا دلوقتي مستني اصواتكم عشان أكمل الحلقة التانية من مغامراتي مع مرام . وأخيرا شكر لكم على كل لحظة اهتمام قرأتم فيها حرف كتبته . وسلام
حاولـت نظم أشــعاري علِّي بها أصل المــرام
ونثرت حلمي تحت أقدام محبتــك وبدون كلام
ورسمت وجهك بين دفتي قلبي منزوع اللجام
لكنني أصحو من أثر الوصـــال كأضغاث المنــام
ولما قلت الأبيات السابقة لاقيتها أوشكت على تقبيلي من كتر فرحتها بيا , الظاهر أنها انبهرت باللي قلته فيها من شعر وحسيت انا كأني عنترة وهو واقف قدام عبلة وبيناجيها بشعرة الرائع بتاع الجاهلية ........
وده كان مفتتح حكايتي مع مرام وأنا دلوقتي مستني اصواتكم عشان أكمل الحلقة التانية من مغامراتي مع مرام . وأخيرا شكر لكم على كل لحظة اهتمام قرأتم فيها حرف كتبته . وسلام