إعـدام مبـــارك

[وردة الايمان]

http://www.vb.6ocity.net/images/imgcache/2012/01/9838.jpg

مبارك



فيه اختلافات كتيرة عن مبارك ونظام حكمة السابق

ومهما كانت الاختلافات والاراء

اللى عايزة اسألة وبمنتهى الصراحة وبدون اى خوف من ردود الافعال


إنت أو إنتى مع إعدام مبارك ولا لأ ؟

[محمود التهامي]

الموضوع دا كبير قوي يا وردة وبيزعل ناس كتير
انا عن نفسي ضد مبارك ونظام مبارك
لكن ضد التشفي والانتقام بكل انواعه

مبارك أخطأ سياسيا ولا مهرب من الاعتراف بذلك

ولكني لاأجد له خطأ جنائي يستحق الاعدام
وإن وجد فالقضاء هو الذي يحدد ان كان مذنب أم لا
ولن أعترض على حكم القضاء

وفي كل الأحوال أرى ان تاريخ مبارك وخدمته لمصر
اكتر من مجرد الثلاثون عاما التي حكم فيها مصر
فهو على الأقل خدم مصر في مواقع أخرى لمدة مماثلة إن لم يكن أكثر

ربما كانت خدمته الطيبة التي وصلت به لهذه المكانه
في عهد عبد الناصر والسادات
تكفر عن سيئاته واخطاءه طوال فترة حكمه
التي اعتقد ان نصفها الاخير فقط هو السيء

رأيي اننا لا يمكننا أن نحكم على الناس بخواتم أعمالهم فقط
فكلنا خطائين ولا ندري بأي صورة وعلى أي ذنب سوف يقبضنا ملك الموت
وعلينا ان نتقي الله في خلقه ان كنا نحب وننتظر أن نعامل بنفس المعاملة

[وردة الايمان]

انا كمان عارفه ان رأيى ممكن يزعل ناس كتير

وكنت خايفه اقوله من البداية لحسن الموضوع يتم حذفة

انا مش مع مبارك وسياسته ابدا

لكن انا مع مصر وتاريخها ومكانتها بين كل دول العالم

بعد ما شوفت اعدام صدام بأيد العراقيين

وبعد ما شوفت منظر القذافى وهو بين دمائه

اتمنيت ان ما اشوفش رئيسنا السابق بالشكل ده

وعمرى ما اتمنيت انه يموت على ايد المصريين

وزى ما انا زعلت على شهداء الثورة هزعل اكتر ان مبارك
(اللى لحد دلوقتى لم يتم اثبات انه المسؤول عن قتلهم ) ممكن يتعدم بأيد شعبه

انا عارفه ان رأيى هيزعل ناس كتير

وربنا يستر

[محمود التهامي]

ههههههههه
عارفه يا وردة
دي ابوخ حاجه في اللي بيقولو عليها ثورة دي
الأول كنا بننتقد أي حد وأي حاجه ومكنش حد بيزعل ولا بيعترض
لكن ديكتاتورية اللتحرير دلوقتي ما بتسمحش لأي حد مهما كان
انه يخالفها او يعترض على طلباتها او اراءها
اتارينا في عهد مبارك كنا واخدين حريتنا ومش واخدين بالنا
ههههههههههههههههههههههه

وعلى رأي المثل
يا ناكر خيري بكرة تشوف زمني من زمن غيري

[فريد]

ههههههههههههههههههههههههههه
مع انى معترض على كلامكم من اوله لاخره
لكن اهو اديكم بتقولوا رايكم بصراحة
و محدش قال عليكم فلول
ههههههههههههههههههههههههههههههه
لكن ان راى موضوع تاريخه يشفع له ده
يعتبر كلام مش فى مكانه
يشفع له على ايه
على البلد الا كان خربها هو حاشيته
اقصد الا باعها
على الجوع و الفقر و الجهل و البطالة و قلة القيمة
اعتقد انك تتكلمون عن انفسكم انكم عايشين كويس و انا برضه الحمد لله
لكن فيه الالاف غيرنا مش لاقيين
حرية الراى كانت فى حدود ضيقة و اعتقد لو حد فيكم كان زار القسم مرة
او زاروه الا فى القسم مرة
كان قال غير كده او حتى حد قريبه او صديقه
للاسف انتم بتبصوا للموضوع من وجهة نظركم بس
ده مش انتقاد ليكم
بالعكس انا بحاول اوسع الرؤيا
مبارك حكمنا بالحديد و النار
موضوع قتل الثوار هو حاكم مصر و القائد الاعلى للقوات المسلحة و الشرطة
و مجلس الشعب و الشورى و بتاع البطاطا و كل بتاع الجزم
و هو صاحب محل الحلاقة و هو كان كل حاجة
ياجماعة حرام و الله
امال مين المسئول

[خلود]

ما شاء الله عليكم

جميل نقاشكم ده

نقاش عاقل ومتزن بمنتهى الديمقراطيه

حلو اوى نحترم اراء بعض ونناقشها بدون تحيز او تزمت او فرض رأيى بالعافيه

اشى خيال ياناس
بس يارب مكونش بحسدكم وتدخلوا
تتخانقوا فى موضوع تانى
هههههههههههه

[محمود التهامي]

يا فريد والله ما حد في مصر مرتاح
هتكلم عن نفسي واقولك اني شغال شغلانتين عشان بس اقدر اعيش

والحرية اللي بتتكلم عنها هي هي في كل مكان في العالم
ولو مش مصدق شوف الشرطة الامريكية بتعمل ايه في متظاهري وول ستريت
وشوف انجلترا عملت ايه في المتظاهرين هناك
وشوف الافلام الامريكية اللي فيها ظباط محترمين جدا
وفيها برضو الظباط اللي بتفرض اتاوات على العصابات وتغتصب حقوق المواطنين
كل دا موجود في كل مكان في العالم
والتعميم عمره ما كان صح
عندنا شرطة بعض افرادها فاسدين
لكن مش كلهم
زي الدكاترة اللي بتسرق اعضاء
زي المهندسين اللي بتغش في المباني
زي السواقين اللي بيسوقو بسرعه
زي اي حد مش بيعمل شغله مظبوط

اما الالاف اللي مش لاقيين اللي بتقول عليهم ويمكن يكونو ملايين مش الاف
موجودين في كل مكان في العالم
حتى في امريكا
اللي ماسكة في الديموقراطية
ودايرة تفرضها على كل مخاليق ربنا

بالنسبة للثوار
اللي مبسوط قوي انك ماقولتش عليهم شهداء
فمسؤولية مبارك عن قتلهم مسؤولية شرعية
بصفته الراعي وهم الرعية
لكن لا اعتقد ابدا ان مسؤول عن قتلهم جنائيا
ودا اللي غالبا هتحكم به المحكمة
لان مفيش دليل واحد حقيقي انه له دخل بقتلهم