يد واحدة .. المرحلة التاسعة .. قطاع ك [الأرشيف]

mmhossny

15-05-2010, 10:46 PM

السلام عليكم
مبروك للاخوة جميعا وجيران المستقبل قطاع (( ك ))... ارجو ان نكون يد واحدة فى جميع المراحل حتى لا يضيع حقوقنا ونبدا بالقطاع (( ك )) الخاص بنا .. مع ان اتمنى من كل اللاخوة انها تكون ايد واحدة ... ولكن ؟؟؟؟؟؟؟؟؟
انا عارف ان فى بعض الجيران بيفكروا فى البيع او فى كيفية البناء او تكاليف البناء او ؟؟؟؟؟؟؟ وفى ناس بتفكر تبنى دور واحد وفى ناس بتفكر فى 3 ادوار كل دا والعرب وكيفية التخلص من النصابين والمقاولين وحاجات كتير لانى انا مثلكم وفى قطاع (( ك )) اقترح
اولا : عند الاستلام اتمنى من الجميع وهو تقريبا حوالى 150 جار فى اليوم الواحد ... ان يتم التنسيق بينهم وان يتم التعارف والتوصل باى طريقة عن طريق ايميل او رقم تليفون لانهم هيكون اقرب الجيران
ثانيا :عند عمل استخراج الرخصة والاجراءات المتعارف عليها او الغير متعارف عليها نكون معا او نحدد فترة زمنية
ثالثا : بعد استكمال الاجراءات والكلام المعتاد ان نذهب جميعا الى رئيس الجهاز او بنك الاسكان والتعمير وان يقوم بترشيح شركة مقاولات تقوم بالبناء لنا جميعا فى وقت واحد وعلى الاقل دور واحد تحت اشراف اى جهة حكومية البنك او الجهاز وان يكون التعامل مع الشركة عن طريق البنك او الجهاز
(( واللى عاوز يكمل باقى الادور يكمل هو فى الوقت الذى يراه وربنا يقوية ويرزقة ))
وذلك لـ
1- نحمى انفسنا من الشركات النصابة واللى يضحكو علينا لعدم خبرتنا الكافية
2-العرب واللى بنسعمو عنهم من سرقة مونة وحديد
3-التكلفة هتكون اكيد اقل
4-تفادى موضوع المنسوب الصفرى اعلى او اسفل عن ارض جارى والحفر وما يسببة من مشكلة عندك او لجارك بدون قصد كما يمكن الحفر واخذ متر بدون قصد والجرى وراء الحل والترضية لجارى وعمل مشكلة بدون لازمة وغير مقصودة
5-تفادى موضوع المعاينة والجرى وراء المهندس المختص للمعاينة وممكن نعيد البناء من الاول لوجود اخطاء من الشركة المتعاقدة معها او المقاول (( ايضا لعدم خبراتنا ))
6- التزام البنك او الجهاز معنا هيفرض عليهم صرف الدعم فى ميعاده والمعاينة ايضا فى ميعادها
7- توفير الوقت لدينا لان الكل سيكون فى شغلة ومطمئن ان العمل سيكون على مايرام
8-الشركة ستكون متلزمة امام الجهاز او البنك وبذلك ستكون حريصة على التسليم واذا حدث تاخير هيكون للجميع وليس فرد وبذلك فمن الصعب على الجهاز ان يحاسب مجموعة كبيرة ليس لهم ذنب على عكس فرد واحد
9- اللى بيفكر يبيع الارض او اللى واخدها تجارة او داخل المشروع استثمار يبيع ... لكن بقول له اصبر شوية سعرها هيزيد بعد مايكمل المشروع والشكل النهائي ويدخل لها المرافق وتبقى لها شكل اكيد هتكسب اكثر

اخيرا انا قولت راى واتمنى ان الاقى تعاون واقترحات من جيرانى الجدد جيران المستقبل لجعل منطقتنا اكثر جمال ... انا عارف ان الموضوع دا صعب تحقيقة والصعوبة تاتى لعدم تكاتفنا معنا لكن اهى محاولة لمنع الابتزاز من الصنايعية والمقاولون الجشعين والسماسرة الذين يحبطوا من عزيمتنا فى جعل كل واحدة له حق فى قطعة ارض ليكون له منزل جميل جيران محترمين فى اعمار متقاربة ... واسئلو مجربين فى المراحل السابقة واللى شافوه واللى حاربوا من جل قطعة الارض اللى هم عليها الان واذى ذاقوا من تعب ومر لعدم خبراتهم وعدم امكانيتهم ...

ودول 9 اقترحات (( علشان دى المرحلة التاسعة)) وكلنا يد واحدة (( علشان قطاع ك ))
وشكرا

عفاف على

16-05-2010, 12:22 PM

اخى الكريم
اولا السلام عليكم ورحمة الله وبركاته
ثانيا الف الف الف مبرووووووك للجميع على الاراضى
ان شاء الله فاتحة خير
انا معك فى القطاع ك إن شاء الله تعالى
وأتمنى كما قلت اخى الكريم ان نتكاتف جميعا فى هذا البناء حتى لا يتم النصب علينا
او المعوقات التى سبقت اخواننا السابقين
واخيرا اتمنى ان يتم التسليم على خير واقتراحك اخى لتولى شركه تابعه لبنك او شىء من هذا القبيل مفيد لنا جميعا
حيث لا نتحمل عبء التشطيب فى الوقت المحدد الاولى
ويكون هذا من قبيل المختص لذلك ممن يرشح للبناء
وكما قلت لا نخطىء فى ارفاق لانفسنا جزءا من ارض جيراننا وعملية التراضى او الهدم لعدم توافق المواصفات
بس
انا مكتبتش 9 نقاط مثل حضرتك
و
تحياتى لكم جميعا بكل خير والى ما يحبه الله ويرضاه لنا
اختكم
مدام عفاف على

mmhossny

16-05-2010, 09:43 PM

شكرا على رد حضرتك ... واتمنى ان تكون خير لنا جميعا وان نبدا من هنا لتعارف على جيران المستقبل وان نتبدى معا فى دعوة الجيران المستقبل للتعارف واليد الواحدة ... يد الله مع الجماعة
ومعذرة وقد عرفت من خلال مشاركة حضرتك ان الاوفيس فى مش موجود وقد قمت بعمل صورة لمعرفة موعد الاستلام
على فكر انا قبل حضرتك بيوم .... ياريت حضرتك تتولى فى اليوم بتاع حضرتك فى الدعوة وانا هتولى اليوم بتاعى بالاضافة الى المجموعة الموجودة هنا فى المنتدى لعل وعسى نلم اكبر عدد من الجيران ليكون معا يد واحدة وربنا معنا انشاء الله
1178
على ممكن تعلمى ريت كليك right click بعد الوقوف على الصورة ونختار save pictucre as وتحملى الصورة لتكون عند حضرتك على الجهاز وتكبريها
وشكرا

نجلاء احمد

23-05-2010, 11:47 AM

شكرا على خريطة القطاع ك كنت اتمنى تبقى جارى بس يظهر القطعة بتاعتك بعيدة عنى انا ها استلم فى اول يوم بس الارقام مش ظاهرة فى الخريطة اروح اشوفها بنفسى

mmhossny

23-05-2010, 09:30 PM

العفو ياجارتى الجديدة ومحدش عارف يمكن بعيد شوية كدا حوالى 3 او 5 دقائق ماحضرتك شوفتى الخريطة عاملة اذاى وحسابيا كدا يعنى مش هنكون بعيد ياريت ... ياريت نتواصل معنا نحن قطاع ك وابدئى حضرتك مع جيرانك المقربين اى اللى فى نفس اليوم وسوف اقوم انا بالمثل وياريت م/عفاف كمان تكون معنا لنجمع اكبر عدد من الجيران المتعاونين فى البناء لنكون يد واحدة ...
وابقى احيكى لنا ماذا تم مع حضرتك عند الاستلام ... لاننا داخلين على مرحلة شاقة فى حياتنا ومحتاجة توفيق من الله مع صبر وتعاون

عفاف على

24-05-2010, 09:21 AM

صباح الخير عليكم جميعا يا جيرانى الاعزاء
اولا الف الف الف مبرووووووووووك للى راح يستلم
ثانيا اللى هيستلم ياريت تيحكى لنا ماذا حدث
ونحن تباعا ان شاء الله
معلش مكنتش متواصله معكم طبعا عارفين وقت امتحانات
الله بعون الجميع
واهلا بيكم يا جيرانى الجداد ويارب تبقى فاتحة خير علينا جميعا
والله كان حلم حياتى ان يكون لى بيتى الخاص وحواليه جنينه حلوه وخضره سبحان الله
يارب يتمها على خير لنا جميعا اللهم آمين
واتمنى التوفيق للجميع
وان شاء الله هحاول وقت استلام ارضى ان اتعرف على اكبر قدر من
جيرانى الجد د بمشيئة الرحمن
صباحكم فل وياسمين
استودعكم الله على خير اللقاء
اختكم عفاف على

نجلاء احمد

24-05-2010, 09:45 AM

اكيد ان شاء الله ها ابلغكم عملت اية انا ها استلم فى اول يوم فى قطاع كاف لانى قطعتى فى 150 الاولى

misopop

02-06-2010, 01:08 PM

السلام عليكم ورحمة الله وبركاته
انا معاك فى المرحله التاسعه قطاع ك قطعه 95
وان شاء الله نقف يد واحده لتحقيق حلمنا
ويا ريت لو حد عنده أفكار أو عروض لبناء الأرض يطرحها
وياريت نكون متعاونين مع بعض لأننا كلنا ناس متعلمه وهنكون جيران فى المستقبل بأذن الله
وأنا عندى أقتراح أنه بعد الأستلام كل واحد يكتب الأيميل بتاعه ورقم الموبايل والقطعه والمنطقه ونجمعهم كلهم حسب ترتيب القطعه علشان كل واحد يتعرف على جاره فى القطعه اللى بجانبه وده هايسهل انه يقدر يتصل بيه لو فى حاجه عاجله .
وربنا يوفقنا جميعآ ****

masry_77

08-06-2010, 07:37 PM

سلام عليكم جيرانى الاعزاء

ان شاء الله سوف أقوم باستلام الأرض يوم السبت الموافق 6-12 وأتمنى من الناس اللى أستلمت تحكى لنا هل قابلتهم مشاكل أو صعوبات لا قدر الله ولاّ الأمور صارت على ما يرام ؟؟

تحياتى لكاتب هذا الموضوع و لكل من دعا الى تعاونا سويا فيد الله مع الجماعة

عفاف على

09-06-2010, 07:21 PM

السلام عليكم ورحمة الله وبركاته
اولا كل وقت وانتم طيبين
ثانيا إن شاء الله انا سوف استلم غدا بمشيئة الرحمن
وعندما اعود بأمر الله سوف احكى لكم عما حدث وان شاء الله
يبقى كل خير
وياريت فعلا اللى استلموا قبلنا يقولوا لنا
ما هى الخطوات المتبعه حتى نستطيع
ان نقوم بها دون لف ودوران
وربنا المعين
تحياتى للجميع
واوقات طيبه
اختكم عفاف

misopop

09-06-2010, 07:56 PM

بسم الله الرحمن الرحيم
أخوانى الأعزاء
أنا أستلمت يوم 6/6/2010 ومافيش اى صعوبه فى الموضوع
تواجد فى جهاز مدينة 6 أكتوبر الساعه 7:30 أو 8:00 ص وعنوان الجهاز الحى السابع أمام نادى 6أكتوبر
أول ما ها توصلوا تظهروا الجواب اللى استلمه كل واحد وفيه رقم القطعه والمنطقه والمرحله ألخ...
وهايدولك رقم أحتفظ بيه وأدخل أنتظر داخل الخيمه
ثم يبدأ شخص ينادى على الأرقام بالترتيب
وكل واحد يكون مجهز معاه ضامن سواء أخوه أو صديق ويصور بطاقته المالك 5 صور والضامن صوره واحده
وتبدأو الأجراءات وبصراحه سهلة وبسيطه وكلها فى مكان واحد
بس أعملوا حسابكم فى فلوس حوالى 1300 جنيه
600 جسه + 650 رخصه
وبعد تخليص الأجراءات هيتحرك أتوبيس من أمام الجهاز لتسليم قطع الأراضى
ويمكن لمن يملك سياره خاصه الذهاب خلف الأتوبيس بس نصيحه أركب الأتوبيس وأركن عربيتك داخل الجهاز
لأن المنطقه غير ممهده ولو عربيتك ضعيفه ممكن تغرز أو تعطل
وربنا يوفقكم جميعآ.. ****

mmhossny

09-06-2010, 08:14 PM

فى اضافة بس صغير زيادة على الاستاذ misopop (http://www.vb.6ocity.net/member.php?u=15339) وهى من عند الدخول ولغاية انتهاء الاجراءات وكل فرد يعطى كروت لشركتة للبيع او البناء بصراحة انا معيا كمية كروت كتييييييييير جدا وكل مااسئل حد عن شركتة انت بانى فى المشروع يقول ايوه طب معاك سجل تجارى او بطاقة تجارية يتوه الموضوع ويقول تعال نروح نتفرج وتشوف الشغل .. بصراحة ناس مش عارف الواحد يثق فيهم والا لا يثق عموما ياخوانى انا حاولت اتعرف على بعض الجيران الجديد ولكن الموضع كان صعب نظرا للعدد مع ان هناك الموضوع منظم والا يمكن علشان الارقام مش قريبة ... ياريت لو حد عرف اى حد قريب منه ان يدعو له للبناء الجماعى ويبلغنا وليكون هنا موقعنا لنكون يد واحدة
وشكرا

نجلاء احمد

10-06-2010, 10:19 AM

انا استلمت الارض بتاعتى خلاص رقمها 146 بس قابلت ناس بس كلهم مش عارفين يعملوا اية تايهين
بس كمان اتعرفت على واحد شغال فى شركة مقاولات وقال انه ممكن نساعد بعض فى البناء وبلاش نعتمد على الشركات دى لانى اكتريتها نصابه

mmhossny

10-06-2010, 11:55 PM

السلام عليكم
الف مبروك وربنا يجعها خير عليكى ... فعلا الشركات كلها متعرفش مين صاحبها والا اى حاجة حتى هناك الصول اللى كان بينادى على الارقام حظر منها ... لكن الشخص دا معنا فى قطاع ك معنا والا شغال فى شركة وجاى بيعمل شغل ... اصل انا معيا كروت كثيرة وكلهم ممكن يساعدونا فى البيع او البناء ... طيب حاولتى تاخدى ارقام تليفونات او حتى الايملات علشان التعرف او حتى داعيتهم للجروب ... عموما الف مبروك وربنا معنا انشاء الله
على فكرة انا 409 نموذج ع3 وحضرتك نموذج ايه وناوية تعديلى والا كدا رضا

عفاف على

11-06-2010, 04:52 PM

السلام عليكم ورحمة الله وبركاته
اولا اهلا بيكم
ثانيا انا ذهبت امس للجهاز وقمت بكل الاجراءات فعلا فى الخيمه
انا وزوجى الضامن لى
وفعلا لابد من وجود صاحب الارض وضامن معه
و4 صور للبطاقه و1 صوره لبطاقة الضامن
ثم نقوم بملء استمارات وننتظر لينادوا اسمائنا
وفى بعض الجيران كان عندهم بعض الامتار زياده فى التقسيم دفعوا الفرق نقدا فى الحال
يعنى مثلا فى جار كان يزيد ارضه عشرون مترا دفع حوالى 2000 وشويه وانا ناقص من عندى خمسه سنتيمتر فلم ادفع شىء
واللى عنده زياده كام سنتى دفع 4 جنيهات وهكذا
وكل الاجراءات تتم فى الخيمه ثمن الجسه 600 وثمن التراخيص 651 جنيه
وفى خلال 45 يوما نستلم تقريبا تراخيص البناء
وربنا ييسر الامور
اما من ناحيه ان نرى الارض
اكبر غلطه عملناها انا وزوجى ان ذهبنا وراء بعض الناس كانت معانا العربيه وتوهنا فى الصحراء
وعقبال ما وصلنا كان الاتوبيس وصل بالناس الجيران من الجهاز
وطبعا عقبال لما شفنا الارض وجينا نمشى العربيه غرست فى الرمل وكان من الصعب ان نخرجها لولا ان كان فى بعض الاشخاص عربيتهم غارسه ايضا
وقاموا بمساعدتنا
والحمد لله
فعلا المفروض اللى معه عربيه ياما يمشى وراء الاتوبيس
ياما يركبه ويترك العربيه خارج الجهاز
وربنا يعين الجميع
اما لملاقاة بعض الجيران فادوب
شفت جار واحد فقط جارى مباشرتا ولكن لم نتفق على شىء لانه حتى الان لا يعلم او كلنا لا نعلم كيف نبنى الارض ومتى وحين تتضح الامور
وجاره فى اخر الشارع وربما يكون منزلها فى ظهر الشارع يعنى لن يكون باباها الامامى اتجاهنا
وربنا ييسر الامور
انا حاولت اشرح لكم ما حدث معنا
الاجراءات سهله ان شاء الله
بس اهم شىء اللى بيروح فى الاول يشوف اذا كان فى حد بيكتب الاسماء بالترتيب علشان لما يجوا الموظفين يلاقوا قائمه بالاسماء اللى جم الاول
ويبقى فى ترتيب اللى جه الاول
يعنى ميكنش حد لسه جاى ويدخل يكتب على طول
شوفوا مين اللى بيدون الاسماء وكل اللى يجى تباعا يكتب اسمه
حتى تاتى الموظفين اوك
وربنا يعين الجميع وتبقى خير علينا جميعا
اما نفس ما حدث من المقاولين احنا اخدنا كمية كروووووت ماشاء الله كتيره جدا
والله المستعان
اختكم عفاف

mr.ramy

11-06-2010, 09:27 PM

يا ريت يا جماعة نتواصل أخوكم رامى قطاع ك قطعة 659
[email protected] ([email protected])

عفاف على

12-06-2010, 08:29 AM

السلام عليكم
كيفكم جميعا اخوانى واخواتى
ان شاء الله تكونوا بخير
اهلا اخى استاذ رامى
انا قطعه 607
يعنى حضرتك اكيد فى الشارع اللى بعدينا
وربنا ييسر الامور ونكمل باقى الاجراءات على خير
ولسه فى وقت لحين استلام التراخيص للبناء
اتمنى اللى عنده اقتراح يقوله لنا او اذا حد بنى عن طريق شركه معروفه
يقول لنا
وياريت ياريت علشان يبقى فى امان واطمئنان لوقت التسليم
ومنبنيش على اجزاء من اراضى جيرانا بالغلط ودون قصد ويترتب عليه
بعض من الاشكالات اللهم لا تجيب لنا اى اشكالات او اخطاء
اللهم آمين
صباحكم فل وياسمين
اختكم عفاف

نجلاء احمد

13-06-2010, 11:23 AM

انا مش ناوية اغير فى ارسومات محتاجة داوشة ووجع دماغ
انا زيك نموذج 3

نجلاء احمد

13-06-2010, 11:33 AM

انا موقعى على الخريطة اخر الناحية اليمين على الطريق انت موقعك فين لو عندى اسكنر كنت صورت الخريطة بتاعتى

mr.ramy

13-06-2010, 06:04 PM

أهلا بيكى مدام / عفاف . مبروك على الأرض وربنا يجعلها فاتحة خير علينا جميعاً ، وإن شاء الله يكون فى تواصل بينا جميعا وتعم الفائدة بإذن الله .

mmhossny

13-06-2010, 11:02 PM

السلام عليكم
الف مبروك يامدام عفاف وربنا يجعلها خير على حضرتك والاسرة معلش هى كانت رحلة شاقة بس الحمد لله ... وكويس لقيتى حضرتك الاستاذ رامى الجار الجديد لينا بس هو اقرب لحضرتك مننا شوية .... معلش ايضا قى المنطقة وجيران برضة
على فكرة احنا لسة فى قدمنا وقت علشان البناء لاننا على ما اعتقد كدا مش هنقدر نبنى غير لما الرخصة تطلع المعلومة دى صح والا غلط مش عارف حد ياريت نستغل الوقت دا ونسئل على الشركات التى ممكن تبنى وانا مع حضرتك ... لنوصل الى افضل سعر وافضل شركة مضمونة لان بيقال عند استلام الرخصة مهندس سيقوم بتحديد القطعة ... وربنا يسهلها ويقوينا

mmhossny

13-06-2010, 11:06 PM

السلام عليكم
انا ثانى صف من على الطريق اى فى صف امامى ثم شارع 9 متر ثم انا وخلفى صف ملاصق ويبدء القطاع بس مش عارف بصراحة يمين والا شمال علشان الاتوبيس وقف وقال هنا نزلت سئلت المهندس قال لى قدام مشيت شوية مش كتير لكن الاتوبيس وقف عند الشارع بتاعى بصراحة علشان كدا مش عارف يمين والا شمال ولو على الكروكى اللى مع القطعة هكون مع الدروان

mmhossny

15-06-2010, 07:38 PM

الجمهورية 15/6/2010
http://www.algomhuria.net.eg/algomhuria/today/fpage/detail09.asp
تراخيص بناء "ابني بيتك"..بدون زيادة الرسوم
كتب أحمد رمضان:
قرر المهندس محمد نبيه رئيس جهاز مدينة 6 أكتوبر. اصدار تراخيص البناء بالتعديلات الهندسية لمستفيدي مشروع "ابني بيتك" بالرسوم المقررة وبدون زيادة.
قال المهندس نبيه إن رسوم اصدار تراخيص البناء في مشروع "ابني بيتك" ثابتة رغم صدور القرار الوزاري رقم 188 لسنة 2010 الخاص بزيادة رسوم التراخيص بصفة عامة.

dr.mohamed

20-06-2010, 09:51 AM

:36_3_11[1]:أسمحولى أشترك معاكم
على الرغم انى من قطاع ي
جنوب قطاع ك
بينى وبين قطاعكم الشارع الرئيسى لكن قطاع ك الاقرب لى فى كل شي من سوف تجارى
ومسجد وخلافه اتمنى انكم تقبلونى جار وصديق لقطاع ك
محمد عبد الحميد
ي 232

علاء عثمان عقل

20-06-2010, 10:43 AM

الاخ الفاضل / محمد حسني
بالنسبة لرسوم التعديلات
في اخبار ومعلومات علي الجروب
بتقول إن رسوم التعديلات هي اللي زادات
لكن رسوم التراخيص زي مهيه.
أرجو التأكد
والإفادة

عفاف على

21-06-2010, 08:48 AM

صباح الخير عليكم جميعا جيرانى الاعزائى
واهلا بالجميع
http://www.vb.6ocity.net/imgcache/3591.imgcache.gif
اهلا بك اختى مدام نجلاء واهلا بك اخى الاستاذ محمد عبد الحميد واهلا بالجميع
اولا احنا استلمنا الرسومات بالتعديلات اى رسومات البيت مش قصدكم رسومات او تصميم الرسم
دا اخذناه دون زياده تقريبا
http://www.vb.6ocity.net/imgcache/3591.imgcache.gif
اما اذا كان قصدكم رسومات ماليه فمتهيئلى اللى بيدفع فلوس زياده هو اللى بتبقى ارضه فيها زياده يأما امتار او سنتيمتر
http://www.vb.6ocity.net/imgcache/3591.imgcache.gif
انا مدفعتش رسوم زياده لانى ناقص من عندى خمسه سنتيمتر
المهم
ان شاء الله تعالى يوم الخميس القادم سوف نذهب الى هناك للجهاز لاتمام الاوراق اللازمه الخاصه بالبنك
واللى عنده سؤال ياريت يكتبه لى هنا وانا اسئل لكم عن اى شىء واجى اكتبه لكم بامر الله
http://www.vb.6ocity.net/imgcache/3591.imgcache.gif
اما عن تراخيص البناء فتقريبا بنأخذها بعد 45 يوما والله اعلم
ومعتقدتش اننا هنبنى على طول الان
لان قطاع ك امامه وقت لان الارض كلها صحراء وبعيده عن العمران جدا
يعنى لابد ان نتكاتف جميعا علشان ميبقاش فيه مشقه علينا او ننتظر ونبنى جميعا مره واحده
بصراحه الامر محير ربنا ييسر الامور إن شاء الله
واهلا بكم اخوانى واخواتى جيرانا لناhttp://www.vb.6ocity.net/imgcache/3592.imgcache.gif (http://www.vb.6ocity.net/redirector.php?url=http%3A%2F%2Fwww.brrq.net%2F)
ويارب يتم لنا جميعا على خير
اى استفسار انا سوف اذهب يوم الخميس القادم ان شاء الله
اختكم عفاف

masry_77

21-06-2010, 07:57 PM

أنا سعبد جدا جدا بروح الود الموجودة هنا بين أعضاء المنتدى و تحديدا جيران قطاع ك و جيرانا من قطاع ى أهلا و سهلا بهم طبعا :)

كان ليا أستفسار بسيط بعد أذن حضارتكم أنا للأسف ذهبت بعد الميعاد المحدد لى ب 5 أيام بس الحمد لله أسلتمت و لكن لم أتمكن من الذهاب لمشاهدة الارض على الطبيعة لأن الأوتوبيسات كانت بتروح يومها قطاع (ى) الأستفسار عن قطعة الأرض الخاصة بى و هى رقم 756 على ناصية و 160 متر ... الأستفسار هو هل الذهاب الى الموقع بيفرق ؟؟ بعنى حيدينى معلومات أكتر عن الأرض ولا مجرد زيارة للمكان و خلاص ؟؟ و لو كان حد عندة أى معلومات عن قطعة أرضى (756 ) ياريت لو يفيدنى ... جزاكم الله كل خير جيرانى الأعزاء :)

نجلاء احمد

22-06-2010, 09:30 AM

شكرا يا عفاف على سلامك واهتمامك بالموضوع بس انا مش عارفة سبب الزيارة اية للجهاز احنا طلبنا عمل مجسة وعملنا الرخصة وقالو ها نستلمها فى اخر شهر 7 وسالت الموظفين بتوع شركات المجسة ينفع اخد التقرير يوميها قالوا ماشى يعنى انا مش ناوية اروح الا اخر شهر 7 اخد المجسة والترخيص
والبناء لسة علية شوية
هو فعلا طريق طويل وملهوش مواصلات ربنا يسهلها لينا كلنا
ولو فى جديد ها ابقى ابلغك
بالنسبة للاستاذ جارنا رقم القطعة 756 مبروك عليك القطعة على فكرة مش ها تفرق كتير امك تشوفها
عشان احنا رحنا الموقع ملاقيناش حد خالص نتكلم معاة
مجرد نزلونا وقالولنا كل قطعة ارض عليها رقم بصينا بس على ارض فاضية
ودة راى لو حد تانى عندة راى مختلف ياريت يقولة
ولو انت عندك فضول ونفسك تشوفها روح
بس لستنى يوم ميبقاش حر عشان مفيش هناك حاجة خالص

dr.mohamed

22-06-2010, 10:25 AM

الف شكر جيرانى الاعزاء على قبولى معكم
ولى رأى بسيط وهو عمل جروب خاص بالمجموعة يتم فيه الاتصال وتكوين مجموعات عمل مكونة من 4 او خمس افراد او اكثر من ذلك حسب الظروف
يتم بينهم التنسيق لاختيار افضل طرق البناء والاتحاد والتواجد فى موقع الارض وبناء أكثر من قطعة فى ان واحد من اراد البناء بالخرسانة الجاهزة من اراد الاتفاق مع شركة مقاولات لبناء اكثر من قطعة لتوفير الاموال والاهم من ذلك الترابط حتى يكون كل منتفع من ك و ي على علم ودراية بكل شئ والوقوف ضد النصابين واصحاب الزمم الخربة.
واخيرا الاتحاد قــــــــــــــــــوة
محمد عبد الحميد
0185539559
قطعة 232 ي

mmhossny

22-06-2010, 03:59 PM

السلام عليكم
اهلا بالدكتور/ محمد ... الاستاذ/ سامح المصرى وجيران المستقبل
فكرة حضرتك ان البناء بالخرسانة الجاهزة جميلا وموفرة انا سمعت عنها حاولت ارسل واستطلع راى شركة لمعرفة التكلفة ولكن للاسف لم يردو عليا .. لو حضرتك عندك معلومة عنها اكثر ومامدى الاستفادة وهل نحتاج لعمل تعديل معين فى الرسومات او اى شئ خاص بذلك رجاء ارسالها للاستفادة
اما بخصوص مجموعة العمل فانه اقتراج جميل بس الاول نتفق على شركة تقوم بالتنفيذ ونحن الان فى مرحلة البحث عن شركة تكون مضمونة والا فضل منها اننا نكون يد واحدة بالاتفاق ... على فكرة على حسب معلوماتى دخلت على موقع الشركة اللى ارسلت لها لمعرفة هل لديها النيه للبناء فى المشروع والا .. لا
وهذا هو الموقع الخاص بها .. www.eipcoegypt.com (http://www.eipcoegypt.com) رجاء ارسال لها لعل وعسى ممكن نعلم شئ امكانية البناء بها
وشكرا

mmhossny

22-06-2010, 04:22 PM

السلام عليكم
الاستاذة/ نجلاء الذهاب الى الجهاز عند استلام الرخصة والجسة مرة واحدة عادى مفيش مشاكل بس على ماعتقد انه الاهم هيكون هناك استلام كرت صرف الدعم وورق البنك كمان انا كنت هناك اليوم واستلمت النهاردة تقرير الجسة وورق وكرت الخاص بالدعم الخاص بالبنك ..وعلى ما اعتقد انه هوفر وقت عند الاستلام من الجهاز لان اذا انتظرنا لحين استلام الجسة مع الرخصة ورق البنك هيرجع الى البنك وتقريبا كدا لفة عقبال ماناخذ الورق من البنك ..... والله اعلم
وعلى فكرة برضة محدد موعد استلام الرخصة اى كل ميعاد الاستلام الارض وامامة موعد استلام الرخصة
وشكرا

mmhossny

22-06-2010, 04:24 PM

السلام عليكم
مدام عفاف/ ولازم يكون معاك اصلا ايصال ثمن الجسة لانه هتاخذ من حضرتك وكمان فى البنك حيطلبو من حضرتك صورة البطاقة مع اصلا محضر استلام
وشكرا

mmhossny

22-06-2010, 04:41 PM

الاخ الفاضل / محمد حسني
بالنسبة لرسوم التعديلات
في اخبار ومعلومات علي الجروب
بتقول إن رسوم التعديلات هي اللي زادات
لكن رسوم التراخيص زي مهيه.
أرجو التأكد
والإفادة

والله ياستاذ/ علاء انا النهاردة كنت هناك وحاولت اعرف المعلومة دية لكن للاسف محدش عارف حاجة ... موظف التراخيص بيقول زادت وفى نفس الوقت زميل له فى نفس المكتب بيقول لا لسة منعرفش بيقول القرار مجالناش ... ويرجع يقول بس هتزيد ... سالتهم طب هعرف ازاى قالى فى يافطة مكتوب عليها قولت لهم دى مكتوب 650 جنيه ودا ثمن الراخصة قالو ايوه هى دى ... طب دا كدا للدور الارضى والاول والثانى قالو ايوه .. طب لو احب اعمل ارضى بس هدفع كام قالى مفيش هو دا ثمن الرخصة ... فقولت لهم انا بسال بقى على التعديل قولو لما تيجى تعمل تعديل هيكون اتعرف
قولت احاول اسئل رئيس الجهاز .. بس للاسف معرفتش هو فين .. قولت اسئل موظف الخزنة هو اكيد هيكون عارف ... قالى والله ما اعرف مرة ناس تدفع 388 جنيه ومرة ناس تدفع 542 ومرة 1200 وقولت ايه 542 وايه 1200 قالى تقريبا كدا قولت دا فى تصريح من رئيس الجهاز والوزير قالى بص يابية الترخيص هم اللى يعرفوا .. بس ادى الحكاية كلها ياستاذ علاء
ربنا يسترها ...

نجلاء احمد

23-06-2010, 09:28 AM

انت ناوى تعمل تعديل فى الرسومات يا استاذ محمد

عفاف على

23-06-2010, 09:55 AM

صباح الخير جيرانى الاعزاء
صباح محمل بازهار الربيع
http://www.vb.6ocity.net/imgcache/3655.imgcache
اولا اشكركم للتواصل الدائم

ثانيا
http://www.vb.6ocity.net/imgcache/3656.imgcache
اختى العزيزه وجارتى الجديده الاستاذه نجلاء واخوانى الجيران
انا ذاهبه غدا إن شاء الله لاستلام ما يخص البنك وتقريبا باقى الاجراءات
واستملت فى المره الاولى رسم الارض والخريطه الخاصه بها من باب وشباك ورسومات المنزل ولا اعلم هل لابد ان اعدل فيها ام لا
http://www.vb.6ocity.net/imgcache/3656.imgcache
لكن كان هناك شخص مع جيران اخرين شاف الرسومات وقال هى معدله او تم التعديل فيها وهى كويسه كده بس للاسف باب المنزل اللى هو الرئيسى فى الوسط
مش على جانب من الجوانب فقلنا مش مشكله فى الوسط فى الجانب اهو باب المنزل اما عن الحديقه فهى بعد المطبخ اى داخل المنزل من جوه زى نظام الفيلات اللى بنشوفها
اوعدنا يارب يعنى يمكن المساحه الحمد لله حلوه ونعمه من الله عز وجل الحمد لله
http://www.vb.6ocity.net/imgcache/3656.imgcache
اما من قابلته من جيران فهو الاستاذ سامح من شبرا وكان مع السيده والدته وكان اول تعارف بجار لى وهو بالمنزل المجاور لى مباشرتا
http://www.vb.6ocity.net/imgcache/3656.imgcache
اما ما اقترحه بعض الجيران عن شركات مقاولات فادينا منتظرين اللى عنده اقتراح يقوله وعلى العموم احنا لسه قدامنا وقت للبناء لان الارض صحراء ومفيش اى حد بنى فيها
http://www.vb.6ocity.net/imgcache/3656.imgcache
اما جارنا الذى سئل عن عدم ذهابه لالقاء الضوء على الارض فمن رأئى مش مهم لاننا روحنا وما شفنا غير
رقم الارض واسم القطعه فقط ومفيش غير المقاوليين اللى ورانا فى كل حته كل واحد يدينا كارت علشان نتصل بيه للبناء
واحنا دفعنا ثمن المجسه تقريبا 600 جنيه
وثمن التراخيص 651 جنيه
امنا بخصوص زيادات فى الاسعار فالله اعلم
http://www.vb.6ocity.net/imgcache/3656.imgcache
واى استفسار لاى حد ياريت يقوله لى اليوم حتى استطيع ان اعرف ما تريدون واسئل لكم ولى
واخيرا اتمنى لكم ولى جميعا التوفيق والتيسيرhttp://www.vb.6ocity.net/imgcache/3657.imgcache
اللهم آمين
اختكم وجارتكم
عفاف

dr.mohamed

23-06-2010, 11:00 AM

اخوانى انا محمد عبد الحميد موظف بالاتحاد التعاونى الاسكانى المركزى
اما عن شركات الخرسانه الجاهزة فهى أغلا بما يقارب الـ 5 الاف جنيه فى الهيكل الخرسانى كله - بس ده الدور الارضى أساس العمر كله -
لكن من الصعب انها تطلع وتدخل ابنى بيتك لقطعة واحدة تكلفتها تزيد قوى
لكن لو قطعتين أو ثلاث أو اربع كلما زاد العدد كلما تمنت الشركات لأنها مهما كان تبحث عن الربح ونحن نبحث على الافضل والاسرع فى التنفيذ
والجزء ده منقول عن احد الجيران قام بالتنفيذ مع الخرسانه الجاهزة
اي شركه خرسانه بطلع اي عدد من الامتار زي ما انت عاوز وانا صبيت العاديه بالعمال والعربيات الي بيزوقها وصبيت القواعد المسلحه كذلك يعني كنت بجيب عربيه الخرسانه من الشركه ويفضو الخرسانه في العربيات الصغيره ويصبوها خلال ساعه بتكون العربيه خلصت وجبت بامب بس في العمدان

مشكله البامب الحد الادني الي بيطلع ليه البامب في معظم الشركات 50 متر يعني ممكن يطلع علي 15 متر عادي بس هتدفع تكلفه صب 50 متر وفي 3 شركات ممكن تطلعه حد ادني 25 متر وسعر صب المتر 25 جنيه

اسماء الشركات
شركه كونكورد في المنطقع الصناعيه ودي افضلهم من ناحيه الجوده لانهم بيهزو السن وبيغسلوه قبل عمليه الخلط سعر المتر 355 جنيه والحد الادني للبمب 50 متر 0166610171

شركه جنزا بالقرب من المنطقه 5 ابني بيتك سعر المتر 340 حد ادني للبمب 25 متر 0171750612

شركه المصريه للخرسانه الجاهزه سعر المتر 340 حد ادنى 25 مترللبمب 0122460550

شركه دايانا عند الصينيه امام منطقه ابني بيتك 6 سعر المتر 340 حد ادني للبمب 25 متر 0190019902
طبعا يفضل انك تتفق مع الشركه قبلها بي 4 ايام عشان تكون ضامن انهم معندهمش ضغط وتكون حاجز
888888 00000 999999
تم الانتهاء من المرحله الاولى حتي العمدان بالخرسانه الجاهزه
عملت احلال 80 سم علي طبقات مع الدمك والرمله جبتها من بره موقع ابني بيتك من محاجر مع الدك بدكاك 300 كجم علي طبقات واتكلف الحفر والاحلال كله 3500 جنيه
(في الصور الارض باين انها كبيره لاني كنت بعمل الاحلال انا وجاري القطعتين مع بعض ده وفر معانا)
000
بعد كده عملت القواعد العاديه منفصله وصبيتها بالعمال والعربيه بس جبت الخرسانه جاهزه
القواعد بارتفاع 30 سم خدت 14 متر مكعب خرسانه عاديه بسعر المتر 285 جنيه.

بعد كده صبيت القواعد المسلحه وحطيت فيها 2 طن حديد فاي 16 و 12 وخدت 24 متر خرسانه جاهزه مسلحه بسعر المتر 335 جنيه للمتر المكعب.

وبعد كده العمدان وصبيتها خرسانه جاهزه بالبمب وخدت 13 متر مع السلم
وحطيت في العمدان طن حديد 16

الحمد لله البناء علي احسن شغل والمقاول الي معايا اسمه وليد وشغله كله نظيف بجد انا مش بشكر فيه بس هو فعلا امين وبيراعي ربنا في شغله و انا شوفته بيتعامل مع كذا واحد وكفايا انه المقاول الوحيد الي بيعمل قواعد عاديه منفصله في ابني بيتك كل باقي المقاولين عاوزين يعملو العاديه فرشه ويجرو عشان يكسبو كتير وخلاص
انا قطعتي رقم 328 قطاع ف المنطقه السابعه الي عاوز يشوف الشغل

اجمالي الي اتصرف حتي الان 40000 جنيه الخرسانه الجاهزه بتفرق حوالي 5000 جنيه في الدور الارضي كله بالسقف بس بجد احسن بكتير وفرق في عمرها انا كسرت مكعبات من كل صبه وحققت اعلي من الاجهاد المطلوب بكثير
دي نمرت الاستاذ/ وائل والي عاوز يستفسر منه عن اي حاجه نمرة تليفونه:- 0101834520
اعتذر عن الاطالة

misopop

24-06-2010, 04:42 PM

السلام عليكم
كيف حالكم جميعآ ؟ أتمنى تكونوا بخير صحه وعافيه
انا ذهبت بالأمس للجهاز لأستلام الجسه وملف الدعم وهو عباره عن ملف يحتوى على كارت فيزا من بنك التعمير والأسكان والرقم السرى وطلبات صرف الدعم للثلاث مراحل
والجسه عبارة عن ملف يحتوى على نوع التربه الموجوده فى قطعة الأرض وهل يوجد مياه جوفيه ام لا وبعض التوصيات للحفر والردم والدك والخ...
وبالنسبه لموضوع الخرسانه الجاهزة ممكن معلومات أكتر شويه عن سعر المتر وكم يتكلف الدور الأرضى بهذه الطريقه وهل يوجد أحد على استعداد للبناء بالخرسانه الجاهزة لآن لى صديق يعمل بشركة سيمكس وممكن يوفر لنا المتر بسعر معقول
أنا قطعه 95 قطاع ك لو فى حد مستعد ممكن نشترك مع بعض لأن بالطريقه دى هيكون أرخص لينا

محمودالحلواني

30-06-2010, 01:41 PM

انا معاكم فى ان البنك او الجهاز يرشح شركة مقاولات تكون هى المسئولة امام الجهاز حتى الدور الارضى فقط ليكون الاساس متين ولا يحدث مخالفات

محمودالحلواني

30-06-2010, 01:56 PM

الاخ نادر رجاء التعاون معنا فى اختيار المقاول حضرتك صاحب القطة رقم 215

نجلاء احمد

01-07-2010, 09:47 AM

سلام عليكم يا جيرانى انا شايفة انى انضم كتير معانا هنا فى القطاع ودة شى كويس
عموما ربنا يوفقنا كلنا ونقدر نمشى المشوار الطويل دة

dr.mohamed

01-07-2010, 10:32 AM

يا جماعة المقاولين اكتر من الهم على القلب
المهم هو انك حتسيب حالك ومالك لواحد وتمشى
ولا تتفق مع مهندس أو مقاول وتجيب المونة بتعتك
حتى لو بزيادة من عند العرب اللى موجودين بالموقع
وتقف على بيت عمرك كله ومستقبل أولادك.
يا جماعة اللى عنده استعداد للخرسانه الجاهزة باذن الله انا على استعداد لأن هوفر على نفسى كتير من المخاطر
1. انا معنديش خلفية عن جودة الاسمنت .
2. مشاكل المياه فى منطقة صحراوية.
3. خلطة المونة والخرسانه مع العمال العاديين سليمة و لا لأ.
حاجات كتير اغلى كام عشرا جنيه هتوفر مشاكل وقلق كتير ووجع قلب.
4. عوزين نخلص بسرعة الوقت مش فى الصالح.
الاخ اللى على صلة بشركة خرسانه جاهزة يعمل اتصالاته ونشوف الافضل انشاء الله.
محمد عبد الحميد
0185539559
قطعة 232 قطاع ي

misopop

05-07-2010, 05:11 PM

أ/محمد عبد الحميد
أن شاء الله هقوم بالأتصال بصديق لى يعمل بشركة خرسانه جاهزه وهوه كان اكد لى ان دى طريقه افضل واسرع
وان شاء الله هكون على اتصال معاك
مصباح فاروق
0119533882

mmhossny

15-07-2010, 01:15 AM

السلام عليكم جميعا
بجد فعلا وحشتونى جدا .. انا الحمد لله توصلت الى مهندس يعمل فى الشركة المصرية الايطالية وموقعها .. www.eipcoegypt.com (http://www.vb.6ocity.net/redirector.php?url=http%3A%2F%2Fwww.eipcoegypt.com ) وهى تقوم بالبناء بالحوائط الحاملة او مكملة هو عبارة عن منشـأ خرسانى مكون من حوائط وأسقف وسلالم تتكون من شبك حديد مجلفن شديد القوة يغطيه طبقة خرسانية قوية من الجانبين و ضع بداخله طبقة من الفوم المعالج ضد الحريق بإستخدام التقنيات الحديثة للإستفادة بمميزاته في عزل الحرارة والصوت ومقاومته للزلازل ما يتميز أيضا بالتعدد في الإستخدام حيث يمكن إستخدامه منفرداَ للإنشاءات وأيضا مكمل لهيكل خرساني من الأعمدة والكمر للأعمال الخاصة ومكمل أيضاَ للهياكل الحديدية للمصانع والمخازن ويمتاز هذا النظام ،مقارنة بالنظام التقليدي، بسهولة نقله وسرعة تركيبه ولا يحتاج لمعدات خلال مرحلة الإنشاء وأقل فى التكلفة كما أن الخرسانة المستخدمة فى الإنشاء هى الخرسانة المستخدمة فى المبانى العادية بدون أى إضافات ولها سابقة اعمال ... وبخصوص التكلفة فهو بيقول انه حسب الرسومات لانها بتكون بالمتر ... اى يحسب التكلفة على الرسمة بصراحة انا مش فاهم يعنى ايه بالمتر بس اكيد انها هتكون بالمتر المكعب وبيقول لو حسبتها هتكون اقل .. دا فعلا راى على حسب ماسمعت من قبل ان الحوائط الحاملة اقل فى التكلفة بس اذاى لسة مش عارف
عموما ياريت تدخلو على الموقع وتشوفو ما مدى امكانية البناء بهذه الطريقة وعلى فكرة لو فى اى تساؤلات ياريت تقولوا رايكم علشان انشاء الله وباذنة ناوى اتصل بالمهندس واخذ ميعاد واروح الشركة فى مجموعة اسئلة كدا عاوز اعرفها ومنها كيفية حساب المتر وسعر المتر وكيفية البناء وما المدة الزمنية ووالجهاز هيوفق والا لا و هيتطلب تعديل من اى نوع و ...و ..... و ..... الخ
ياريت لو فى اى استفسار اعلنو عنه لانها بصراحة سوف ترحمنا شوية من المقاولين والفتايين وانا بصراحة لا افهم شي فى البناء الا من خلال القراءة الى بقرائها من الاخوة فى الجروب ... وكنت كلمت كام مهندس ومقاول الكل بيعطى ارقام غير متناسبة ومتفاوتة ... والكل بيقول انا الصح والامن .. انا الصح والباقى هيسرقك ... طب نعمل ايه ونعرف منين
وانشاء الله سوف احدد ميعاد خلال الاسبوع القادم بس احاول افضى نفسي شوية لان الاجازات ايه بتخلص
وسلامى لكم جميعا ... وربنا المعين

mmhossny

07-08-2010, 02:03 PM

السلام عليكم
واضح كدا ان يد واحدة مش بتصفق ... وبدليل ان حتى الان لم يدخل ولم يشارك الناس معنا ولا حتى احد اعطنى رائية فى هذة الفكرة .. وهل هى مناسبة لنا والا لا وماهى احتمالات ناجحها او فشالها ... ياجيرانى الاعزاء .. الموضوع مش بناء واختيار مقاول او شركة وبس الموضوع فيه تواصل لاقتراحات وافكار يعنى اخوة نكون معنا ... ياجيران المستقبل اين انتو ... الموضوع دخل فى الجد والكل هيتفرق ويلحق والا ايه ... عموما ياريت لو فى حد لقى حد كويس يقول .. وعلى فكرة فى ناس اقترحت تعمل مناقصة لجمع عدد كبير من الشركات الكبرى المحترمة للبناء لو فى حد عاوز ينظم يقول وهم فى المنطقة السابعة معنا ولاكن قطاعات مختلفة عموما يد الله مع الجماعة ... وكل سنة وحضرتكم بخير بقدوم شهر رمضان الكريم ... اعادة الله علينا باليمن والخير والبركات
وشكر ياجيرانى

dr.mohamed

02-09-2010, 11:46 AM

سلامه عليكم
اخوانى اسف على الغياب
بس كنت بسلم المرحلة الاولى (والحمد لله)

mr.ramy

15-09-2010, 06:07 PM

السلام عليكم ورحمة الله وبركاته ،، وكل عام وأنتم بخير

حد يعرف يا جماعة تكلفة الحفر والإحلال فى حالة إن الأرض يكون فيها نسبة من الطمى والطين على مسافة 2.50 : 3 متر ومحتاجة لإحلال وغمر لمدة 48 ساعة بالمياة وكمان دك بهراس هزاز .

mmhossny

18-09-2010, 06:45 PM

السلام عليكم
استاذ محمد عبد الحميد
اولا الف مبروك على تسليم المرحلة الاولى ... ومعنى انك بتسلم المرحلة الاولى فى الوقت دا وحضرتك بتقول انك فى المنطقة (( ى )) معنى كدا انك داخل وعارف ان معاك مقاول يعنى مش لسة بدور زى حالتنا كدا او لسة بتسئل سعر الحفر كام والا حتى الغمر قد ايه ... لو ممكن انك تساعدنا يبقى كتر خير حضرتك بخبرتك او باجابتك على سئول ممكن يتسال ... لكن اجبار حضرتك على انك بتضيع وقت وكلامنا والا يدوى والا يجيب وحضرتك عملى وكلامنا ولا بيدوى ولا يجيب ثم حضرتك بتدعى وتقول ياريت اى حد يهز طوله ويروح ويشوف ... اعتقد انه كلام حضرتك فى سخرية مش فى محالها ... وبعد كدا تقول اتحدى .... هو حضرتك بتعمل دعاية لمنزلك والا للمقاول ياريت بعد اذن حضرتك تكون رحيم بينا شوية .... وربنا يبارك لك فيها
على فكرة الكلام اللى انا قولته واللى والا بيودى والا يجيب دا ممكن يخليك تبنى بيتك الدور الاول فقط بـ 45 الف جنيه فقط ... ومش سرقة فى المونة والا نصبة زى ماعقلك ممكن يفكر فيه ... ولكن بطريقة البناء اللى قولتها وعلى فكرة انا مش مقاول والا سمسار انى صاحب ارض زى كتير من الناس اى مش مطلع مصلحة منها والا عاوز مصلحة غير مساعدة الناس اللى زى حالاتى وعلى فكرة دا كلام واخدة من فم العضو المنتدب للشركة لان المهندس وصلنى للعضو المنتدب وعلى فكرة هى شركة كبيرة مش مكتب مقاولات ... اعتقد انك عارف يعنى ايه شركة كبيرة ويعنى ايه مكتب مقاولات
عموما ربنا يبارك لك فى البيت الجديد وتسكن فيه ...
وشكرا