بدرى الوداع

[خلود]

بدرى الوداع............ ... (http://www.vb.6ocity.net/showthread.php?t=113510)


ياللى فارقت الدنيا وكان بدرى (http://www.vb.6ocity.net/showthread.php?t=113510) الوداع
وطلعت فوق بعيد عن الزيف والخداع


دى كلمات اغنية ومنها حبيت اعرف منكوا اجابة للاسئلة اللى فيها

واحشنى يا طيب يار ارق من الملاك
فاكرك وفاكر اد اية اتهنيت معاك


ممكن تقول الكلام دة لمين ؟


كنت اتمنى يكون عمرى فداك
دلوقتى بس بحلم بس اعيش لحظة معاك



ممكن عمرك يعوضك على اللى راح ؟
ولوو لقيت الشخص دة قدامك ممكن تعمل اية ؟



ياللى مشيت من غير ما حتى نقول سلام
هفضل على عهدك كانى معاك تمام


حصلت ان حد راح من غير ما حتى تشوفه وتوقولوا سلام
ولو حصلت معاك هتعمل اية ؟




مين الى قال البعد بينسى الحبايب ...
تعالى شوف حبى وشوف قلبى الى دايب





هو ممكن البعد ينسى الحبايب ؟




مين بعد منك هيداويني فى يوم جروحى ...
مين الى فى حضنه الحنين هنسى روحى




مين بعد الشخص اللى افتقده ممكن يداوى جروحك ويسمعك؟



مع السلامة يا حبيبي قلبي .و سلام ...
ياريت تزورني كل ليله فى المنام

لو زارك فى المنام هتحس باية
وهيبقى نفسك تقولوله اية ؟





انا كتبت اللى انا حاسة بى ونفسى اقوله للشخص للى راح فاجئة من غير حتى ما اسلم عليه


حبيبت تشاركونى
انتظر ردودكم

[فريد]

ياللى فارقت الدنيا (http://www.vb.6ocity.net/showthread.php?t=116141) وكان بدرى (http://www.vb.6ocity.net/showthread.php?t=113510) الوداع
وطلعت فوق بعيد (http://www.vb.6ocity.net/showthread.php?t=116141) عن الزيف والخداع

ده كاتب الكلامات اصلا لحد مات
يعنى مش هايرجع تانى
وهو ده حال الدنيا
الكل الى نهاية حتمية ذاهب

[خلود]

[QUOTE=فريد;197351]ياللى فارقت الدنيا (http://www.vb.6ocity.net/showthread.php?t=116141) وكان بدرى (http://www.vb.6ocity.net/showthread.php?t=113510) الوداع
وطلعت فوق بعيد (http://www.vb.6ocity.net/showthread.php?t=116141) عن الزيف والخداع

ده كاتب الكلامات اصلا لحد مات
يعنى مش هايرجع تانى
وهو ده حال الدنيا
الكل الى نهاية حتمية ذاهب

اه صحيح ده كاتبها لحد مات

تصدق مكنتش واخده بالى

بس حضرتك فى اسئله انا كنت طالبه رايكم فيها

[اميرة حبى انا]

كل الاسئلة وكل الكلام موجه لناس هنكون مش هنشوفها تانى
اه لو كنت اعرف
اه لو كلنا نعرف
ان اللحظة اللى بتعدى عمرها ما هترجع تانى
كلنا عارفين ان الحب هو اجمل المشاعر اللى اتوجدت فى الكون
وبرضو كلنا عارفين ان الموت هو اصعب حاجة اتوجدت على الاطلاق
عشان كده وعن تجربة اللى بيحب حد يقوله ويحسسه بالحب ده لانه ممكن فى لحظة يجيله تليفون يقوله
فلان او فلانة ماتت
يااااااااااه
حتى لو كان حد من قرايبك
لازم تقول
مينفعش حد يقول ماهو انا عمايلى معاه هتحسسه
لا
لازم الكلمة تتقال
نفسى بابا يرجع تانى واقوله انا بحبك
عايزة اقوله يابابا انا كنت بتقطع وزعلانة عليك اوى وانت قدامنا على السرير ومش عارفين نخفف عنك التعب
رغم عدم التقصير فى الاهتمام
لكن الكلام مهم
لان ساعة ماالتليفون رن واتقالت (بابا مات يا هند)
وكأن كل حاجة ضاعت
ويتكرر الموقف تانى
ورن التليفون تانى
(صبحى مات يا هند)
صبحى زوج اختى
مكنش مجرد زوج اخت
ولا اخ
كان اكتر بكتير رغم بمرضه الصعب
مبخلش ابدا ابدا بالمساعدة حتى لو على حساب نفسه
كان نفسى اقوله انت اكتر من اخ
كان نفسى اقوله كلنا مش عارفين نوفيك حقك واننا مش عارفين نشكرك ازاى
كل شئ بينتهى فى لحظة


اللى بيحب امه - ابوه-اخوه-اخته حد قريبه
حتى لو واحد بيحب واحدة
او واحدة بتحب واحد
روح قولها ومش مهم هى هتبادلك الحب او لا
روحى قوليلو ومش مهم هيبادلك الحب او لا
لازم نقول
عشان لما التليفون يرن
منندمش
منقولش ياريتنى كنت قلت
اسفة انى طولت
بس كنت محتاجة اتكلم عشان ارتاح
لان جوايا احاسيس صعبة اوى
ربنا ما يكتبها على حد

[خلود]

يااااااااااااااااااااه يااميره

كل ده جواكى

ربنا يهونها عليكى يارب

وصدقينى فيه ناس بتكتفى بالاحساس وبس ومش هيقول ولوبيتعذب وييعذب اللى بيحبه هو كمان ويسيبه يقعد يسال نفسه و يضرب اخماس فى اسداس ياترى حاسس بيه ولا لا

مع انها كلمه بتغيرى الدنيا كلها
كمان فى اهالى
بتسيب غضبهم يتحكم فيهم ويبعدوا عن بعض بالسنين و يجى التليفون ده يندمو

نورتى يااميره وربنا يخفف عنك احزانك بفراق من احببتيهم

[اميرة حبى انا]

هى مش مجرد احزان
لكن ما علينا
انا لما بحب اتفرج على فيلم او مسلسل مش بختار اى حاجة
بجد لازم نعرف بنتفرج على ايه وبنسمع ايه ونشوف ايه
عشان كده وبما انك موضوعك متضمن مقاطع اغانى
جبتلكوا مقطع هو من فيلم هندى
لكن بيقول نفس الكلام
q13gcm2GT_8
الترجمة
البداية بينادى على مايا وريشى
ومايا هى زوجة ريشى هو بيحبها لكن هى مش عاجبها حاجة
كل الناس الرائعين
شكرا لوجودكم معى الليلة
واتمنى ان يكون الجميع قضى وقتا ممتعا
الناس دائما يسألونى لماذا انظم هذه الحفلة كل سنة؟
ما هو الشئ المهم فى هذا اليوم؟
اليوم خاص
فى هذا اليوم قابلت زوجتى للمرة الاولى
لذلك احتفل كل سنة
بهذا اليوم واطلب مغفرتها ايضا
مغفرة عن كل يوم
اخترت فيه احلامى بدلا من علاقاتى
مغفرة عن كل دقيقة
اغضبتها فيها ولم احاول ان ارضيها
والاهم مغفرة اللحظات التى لا تحصى
التى نسيت ان اقول لها فيها كيف كنت احبها
اعتقدت انه سيكون عندى الكثير من الوقت لاقول لها ذلك
لكننى كنت مخطئا
فقدت ذلك الوقت عند موتها
لذلك اقول دائما ان ذلك الوقت يعنى الآن
اذا كنت تحب.. احب الآن
اذا كان عليك ان تطلب السماح اطلبه الآن
اذا كنت تريد ان تمسك يدا امسكها الآن
والا بعد سنوات ستجد نفسك فى حفلة مثلى
تطلب المغفرة ممن تحب
لذا
ايها المتزوجون الجميلين
انظروا الى شريككم واخبروهم انكم تحبوهم
http://www.vb.6ocity.net/images/imgcache/2012/01/7419.jpg
(طبعا هو المفروض الكلام لكل الناس ولاى حد مش المتزوجين بس)
ربنا يرحمنا كلنا
ويارب ماحد فينا يندم فى يوم عشان كلمة
هى كلمة
بس تساوى كتير اوى
وتساوى اكترعند اللى هيقولها او اللى هتقولها اذا قالها دلوقتى مش كمان شوية
لان محدش يضمن يبقى فى كمان شوية
http://up.6ocity.net/uploads/6ocity.net13267587321.jpg