☆ الألـ،ـفـ،ـاظ الخـ،ـارجـ،ـة فـ،ـى حيـ،ـاتنـ،ـا الـيـ،ـوميـ،ـة☆ ...

[RSS]

http://www.vb.6ocity.net/images/imgcache/2012/01/2485.gif
ضبطنا المنبه وخلاص قومنا من النوم من حلم لذيذ أو كابوس مفيش مشاكل
غسلنا وشنا وأتوضينا وصلينا وفطرنا
وبعدين لبسنا ونازلين وبسم الله توكلنا على الله
لغاية كده الحياة لذيذة بغض النظر عن أننا مكناش عاوزين نسيب السرير

طبعاً كل واحد/ة نازل وراه حاجة هيعملها اللى وراه شغل واللي جامعة أو مدرسة

وبردوا لسه الحياة لذيذة وخلاص أهو هبطل رغى وأدخل فى الموضوع ,

هنركب ميكروباص أو مشروع ....
ركبنا من هنا وسمعنا باقة منتقاه من الشتائم والسباب بين السواق وواحد فى الميكروباص ,
أو مع واحد كان بيعدى أو عربية دخلت عليه غلط أو فى حد كان هيخبط فيه ,
وطبعاً التانى موش هيسكت وهتواصل الإستماع للوصلة التانية من الباقه المنوعة
http://www.vb.6ocity.net/images/imgcache/2012/01/2486.gif
نزلنا خلاص من الميكروباص وماشيين فى الشارع خناقة بين كام شباب وغالباً بلطجية ,
طبعاً هتسمع كلمات من أوطى ما ألف الشارع وملحنة كمان حسب نمط كل إنسان ,

يا سلام بقه لو فى الخناقة بنت أو ست طبعاً الوصلة هتمتد لباقات الردح الشهيرة المعروفة طبعاً ,
وطبعاً بين كل الناس دى هيطلع واحد يسب بالدين ولا حول ولا قوة إلا بالله ,
http://www.vb.6ocity.net/images/imgcache/2012/01/2486.gif
نسيب الخناقة ونمشى شويه ونلاقى شويه أطفال عمرهم ميزدش عن 10 سنين والسيجارة فى إيديهم ,
وكل واحد منهم بيسمع التانى الشتائم والسباب والالفاظ الخارجة اللى حفظها جديد أومال إيه واجب بردوا ,

لغاية كدا وإحنا تمام التمام دا طبعاً غير المعاكسات لو بنت أو لفظ لذيذ لو ولد اللى بيعاكس ,
بس المعاكسات دى موش موضوعنا لأنه موضوع تانى خالص

http://www.vb.6ocity.net/images/imgcache/2012/01/2486.gif

نيجى بقه للشباب المتعلمين المثقفين اللى فاتوا كان منهم متعلمين بردوا ,
بس خلاص بقه دا الطبيعى بتاعهم أنا بتكلم دلوقتى عن اللى لسه فى الكليات أو اللى لسه متخرجين ,
بردوا هتلاقيهم فى هزارهم كوكتيل ويا سلام يا سلام لو حد معجبوش الهزار قسم وسمعنى ,
http://www.vb.6ocity.net/images/imgcache/2012/01/2486.gif

المهم يا جماعة المشكلة دى بقه مشكلة جيل كامل من أول الطفل الصغير للراجل الكبير ,
ومفيش إحترام ولا لكبير ولا لصغير والأخلاق والتربية بالرغم من إنها موجودة عند ناس ,
بس بردوا بتلاقيهم بيشتموا وألفاظ خارجة كتير بتطلع منهم طيب العيب فين بقه ,
أكيد عيب مجتمع وثقافة بقت متخلفة خلوا الجميع يشوف دا عادى جدا ,
والحياء فى الزمن دا بقه قليل جداً وقلة الأدب هو الكيان المسيطر ,
http://www.vb.6ocity.net/images/imgcache/2012/01/2486.gif
إنتا شايف المشكلة دى إزاى من وجهه نظرك ؟؟؟
وإيه الحل للمشكلة دى وإزاى نعرف نقلل منها ونمنع الأطفال الصغيرين إنهم يتعلموها ؟؟؟





فى امان الله ,,,

مما راق لى:bye:









منقول