المساعد الشخصي الرقمي

مشاهدة النسخة كاملة : ضيف الكرسى رقم 5 ( ابراهيم البشبيشى)


محمد المصري
10-02-2009, 01:24 PM
انا بقى مش هاختار

انا هاسيب اميرة تختار

اتفضلى يال اميرة اختارلنا الضيف رقم 5 للكرسى بس متنسيش تجبيلة كرسى محترم علشان القعدة تبقى مريحة
اميرة حبى انا
10-02-2009, 02:06 PM
حضرتك تؤمر احلى كرسى للضيف الغالى واحلى اسئلة كمان
http://up.arabseyes.com/upfiles/z5W63739.jpg
ابراهيم البشبيشى
اظن بقى مافيش اريح من كده
اهلا ومرحبا
اتمنالك من كل قلبى
اسئلة ملهاش حل
هههههههههههههههههههههههههههههههه
بالتوفيق ان شاء الله
DMR
10-02-2009, 05:34 PM
واضح ان اميرة بتتمنالك كل الخير فعلا
و كمان شكلها فرحانه فيك اوي
هههههههههههههههههه
اميرة حبى انا
10-02-2009, 06:05 PM
اكتر مما تتخيلى ياdmr
ليكى يوم متستعجليش على رزقك
DMR
10-02-2009, 07:30 PM
ههههههههههههههههههه
شكرا ......
ماليش نفس اعد على الكرسي الجميل ده
محمود التهامي
10-02-2009, 08:12 PM
هتنور الكرسي يا هيما
ههههههههههههههههههههههههه
dmr

طالما دخلتي الموضوع يبقا رجلك جت في الخيه زي ما بيقولو

هههههههههههه

متنسوش

كما تدين تدان
اميرة حبى انا
10-02-2009, 10:30 PM
متخافيش ياdmr
هجيبلك كرسى احلى منه
خلود
10-02-2009, 10:41 PM
السلام عليكم ورحمه الله

اهلا بمشرفنا ابراهيم بيه البشبيشىوكلنا لها ونحن السابقون

نبدا بسم الله ونتوكل على الله ولا حول ولا قوه الا بالله

السؤال الاول : - هلى تزوجت عن حب ولا جواز تقليدى كده اللى بيقولوه عليه جواز صالونات؟؟؟

احكي موقف حصلك وحسيت فية انك بالاحباط والفشل ؟؟؟؟؟
حاجات بتحلم تعملها بس بتفتكر المثل على قد لحافك مد رجليك؟؟؟؟

العضو اللى مش بتعجبك مواضيعه فى المنتدى واوعى اكون انا

هل تؤمن باللى بيقول قوله فى وشه ولا تغشه حتى لو هيعمل لك مشاكل ولا تطنش

احكى موقف بنت حبيت بلغه الشباب كده تعلقها وعنفتك جامد

وكفايه كده بقى علشان اسيب الباقى يكمل وياريت اسئلتى متكونش دمها تقيل عليك

وطبعا طبعا لك حق الرد على او الرد برضه مافيش مفر مش قلت لحضرتك كلنا لها
DMR
11-02-2009, 11:48 AM
شكرا يا اميرة انتي فعلا بطمنيني
رحاب محسن
11-02-2009, 01:41 PM
أهلا بيك يا أستاذ أبراهيم البشبيشى على كرسى الأعتراف
1- حلم حلو حلمت بيه و أنت نايم ونفسك يتحقق؟
2- شخص بتخاف عليه جدا؟
3-ما هى أجمل سنوات عمرك؟
4- ماذا تفعل لو علمت أن صديقك كذب عليك؟
5- شئ فعلته وندمت عليه كثيرا ؟
كفاية عليك الأ سئلة دى
رحاب محسن
11-02-2009, 08:56 PM
فين الأجابات يا أستاذ ابراهيم
إبراهيم البشبيشي
11-02-2009, 09:36 PM
أيوة جاي حالا
محمد المصري
11-02-2009, 09:43 PM
ربنا معاك يا استاذ / ابراهيم

شكلهم بيحبوك قوى

ربنا معاك
إبراهيم البشبيشي
11-02-2009, 10:09 PM
بداية هجاوب على اسئلة خلود زي ما كتبتها بالظبط

السلام عليكم ورحمه الله

وعليكم السلام

السؤال الاول : - هلى تزوجت عن حب ولا جواز تقليدى كده اللى بيقولوه عليه جواز صالونات؟؟؟
طبعا جوازي كان مبني على حب عميق ومشاحنات ومشاغبات وخناقات قبل الخطوبة لدرجة أنني وزوجتي قبل الخطوبة كنا نتحاشى حتى الكلام سويا لأن كل مننا كان يتصيد للأخر أي خطأ حتى تكون خناقة باختصار كنا كالبنزين والنار مانكاد نقترب حتى تشتعل خناقة بالرغم من أننا كنا في إطار مجموعة أعمال خيرية نحاول أن نقدمها في ما كان يسمى نادي التطوع ويشهد على كلامي عضو مهم من أعضاء منتدانا إلى أن ألف الله بين قلبينا فارتبطنا بالرباط المقدس ولا أرى العالم الآن بغيرها ولا ترى الدنيا إلا من خلالي والحمد لله .

احكي موقف حصلك وحسيت فية انك بالاحباط والفشل ؟؟؟؟؟
هو موقف ربما يكون تافها في تقدير البعض وربما يبدو طفوليا ولكني أعتقد انني لن أنساه ماحييت باختصار كانت المنافسة سجال بيني وبين (بودي) - الذي أظن أن اسمه كان عبد الرحمن - وهو أحد رفاق الفصل الدراسي في الصف الخامس الابتدائي وتم عمل مسابقة لتحديد المتفوقين على مستوى المدرسة وكنت أنا بالطبع من هؤلاء وكان بودي أيضا وكنت أنا في مركز متقدم عليه - أنا ألأول وهو الثاني - ولكن في يوم توزيع الجوائز تغيبت أنا عن المدرسة وقامت الأستاذة المسئولة عن توزيع الجوائز بإعطاء جائزتي لرفيقي بودي - وربما كان ذلك لنقص في الجوائز حينها - وحينما عدت عرفت بخبر توزيع الجوائز وأن بودي اخذ جائزتي - التي ربما كانت أجلاسير أو شيء مشابه لا أذكر - وظللت أتعذب من الغيظ ليومين لأنني لم اخذ جائزة وفي النهاية أعطتني الأستاذة قلما كهدية بدلا من الجائزة وأوضحت لي أنها - اي الهدية - من مالها الخاص كتقدير خاص منها لي ولكني زاد غيظي لأن القلم - وياللمفاجأة - كان قلما خاص بالأساتذة الذين لم أكن واحدا منهم قط كان قلما أحمر
حاجات بتحلم تعملها بس بتفتكر المثل على قد لحافك مد رجليك؟؟؟؟
أساسا أنا مش مقتنع بالمثل الأهبل ده وباحلم زي مانا عايز وأكبر أحلامي إني أعمل مزرعة على شاطيء البحر تكون مساحتها 300 فدان تكون بتتروي بمية البحر اللي هايتم تحليتها واثناء التحلية نولد من قوة دفع المية كهلاباء عشان نستخدمها في المزرعة يعني يبقى كل شيء متوفر من الطبيعة واعمل لنفسي اكتفاء ذاتي بعيد عن أي حد ومش محتاج حاجة من حد عندي شمس وهوا وحيوانات و مية وخضرة وأكيد وجه حسن .

العضو اللى مش بتعجبك مواضيعه فى المنتدى واوعى اكون انا
أنا مش بيعجبني التوقيعات اللي كل واحد فيهم طوله متر تقعد تنزل في الصفحة عشرين سنة عشان البيه صاحب التوقيع حاططلي و لا سبعين صورة وتكست ملون بحس ان كل واحد مستخبي ورا التوقيع بتاعه وعلى قد مالاتوقيع بيكون كبير بيتناسب عكسيا مع حجم شخصيته والحدق يفهم بأه ...

هل تؤمن باللى بيقول قوله فى وشه ولا تغشه حتى لو هيعمل لك مشاكل ولا تطنش
أعتقد باين من ردودي في المنتدى وفي الموضوع ده كمان أنا بقول اللي في قلبي ورزقي على الله .

احكى موقف بنت حبيت بلغه الشباب كده تعلقها وعنفتك جامد
في مرة حاولت أكلم واحدة من النت عالبال توك وبعد ماهزأت أهلي بالذوق وكلمات صعبة على غرار "اتق الله يا أخي" " أترضى ذلك لأختك " " من لم يراع حرمة المسلمين لا يراع الله حرمته " لغاية ما خلاص حسيت بكل ذنوبي عمالة تخنق فيا أكتشف ان البنت هي صاحبي اللي قاعد عالمكتب اللي جنبي في النت لا واكتشفته بالصدفة ساعتها طبعا طلعت ........................ عينه :D


متشكرين يا حاجة خلود نردهالك في الأفراح ان شاء المولى جل وعلا
إبراهيم البشبيشي
11-02-2009, 10:23 PM
أهلا بيك يا أستاذ أبراهيم البشبيشى على كرسى الأعتراف
أهلا وسهلا بيكي يا رحاب ده انت اللي نورتيني بأسئلتك

1- حلم حلو حلمت بيه و أنت نايم ونفسك يتحقق؟
حلمت في مرة إني بقيت رئيس جمهورية مصر العربية وأعلنت الحرب على إسرائيل ورحت اشتريت نووي من اوكرانيا - زي ظاظا ماعمل - وكانت حالة البلد أحسن من اللي هي عليه وكانت خطبي بتجلجل زي جمال عبد الناصر الله يرحمه وصحيت وأنا لسه بخطب في الناس .

2- شخص بتخاف عليه جدا؟
بالصراحة هما 3 أشخاص أمي , مراتي , ابني .

3-ما هى أجمل سنوات عمرك؟
من 21 لغاية 28 سنة

4- ماذا تفعل لو علمت أن صديقك كذب عليك؟
أواجهه بالحقيقة وأحاول برضه ماخسروش .

5- شئ فعلته وندمت عليه كثيرا ؟
شيء واحد طب قولي أشياء : 1. دخول الثانوية العامة بدلا من مبارك كول , 2. دخول كلية التجارة ببورسعيد , 3. إهمالي لدراستي الجامعية أول سنتين , 4. عدم تواصلي مع أصدقاء الجامعة بعد الجامعة , 5. الرضا بالقليل فيما سبق , 6. عدم التزامي بالكتابة يوميا كفاية كده ولا اقول كمان بيتهيئلي كفاية كده النهاردة .

متشكر أوي يا رحاب على اهتمامك بطرح اسئلتك ليا ويا ريت إجاباتي تكون وافية بالنسبة ليكي .
إبراهيم البشبيشي
11-02-2009, 10:27 PM
ايه يا جماعة مافيش حد ليه نفس يسأل ..؟
محمد المصري
11-02-2009, 10:30 PM
ايه يا جماعة مافيش حد ليه نفس يسأل ..؟



اميرة هتجبلك اسئلة تحفة

متقلقش
خلود
11-02-2009, 10:59 PM
متشكرين يا حاجة خلود نردهالك في الأفراح ان شاء المولى جل وعلا

العفو ابراهيم باشا اى خدمه ولو انى حاساك كده مضايق منى والحمد لله انا

قعدت خلاص على الكرسى ومظنش هتتكرر ولو اتكررت عادى يعنى مش مشكله

وبجد اجاباتك كانت صريحه جدا
وربنا يعينك على اميره والباقيين

نسيت اقولك بالنسبه لتوقيعى ده عملاه على اسامى ولادى

لانهم اغلى حاجه

عندى ومش بستخبى وراهم ولا حاجه التوقيع ده فى كل

المنتديات واحنا الحمد

لله عارفين احنا ايه كويس اوى ده مجرد توقيع وخلاص مالوش اى علاقه

بشخصيه صاحبه ماشى
رحاب محسن
11-02-2009, 11:31 PM
شكرا لأجباتك و صراحتك معانا
اميرة حبى انا
12-02-2009, 12:19 AM
تم حذف الرد
كده وخلاص
إبراهيم البشبيشي
12-02-2009, 12:56 AM
يا أستاذة أميرة أنا أسف إني قلت رأيي بصراحة وحقك عليا لو كان كلامي زعلك وبجد أنا مش شايفها بالصورة اللي انتي فهمتيها ولو كانت ماتتفهمش غير كده أنا أسف مرة تانية عشان قلت رأيي بالصورة دي اللي وصلتك بشكل يزعل كده .

وعلشان نبقى على نور أنا رأيي مجرد رأي عادي ممكن أي حد يقوله ولو اختلفنا في الرأي مش مشكلة لكن المشكلة بجد في الحساسية المتولدة عن الاختلاف في الرأي ده واللي ممكن تتسبب في حرماننا كلنا من أسئلة شيقة وبجد ممكن تكون مفيدة كان ممكن تطرحيها في موضوع كرسي الاعتراف اللي كان المفروض انه أنا اللي بجاوب فيه عن الأسئلة .

وأنا شايف لو أرائي ممكن تسبب لك أي حساسية أو إحراج أو مضايقة فأنا اسف على المشاعر السلبية اللي أنا كنت السبب فيها أما رأيي الخاص بيا فأنا حر فيه وأعتقد محدش ممكن يجبر حد على تغيير أراؤه ومعتقداته وأنا بعلن دلوقتي طلبي الخاص والملِّح بأن أكون مجرد عضو عادي بالمنتدى دون أية ميزات إشرافية لأن ده هايحقق لي استقلالية في إني أقول رأيي بدون ما يكون بيعبر عن وجهة نظر أي حد غيري أنا فقط وبالتالي هايكون ده أحسن بالنسبة لي وبالنسبة لأي عضو قد يختلف معي في الرأي ويرى أنه قد اختلف مع أحد المشرفين ومن ثم وجهة نظر أصحاب الموقع ولكم مني جزيل الشكر على ما تفضلتم به من مشاركات في موضوعات كتبتها أو نقلتها
اميرة حبى انا
12-02-2009, 01:01 AM
محذوف من غير سبب
خلود
12-02-2009, 02:44 AM
استاذ ابراهيم بعد مراجعتى لرد حضرتك على اسئلتى للمره التالته كان فيه اساءه لاصحاب التوقيعات الكبيره

( مستخبى وراء توقيعه والحدق يفهم ) معناه ايه ده الا انه مش عاجب حضرتك التوقيع رغم انه مش ممنوع فى

المنتدى وجود توقيع سواء كبر حجمه او صغر وانا فعلا توقيعى كبير واعتقد اميره كمان يبقى حضرتك تقصدنا انا
وهى

مش هرد اساءه حضرتك وشكرا جدا لك .........

وانا بسال الاداره والمدير العام ياترى التوقيعات هنا مفروض لها مقاس معين علشان بس نلتزم بيه
fagrmasr01
12-02-2009, 05:16 PM
اخوتى واخوانى
أحببتكم لله ورسوله لانكم تستحقون الحب والتقدير
وكل منكم هو إضافة حقيقية الى المجتمع بصدق
ومنتداكم رائع بمعنى كلمة رائع التى يحبها كل ملتزم
واستجاباتكم طيبة لطلباتنا
نحن الاعضاء العاديين نرجوكم ونلح فى الرجاء نزع الحساسية
انا واحد من الناس كنت داخل اشوف حد يساعد المدارس فى قريتى (( قرية بشتيل )) ويساعد بانه يشوف لنا طريقة لإعلان نتائج منتصف العام
ووجدت نفسى مسحوباً . نعم مسحوباً من كرم أخلاقكم ومندفعا الى كتابة لم أكتبها الا بينكم
وكان ذلك من شدة إعجابى بكم
ولكنكم هذه الايام زادت الحساسية
ارجو ان محدش يزعل من كلامى
ممكن تشطبوا كتابتى وممكن كمان تمسحوا اسمى من المنتدى ومش هزعل
لكن هزعل اووووى لو ان الحساسية تتدخل بينكم
لأن انا شايفكم من أجمل وأحلى وأرق الشباب
لو واحد زى حالاتى زعل من كلماتكم ممكن تتصرفوا وتصالحوه .. او حتى ممكن تستغنوا عنه وتمسحوا اسمه ومشاركاته
لكن نصيحة لوجه الله ,, اوعوا تستغنوا عن بعض
لان انتم كل واحد فيكم بيكمل اخوه ..... واخته
أرجوكم لا تأخذوا كلمتى بحساسية
وأفضل العتاب ما انتهى الى الصلح الصادق التسامح خير من الأخذ بالثأر
أحذركم يا أحبابى يا احبابى يا احبابى من دخول الفرقة بينكم
من أى باب اغقلوا جميع الابواب
أميرة حبى أنا .. أحببتها بقوة وحين كانت تعلمنى شيئا كنت أفتخر بما علمتنيه .. وكنت احيانا انظر لصورتها (( الرمزية طبعا )) وأعتبرها ملهمة لخواطرى الشعرية
استاذ ابراهيم .. من أفضل العقول واطيب القلوب ورجل بارع رائع طيب السريرة ونقى الاخلاق .. وأحبه لله وفى الله وأقدر له تعاونه المستمر وموضوعاته الرائعة المتجددة
خلود .. أتخذتها رمزا للحنان الجميل والرقة الشاعرية والنصائح والمقالات الجميلة الراقية المشاعر
الباشا .. هذا الشاب الطموح المتدين الطيب الخلاق البارع أحببته كأخ لم تلده لى أمى وأتابع ما يكتب كأنى أنتظر مقالة لأديبى الذى أتابع مقالاته
الاء .. ليون .. وكثيرين هنا احببتهم وتابعت ما يكتبون بشغف وحب واعجاب
فأرجوكم وألح فى الرجاء ألا تجعلوا حساسية الكلمات تبعدنا عن هذه القلوب الجميلة الحانية الطيبة
سؤال قد لا يكون هنا مكانه .. ولن اعقب على من يحادثنى فيه .. هل لاحظتم قلة ردودى وندرة كتاباتى خلال الايام الأخيرة؟؟؟
ارجوكم والح فى الرجاء ، امسحوا الموضوع من اوله لو كان كلامى مش مريح
لكن سامحونى ، قلت كلماتى ابتغاء وجه الله ورسوله
انتم أحباب ووجودكم كمجموعة هو إضافة للخلق الرفيع والكلمة الطيبة .. فلا تتفرقوا

المدراء هنا من اروع وأنشط المديرين وملتزمين ومهتمين جدا بنجاح المنتدى
المسابقة الى كسبتها اميرة كانت حلوة.. على فكرة هى الجائزة كانت ايه يا أميرة
جددوها واعلنوا جوائز لو حتى نشارككم احنا فى تكلفة الجائزة

كرسى الاعتراف تقليد جميل فلا تعطلوا ما هو جميل

تابعوا تجمعكم
وأبتهل الى الله العلى الكبير
ان يوفقكم ويجمع شملكم
وأن تنتهى الحساسية
fagrmasr01
12-02-2009, 05:20 PM
الى الادارة الطيبة
ان كانت كلمتى مقبولة ارجو تمديد فترة الكرسى لأخونا الرائع ابراهيم لمدة اسبوع
عشان عاوزين نفصل له اسئلة على مقاس عقله الرائع
دا طبعا لو كنتوا هاتسيبونى قاعد فى وسطكم وهاتستحملونى أسبوع كمان

جزاكم الله عنا جميعا خير الجزاء أيها المتميزون عقلا وقلبا ومشاعراً وأخلاقاً
رعاكم الله برعايته
ووفقكم بفضله ورحمته جل جلاله
اللهم آمين
جمال
إبراهيم البشبيشي
12-02-2009, 09:39 PM
جزاك الله خيرا يا استاذ جمال والله انت بجد أخ أكبر لينا كلنا هنا في المنتدى
fagrmasr01
12-02-2009, 09:58 PM
أتمنى من خلود .. رمز الحنان .. وأميرة رمز الرقة والجمال .. ان يقرأوا ما كتبته اعلاه
ومنتظر الرد على شوق أخوى
شوق أخ يحبكم فى الله ورسوله
لأنكم تستحقوا الحب فى الله ورسوله
وأنا اللى باتمحك فيكم عشان نكون كلنا فى حب ورحمة الله وفى صحبة رسوله باذن الله
منتظرررر الررررد
وخللوا بالكوا .. العواجيز دائما يستعجلون الرد
وأتمناها مظاهرة حب .. وتسامح .. لله ورسوله وفى الله ورسوله يا أحباب الله ورسوله
وصلوا على سيدنا رسول الله
اللهم صلى وسلم وبارك عليك يا حبيبى يا رسول الله
محمود التهامي
12-02-2009, 10:25 PM
بسم الله الرحمن الرحيم

والله كنت فكرت الغي القسم اللي هيزعلنا من بعض دا

لكن بعد كلام أ/ جمال استاذنا كلنا
فلو صديقي العزيز ابراهيم معندوش مانع
اكون سعيد جدا لو يقبل الاقتراح بمد فترة جلوسه على الكرسي
وعقبال كرسي الرئاسة ان شاء الله



أولا
بالنسبة بقا للردود اللي مزعلة الناس دي
دا رأي وكل واحد حر في رأيه
زي ما برضه كل واحد حر في توقيعه
عادي ان واحد ميحبش حاجه
ودا مش معناه ان حد تاني يغيرها عشانه
يعني مثلا لو انا مش عاجبني عضو مجلس الشعب بتاعنا
مش لازم حضرته يستقيل او يتنحى
انا مثلا مبحبش الفونت دا
انا حر
مش معنى كدا ان اللي يكتب بيه يزعل مني ويعملها مشكلة
انا حر في رأيي وزوقي


ثانيا
بالنسبة للسؤال اللي بيسأل عن مقاس التوقيعات فالاجابة
لأ طبعا والا كنا حددناها وممنعناها من عندنا
مش عشان حد مابيحبهاش تبقا وحشة
هنرجع تاني ونقول وجهات نظر وازواق

ثالثا
المسابقة والجايزة
اسف جدا على التأخير في الاعلان عنها
لكن عموما الجايزة كانت كارت شحن فئة 25 جنيه
وفيه مسابقات وجوائز تانية احلى كتير جاري التحضير لها

رابعا
عم جمال عمرنا ما هنتدخل او نمنع او نحذف اي حاجه لأي حد طالما لم تخرج عن الأخلاق والآداب العامة

خامسا
علاقة التوقيع بالصورة
دا برضه رأي ورأي بشري كمان
مش قرآن يعني ولا هو نظرية هندسية لها برهان وغير مشكوك في خطأها
يعني زيه زي العلاقات اللي بيحطها الاخصائين النفسيين بين الافعال والشخصيات
زي مثلا ما بيقولو ان البنت اللي بتلعب في شعرها وهي بتتكلم تبقا مش مهتمة باللي بتتكلم معاه
نمسك بقا في كل البنات دي ونعلمها الأدب ونربيها من أول وجديد
يا جماعة مش كل حد هيقول كلمة هنمسك فيها ونتخانق معاه ونزعل منه
وكمان هو قال التوقيعات اللي طولها متر
مين هنا توقيعه متر ؟؟؟ وليه تاخدو الكلام عى نفسكو
وكمان الراجل بيقول بيحس .... هنحجر على الاحساس كمان
fagrmasr01
12-02-2009, 10:55 PM
ربنا يخليك يا مدير
إبراهيم البشبيشي
12-02-2009, 11:22 PM
تسلم دماغك يا مدير
إبراهيم البشبيشي
12-02-2009, 11:22 PM
فين بأه بقيت الأسئلة ؟؟؟؟؟؟؟

هاه فين ؟؟
الطاوس الحزين
13-02-2009, 10:31 AM
السلام عليكم ورحمة الله وبركاته

ايه يا ولاااد اسافر فى اجازة نص السنة ارجع الاقيكم كدا


اممممممم


يلا عموما خير ...

على راى مش عرفه مين

:p


الصلح خير ... يلا نفتح صفحة جديدة....


وعلى راى جدتى دى المعدة بتتخانق مع بعض .. ربنا ما يجيب خناق


قبل ما ابدأ اسئلتى.. احب اقولكم انك وحشتونى جدااااا


اممممممممممممممممم


عوزة افكر فى سؤال صعب جداااا

:p

بس مش عرفه

:cool:


الاسئلة

لماذا لم تختار اسم يعبر عنك عند دخولك المنتدى ودخلت باسمك الحقيقى ..؟؟؟

هل انت خيالى ام تميل للواقعيه ...........؟؟

ما الحكمة التى تسير بها فى حياتك..............؟؟

عندما تضيق نفسك اى الاماكن تذهب اليها .. ومن من الاشخاص تلجأ اليهم...؟؟

ما معنى الصاقة عندك ........؟؟ وما معنى الامل ..... وماذا يعنى اليأس.؟؟ وهل مررت بيه..؟؟

عندما تتعثر قدماك فى الحياة ... كيف تفعل ...........؟؟

ما اجمل شىء ضحكت عليه وكل ما تفتكره تضحك عليه ..............؟؟

اوصف لى حالتك اول ما عرفت انك اب ............؟؟

لماذا دائما الاباء تكون لهم طريقة شديدها فى التعامل مع ابنائهم مما يضطر الابناء الى اللجوء الى الاصدقاء ؟؟؟

لو لم تكن مصريا لوددت ان تكون ..........؟؟

وللحديث بقية

...
الطاوس الحزين
14-02-2009, 04:06 PM
؟؟؟؟؟؟؟؟؟؟؟؟؟؟؟؟
إبراهيم البشبيشي
14-02-2009, 09:38 PM
أولا أحب أشكر الاستاذة الطاووس الحزين على أسئلتها الشيقة ومشاركتها التي تنم عن روح طيبة وبضم صوتي لصوتها بأن الصلح خييير .

ثانيا أحب اجاوب على كل ماجاء في مشاركة الطاووس الحزين من الأول للأخر كالتالي :


السلام عليكم ورحمة الله وبركاته



وعليكم السلام ورحمة الله وبركاته





لماذا لم تختار اسم يعبر عنك عند دخولك المنتدى ودخلت باسمك الحقيقى ..؟؟؟


ربما لأنني عانيت الأمرين في طفولتي وصباي من هذا الاسم وصار وسيلة دائمة لتعذيبي من قبل رفاق المدرسة والشارع والجيران ولكي تعرفي معاناتي تخيلي معي طفل في الرابعة أو الخامسة والأطفال المحيطين به يكيدون له وهم ينادونه دوما " يا بشبيشي " وقد يتطاول احدهم مستظرفا نفسه بتحريف اسمي كما قال لي أحدهم في مرحلة إعدادي وهو يناديني " يا برشومي " فكان ذلك حافزا أكبر لكي أكون أفضل من الأخرين فلن تكون خيبة الأمل في الاسم المعقد وفي حياتي أيضا , ولكن مع الوقت صار اسما له رنين طنان يحس من يسمعه أنه يخاطب واحد من اساطين العلم او من الأدباء المطبوعين ولذا كان من الأفضل والأكثر تعبيرا استخدام اسمي الذي هو أكثر ما يعبر عني , وكما قال (آدم) في أغنيته الشهيرة " هذا أنا " .



هل انت خيالى ام تميل للواقعيه ...........؟؟

من الغباء وعدم الحكمة أن ادعي انني أميل للواقعية فماذا جنينا من الواقع سوى الحروب والمجاعات والدمار اللامتناهي فأنا طبعا - وكما هو حال الجميع بالمنتدى - خيالي لأقصى حد ولكن الواقع لا يرحم ويشدك بخيوط لا ترى ولا يقبل ان تقبع في زاوية من زوايا خيالك إلا ان ينازعك فيها فتتحول ببساطة لواقع غريب لا ينتمي لخيالنا إطلاقا وأظن أن هذا حال الجميع وليس حالي وحدي .

ما الحكمة التى تسير بها فى حياتك..............؟؟

" اللص يظن دوما أن الجميع لصوص .. ويظن الناسك دوما بمن حوله التقوى "


عندما تضيق نفسك اى الاماكن تذهب اليها .. ومن من الاشخاص تلجأ اليهم...؟؟

أتمشى في الشارع فلربما ذهب الهم وإن لجأت لأحد فسيكون أخي خالد



ما معنى الصداقة عندك ........؟؟ وما معنى الامل ..... وماذا يعنى اليأس.؟؟ وهل مررت بيه..؟؟

الصداقة هي التي تهون علينا مايفعله بنا أصدقاؤنا فلو فعل الآخرين بنا كما يفعل الأصدقاء فحتما سنخسرهم أما الأصدقاء فلا يمكن خسارتهم تحت أي ظرف .
وأظن الأمل هو ما يبقى لنا دوما عند الخسارة فإذا خسرت كل شيء فهناك أمل ان يعود من جديد وليس أكثر من سيدنا أيوب الذي خسر ماله وعياله وعاش على أمل ان يعوضه الله وحدث ما امل فيه فعلا .
اليأس بالنسبة لي هي الحالة التي تعقب الخسارة مباشرة قبل ان أكتشف مرة اخرى أنه مازال لدي أمل احيا من أجل تحقيقه وأظنها ظرف طارئ بالنسبة للانسان .
بالطبع مررت به فأنا إنسان .


عندما تتعثر قدماك فى الحياة ... كيف تفعل ...........؟؟

تقصدي لو وقعت يعني .. أكيد هاتدحرج شوية عالأرض عشان أنا تخين زي الفيل وبعدين هاقوم انفض هدومي وأنا بحاول اضحك وأداري الموقف كأنه محصلش وكل خمس دقايق هاقعد أفكر اصحابي بوقعتي لغاية ماينسوها تماما .


ما اجمل شىء ضحكت عليه وكل ما تفتكره تضحك عليه ..............؟؟

مش فاكر والله بس فيه مواقف كتيرة .


اوصف لى حالتك اول ما عرفت انك اب ............؟؟


كنت منشكح طحن وأنا واقف بره أوضة العمليات ومستني عمر لما يطلعلي من جوه وخاصة إني كنت سامع صوته وهو بيصوت وزعلان قوي عشان الدكتورة خرجته من بطن امه وأول ماشفته عنيا دمعت غصب عني وحضنته وماعرفتش أقوله ايه حسيت زي مايكون حد حبيبي قوي مسافر بقاله زمن ورجع فجأة من غير ميعاد أو قابلته في الشارع صدفة بجد ماكنتش عارف اتكلم .

لماذا دائما الاباء تكون لهم طريقة شديده فى التعامل مع ابنائهم مما يضطر الابناء الى اللجوء الى الاصدقاء ؟؟؟

مش عارف بس بيتهيئلي مش كل الأبهات - على وزن الأمهات - بيعاملوا عيالهم كده .


لو لم تكن مصريا لوددت ان تكون ..........؟؟

سويديا يعني من السويد

وللحديث بقية


والله كان حديث ممتع أشكرك من صميم قلبي .
إبراهيم البشبيشي
14-02-2009, 09:41 PM
مش عارف بصراحة أقولكو ايه يا جماعة بس انا بجد مستمتع بالموضوع ده .
إبراهيم البشبيشي
14-02-2009, 09:42 PM
أيه هو مافيش اسئلة تانية ولا ايه ؟؟
اميرة حبى انا
14-02-2009, 09:46 PM
السلام عليكم

1- أين تقضي كل وقتك ... ؟
2- أين تجد راحة البال ... ؟
3- أين تجد نفسك في البيت ... ؟
4- من علمته الرماية فرماك ... ؟
5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟
6- من هو صديقك الصدوق ... ؟
7- من أى شئ تغضب ... ؟
8- متى تبكي بحرقه ... ؟
9- متى تجلس لوحدك ... ؟
10- متى تقول لا ... ؟
11- متى تكون أناني ... ؟
12- كيف تعيش يومك ... ؟
13- كيف ترى حال الأمة اليوم ... ؟
14- كيف تنظر لمستقبلك ... ؟
15- كيف تنظر للمرأة ... ؟
16- في عصر العولمة الحالي (( ما رأيك في حب الإنترنت )) ... ؟
17- يقال أن الحب يمحو جميع العيوب والأخطاء في المحبوب (( ما تعليقك )) ... ؟
18- ما هو سر نجاحك في الحياة ... ؟
19- ما أجمل مافي الحياة في نظرك... ؟
20- هل أنت عاطفي ... ؟
21- هل صدمت بالخيانة من أعز أحبابك ... ؟
22- هل أنت فوضوي ... ؟
23-العضو اللي تتمنى تشوف شكله هو ........
24-العضو اللي نفسك تعطيه كف هزار ........

25-العضو اللي نفسك تعطيه كف (((مش)))هزار.......
26-عضو تلقبه بسوبر ستار شباب المنتدى......

27-عضوه تلقبها بسوبر ستار صبايا المنتدى.........

28-عضو تقوله (ياغايب ليه ماتسأل).........

29-عضو تقوله(والله العظيم اشتقنالك).........

30-عضو تقوله الله يجزيك خير ويعطيك العافيه.......

31-عضو اتقولوا انااسف بحقك .........

32-عضو تقوله (خير ان شاءالله)..........

33-عضو تقوله الله يسهل لك .........

34-عضو ارتحت له من اول ماشفت اسمه بالمنتدى.......

35-عضو اول ماشفته ماكنت تطيقه ويوم عرفته حبيته......

36-عضو تتخيل شكله وتقول متخيل ايه............

37-عضو طيب على نياته......

38-عضو شعبيته كبيره ومحبوب عند غالب الاعضاء........

39-عضو تحسه برييء براءه اطفال........

40-(الثقل والركاده والرزانه والهدوء والوناسه)تجتمع في العضو........

41-عضو مثقف.....

42-عضو مرح ....

43-عضو شاعر......

44-عضو زووووء .........

45- عضو تهديه هديه وايه هي الهديه .........

46-عضو تهديه اغنيه وايه هي الاغنيه .............

47-عضو تهديه بيت شعر وايه هو بيت الشعر ...............
48-ما الفرق بين شخصيتك في النت وخارج النت؟
49- ماهو مبدئك في الحياة
50- ماهو الطموح الذي تريد ان توصل اليه
51- ماهي امنيتك في الحياة
52-ما اجمل مرحلة دراسية مرت في حياتك وتتمنى ترجع لها ..؟
53-ماذا تعني لك الصداقة؟
54-ماذا تمثل لك الاشياء التاليه
/القمر
الحب
الصداقه
البحر
الدراسه

55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,

الشخصية المثقفة ....

الشخصية الاجتماعية ....

الشخصية المبدعة ....

الشخصية الفوضوية ....

الشخصية المشاغبة ....

الشخصية الهادئة ...

الشخصية العبقرية ...

الشخصية الانيقة ....

الشخصية الدبلوماسية ....

الشخصية المرحة ....

الشخصية الساخرة ...

الشخصية البريئة ....

الشخصية الحادة ....

الشخصية الحنونة ....
56 -من هو العضو الي يسعدك تواجده بالمنتدى؟

57- من هو العضو الي يضايقك وجوده بالمنتدى؟ بصراحة
58- كيف يعتذر الرجل عامة؟ وكيف يعتذر "ابراهيم" خصوصا؟

59- أشياء لا تحب ان تتكلم عنها مع إي شخص؟
60-ما الفرق بين شخصيتك في النت وخارج النت؟
****** هل اضطررت الى الكذب في أحد أسئلة كرسي الاعتراف؟؟

كان نفسى اكملهم 100 بس تعبت والله
RMR
14-02-2009, 10:11 PM
السلام عليكم ورحمة الله وبركاته
اعزائى اعضاء المنتدى
انا فرحانة جدا لتصالحكم اميرة وابراهيم البشبيشى
وكما نقول اختلاف الرأى لا يفسد للود قضية
وبصراحة كفاية عليك اسئلة اميره الله يعينك
إبراهيم البشبيشي
14-02-2009, 10:27 PM
السلام عليكم ورحمة الله وبركاته


وعليكم السلام ورحمة الله وبركاته




انا فرحانة جدا لتصالحكم اميرة وابراهيم البشبيشى
وكما نقول اختلاف الرأى لا يفسد للود قضية


وأنا كمان والله فرحان .. أكيد كلامك صح



وبصراحة كفاية عليك اسئلة اميره الله يعينك

ههههههههههههههههه ولا يهمك هجاوب برضه مش هايبقوا تقال عليا دول كفاية انهم من أميرة

وبعدين يا rmr ماشوفناش أسئلتك لسه ؟؟

ولا انت معنكيش أسئلة ؟؟
RMR
14-02-2009, 10:55 PM
السلام عليكم ورحمة الله وبركاته
بصراحة مفيش اسئلة بعد اسئلة اميرة
كل اللى فى بالى هى سألته
مرة تانية انشاء الله
fagrmasr01
14-02-2009, 10:55 PM
بصراحة انا اكتر واحد فرحان
وأحتفظ بحقى فى أن أسئلك بعد ان تنتهى من الستين سؤال
الله يعينك
إبراهيم البشبيشي
14-02-2009, 11:36 PM
السلام عليكم


وعليكم السلام ورحمة الله وبركاته




1- أين تقضي كل وقتك ... ؟


في كوكب الأرض




2- أين تجد راحة البال ... ؟


في بيتنا




3- أين تجد نفسك في البيت ... ؟



بعد الصالة أول اوضة يمين / مع ابني / مع زوجتي / مع نفسي أحيانا




4- من علمته الرماية فرماك ... ؟


لا أحد




5- من يعجبك من أعضاءمنتدىمدينة 6 اكتوبر (( عضو واحد فقط )) ... ؟


من ناحية النشاط ( أميرة حبي انا ) , من ناحية المواضيع ( فجر مصر 01 ) , من ناحية كوسة (نصل الهوى )




6- من هو صديقك الصدوق ... ؟


أخويا خالد




7- من أى شئ تغضب ... ؟


من الجهل الممزوج بالغباء عندما تخذ العصبية منطق له .




8- متى تبكي بحرقه ... ؟


مش عارف والله ( أخر مرة وأنا في أولى إعدادي بعد قلم محترم من السيد الوالد )




9- متى تجلس لوحدك ... ؟


أمام الكومبيوتر ( كمبيوتر ألون )




10- متى تقول لا ... ؟


لما حاجة متعجبنيش




11- متى تكون أناني ... ؟


كل الوقت تقريبا أكون أناني




12- كيف تعيش يومك ... ؟


زي أغلب الناس (نوم صحيان فطار شغل غدا كمبيوتر عشا قهوة اصحاب نقاش خناق اختلاف اختناق رومانسية نوم صحيان فطار وهكذا .. )




13- كيف ترى حال الأمة اليوم ... ؟


هههههههه طيب هي فين الأمة الأول وبعدين نقول رأينا في الحال .. ولا ايه ؟




14- كيف تنظر لمستقبلك ... ؟


مستقبل مشرق واعد فأنا ارى نفسي عبقري وربما شاركتني زوجتي نصف رؤيتي وربما شاركني أهلي (أب أم أخوات ) ربع الرؤية وأكيد لم يزل يحاول كل من رفاقي وأصحابي وأصدقائي تمييز هذه الرؤية حتى الآن .




15- كيف تنظر للمرأة ... ؟


المرأة هي كل المجتمع فهي أمي وأختي وحبيبتي وزوجتي وابتي بإذن الله فهي لي كل شيء ./ أنا جئت من رحم امرأة وأشقتني في حياتي كم امرأة وتسعد حياتي وتملاء أيامي الآن امرأة ./ المرأة هي الكائن التي تشبه الرجل جسدا لتختلف عنه لغة وفكرا وحسا وذوقا ويسعى الرجل طوال حياته لينالها . ( بالمناسبة أنا اللي بكتب من راسي مش ناقلهم يعني )




16- في عصر العولمة الحالي (( ما رأيك في حب الإنترنت )) ... ؟


أنا بحب الانترنت أنتي تحبين الانترنت كلنا نحب الانترنت




17- يقال أن الحب يمحو جميع العيوب والأخطاء في المحبوب (( ما تعليقك )) ... ؟


تعليقي : اللي الف المقولة دي ماكانش متجوز ولما حب واحدة ماعاشش أكيد معاها ولو عاش معاها يبقى كان أعمى أطرش أخرس كسيح عشان يقول حاجة زي كده وأنا عن نفسي بقوله ( يا راجل يا كداب )




18- ما هو سر نجاحك في الحياة ... ؟


أنا أساسا مابعتبرش نفسي ناجح النجتح الخرافي اللي ممكن يحتوي على سر وعموما الموضوع بسيط هو ده السر .




19- ما أجمل مافي الحياة في نظرك... ؟


زوجتي




20- هل أنت عاطفي ... ؟


أكيد




21- هل صدمت بالخيانة من أعز أحبابك ... ؟


ماحصلش




22- هل أنت فوضوي ... ؟


معظم الوقت




23-العضو اللي تتمنى تشوف شكله هو ........


إنتي




24-العضو اللي نفسك تعطيه كف هزار ........


نصل الهوى هو السبب منه للي كلت دراع جوزها




25-العضو اللي نفسك تعطيه كف (((مش)))هزار.......


إبراهيم البشبيشي




26-عضو تلقبه بسوبر ستار شباب المنتدى......


إبراهيم البشبيشي




27-عضوه تلقبها بسوبر ستار صبايا المنتدى.........


أميرة حبي أنا




28-عضو تقوله (ياغايب ليه ماتسأل).........


أميرة حبي أنا




29-عضو تقوله(والله العظيم اشتقنالك).........


أميرة حبي أنا




30-عضو تقوله الله يجزيك خير ويعطيك العافيه.......


أم ألاء




31-عضو اتقولوا انااسف بحقك .........


مفيش حد




32-عضو تقوله (خير ان شاءالله)..........


مش فاهم




33-عضو تقوله الله يسهل لك .........


هههههه أميرة حبي أنا




34-عضو ارتحت له من اول ماشفت اسمه بالمنتدى.......


نصل الهوى ( وهو عارف ليه )




35-عضو اول ماشفته ماكنت تطيقه ويوم عرفته حبيته......


مافيش




36-عضو تتخيل شكله وتقول متخيل ايه............


ههههههه بلاش إن الله حليم ستّير




37-عضو طيب على نياته......


أنا




38-عضو شعبيته كبيره ومحبوب عند غالب الاعضاء........


أكيد أنا




39-عضو تحسه برييء براءه اطفال........


برضه أنا




40-(الثقل والركاده والرزانه والهدوء والوناسه)تجتمع في العضو........


مش فاهم قوي يعني بس احتياطي أنا




41-عضو مثقف.....


أكيد أنا




42-عضو مرح ....


هو فيه حد مرح زيي هنا يا جماعة




43-عضو شاعر......


أكيد أنا شاعر بالألم




44-عضو زووووء .........


مافيش أذوق مني وبشهادة الكل




45- عضو تهديه هديه وايه هي الهديه .........


أهدي ليكي يا أميرة علبة كبيرة جواها علبة جواها علبة جواها علبة جواها علبة جواها علبة جواها علبة جواها علبة جواها علبة جواها علبة جواها علبة جواها علبة جواها علبة جواها عفريت العلبة :d:d:d:d:d




46-عضو تهديه اغنيه وايه هي الاغنيه .............


أهدي اغنية أم كلثوم الليلة عيد للباشا تلميذ




47-عضو تهديه بيت شعر وايه هو بيت الشعر ...............

ألم ألم ألم ألم بدائه ان ان ان ان لي بدوئه
إهداء خاص إلىala7bab فسر البيت لو تقدر .




48-ما الفرق بين شخصيتك في النت وخارج النت؟


الفرق مش كبير بس انا مهذب اكتر على الانترنت




49- ماهو مبدئك في الحياة


مافيش حياة من غير أمل




50- ماهو الطموح الذي تريد ان توصل اليه


عايز أعمل مزرعة على شاطيء البحر تكون مساحتها 300 فدان تكون بتتروي بمية البحر اللي هايتم تحليتها واثناء التحلية وباستخدام مية البحر نولد من قوة دفع المية كهرباء عشان نستخدمها في المزرعة يعني يبقى كل شيء متوفر من الطبيعة واعمل لنفسي اكتفاء ذاتي بعيد عن أي حد ومش محتاج حاجة من حد عندي شمس وهوا وحيوانات (فرخ وحملم وارانب واجاموس وبقر وحمير واحصنة ومعيز وخرفان وممكن نعام ليه لأ ) و مية وخضرة وأكيد وجه حسن .




51- ماهي امنيتك في الحياة


إني عايز اخش الجنة بإذن الله




52-ما اجمل مرحلة دراسية مرت في حياتك وتتمنى ترجع لها ..؟


الثانوية العامية




53-ماذا تعني لك الصداقة؟



الصداقة علاقة جميلة بتجمع بيني وبين ناس بحبهم جدا مش ممكن اتخيل حياتي من غيرهم



54-ماذا تمثل لك الاشياء التاليه
/القمر
الحب
الصداقه
البحر
الدراسه


الرومانسية
الحياة
ناس بحبهم
مكان جميل لو على الشاطيء
هم ما يتلم
بالترتيب




55-بوجهة نظرك. هذه مجموعه من الشخصيات ضع من يقابلها من اعضاء المنتــــدى,

الشخصية المثقفة ....

الشخصية الاجتماعية ....

الشخصية المبدعة ....

الشخصية الفوضوية ....

الشخصية المشاغبة ....

الشخصية الهادئة ...

الشخصية العبقرية ...

الشخصية الانيقة ....

الشخصية الدبلوماسية ....

الشخصية المرحة ....

الشخصية الساخرة ...

الشخصية البريئة ....

الشخصية الحادة ....

الشخصية الحنونة ....

أنا
أميرة
فجر مصر
أنا
نصل الهوى
فجر مصر
الباشا تلميذ
نصل الهوى
قمر
أنا
أم ألاء
خلود
خلود




56-من هو العضو الي يسعدك تواجده بالمنتدى؟


فجر مصر




من هو العضو الي يضايقك وجوده بالمنتدى؟ بصراحة


مش لاقي حد




58- كيف يعتذر الرجل عامة؟ وكيف يعتذر "ابراهيم" خصوصا؟


يقول أنا أسف ويصلح ما أفسد , وأنا عادة لا افعل




أشياء لا تحب ان تتكلم عنها مع إي شخص؟



مش هاقولها عشان مش بتكلم فيها مع أي حد




60-ما الفرق بين شخصيتك في النت وخارج النت؟



راجع السؤال رقم 48




****** هل اضطررت الى الكذب في أحد أسئلة كرسي الاعتراف؟؟


أكيد






كان نفسى اكملهم 100 بس تعبت والله


يا ريتهم كانوا كملوا 100 دا انا كنت هافرح جدا وده مش معناه أني مش فرحان بس كنت هافرح أكتر يعني .
إبراهيم البشبيشي
14-02-2009, 11:38 PM
هاه .. فيه أسئلة تانية ولا خلصتو خلاص

بالرغم من إني متوقع أسئلة من :

نصل الهوى

الأحباب

فجر مصر

أر إم أر

وغيرهم

يالا يا جماعة ماتتكسفوش أنا مستني بجد
محمود التهامي
14-02-2009, 11:46 PM
والله انت صعبان عليا دا أولا

ثانيا هو فيه اسألة تاني

بس عموما عندي فكرة

ايه اكتر خمس اسألة كان نفسك تتسئلهم ومحدش سألهملك
fagrmasr01
15-02-2009, 12:10 AM
بمنتهى الصدق.. أشكر لك رقتك فى أوصافك لشخصى الضعيف

واسمح لى ان استفسر مش هسأل

هل لازلت تحافظ على القراءة فى الكتب ام ان النت يكفيك؟

هل تتابع قنوات التلفزيون ؟ وما هى قناتك المفضلة ؟

من هو كاتبك المفضل :
فى الادباء ... وما هو العمل الذى أعجبك جدا له او لها
فى الشعراء .. وما هو العمل الذى أعجبك جدا له او لها

أجمل قصيدة قرأتها .. اسمها واسم الشاعر وياريت بيت منها .. او حتى شقة

من هو الممثل / الممثلة اللى بيعجبك تمثيله / تمثيلها :
كوميدى
تراجيدى

من هو المطرب / المطربة الذى تتابع أعماله / أعمالها

من هى الممثلة التى تصر على متابعة أعمالها

أكثر موقع تتابعه على الانترنت غير المنتدى هنا طبعا

ما هى جريدتك المفضلة ؟

هل انت مدخن؟ وتقريبا كام سيجارة يوميا ؟

من كان القدوة لك فى سن المراهقة .. ومن هو قدوتك الان :

هل تتذكر حبك الاول ؟ فتاة الاحلام ؟ وهل صارحتها بحبك ؟ وكان ايه رد الفعل من ناحيتها ؟

هل صارحت زوجتك بقصص الحب التى سبقت ؟

ايه رأيك فى الحب الى بيحصل ع النت ( واحد وواحدة ومش عارفين ولا شايفين بعض .. مكاتبات .. واعجاب )

هل تؤمن بالسحر والحسد والعين ؟

هل تؤمن بان الراجل من حقه يعيش سى السيد ؟

حكمة تؤمن بها بشدة :
فى الصداقة
فى العمل
فى السياسة

هل لك دور فى المجتمع المحيط بك .. مدرسة مثلا أو جمعية .. او حتى سياسة ؟

هل تؤيد عزلة الشباب السياسية .. التى يعيشها الان الشباب بارادتهم

هل تؤمن .. من داخلك.. بقدرة الانسان العادى انه يصلح الكون .. ولو الكون المحيط به على الاقل

ايه الكلمة الى تحب تقدمها لكل من :
المصريين
القادة العرب
الفلسطينيين .. الشعب
الفلسطينيين ,. فتح / حماس .. كل على حدة
باراك حسين أوباما

قدم نصيحة الى كل من :
أميرة حبى أنا
خلود
جمال جابر ( العبد لله )
عاوزين نصيحة بجد تنفع تساعدنا فى اليومين دول

على فكرة لسه باقى اربع ايام من حقنا نسأل
وربنا يعينك علينا
محمد المصري
15-02-2009, 12:19 AM
السلام عليكم

ازيك يا ابراهيم

انا هاسالك 5 بس

1- ماذا يعنى لك منتدى مدينة 6 اكتوبر ولماذا ؟

2- شخص تتمنى ان تراة ؟

3- امنية تحققت ما هى ؟

4- امنية لم تتحقق ؟

5- احكى لنا عن موقف صعب مريت بية وازاى قدرت تتغلب على الصعوبات ؟
اميرة حبى انا
15-02-2009, 12:41 AM
هههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههه
اجاباتك تحفة بجد
اول مرة احس ان دمك خفيف لامؤاخذة يعنى
هههههههههههههههههههههههههههههههههههه
والله مش عارفة ابطل ضحك
بس قولى
اشمعنا اغنية الليلة عيد للباشا تلميذ
احتمال اسئلك تانى على فكرة
مادام لسه 4 ايام بقى
إبراهيم البشبيشي
15-02-2009, 12:53 AM
والله انت صعبان عليا دا أولا

ثانيا هو فيه اسألة تاني

بس عموما عندي فكرة

ايه اكتر خمس اسألة كان نفسك تتسئلهم ومحدش سألهملك



يا سلام يا خويا .. لا طبعا فيه أكتر من 100 سؤال لسة ماتسألوش ولو عندك خيال - وأنا واثق انه عندك - أكيد هتفكر في كام سؤال كده عالماشي عشان أخوك الغلبان ..
بليز يا محمود
بليييز

هههههههههههه
اميرة حبى انا
15-02-2009, 12:58 AM
ربنا يخليك يامحمود اسمع كلامه واسأله
اساله الاسئلة بتاعتك يامحمووووووووووووووووووود
إبراهيم البشبيشي
15-02-2009, 12:59 AM
اجاباتك تحفة بجد
اول مرة احس ان دمك خفيف لامؤاخذة



الله يكرمك


اشمعنا اغنية الليلة عيد للباشا تلميذ

عشان الباشا تلميذ اسم بيعبر عن السلطة في المنتدى برغم انه شخص واضح من أخلاقه أنه من اطيب خلق الله وبما إن النهاردة الأسئلة عالمكشوف حبيت أجر رجله بأغنية معبرة يمكن يفكر يجي يسال سؤالين ولا حاجة .

احتمال اسئلك تانى على فكرة
مادام لسه 4 ايام بقى



على رأي الأمريكان بي ماي جيست يعني بالعربي كده تنوريني
الطاوس الحزين
15-02-2009, 01:15 AM
بصراحة حوار جميل

اسئلتك جميله يا اميرة .. واجوبه لذيذة

ومنتظرين باقى الاجوبه
اميرة حبى انا
15-02-2009, 01:45 AM
بصراحة حوار جميل

اسئلتك جميله يا اميرة .. واجوبه لذيذة

ومنتظرين باقى الاجوبه


شايف عشان تعرف ان اسئلتى حلوة
ربنا يخليكى ياحبيبتى يارب
إبراهيم البشبيشي
15-02-2009, 01:45 AM
أولا أحب اشكر عم جمال شكر عميق من صميم غرف قلبي الأربعة على مجهوده الغير عادي - بجد والله - لإصلاح شأن الخلاف بين أعضاء المنتدى وبالمناسبة دي عايز أقولك يا عم جمال أنا بحب اسمك أوي لارتباطه بشخصين مهمين جدا في حياتي الزعيم جمال عبد الناصر و أبويا جمال البشبيشي ربنا يديله الصحة وبس .. من غير مجاملات تانية نبدأ الإجابات على بركة المولى :



هل لازلت تحافظ على القراءة فى الكتب ام ان النت يكفيك؟


بالطبع فالكتاب كما تقول الحكمة القديمة خير جليس ومعدل قراءتي حوالي 25 كتاب ورواية سنويا


هل تتابع قنوات التلفزيون ؟ وما هى قناتك المفضلة ؟


عادة لا أتابع التليفزيون وقنواتي المفضلة هي الجزيرة و إم بي سي تو


من هو كاتبك المفضل :
فى الادباء ... وما هو العمل الذى أعجبك جدا له او لها
فى الشعراء .. وما هو العمل الذى أعجبك جدا له او لها


د.أحمد خالد توفيق ( صاحب سلاسل ماوراء الطبيعة وفانتازيا وسافاري الشهيرة )
أفضل الأدباء العرب في وجهة نظري هو نجيب محفوظ وهناك روايتان يتنازعانني دوما (ثرثرة فوق النيل ) ( الثلاثية )
أما أفضل من كتب الشعر بالعربية فهو نزار القباني بلا منازع وأنا أشتاق دوما لقصيدته ( الرسم بالكلمات )



أجمل قصيدة قرأتها .. اسمها واسم الشاعر وياريت بيت منها .. او حتى شقة


تلك الأبيات التي يقول فيها :

مأساة هارون الرشيد مريرة ... لو تدركين مرارة المأساة
إني كمصباح الطريق صديقتي.. أبكي ولا أحد يرى دمعاتي
الجنس كان مسكنا جربته ....... لم ينه أحزاني ولا أزماتي
والحب أصبح كله متشابها ..... كتشابه الأوراق في الغابات
أنا عاجز عن عشق أية نملة ... أو غيمة عن عشق أي حصاة




من هو الممثل / الممثلة اللى بيعجبك تمثيله / تمثيلها :
كوميدى
تراجيدى


النجم الأميريكي راسل كرو صاحب فيلم جلادياتور (المصارع)
وأحمد حلمي




من هو المطرب / المطربة الذى تتابع أعماله / أعمالها


للأسف لا أحد ممكن أستمع لمنير من فترة لأخرى مع ثبات الجدول اليومي - قدر الإمكان - بأغاني عبد الحليم والست أم كلثوم


من هى الممثلة التى تصر على متابعة أعمالها

أصر ؟ مش عارف بس ممكن تكون حنان ترك



أكثر موقع تتابعه على الانترنت غير المنتدى هنا طبعا

بي بي سي , جووجل , ويكيبيديا



ما هى جريدتك المفضلة ؟


الدستور المصرية وبخاصة العدد الأسبوعي يوم الأربعاء



هل انت مدخن؟ وتقريبا كام سيجارة يوميا ؟


للأسف وقد كنت مدخن شره للغاية في السابق - منذ 4 سنوات - ثم انخفض المعدل لحوالي 3 سجائر يوميا وحجر معسل أو اثنين .


من كان القدوة لك فى سن المراهقة .. ومن هو قدوتك الان :


في المراهقة كنت اتوهم انني من الممكن ان أكون مثل نور الدين بن عماد الدين الزنكي السلجوقي وهو من ملوك المسلمين الذين وحدوا الكلمة وكان أستاذ صلاح الدين وهو الذي امر بإرساله - صلاح الدين - وعمه أسد الدين شيركوه لمصر لمناصرة احد الوزراء المصريين في مواجهة الأخر ومات قبل أن يحقق حلمه بتحقيق وحده اراضي المسلمين وطرد الصليبيين من أراضي العرب تماما ولكن عندما دخلت الجامعة تأكد لي بالقطع انني لست نور الدين زنكي ولا حتى ربعه .



هل تتذكر حبك الاول ؟ فتاة الاحلام ؟ وهل صارحتها بحبك ؟ وكان ايه رد الفعل من ناحيتها ؟

طبعا أذكرها وقد صارحتها ولأنني كنت صغيرا جدا حينها فقد استجابت لكلامي ولكنني لم اعرف ماذا بعد ذلك وماتت العلاقة من تلقاء نفسها بعد ذلك




هل صارحت زوجتك بقصص الحب التى سبقت ؟



والله مش كلها بس المهم منها هي تعرفه وأكتفي بهذه الإجابة


ايه رأيك فى الحب الى بيحصل ع النت ( واحد وواحدة ومش عارفين ولا شايفين بعض .. مكاتبات .. واعجاب )


هههههههههههههه مش عارف بس يمكن بيسلوا نفسهم أو بيسلوا بعض الله أعلم بس اللي انا اعرفه ان الحب أسمى وأعظم وأقيم واوسع وأرحب وأبعد وأكبر وأجمل واروع من اللي بيحصل عالنت



هل تؤمن بالسحر والحسد والعين ؟


طبعا




هل تؤمن بان الراجل من حقه يعيش سى السيد ؟


طبعا ربنا خلقه سي السيد وخلقها سته :
ولنا هنا وقفة كلمة ست في العربية الفصحى - والغريب أنها فصحى - معناها التي تحيط بالجل من جهاته الست 6 يعني فوق وتحت ويمين وشمال وقدام ووراء طيب ده المعنى بتاع الست
طيب سي السيد لازم يبقى قوام بتشديد الواو عشان يستاهل انه يحاط من جهاته الست بواحدة ست .
يعني باختصار لو هي ست بجد يبقى هو أكيد سي السيد والعكس صحيحي أيضا .


حكمة تؤمن بها بشدة :
فى الصداقة
فى العمل
فى السياسة

لو معي رغيف واحد وجعت أنا وصديقي يبقى نقسم الرغيف سوا أحسن ما اشبع لوحدي
الصبر مفتاح الفرج
إذا كان الكلام من فضة فالسكوت من ذهب




هل لك دور فى المجتمع المحيط بك .. مدرسة مثلا أو جمعية .. او حتى سياسة ؟

لا مش في الوقت الحالي ممكن من سنتين تلاتة لكن في الوقت الحالي متفرغ لأكل العيش




هل تؤيد عزلة الشباب السياسية .. التى يعيشها الان الشباب بارادتهم



أي نعم بأيد عزلتهم الاختيارية في بيوتهم أحسن من العزلة الإجبارية في وادي النطرون




هل تؤمن .. من داخلك.. بقدرة الانسان العادى انه يصلح الكون .. ولو الكون المحيط به على الاقل




أكيد والمفتاح الاستعانة بالله




ايه الكلمة الى تحب تقدمها لكل من :
المصريين
القادة العرب
الفلسطينيين .. الشعب
الفلسطينيين ,. فتح / حماس .. كل على حدة
باراك حسين أوباما

ههههههههههه والله انت كبرت الموضوع قوي ياعم جمال بس خليني اصدق نفسي وأوجه كلمة لكل من :

المصريين : لكم الله وبإذن الله الجنه
القادة العرب : لكم المجد والتاريخ
الفلسطينين : لكم الأرض وبإذن الله الجنة
فتح : لكم الأرض والسلام
حماس : لكم الويل والثبور وعظائم الأمور وبإذن الله الجنة
باراك حسين اوباما : على راي محمد صبحي في وجهة نظر " طيب ما أنا اسمي الشواف .. يعني كنت بشوف "




قدم نصيحة الى كل من :
أميرة حبى أنا
خلود
جمال جابر ( العبد لله )
عاوزين نصيحة بجد تنفع تساعدنا فى اليومين دول

مش عارف والله بس عليكم بكلام الحبيب " أكثر ما يدخل الناس الجنة تقوى الله وحسن الخلق "




على فكرة لسه باقى اربع ايام من حقنا نسأل
وربنا يعينك علينا


يا عم جمال انت مش محتاج لكرسي الاعتراف انت تسأل وانا اجاوب في اي وقت
اميرة حبى انا
15-02-2009, 01:49 AM
ههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههه
والله هموت من الضحك
عليك اجابات يابنى
اومال كنت عايش فى دور ابو دم تقيل ليه
برضو لامؤاخذة يعنى
إبراهيم البشبيشي
15-02-2009, 01:54 AM
السلام عليكم




وعليكم السلام ورحمة الله وبركاته



ازيك يا ابراهيم


الله يسلمك أنا كويس الحمد لله



انا هاسالك 5 بس

اتفضل يا مولانا


1- ماذا يعنى لك منتدى مدينة 6 اكتوبر ولماذا ؟

هو المنتدى الوحيد الذي اشارك فيه حاليا من أصل 8 منتديات كنت مواظب الاشتراك فيهم فيما سبق


2- شخص تتمنى ان تراة ؟

لو في المنتدى يبقى اميرة حبي انا وده سؤال متكرر على فكرة


3- امنية تحققت ما هى ؟

إني أكتب والناس تقرا اللي بكتبه لأني نفسي أكون كاتب قصصي .


4- امنية لم تتحقق ؟

المزرعة اللي بحلم اني اعملها على شاطيء البحر .


5- احكى لنا عن موقف صعب مريت بية وازاى قدرت تتغلب على الصعوبات ؟

لما سقطت في أول سنة في الكلية وماعرفتش أقولهم ازاي وفضلت مخبي الموضوع لغاية السنة اللي بعدها ما عدت وكانوا فاهمين غني في سنة تالتة جيت انا وبمنتهى الصراحة قولت عالحقيقة صحيح أنا كنت هابيت بره البيت في اللي الليلة دي والليالي اللي بعدها بس ربنا لطف بيا الحمد لله .
إبراهيم البشبيشي
15-02-2009, 01:58 AM
اومال كنت عايش فى دور ابو دم تقيل ليه
برضو لامؤاخذة يعنى



يا سلام أنا كنت عايش في دور ابو دم تقيل .. الله يسامحك

هاه يا جماعة خلاص ماعندكوش أسئلة ولا بكرة شغل والحياة مش ناقصة ولا ايه بالظبط ؟؟

طيب اللي عنده سؤال أنا مستني

وربنا يعدي ال4 أيام الجايين دول على خير .
محمود التهامي
15-02-2009, 02:16 AM
أي نعم بأيد عزلتهم الاختيارية في بيوتهم أحسن من العزلة الإجبارية في وادي النطرون





هههههههههههههههههههههههههههههههههههههههههههههههه
ههههههههههههههههههههههههههههههههههههههههه

انت كدا جبت من الآخر

تقبل وافر تحياتي واحتراماتي
إبراهيم البشبيشي
15-02-2009, 02:19 AM
متشكرين يا عم محمود على كلامك الجارح

بس ماقولتليش هي فين الأسئلة ؟؟

هاه فين ؟.؟
محمود التهامي
15-02-2009, 02:31 AM
هههههههههههههههههههه

بلاش انا في اللعبة دي
خليني بره احسن
اميرة حبى انا
15-02-2009, 02:41 AM
عيب يامحمود:mad:
ده صاحبك متحرموش من حاجة:p
عشان خاطرى يامحمود:(
وحياتى وحياتى وحياتى:D
محمد المصري
15-02-2009, 11:08 AM
لو في المنتدى يبقى اميرة حبي انا وده سؤال متكرر على فكرة


لا مش فى المنتدى اتفضل رد
إبراهيم البشبيشي
15-02-2009, 09:30 PM
لا مش فى المنتدى اتفضل رد


حاضر يا باشا

يبقى جدي الله يرحمه فقد كان رجل والرجال قليل
إبراهيم البشبيشي
15-02-2009, 09:32 PM
أومال فين أسئلتك يا محمود .. يا راجل اسال ده احنا اصحاب وحبايب خليك مرح ولا يهمك خالص
اميرة حبى انا
16-02-2009, 12:48 AM
بص بقى يااستاذ ابراهيم يااخويا
انا اصلا لما اخترتك كنت عايزة اسئلة ملهاش حل
الصراحة يعنى
اصلى هخبى عليك ليه
من فضلك عايزة حل للاسئلة دى واقتنع بحلها ايوة مش اسئلتى لازم الاجابات تكون مقنعة يااما هتعيد الاجابة عليها تانى
اتفقنا
1-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟
2-ليه لما بتكون بطارية الريموت شبه فاضية ، بنضغط على الزراير جامد ؟
3-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
4-ليه بنقول هدية مجانية ..؟ مش المفروض إن الهدية تكون مجانا ولا بفلوس ؟
5-ليه لما نكون جوه المنزل والسماء بتمطر بنسأل هو الجو بيمطر بره ؟
هى عمرها مطرت جوه ؟
6-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

7-ليه الخدمة بتكون سريعة لما المطعم يكون مزدحم أكتر من لما يكون نص نص ؟

8-ليه لما الواحد بيركن السيارة فى موقف فاضى اللى جاى وراك بيركن جنبك ؟
9-ليه دايما لما حد بيجري يلحق الأتوبيس تلاقيه مبتسم أو بيضحك ؟
10-ليه بنفتكر إن لما ندوس على زرار الأسانسير كتير هاييجى بسرعة ؟
11-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟
12-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟
13-ليه لما بنتصل بالتليفون دايما النمر الغلط مابتكونش مشغولة ؟
14-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟
15-وبمناسبة التليفون ليه لما واحد يعطيك رقم تليفونه بيقوله بسرعة ؟
16-ليه لما بنصحى من النوم دايما بنحس إن كمية النوم ناقصها عشر دقايق ؟

ولا حول ولا قوة الا بالله
إبراهيم البشبيشي
16-02-2009, 01:17 AM
هاجاوب بس بكرة ان شاء المولى
إبراهيم البشبيشي
16-02-2009, 01:17 AM
غدا لناظره لقريب
إبراهيم البشبيشي
16-02-2009, 03:07 PM
بص بقى يااستاذ ابراهيم يااخويا
انا اصلا لما اخترتك كنت عايزة اسئلة ملهاش حل
الصراحة يعنى
اصلى هخبى عليك ليه[/glint]


طب وهي فين بس الأسئلة اللي ملهاش حل دي ماكلها عادية أهو



من فضلك عايزة حل للاسئلة دى واقتنع بحلها ايوة مش اسئلتى لازم الاجابات تكون مقنعة يااما هتعيد الاجابة عليها تانى
اتفقنا[/glint]


اتفقنا



1-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟


أكيد يعني عشان نشوف الحوسة اللي وقعنا فيها مش كفاية الطريق الغلط وتلاقي ساعتها أكيد نجوم إف إكس تقوم تغيظك وتجيبلك أغنية معبرة على غرار راحوا الحبايب أو فين طريقك فين كنوع من المشاركة الوجدانية ليك وعشان تحس أكتر بأنك في الطريق الغلط



2-ليه لما بتكون بطارية الريموت شبه فاضية ، بنضغط على الزراير جامد ؟[/glint]


هذا والله لعمري شيء عجيب فقد اختلف المصريون دوما في تناقضاتهم وهذا أبلغ مثال بالرد فعل التلقائي بالضغط على الزراير جامد لأننا مابنكونش واثقين في الريموت الصيني الصنع والتكنولوجيا بالرغم من إقبالنا على استعمالها دوما .


3-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟[/glint]


نرجسية .. هو كده نرجسية كامنة بتنتهز فرصة القلم الجديد عشان تطلع في أبلغ صورها وعلى فكرة أعرف ناس أول ما بيكتبوا بيكتبوا بسم الله الرحمن الرحيم وده بجد والله وفيه ناس زي حالاتي أول مابيجيب قلم جديد بيشخبط بيه على ايده مع ان الورق مالي الدنيا .


4-ليه بنقول هدية مجانية ..؟ مش المفروض إن الهدية تكون مجانا ولا بفلوس ؟[/glint]


بسبب ترجمة أنيس عبيد - الله يجازيها -هي اللي خربت الدنيا وأصل الكلمة اللي أنا لسه مفتكسه حالا هو اللفظ الإنجليزي Free Gift واللي اكيد ترجمتها الصحيحة فري جفت قصدي منحة مجانية أي بدون مقابل ولكن جه عمنا أنيس عبيد في كل افلامه وبقى بيترجم كلمة Gift هدية فيقت بتتكتب عالمحلات هدية مجانية ومن ساعتها بقت كده .


5-ليه لما نكون جوه المنزل والسماء بتمطر بنسأل هو الجو بيمطر بره ؟هى عمرها مطرت جوه ؟[/glint]


طيب وايه المشكلة مش يمكن فعلا بتمطر جوه .. ولا هو كله بره بره مافيش مره جوه , قال بتمطر بره قال أومال يعني هاتمطر في المطبخ .. ناس غريبة .


6-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟[/glint]


غلاثة وطالما أنا أغلث إذن أنا موجود


7-ليه الخدمة بتكون سريعة لما المطعم يكون مزدحم أكتر من لما يكون نص نص ؟[/glint]


عشان المطع كده بيبقى عليه كذا رجل يعني الرجلين بتكتر وشوف انت بقى لو مطعم مزدحم فيه يجي 10 أفراد بعشرين رجل ولو مطعم نص نص فيه 3 أفراد بست رجول بس يبقى بديهي أنهو أسرع .. ؟
أكيد الـ 20 رجل طبعا .


8-ليه لما الواحد بيركن السيارة فى موقف فاضى اللى جاى وراك بيركن جنبك ؟[/glint]


راجع اجابة السؤال نمرة 6


9-ليه دايما لما حد بيجري يلحق الأتوبيس تلاقيه مبتسم أو بيضحك ؟[/glint]


من غُلبُه / شر البلية ما يضحك / صحته مساعداه / متأكد أنه هايسبق الأتوبيس / جميع ما سبق ( تخيري إجابة )


10-ليه بنفتكر إن لما ندوس على زرار الأسانسير كتير هاييجى بسرعة ؟[/glint]


طبيعي وطبقا لنظرية البعيد عن الروف بعيد عن الثالث يبقى السانسير أكيد هيجي أسرع لما تفضل تدوس على الزرار .



11-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟[/glint]


راجع إجابة الأسئلة 6 , 8


12-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟[/glint]


وليه مانصدقوش مادام وصل للمسافة دي في التعامل معانا واللي بتتسمى في علم النفس المسافة الحميمة - شبه ملتصق بأذني - إذن هو شخص مقرب موثوق فيه إذن كلامه صادق إذن يجب ان نصدق .. بديهي وده بجد على فكرة يعني .


13-ليه لما بنتصل بالتليفون دايما النمر الغلط مابتكونش مشغولة ؟[/glint]


أصل اصحاب النمر الغلط عندهم أكتر من خط لما بنلاقي واحد مشغول بنتصل على غيره .


14-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟[/glint]


لوحة أرقام التليفون أو الموبايل بتتحسب فيها المسافات اعتبارا من مركزية الجهاز في يد المستخدم وبالتالي فإن ترتيب الأرقام يكون بحسب قربها من رز طلب المكالمة أما في الآلة الحاسبة والكي بورد الموضوع بيتحسب من مركزية ثبات الآلة الحاسبة والكي بورد على منضدة/ترابيزة/أي مسطح آخر بعيدا عن يد المستخدم الذي لا يمسك هذه الآلة الحاسبة أوالكي بورد .


15-وبمناسبة التليفون ليه لما واحد يعطيك رقم تليفونه بيقوله بسرعة ؟
[/glint]

أصله حافظه .


16-ليه لما بنصحى من النوم دايما بنحس إن كمية النوم ناقصها عشر دقايق ؟
[/glint]

مش عارف .. بس بيتهيئلي هما خمسة بس أو ثلاثه الله أعلم .
ولا حول ولا قوة الا بالله

طيب هو مافيش حد عنه أسئلة بعد كده ولا ايه ؟؟
محمود التهامي
16-02-2009, 03:20 PM
ههههههههههههههههههههههههههه


اهو دا بقا الرد المفحم بجد

متهيألي بقا يا أميرة تاخديها من قاصرها ومانشوفكيش في الموضوع دا تاني
إبراهيم البشبيشي
16-02-2009, 04:12 PM
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه
ههههههههههههههههههههههههه
إبراهيم البشبيشي
16-02-2009, 04:14 PM
أنا بجد سعيد جدا بالموضوع ده ومستمتع للغاية وبشكر كل واحد حط كلمة في الموضوع ساهمت في أنه يبقى بالجمال ده
fagrmasr01
16-02-2009, 04:30 PM
كنت اتمنى سؤال واحد
سؤال ملح جدا
وضرورى

هل
تعرف
تجيب لنا
كتكوتة المنتدى
التى اختفت
فى وسط هذا النقاش
بسبب اختلاف فى الرأى
مع ان الخلاف فى الرأى لا يفسد للود قضية
ارجو ان كانت الاجابة انك تعرف وانك هتعمل الصح وترجعها لنا ان ترد هنا
اما ان كان الرد غير هذا فأرجو أن يكون الرد رسالة خاصة
أنا واثق ان شخص بمثل الكثافة المعرفية
والخلق الرفيع
مثل أستاذنا وأخونا ابراهيم البشبيشى
عنده الف تصرف حكيم
يعرف يرجع بيه مشاركات خلود
وواثق ان خلود طيبة ورائعة
وان كلنا مفتقدينها

وواثق
ان
ابراهيم هيتصرف

واتمنى فعلا من كل قلبى
ان تعود ابتسامة خلود تنورنا
بموضوعاتها الحلوة
وبمشاركاتها القيمة
وربنا عز وجل يوفق الجميع
وأذكركم بالحديث الشريف
وخيرهما من يبدأ بالسلام
إبراهيم البشبيشي
16-02-2009, 05:39 PM
أولا : ايه يا عم جمال الحلاوة دي .. هو انت كلامك حلو كده على طول .. يا عم ربنا يديلك الصحة ويطول لنا في عمرك يا رب .

ثانيا : يا خلود من فضلك .. ترجعي لنا في الموضوع ده برد أو بردين أو حتى كلمة واحدة وعلى رأي اختنا اميرة وزي ما اكتشفنا كلنا واولكم انا إن المدعو إبراهيم البشبيشي يا عيني طلع دمه خفيف زي العسل الاسود - لما تحطي عليه شوية شربات لوز - ومش غتيت ولا سمج ولا دمه يلطش - وده المدهش - زي ما كلنا خدنا فكرة عنه .

ثالثا : هذه الرسالة تعبيرا مني عن تمسكي الشديد بالمنتدى اللي حبيته أكتر بكتير مما كنت اتصور يوم ما اشتركت فيه فأرجوك تساعديني على أن أثبت النظرية دي إن كل يوم بيعدي بكتشف ان الحياة من غير المنتدى مش لطيفة زي ما انا عايز .

رابعا : لو كان الموقف اللي حصل مني - تعليقي على التوقيعات - هو السبب في اختفائك عن الموضوع فأنا أعتذر عن التعليق الغير لائق وأعلن أنني ربما كان من الأفضل الا أقولها أساسا أن التوقيعاات الطويلة - يجي متر - مابتعجبنيش بس نعمل ايه أنا قلت خلاص فلا لوم ولا عتاب وارجو الا يخرج الموقف عن حجمه الطبيعي بانه اختلاف في وجهاتا النظر لا يفسد للود قضية .

خامسا : لو كان الرد بتاعك هايجي هنا في الموضوع ده يا سلام يبقى تمام أوي وتزيد أسئلة على أسئلة و لو مافيش رد في الموضوع يا ريت الرد يبقى في رسالة خاصة - زي ما طلب عم جمال - .

سادسا : شكرا لكل من تابع الموضوع وأولهم خلود وأميرة وبقية الصدقاء.
اميرة حبى انا
16-02-2009, 05:49 PM
يامحمود ضحكته عليا
وانت ياابراهيم ضحكك كلام محمود اوى
بس بجد اجاباتك تحفة والله مكنتش اعرف انك هترد كده
بجد فعلا احنا كلنا استمتعنا باجاباتك الجميلة جدا جدا
الطاوس الحزين
17-02-2009, 12:27 AM
ما شاء الله

اسئلة جميله .. واجوبه تحفة

سعدت بالاستمتاع

بجد بجد شكراااااااااااااااااااااااااااااا
خلود
17-02-2009, 09:04 AM
اخجلتنى ياجمال بجد كل الكلام الحلو ده على شخصى المتواضع

ربنا يخليك يارب

انا مكنتش مختفيه ولا حاجه انا بس كنت اديت لنفسى هدنه لالتقاط الانفاس

اما بالنسبه للمشكله اللى حصلت انا حسيت انها موجهه لى انا باعتبارى صاحبه السؤال

المهم

ما علينا

انا بشكرك جدا جمال على محاولاتك رجوعى تانى لمنتداى اللى بحبه فعلا زبجد وفعلا مقدرش ابعد عنه اكتر من كده

وياريت الاخ ابراهيم لو فى رائ ميكونش بالحده دى لاننا مش فى خناقه

وراجعه ياابراهيم وهتشوف الغلاسه بقى وكل موضوع لك هتشوف ردى عليه والبادى اظلم

هههههههههههههههههههههههههه

وحصل خير احنا كلنا هنا اخوات
fagrmasr01
17-02-2009, 11:07 AM
مع ان ناس كثير هنا بتقول ان كلامى يعنى كويس
لكن
بمنهى الوضوح والصراحة
انا مش عارف اقول لكم ايه
انتوا كلكم بجد أحلى من أحلى عسل
ربنا يخليكوا ويبارك فيكوا ويسعد أوقاتكم.. جميع أوقاتكم
شكرا ابراهيم .. كنت متأكد من قلبك وعقلك الرائعين
شكرا للمدير الجميل
شكرا للطاووس المبهج
شكراً لأميرة .. وحرام عليكى يا شيخة.. هريتى الراجل أسئلة .. لكن بصراحة فتحتى لنا باب جميل على عقل ابراهيم
شكرا جزيلاً لكل من شارك
خلود.. قلبى فرحان والله برجوعك أيتها الرائعة الطيبة الجميلة
أستاذ ابراهيم.. شكرا لاجاباتك.. بصراحة انت موسوعة حب وثقافة
إبراهيم البشبيشي
17-02-2009, 08:25 PM
أشكركم جميعا
اميرة حبى انا
18-02-2009, 12:32 AM
طيب اسمحولى بما ان تقريبا كلنا سالنا الاستاذ ابراهيم
ومدة جلوسه على الكرسى انتهت بسلام
ارجو من سيادته التفضل والتكرم باختيار احد الاعضاء للجلوس على الكرسى
إبراهيم البشبيشي
18-02-2009, 12:45 AM
ههههههههههههههههههههههههههههههه

للأسف الشخص اللي كنت هاختاره لسه قايم من على الكرسي !!!!

عموما خيرها في غيرها المرة الجاية أحسن .. والجايات أكتر من الرايحات .
اميرة حبى انا
18-02-2009, 12:51 AM
يعنى ايه كنت هتختار نفسك ولا اللى قبلك
المدير يعنى
إبراهيم البشبيشي
18-02-2009, 12:53 AM
لا طبعا كنت هاختار المدير طبعا .. بس هو ممكن أختار حد تاني ؟؟

ده بعد أذنكم طبعا
إبراهيم البشبيشي
18-02-2009, 12:56 AM
ممكن أختار ليون كينج

ضيف الكرسي رقم 6
اميرة حبى انا
18-02-2009, 01:02 AM
اسمحلى استقبلها الاستقبال اللائق
ولا اتفضل حضرتك
اللى يريحك يعنى
إبراهيم البشبيشي
18-02-2009, 09:52 AM
لا طبعا ده تخصصك انت يا افندم وانا مستحيل اتخطاكي فيه .

اتفضلي استقبليها انت .