المساعد الشخصي الرقمي

مشاهدة النسخة كاملة : سوق سيارات 6 اكتوبر خبر جاااااامد اخر حاجة



محمد هندى
20-04-2010, 02:21 AM
السلام عليكم كل اعضاء المنتدى
بعد مداولات طالت اكثر من سنة على عمل ساحة سوق سيارات تضم محافظات الجيزة واكتوبر والفيوم واسكندرية اليوم تحدد ميعاد افتتاح سوق سيارات مدينة 6 اكتوبر بنادى مدينة 6 اكتوبر الرياضى يوم الجمعة 30/4/2010
العنوان بالتفصيل
نادى مدينة 6 اكتوبر الرياضى بوابة السابع بجوار مسجد الحوفى ساحة سوق السيارات امام جهاز المدينة
الخبر دة موثوق فية 100% اليوم كنت فى اجتماع مع اللواء / اسماعيل الشافعى مدير نادى 6 اكتوبر الرياضى وحدد موعد بدء العمل الرسمى الجمعة 30/4/201

الساحة تضم مكتب للشهر العقارى وكافتيريا ودورات مياة ومحامى لكتابة العقود ومهندس للكشف على السيارات ودخول الاعضاء يوم الافتتاح مجانا ومن خارج النادى بتذكرة دخول النادى 20 جنية
وقد اسندت ادارة الساحة للاستاذ/ مصطفى هندى والمحاسب / محمد هندى
للاستفسار 01019082840/0111804991/0122552914
بجد خبر جاااااااااااامد اخر حاجة

محمود عبد الله
20-04-2010, 08:25 AM
طاب دى عتبئا كارثة
1- الناس هتتجمع بره النادى زى محاصل فى مدينة نصر تهربا من العشرين جنيه و هتبئا كارثة مرورية
2- المساحة صغيره جدا لا تصلح ان تكون سوق
3-الاعضاء كبار السن و الاطفال اللى كانو بينزلو عند حمام السباحة مباشرة اقرب مكن ليهم كدة الباب من بره
4- خامسا النادى هيكون معرض لدخول فئات غير مسؤله على الاطلاق ولا حتى داخلة بضمان عضو مما قد يتسب فى اهلاك او حدوث تلفيات فى النادى
5-بقايا مأكولات و مشروبات و سجاءر الناس دى هتبئا على الارض فى كل مكان

و ما خفى كان اعظم
ربنا يستر على النادى

محمود التهامي
20-04-2010, 09:00 PM
صدقت يا حوده
فعلا كارثة بكل المقاييس
بس مش مهم
المهم هتجيب كام لخزينة النادي




ربنا يستر على النادى

ربنا يستر على مصر كلها يا محمود

محمد هندى
21-04-2010, 03:25 AM
على فكرة ياجماعة ادارة النادى فعلا بتدور على خدمات جديدة تقدر تقدمها لاعضاء النادى واستعانتها يشركة متخصصة لادارة هذة الساحة هيكون باذن الله انجاز فى اكتوبر كلها والساحة دى اخر جزء فى النادى ببوابة شبة منفصلة عن النادى ككل يعنى لو عايز تروح حمامات السباحة اصلا مبتعديش فى السوق لانة اخر نقطة فى النادى حيكون فايدة كبيرة للاعضاء وسكان اكتوبر ككل وبالنسبة للزحام احنا فى مدينة منظمة والمرور فى اكتوبر محترم جدا

محمود التهامي
21-04-2010, 07:29 AM
والمرور فى اكتوبر محترم جدا




هههههههههههههههههههههههههههه
هو حضرتك ساكن في أكتوبر

انا اسف طبعا
بس بجد بجد مستغرب كلامك
بسبب اللي بشوفه كل يوم في ميدان ماجدة والميدان اللي بعده اللي هو بين النادي ومستشفى جامعة 6 أكتوبر

محمود عبد الله
21-04-2010, 09:30 AM
هوا هيتعمل فى انهى ساحة بالظبط

محمد هندى
22-04-2010, 01:14 PM
الساحة فى اخر النادى بعد بوابة السابع وبعد جراج الحوفى

وليد عبد الحميد
22-04-2010, 04:48 PM
يا خونا فيه تعليق اتحذف
و هو
فيه نادي محترم في مصر فيه مثل هذه الساحة ؟؟؟
والباشا بيقول دي شركة متخصصة في ادارة مثل هذه الساحات
ماشي
حضرتك بتدير انهي ساحة علشان نعرف حضرتك متخصص ولا هي سبوبة ؟؟
حضرتك بتقول فيه سور
السور صغير و سلك اللي كان محوطين بيه منطقة الالعاب
من الاخر النادي هيكون سوق بجد
:storm_1680014788131

محمود عبد الله
23-04-2010, 09:03 AM
حضرتك بتدير انهي ساحة علشان نعرف حضرتك متخصص ولا هي سبوبة ؟؟


لو سمحت ااستاذ وليد ممنوع مثل هذه التنويهات

محمد هندى
24-04-2010, 12:35 AM
السلام عليكم كل اعضاء المنتدى
فى البداية احب اشكر الاستاذ وليد لاهتمامة بشؤن النادى وحرصا منا على ظهور النادى بشكل حضارى كما تعودتم ان تجدوة طرحنا هذا الموضوع فى هذا المنتدى كى نستمع لمقترحاتكم البناءة التى تظهر هذة الساحة بشكل حضارى ومنظم
واحب ان اعرفكم بنفسى انا / محمد هندى مدير تسويق الشركة المصرية لخدمات المرور والتى اسند اليها ادارة هذة الساحة ونشاط الشركة هو
جميع الخدمات المتعلقة بالمرور نيابة عن عميل الشركة بالاضافة لمدرسة لتعليم قيادة السيارات بالاضافة الى اعتماد الشركة فى اكثر من شركة تامين على السيارات بنسبة خصم كبيرة للشركة بالاضافة انى كنت مديرا لمبيعات اكبر شركة سيارات بمصر لفترة طويلة وسبب نجاح شركة السيارات هو اهتمامها بمتطلبات واقترحات عميل الشركة
اهداف الساحة هو تيسير بيع او شراء او استبدال سيارتك المستعملة دون تدخل تجار او سماسرة فى عملية البيع او الشراء ويكون بشكل منظم وحضارى
كما تم الاتفاق مع كبرى شركات السيارات بالتعاون مع كبرى البنوك لاستبدال السيارة المستعملة باخرى جديدة ( زيرو ) وتقسيط الفارق على 5 سنوات بالنظام الذى يحددة العميل ( اسلامى - خصم من المرتب - دفع القسط فى اقرب فرع للبنك )
وموقع ساحة سوق السيارات تم تحديدها بطريقة منظمة بمعرفة ادارة النادى فى اخر نقطة فى النادى فى الارض الفضاء بعد بوابة السابع التى هى اخر بوابة فى النادى وتم تخصيصها لتكون لساحة السيارات حتى تكون منفصلة ولا تسبب اى اعاقة لانشطة النادى ولا حتى ساحات النادى لان عضو النادى اذا اراد بيع سيارتة سيدخل ساحة السيارات برسم 10 جنيهات فكيف يكون للزائر ان يبيع سيارتة داخل ساحات و انشطة النادى سيتم البيع او الشراء داخل ساحة سوق السيارات فقط وسيتم فرز السيارات على البوابة بمعرفة ادارة الساحة وتخصيص برتشن لكل فئة سيارات يعنى اذا كنت تريد شراء سيارة ب 15 الف جنية هتلاقى نفس الفئة فى برتشن واحد وايضا اذا كنت تريد شراء سيارة فى حدود 100 الف جنية ستجد نفس فئة السيارات فى مكان واحد
بلاضافة لوجود مكتب للشهر العقارى ومحامى لكتابة العقود ومهندس لفحص السيارة المراد شرائها واضواء كاشفة
وفى انتظار مقترحاتكم لجعل هذة الساحة تظهر بشكل حضارى ومنظم

هشام التونسى
24-04-2010, 01:19 AM
أعتقد ان وجود سوق السيارت ف النادى هيسبب مشاكل طب ليه معملهوش ف مكان مفتوح زى سوق مدينة نصر عندنا مثلا البارك الكبير اللى جنب الجهاز اللى بيسموه ارض المطار وبتتعمل فيه الحفلات سنويا

محمد هندى
24-04-2010, 01:30 AM
انظروا للمقترحات والاراء
http://forum.masrmotors.com/showthread.php?t=24322

وليد عبد الحميد
24-04-2010, 10:03 AM
يا سيدي انا عارف ان انشطة النادي مش هتتاثر
ويا باشا انا عارف المكان كويس جداً و حتى علقت على للمهندس وحيد
ان المكان عايز كشافات زيادة و قلي هيحطها
الغريب امرين
ان النادي بينكر ان حضرتك اللي هتدير الساحة
و بيقول ان النادي نفسه هو اللي هيدرها!!!
طيب حضرتك هتدرها مقابل ايه؟؟
الامر الثاني
ازاي هتمنعوا العربيات المسروقة و المضروب ورقها وحضرتك عارف
سوق السيارات في مصر
من دخول النادي و البيع فيه
وافرض مثلاً مثلاً يعني
ان فيه واحد اشترى عربية و بعدين اكتشف ان فيها عيب ما
ورجع تاني يوم عايز يرجع العربية على اعتبار ان اللي بيعله العربية موجود في الساحة
واتخنقوا سوى ايه الالفاظ و التعبيرات اللي هتتقال في النادي الرياضي المحترم؟؟؟
و كيف ستمنع المشاجرات بوجه عام داخل الساحة؟؟
سؤال
هو العمل في الساحة كل يوم ولا يوم واحد في الاسبوع ؟؟؟

محمد هندى
24-04-2010, 01:03 PM
يعنى راى حضرتك يلغى قصة الساحة دى حتى ولو للاعضاء
مع العلم ان رد فعل جميع الاعضاء ايجابى جدا وفى انتظار افتتاحها
واللواء اسماعيل بعد ما اسند الينا ادارتها يعين غفر لحراسة الارض الفضاء
لحين التفكير لخدمة افضل
او الاصلح زى محضرتك كلمت المهندس وحيد على اقتراحك بتزويد ساحة سوق السيارات بانارة اكثر تقترح علينا كيف تكون هذة الساحة بشكل حضارى ومنظم يستفيد منة كل اعضاء النادى

وليد عبد الحميد
24-04-2010, 01:13 PM
يا باشا اولا حضرتك مجوبتنيش عن الاسئلة!!!
ثانيا انا لا مع ولا ضد الموضوع حتى الان
وهذا الكلام قلته لسيادة اللواء اسماعيل لغاية منقيم الموضوع بعد التجربة
ثالثاً معظم اعضاء النادي غير موافقين لهذا الموضوع خوفاً من الاسئلة اللي حضرتك مجوبتش عليها؟؟؟
رابعاً الكثير من الاعضاء يقومون الان بتجميع توقيعات برفض هذه الساحة جملة و تفصيلاً
خامساً اللواء اسماعيل بيقول ان النادي هو اللي هيدير الساحة و الشئون القانونية هي اللي هتكتب العقود
و حضرتك بتقول ان شركتكم هي اللي هتدير الساحة
طيب نصدق مين ؟؟
و السؤال الاهم هتديروا مقابل ايه ؟؟
يا ريت نتكلم بصرحة علشان نحط النقط فوق الحروف
وشكرا

محمود عبد الله
25-04-2010, 12:01 AM
بمناسبة السيارات المضروبة
انتشرت فى سوق السيارات بمدينة نصر ظاهره غريبة
العربية تبئا 2008 او اقدم و يرشوها رشة حلوة و يلزقو عليها لزق ابيض زى بتاع المصانع
و يقولك دى فابريقة و مرفوعة ماتشالش اللصق من عليها

و هذا يعتبر تحذير لجميع الاعضاء

اما بالنسبة للنادة فأنا اقترح تصوير بطاقة اى حد يبيع عربية فى السوق و كمان صوره لرخصة السياره

محمود عبد الله
25-04-2010, 12:03 AM
تحياتى للأستاذ وليد

وليد عبد الحميد
25-04-2010, 10:09 AM
استاذ محمود ازيك عامل ايه
مبقتش تكتب معانا في منتدى النادي
يا ريت تكتب معانا
و بخصوص الساحة الاستاذ هندي مبيجوبنيش عن اي سؤال
وخاصة السؤال ده
افرض مثلاً مثلاً يعني
ان فيه واحد اشترى عربية و بعدين اكتشف ان فيها عيب ما
ورجع تاني يوم عايز يرجع العربية على اعتبار ان اللي بيعله العربية موجود في الساحة
واتخنقوا سوى ايه الالفاظ و التعبيرات اللي هتتقال في النادي الرياضي المحترم؟؟؟
و كيف ستمنع المشاجرات بوجه عام داخل الساحة؟؟
و يا ريت محدش يقول هيكون فيه امن و الكلام الجميل اللي هو اصلاً مش موجود في النادي حتى على حمام السباحة او التراس
لا يوجد امن في النادي ولا ايه رايك يا محمود باشا

م. صبري النجار
25-04-2010, 10:19 PM
وليد العسل
ما هذا الموضوع الخطير؟
أولا ً: إهتم بالأحرف التي تهملها ياوليد في كتابتك (مثل: واتخنقوا سوى؛ تقصد اتخانقوا سوا ، ومبيجوبنيش تقصد: ما بيجاوبنيش ) عندك نقص فيتامين (أ) :)
ثانياً: لم تسق لنا رأي أي عضو من اعضاء مجلس إدارة النادي، حتى نعرف كيف فكروا في هذا الأمر.
ثالثاً: أين هذا المكان بالتحديد، فالوصف عاليه قد ذكر مسجد الحوفي وأمام جهاز المدينة ، فما علاقة مسجد الحوفي بجهاز المدينة ؟!!!

lionking
25-04-2010, 10:50 PM
لا حول ولا قوة الا بالله العلى العظيم

بئه فى نادى محترم يعمل كده

وانا اسيب ولادى ازاى فى النادى لوحدهم لما النادى يفتح ابوابه لغير الاعضاء والسواقين

وهيا يعنى المنطقة اللى عند الحوفى مافيهاش تمارين مهى فيها كل الملاعب والكاراتيه ومليانة اطفال بنات وصبيان

ده قرار غلط ولو دى ادارة حكيمة تخاف على اعضائها وتخاف على سمعة النادى متاخدش قرار زى ده ابداً

لكن هنقول ايه اكل العيش مر

ياريت يشوفوا مكان تانى يعملوا فى السبوبة دى او ياريت يضحكوا علينا بحاجة تدخل الدماغ شوية

مش هنرمى ولادنا ونعرضهم لسماع الفاظ سوقية عشان هما يكسبوا

طب افرض طفل صغير اتخطف ( هتعمل ايه ادارة نادينا الموقرة )

معلش انا منفعلة شوية بس الموضوع يضايق فعلا وده شىء مستفز

وبعدين صحيح ايه علاقة باب الحوفى بجهاز المدينة

استغفر الله العظيم

وبالمناسبة ::: ده مش خبر جامد ولا حاجة ده يحرق الدم

محمود عبد الله
25-04-2010, 11:45 PM
الموضوع كبر و محتاج دراسة شاملة

بالنسبة لأمن النادى بالامانة و الله الناس شايفى شغلها تمام فى التراس و القاعات
انا موجود الفتره اللى فاتت دى يوميا بصراحة دايما الامن بيلف على المخالفات

وليد عبد الحميد
26-04-2010, 10:26 AM
مخالفات ايه يا باشا
شفت حضرتك فرد امن ميخليش عضو يدخن سجائر
شفت حضرتك فرد امن لما يلاقي حد قاعد على عربيتك في البارك يقله انزل من على العربية
شفت حضرتك فرد امن لما يلاقي واحد بيشتم واحد يقله عيب كده
و الادهى و الامر
شفت حضرتك فرد امن شايف واد و بنت بيحبوا بعض اخر النادي يقلهم عيب كده و يمسكهم
يا باشا النادي مش التراس بس اللي بيقعد عليه مجلس الادارة
يا ريت حضرتك تلف في النادي و تشوف الامن بيعمل ايه
ايام العقيد معتز كان الامن ضعيف و بيمسكوا بلاوي و انا شفت المحاضر بعيني
الامن دلوقتي بيمسك ايه ؟؟؟
واقف على البوابات هذا ما يفعله
ويا ريت نناقش ومواضيع النادي في منتدى النادي
و منزعجش الراجل في المنتدى بتاعه للسيارات

محمود عبد الله
27-04-2010, 10:11 AM
اه انا شفت
و الله العظيم شفت كل الامثلة اللى انت بتؤل عليها دى
الناس معظمهم شايفين شغلهم

المهندس مختار
13-06-2010, 02:20 AM
يا جماعة انتو بتتكلمو فأية 00000 فزحمة النادى طيب ممصر كلها زحمة والناس كلها بتسرخ مش بتتكلم لكن مين يسمع يلا كلو يكبر دماغووبعدين يا جماعة مش احنا بس اللى بنفكر اكيد ادارة النادى فكرت فكل الحجات دى وعاملة حسابها ولا اية

هشام التونسى
13-06-2010, 10:35 PM
انا مش عضو ف النادى بس حضراتكم معاكم حق ليه ميكونش السوق منفصل