المساعد الشخصي الرقمي

مشاهدة النسخة كاملة : طلب وصفة ارز


محمود عبد الله
19-04-2010, 04:20 PM
السلام عليكم و رحمة الله و بركاته

الكلام موجه لنساء المنتدى


انا كنت فى احد المطاعم الشهيرة فقدمولى ارز بسمتى بالالوان الطبيعية
يعنى حباية حمراء و اخرى صفراء و اخرى بيضاء و برتقالى
بصراحة كان منظره يجنن
حد يدلنى الارز ده بيتلون ازاى؟؟
تخدمنى اكتر لو تعرفوا حاجة تلون الحباية اخضر

و شكرا
nogafoda
19-04-2010, 05:04 PM
اخيرا احتاجتم لستات
بص يا سيدي
اللون الاصفر كركم
الاخضر كسبره خضره مفرومه في الكبه
الاحمر ببريكا
يارب يعجبك وبالهنا والشفا
محمود التهامي
19-04-2010, 05:05 PM
هههههه على حد علمي
هو مش بيتعمل ملون
لأ بيتعمل كل لون لوحده وبعدين يتقلب
بالظبط كدا زي البتاع ده اللي بيتعمل من عجينة المكرونة
وبيتلون وبيبقا شبه السمبوسك كدا او القطايف
بس مش فاكر اسمه


وعلى فكرة الرز الملون دا تقريبا اسمه رز أفغاني
استنا هدورلك عليه
اميرة حبى انا
20-04-2010, 01:43 AM
ايوة دور وقولى انا كمان
محمود التهامي
20-04-2010, 09:07 PM
ياعيني ع الكسل
يعني مش بس مش عارفينه
كمان مكسلين تدورو عليه للشاب الغلبان

خد الطريقة اهي يا صاحبي






http://forum.sedty.com/imagehosting/14186_1231197631.jpg
السلام عليكم ورحمته الله وبركاته
المقادير
كيلو لحم مقطع الي قطع متوسطه
4كاسات ارز
3بصلات متوسطه الحجم
ثلاثه ارباع الكأس سمن
10حبات بخاره جافه
فنجان شاهي ماء ورد
بهارات مشكله
ملح ليمون
فنجان شاهي سكر عادي
ملح
كأس ماءلحرق السكر
الالوان الطعام (لون أصفر وأخضر وأحمر )





الطريقه


اغسلي اللحم جيدا واسلقيه
اغسلي البخاره وانقعيها في الماء
قشري البصل وقطعه حلقات رفيعه
اقدحي السمن في القدر وضعي فوقه البصل وقلبي حتي يصفر لونه
اضيفي قطع اللحم المسلوق وجميع البهارات وملح اليمون وقلبي لمدة دقائق
احرقي السكر حتي يصبح لون العسل ثم ضعي فوقه كأس ماء ساخن مع ماء الورد
ثم ضعي علي الحم وضعي البخاره
واتركيه علي نار هادئه
اغسلي الارز واسلقيه بماء الحم مع قليل من الملح
حتي يقارب علي النضخ ثم اطفيء النار
وضعي الارز فوق اللحم علي نار هادئه لمدة 5دقائق
ثم افتحي القدر واضيفي الالوان وذلك بتقسيم سطح الارز الي مثلث وضعي
كل لون في المثلث وترك الجزء السفلي من الارز بدون تلوين
غطي القدر وأتركيه لمدة 5دقائق ثم اطفيء النار




عند الغرف احضري طبق التقديم وطبق اخري
ضعي الارز الملون في الطبق العادي
ثم أغرفي باقي الارز في طبق التقديم ثم ضعي الارز الملون علي الوجه

وبالهناء والعافيه
محمود عبد الله
21-04-2010, 09:35 AM
الله عليك يا حودة يا جااااااااااااااااااااامد
هوا ده اللى انا عايزه تمام
الف شكر للجميع

بس قولولى هوا الكسبره هتلون بس ولا هتسيب طعم فى الاكل؟؟؟؟؟؟؟؟؟؟؟؟
محمود عبد الله
21-04-2010, 09:37 AM
طاب انا مش عايز كل المقادير دى
و اللحمة ايه اللى دخلها فى الموضوع
انا عايز الارز بطريقته العادية + الالوان بس
محمود عبد الله
21-04-2010, 09:38 AM
اخيرا احتاجتم لستات
بص يا سيدي
اللون الاصفر كركم
الاخضر كسبره خضره مفرومه في الكبه
الاحمر ببريكا
يارب يعجبك وبالهنا والشفا






احنا عمرنا ما نستغنى عن الستات واصل
rose
21-04-2010, 11:45 AM
تسلم ايديك يامحمود


الوصفة هايلة الوصفة سهلة