المساعد الشخصي الرقمي

مشاهدة النسخة كاملة : الشرطة و التواجد الامني في مدينة 6 اكتوبر


وليد عبد الحميد
19-04-2010, 11:23 AM
اين الشرطة و التواجد الامني في مدينة 6 اكتوبر.
على امتداد المحور المركزي و المحور الخدمي ـ داخل المدينة ـ لن تجد سيارة شرطة واحدة . حتى لو ذهبت الى منطقة المصانع لن تجد ايضاً سيارة شرطة واحدة او حتى متوسيكل. يعني ممكن تقتل القتيل و تمشي في جنازته !!!!
اما في قلب المدينة و عند جامع الحصري لن تجد سوى كشك المرور اللي قدامه واقفة العربيات بتحمل الناس دون اي ردع او سؤال . نفسي اعرف بيعملوا ايه في الكشك ده .؟؟؟
انا ساكن بجوار ادارة شرطة النجدة ياريت تيجي تشوفوا ولا عربية شرطة وافقة حتى ان الناس بترمي مخلفات البناء و القمامة خلف مكان ادارة شرطة النجدة دا غير اللي بيحصل في العربيات في الصحراء اللي وراها و الباركينج اللي جنبها.
اين الدوريات الراكبة ؟ و اين الشرطة المتخصصة ؟
نظرة يا شرطة

:storm_1680014788131
محمود التهامي
19-04-2010, 12:13 PM
ياريتها جت على مخلفات البناء بس
قريت خبر امبارح عن العثور على جثه متحللة خلف قسم الشرطة
بذمتك مش حاجه تهلك من الضحك
وليد عبد الحميد
20-04-2010, 04:37 PM
تاخد نفس :storm_1680014788131
نور
20-04-2010, 06:46 PM
مهي كل حاجة في البلد دي بتضحك
واحنا معندناش غير اننا نضحك
اضحك ياوليد
وليد عبد الحميد
21-04-2010, 10:03 AM
يا جماعة عايزين نناقش الموضوع
هل فعلا يوجد تواجد امني في المدينة ام لا ؟؟؟
و ماهي الدلائل على ذلك
نناقش جايز حد بيشوف الكلام ده
و ياخد بيه !!!
محمود التهامي
22-04-2010, 09:02 AM
كان
كان فيه
كان فيه عربيتين ع الاقل في ميدان ليلة القدر مثلا
وكان فيه زيهم في اغلب الميادين

دا غير المتحركة
هم اه كانوا عاملين صداع لانهم مشغلين السارينة عمال على بطال
بس كانو عاملين منظر ع الاقل
زي الشاويش بتاع زماااان
هاااااا مين هناك

لكن دلوقتي بقت المدينة كانها مهجورة
نادرا ما بتسمع او تشوف عربية شرطة

بس احيانا من وقت للتاني بشوف العربيات الزرقا
تقريبا مباحث مش كدا ؟؟
اللي بتظهر في الاعياد دي عارفها ههههههههه

اللي بشوفه وبسمعه اكتر دلوقتي العربية البرتقالي بتاعة الاسعاف
هي تبع ايه دي
من ساعة ما طلعت وهي الحوادث كترت هههههه
اه بمناسبة الحوادث
مش ملاحظين ان الحوادث جوا المدينة ما كترتش كدا غير لما بقا فيه شرطة مرور
الاول مكناش بنشوف ولا عسكري مرور واحد
بس برضه كان نادرا جدا ما بنشوف حادثة
على محور الجامعه المار بين الاحياء مثلا
من اول ليلة القدر لحد مدخل السابع

مش كدا برضه وللا انا متهيألي
وليد عبد الحميد
22-04-2010, 12:36 PM
العربية الزرقة دي بتاعة النجدة
اللي اعرفه ان في اكتوبر قسمين شرطة بس صح ولا غلط؟؟
يمكن محتاجين اقسام تانية ؟؟
بس اللي اعرفه ان للمحافظة الان مديرية امن
هو امن المدينة ملوش دعوة بامن المحافظة ؟؟؟
:storm_1680014788131
تاخد نفس
جايز ييجو
محمد المصري
22-04-2010, 01:41 PM
شكلكو انتو اللي هاتروحولهم
بالعربيات اللي مابقيتوش تشوفوها هههههههههههههههههه
م. صبري النجار
22-04-2010, 04:20 PM
نقاش رائع http://forum.el-ahly.com/images/smilies/swords.gifبين دكتاتور ومدخن شيشة
ليست لدي إجابة على أسئلتك القوية يا وليد بكل أسف.
ولكن لدي معلومة ، وإن كان عمرها عامان، وهي أن مدينة 6 أكتوبر تخلو من شرطة الآداب http://forum.el-ahly.com/images/smilies/m11.gif !!!!
هل تغير الوضع الآن؟
أنتظر منك تحديث هذه المعلومة القديمة ياوليد http://forum.el-ahly.com/images/smilies/flag.gif
وليد عبد الحميد
22-04-2010, 10:41 PM
يا باشا ماحضرتك عارف اني غير مدخن لا شيشة ولا غيره
بس الصورة تحكم !!!!
متهيقلي يا بشمهندس انه يوجد الان شرطة اداب لان المدينة الان مشهورة بالاداب !!
و المفروض بعد وجود مديرية امن فيوجد بالتباعية
جميع انواع و اقسام و ادارات و و و و و و الشرطة
و الشرطة تجري ورا الشرطة عايزة تطلها
تخد نفس
:storm_1680014788131
خلود
23-04-2010, 02:07 PM
والله حوار جميل بيعرفنا اكتر واكتر على مدينه عمرى ما زرتها ولكن بعرفها من خلالكم هنا

ويمكن علشان مدينه جديده مفيهاش خدمات كتير

وبعدين بتستغربوا ليه ده الطبيعى

اومال يعنى عايزين كل العيشه كده حلوه وجميله وورديه

ده انتم غريبين خالص

ربنا معاكم بقى وخلوا بالكم عى نفسكم وولادكم طالما الظبط والربط عندكم قليل كده
وليد عبد الحميد
23-04-2010, 04:41 PM
مين اللي قال ان المدينة جديدة !!!
المدينة عمرها الان 25 سنة او اكثر
العيب في اللي ساكنين المدينة و ساكتين و اللي ماسكين المدينة و مطنشين
:storm_1680014788131
محمد المصري
23-04-2010, 10:07 PM
السلام عليكم

اولا احب اشكرك على موضوعك اللى يخلينى اقول بعض الحجات اللى مضايقانى فى المدينة

ثانيا
اذا كانت الحكومة مش قادرة تحل المشاكل الاساسية

اللى هيا زى المواصلات والصرف الصحى اللى كل يوم والتانى نلاقى ماسورة صرف مغرقة الدنيا وتقعد باليوم واليومين ولا حد بيسأل فيها
ولا فاتورة المياه اللى بقت بالالوفات حتى المحافظ اشتكى منها

كل دا سابوة وراحوا يجددوا الرصيف اللى جددوة من سنة زى ما شفنا فى الحى السابع مثلا

مع ان الرصيف دا خرسانى ويتحمل بدل السنة سنين

الرصيف ما اشتكاش لكن الصرف اشتكى

والمواصلات اللى بقت زى الزفت وعربيات البوكس اللى بتقطعلنا هدومنا والسواقين اللى اغلبهم ميتعداش سنة 20 سنة
وكمان مبيلتزموش بخط سيرهم اللى هوه من اول دولسى الى اخر السابع
وعملوا لنفسهم خط سير على مزاجهم
كل دا بدون رقابة

دة ولا الرصيف الاهم

وعايز اقلك ان الناس بتشتكى كل يوم من مشكلة المواصلات والصرف الصحى

طبعا الواضح ان الرصيف اهم من الناس اللى هما سكان مدينة 6 أكتوبر

وعجبى
وليد عبد الحميد
23-04-2010, 11:01 PM
يا ستي بلاش تركبي العربيات البوكس اللي مضيئكي دي
ممكن تركبي التوكتوك الحمد لله بيمشي دلوقتي على المحور ومحدش من المرور بيكلمه
توكتوك بقه... مين قده
و بخصوص الصرف ممكن كل عمارة تعملها بيارة قدمها
و تتفق مع عربيات ـ تنزح ـ مياه الصرف
وبكده نحل المشكلة و منزعجش المسئولين
و بخصوص فاتورة المياه اللي بالوفات
ممكن تجيبي زجاجات المياه المعدنية الكبيرة 5 لتر دي بتوفر كتير
و متستخدميش ميه الحكومة
يا جماعة فكروا في حلول غير تقليدية
ما حك جلدك غير ظفرك
:storm_1680014788131
وليد عبد الحميد
23-04-2010, 11:06 PM
اسف نسيت موضوع الرصيف
يا جماعة هما بيجددوا الرصيف علشان عندهم فائض في الميزانية مش عارفين يعملوا بيه ايه
علشان كده بيجددوا الرصيف
اللي معندوش رصيف جديد يا ريت يقلهم علشان يجددوه
ارحموا من في الارض يرحمكم من في السماء
يعملولكوم ايه مواطنين تحرق الدم صحيح
:storm_1680014788131
محمد المصري
23-04-2010, 11:34 PM
على فكرة يا استاذ وليد انا راجل مش واحدة

ردى فى الرد اللاحق
محمد المصري
23-04-2010, 11:47 PM
يا ستي بلاش تركبي العربيات البوكس اللي مضيئكي دي
ممكن تركبي التوكتوك الحمد لله بيمشي دلوقتي على المحور ومحدش من المرور بيكلمه
توكتوك بقه... مين قده
و بخصوص الصرف ممكن كل عمارة تعملها بيارة قدمها
و تتفق مع عربيات ـ تنزح ـ مياه الصرف
وبكده نحل المشكلة و منزعجش المسئولين
و بخصوص فاتورة المياه اللي بالوفات
ممكن تجيبي زجاجات المياه المعدنية الكبيرة 5 لتر دي بتوفر كتير
و متستخدميش ميه الحكومة
يا جماعة فكروا في حلول غير تقليدية
ما حك جلدك غير ظفرك
:storm_1680014788131


السلام عليكم

اولا انا اسمى محمد مش واحدة

ثانيا راجع مواضيعى وانت تعرف دا

ثالثا
حضرتك التوكتوك بياخد فى اقل مواصلة 1 جنية

وطبعا علشان كل واحد يحب يروح الشغل يوميا بتوكتوك زى ما بتقول يبقا عايزلة مرتبين تلاتة علشان يركب بيهم مواصلات

وموضوع الصرف دا بقى ان شاء الله هنحاول نوصل للمسئولين اقتراحك علشان يصدروا قرار ويعمموة على الشعب وتبقى دى شغلتهم بدل ما يحلوها

المياة المعدنية جميلة بس مش للناس العادية
لا دى للطبقة المترفهة اللى عندهم عربيات ومصانع دول حتى بقوا ميجيبوهاش دلوقت
علشان سعرها

حلول غير تقليدية اية انا معرضتش حلول انا عرضت مشاكل






اسف نسيت موضوع الرصيف
يا جماعة هما بيجددوا الرصيف علشان عندهم فائض في الميزانية مش عارفين يعملوا بيه ايه
علشان كده بيجددوا الرصيف
اللي معندوش رصيف جديد يا ريت يقلهم علشان يجددوه
ارحموا من في الارض يرحمكم من في السماء
يعملولكوم ايه مواطنين تحرق الدم صحيح
:storm_1680014788131


فعلا كلامك مضبوط

هما تعبانين والمفروض نرحمهم ومش نتكلم ونقول مشاكلنا

متهيالى ان الكلام قلتة احسن

لان الكلام بيزعل وبيكون اللى بيشتكى من مشكلة هو اللى وحش
وساكت على حقوقة ومنفض

لا حول ولا قوة الا بالله
وليد عبد الحميد
24-04-2010, 10:32 AM
محمد بك اسف اصل الاسم معرفتش اقرأه
بخصوص الحلول الغير تقليدية انا عاف ان حضرتك معرضتش حلول
وانا اللي عرضت الحلول ولكن بطرقة تريقة بس حضرتك اخدتها جد
بس هنعمل ايه مفيش غير ان احنا نتريق على واقعنا اللي احنا عايشين فيه!!!!
هو حضرتك مشفتش الشيشة
دي علشان الواحد ينسى
:storm_1680014788131
بس ياريت يا جماعة نرجع للموضوع الاصلي
التواجد الامني في المدينة
ايه
خلاص محدش عنده تعليق على الموضوع
الامن مستتب في كل مكان ؟؟؟
م. صبري النجار
24-04-2010, 04:47 PM
يا باشا ماحضرتك عارف اني غير مدخن لا شيشة ولا غيره

بس الصورة تحكم !!!!
متهيقلي يا بشمهندس انه يوجد الان شرطة اداب لان المدينة الان مشهورة بالاداب !!
و المفروض بعد وجود مديرية امن فيوجد بالتباعية
جميع انواع و اقسام و ادارات و و و و و و الشرطة
و الشرطة تجري ورا الشرطة عايزة تطلها
تخد نفس
:storm_1680014788131


معلوم طبعاً يا عسل نأيك عن الدخان، ولو كنت مدخنا لم اتخذت من الشيشة دعابة
ويبدو أن حجر شيشتك يحرق أحرف كثيرة متحركة من كتاباتك العامية مثل: عايزة تطولها ، تاخد نفس ، وأحياناً كلمة (ما اعرفش): تكتبها حضرتك معرفش ، على وزن مشلفط
المهم أين مكان شرطة الآداب في مدينة 6 اكتوبر ؟
لك من جائزة خمسون جنيها لو أخبرتني عن مكانها وقوامها بالمدينة يا عسل.:)
محمد المصري
24-04-2010, 04:51 PM
التواجد الامنى فقط شرطة المرور وياريتهم بيعملوا حاجة

لكن الامن العام لا يوجد الا نادرا

( المباحث وفى الساعات المتأخرة ليلا ) نادرا ما اصادفهم

انا عارف انك بتتريق لكن انا حبيت يكون النقاش

بجد اكتر من كدة
وليد عبد الحميد
24-04-2010, 05:10 PM
هنعمل ايه يا استاذ محمد
فكما يقال
شر البلية ما يضحك
:storm_1680014788131
م. صبري النجار
25-04-2010, 10:33 PM
يا وليد ياعسل لقد قلت سيادتك

متهيقلي يا بشمهندس انه يوجد الان شرطة اداب لان المدينة الان مشهورة بالاداب !!
وكان ردي


المهم أين مكان شرطة الآداب في مدينة 6 اكتوبر ؟

لك من جائزة خمسون جنيها لو أخبرتني عن مكانها وقوامها بالمدينة يا عسل.:)




فلماذا تقول:

انا عارف انك بتتريق
وليد عبد الحميد
26-04-2010, 10:14 AM
فين يا باشا الكلام ده
دا الكلام كان بيني و بين الاستاذ محمد
عموماً طبعاً عايز اخد ال50 جنيه و هشوف الموضوع ده
حد يعرف فيه شرطة اداب ولا لا في 6 اكتوبر و نقسم سوا ال50جنيه
وليد عبد الحميد
26-04-2010, 10:18 AM
للي ساكنين في الحي المتميز ايه اخبار التواجد الامني هناك
عايزين مراسلين من الحي المتميز و كل احياء المدينة
haneen
01-05-2010, 12:46 AM
بصراحة دي مشكلة كبيرة
خ صوصا ان المدينة بيحصل فيها سرقات وتحرشات بالبنات واعتدداءات من عمال البناء والسواقين
بدل ما يكلوا عيش بيقلوا اصلهم مكان اكل عيشهم

انا كمان اسكن بجوار النجدة ولاحظت عدم مرور دوريات شرطة او نجدة حتى في منطقة مبنى شرطة النجدة نفسي يرجع عسكري الدورية بتاع زمان في كل شارع للحراسة

وربنا الحارس
samr pelal
08-06-2010, 11:10 AM
اسمحولى اقولكم على موضوعى الا اغرب من الا بتقولوه انى من ساكنى الحى الخامس وبيتى اتسرق مرتين المرة الاولى لقوا الحاجات فى جنينة الجيران بواسطة خفير الجيران (كتر خيره) ومعملوش معاها حاجة ،تانى مرة غفير الجيران نفسه مسك الحرامى الا كان صاحب ابنه لكن المرة دى شال البيت كله (بعيد عنكم ) بتزيل الاغراض كلها عن طريق عمارة من الجانب الاخر تحت الانشاء بعد ما كسر بابا السطح الحديد وكسر باب الشقة ودخل قعد لمدة مش اقل 3 ايام علشان ينزل الاغراض دى كلها المهم مسكوا الحرامى وتم نزولى من البلد الا انا فيه فى نفس اليوم وبعد توسيط كل الاصدقاء من كبار الشرطة وبعد اعتراف الحرامى وارجاع بعض ما سرق وبعد شهرين على الحادثة وعدم ارجاع بقية المسروقات تم الافراج عن الحــــــــــــرامى ومن معه لحين القضية ( وبعد كده دوروا معايا على الحرامى والا معاه)حكاية طويلة ومملة انا اسفة وبتقولوا فين الشرطة لا قولوا كمان ايه القانون ده
محمود التهامي
08-06-2010, 06:01 PM
يعني الحرامي مقدرش يتمم عمليه السرقة أول مرة
لكن الحمد لله ربنا وفقه في المرة التانية
ونتعلم من كدا انه التكرار يعلم الــ ***** هههههههههههههههه

معلش يا سمر
ربنا معاكي ويصبرك ويعينك
samr pelal
09-06-2010, 11:29 AM
انا متشكرة جدا لكن الا عاوزه اقوله انى قلت اسيب البيت مفتوح مفيش داعىلخفير ولا قفل ابواب علشان لما يجى المرة الجاية ما تعبش البيه الحرامىوالا معاه (لكن كهربت الابواب والشبابيك كلها) وزنبه على جانبه
محمود عبد الله
09-06-2010, 11:58 AM
بؤلك ايه يا ا/ وليد
انا معايا عربية رخصتها منتهية و مسحوبة و خرجت العربية من الحبس بالعافية
المكان الوحيد اللى بعرف اروحو بيها دلوقتى هوا 6 اكتوبر
فــ متقفلهاش فى وشى بئا