اي حد عنده اي مشكلة من اي نوع في ابني بيتك يدخل هنا و انشاء الله رئيس الجهاز هيحلها

[somaforever]

انشاء الله الاجتماع القادم مع رئيس الجهاز هيكون في خلال اسبوعين
اي حد عنده سؤال يسيبه هنا و انا انشاء الله هطرحه على رئيس الجهاز
الفكرة دي جاتلي لأني عارف ان فيه ناس مش هتعرف تيجي لسفر او انشغال
عموما سيب استفسارك و انا انشاء الله اعرضه كأنك موجود
بس ياريت لو واحد عنده مشكلة كبيرة أوي يجي بنفسه عشان يعرضها على رئيس الجهاز
و انشاء الله اول ما اعرف الاجتماع امته بالظبط هبلغ الناس

[علاء عثمان عقل]

الأخ الفاضل المهندس/ هيثم أنور
السلام عليكم ورحمة الله وبركاته

ياريت التأكد من صحة الخبر الخاص بكل من :-
[1]- عدم سحب الأرض بعد انتهاء مهلة البناء الـ (15) شهر في حالة البناء لمرحلة أعمدة الدور الأرضي فقط.
[2]- صرف الدعم للمرحلة الأولي والثانية إذا تم البناء بعد الأربع اشهر المحددة لكل منهما ، وفي خلال الـ (15) شهر

[mayariri]

م/ هيثم انور
اشكرك على مساهماتك الفعالة
و ارجو من سيادتك ان تخبرنى بموعد و مكان الاجتماع القادم مع رئيس الجهاز
و لك جزيل الشكر
د/ أحمد البلتاجى
المنطقة السابعة قطاع و قطعة 760
م/ 0108944730
0115276100
0105620692

[احمد محمد 78]

بارك الله فيك ونفع بك

[الفارس الاسود]

الأخ الفاضل المهندس/ هيثم أنور
السلام عليكم ورحمة الله وبركاته

ياريت التأكد من صحة الخبر الخاص بكل من :-
[1]- عدم سحب الأرض بعد انتهاء مهلة البناء الـ (15) شهر في حالة البناء لمرحلة أعمدة الدور الأرضي فقط.
[2]- صرف الدعم للمرحلة الأولي والثانية إذا تم البناء بعد الأربع اشهر المحددة لكل منهما ، وفي خلال الـ (15) شهر

نفس الموضوع
التاكد من صحة الخبرين
برجاء الاهتمام
خصوصا الخبر الاول
عدم سحب الارض بعد انتهاء مهلة البناء الـ (15) شهر في حالة البناء لمرحلة أعمدة الدور الأرضي فقط.

[tolbasaid]

ياريت صرف الدعم في المواعيد المحدده كل اربع شهور تخيل حضرتك انه مر 14 شهر ولم نصرف الدفعه الثانيه حتى اليوم حتى المعاينه لم تتم حتى الان فى المنطقه السته جزاك الله كل خير

[tolbasaid]

نرجو صرف الدفعه الثانيه من الدعم فى المنطقه السته حرف ز

[safwat_ebrahim]

فى البداية
جزاك الله خير الجزاء على الاهتمام بالموضوع
واحب اعرف نفسى
صفوت ابراهيم
المنطقة 6 قطعة 134 ق
المشكلة
ان روحت لشركة ايجيكو وحددو ليا الصفر المعمارى
ولاحظت انى اعلى من جارى
وبسؤال المهندس افاد ان المسافة من نقطة الصفر المعمارى
وحتى بلاطة سقف الدور الارضى
4.20 متر
ولكن
الجيران قلقونى
ان ممكن يكون الصفر المعمارى غلط
والمشكلة
انى هبدء اصب السقف ان شاء الله
وده اكيد هيأثر على باقى الادورا فى الارتفاعات
ولو غلط
يبقى مش مسئوليتى
واللا ايه
مش مطمن وعاوز حد يطمنى
وشكرا

[somaforever]

ألف شكر يا جماعة على الرد و الاسئلة
الاستغسارات فعلا مهمه و انشاء الله هعرضها على رئيس الجهاز
و أكيد لما اعرف معاد الاجتماع بالظبط هقول للناس على طول
بالنسبة لاستفسار الاخوة عن صرف الدعم للمرحلة الأولي والثانية إذا تم البناء بعد الأربع اشهر المحددة لكل منهما ، وفي خلال الـ (15) شهر .. رئيس الجهاز وضح امكانية ده و قال كمان ان الناس ممكن تسلم الثلاث مراحل في معاد المرحلة الثالة ... و انشاء الله هأكد عليه في النقطة دي الاجتماع اللي جاي

[المستشار]

السلام عليكم ورحمة الله وبركاته

عزيزى المهندس هيثم
اولاّ. اشكرك على حسن تعاونك معاناو لك جزيل الشكر.
ثانيا. اود ان اعرفك بنفسى انا علاء أبو العلا (المنطقة السابعة..قطعة282 ب) قدمت على الرخصة بتاريخ 28/2/2010 والمفروض انها تظهر بعد 21يوم على الاكثر ولكنها كالمعتاد حتى الان لم تصدر ونحن الان 18/4/2010 وكل ماأروح الجهاز اسأل يقولوا ان فى اختلاف بالمناسيب وهما بيعملوا اللازم وحتى الان مافى حفار ولا اى شئ اشتغل لتعديل المناسيب وقالوا اخر مرة رحت فيها الجهاز انها سوف تصدر بعد شهر .......
السؤال هنا الشهر دة على حساب مين.... مخصوم من ال15 شهر المهلة ولا على حسابى من ضمن ال15 شهر ولا دة حجة عشان الدعم يتاكل منه ..........

ارجو الافادة ولكم جزيل الشكر......
بريدى الالكترونى هو [email protected]
ولكم جزيل الشكروالتقدير.......

[alanbary]

بارك الله فيكم

لقد سالت عن دعم المرحلة الأولى بالبنك فقالو انهم بيصرفوا حتى تاريخ 31/1/2010

ا- انا سلمت مرحلة الأعمدة بتاريخ 30/12/2009
2- ورحت البنك 5 مرات وكل مرة يقوللى حاول النهاردة بعد 5 مساء
3. اخر مرة قالى روح اسأل بماليات الجهاز اسمك ماجاليش
4.رحت الماليات قالوا بالبنك والبنك عند التلنك
5. فى الأخر قالوا اسأل بالمعينات
6. المعينات قالوا بالماليات بتاريخ 12/1
7. فى المعينات قالوا اكيد راح البنك
8. رحت لمكتب نائب رئيس الجهاز واحد هناك ابن حلال قالى مفيش فلوس جئت من 15/12
9. قام هذا الأخ بسؤال الماليات فقالو ان هناك خطأ بالبيانات
10. سألت ايه نوع الخطأ قالوا رقم ناقص بالبطاقة!!!! والورق راح الهيئة للمراجعة
11. طب ح يجى امتة ما نعرفش طب ح اصرف بعد اد ايه شهر شهرين .... ثلاثة سعة..... ما نعرفش

برجاء النصيح اروح لمين

اخوكم عادل العنبرى

[tolbasaid]

الاخ الفاضل احب استفسر عن اخبار الانفاق الخاصه بالمنطقه السته ومتى يبتدى العمل فيهم وشكرا

[علاء قطب]

بسم الله الرحمن الرحيم
السيد الاستاذ رئيس جهاز مدينه 6 اكتوبر - بعد التحيه
فمنا ببناء الادوار الثلاثه بمشروع ابنى بيتك المنطقه الثانيه قطاع(د) على اساس المنسوب المعد من الجهاز وهو غطاء البالوعات وبعدما انتهينا من بناء الادوار الثلاثه فؤجئنا بقيام جهاز المدينه برفع منسوب غطاء البالوعات . ومن هنا اصبحت الاداور الاولى فى البيوت بمثابه بدرومات بعد رفع اغطيه البالوعات . ومن هنا سوف يصبح مستوى الشارع اعلى من مستوى البيت . ارجوا من سيادتكم التكرم بالنظر فى هذا الموضوع جعلكم الله عونا لنا . وتفضلو سيادتكم بقبول فائق الاحترام

[علاء عثمان عقل]

انتشر مؤخرا خبر منسوب إلي رئيس جهاز مدينة 6 اكتوبر
بعدم سحب الأرض بعد المهلة الـ 15 شهر إذا تم البناء حتي الأعمدة فقط

ياريب حد يأكد لينا صحة هذا الكلام من عدمه وهل في تعليمات صدرت للجهاز بذلك ؟

[حماده شاهين]

انا مواطن محدود الدخل ولدي من الاولاد 3 و3 اخوات بنات واشتري ابي قبل موته شقه اسكان من المستفيده من دعم البنك عفت محمد علي دهيبه وكتبها باسمي وقال لي بعد موتي اعطي لاخواتك كل واحده مبلغ من المال وجاء مشروع ابني بيتك وقدمت به حيث اني مستوفي الشروط وارسل البنك خطاب جاء فيه ان الطلب المقدم منكم مطابق للشروط التي تتيح لكم الحصول علي قطعه ارض بمدينه 6 اكتوبر 150م ورقم الاستماره 73084
وفرحنا كثيرا وعقدنا الامال حيث ان الشقه التي نسكنها ضيقه وجاءت المرحله التاسعه والاخيره وصعقنا لانه لم يظهر اسمي وطلبت البنك فقال اني مستفيد من شقه مع العلم ان ابي لما اشتراها لم يستفيد ولكن اشتراها غاليه وهي ستقسم ثمنها علينا جميعا حيث خططت ان ابيع هذه الشقه كي اعطي اخواتي حقوقهم واخد نصيبي واكمل عليه كي ابني بيتي في 6 اكتوبر حيث انني احلم ان يكون لي بيت ملكي فبالله عليكم حققواحلمي ان يكون لي بيت في 6 اكتوبر وارجو من سيادتكم ان توافقوا علي طلبي واعطائي هذه القطعه طمعا في عدلكم وانصافكم
مقدم لسيادتكم
محمد احمد شاهين محمد
ت/0106959112
كفر الشيخ بيلا عماره 13 شقه 3

[هانى ابوحسين]

السلام عليكم ورحمة الله وبركاته
ربنا يجازيك خير على مساهمتك
برجاء التكرم من حضرتك معرفة موضوع الحديد بتاع السور والبوابات الحديد مطلوبه ولا غير مطلوبه فى تسليم المرحله الثالثه التشطيبات لانه فى الجهاز لما كنت هناك وسألت قالوا مفيش حاجه جت لنا بكده فهل هى مسألة وقت وهل الباب بتاع البيت ممكن يتعمل حديد ولا لازم خشب زى ما مكتوب لكل الناس فى الرسومات اللى هما سلموها لينا وبالنسبه لنموذج الناصيه هل ممكن نعمل الناصيه اللجحانبيه اللى على الممر مبانى طوب ولا لازم حديد
هانى محمد
قطعه 353 قطاع ج المنطقه السابعه

[& أبو مهند &]

أخي العزيز أشكر لك تعاونك وأنتظر أن تخبرنا بموعد اللقاء مع رئيس الجهاز..
ومن أكبر المشاكل التي تواجهنا في المنطقة السابعة هي العرب البلطجية وفرضهم لمبالغ إجبارية علينا وعلى اللي بيحفر وعلى المقاول.. ويارب يكون فيه حل للمشكلة ديه.

[somaforever]

كل استفسارتكم هعرضها انشاء الله
شكرا

[gmal0123]

شكرا أخي العزيز على هذه الفكرة وجعلها الله في ميزان حسناتك :
نريد أن نسأل عن النفق الذي من المفترض أن يكون موجود في المنطقة السادسة بدلا من المزلقان العالي الذي هو مشكلة المشاكل ويسبب كثيرا من الحوادث . ياريت تكون فيه اجابة واضحه لأن الجميع تعبان جدا من هذه المشكلة . وبوضعها الحالي غير حضارية بالمرة . فنرجو الإسراع بعمل هذا النفق رحمة بالناس .... وشكرا

[somaforever]

يا أخ جمال لا شكر على واجب
هحاول أعرف امتى النفق ده هيتعنل

[mayariri]

السلام عليكم و رحمة الله
الاخ الفاضل المهندس هيثم انور
لقد علمت ان هناك اجتماع يوم السبت الموافق 1/5/2010 بالجهاز الساعة العاشرة صباحا فهل هذا الموعد صحيح ارجو من سيادتكم اخبارى هل هذا الموعد صحيح ام لا و اذا كان خطأ ارجو من سيادتكم باعلمى بموعد و مكان الاجتماع الصحيح
و لكم جزيل الشكر
د/ أحمد البلتاجى المنطقة السابعة قطاع و قطعة 760
موبيل 0105620692
0108944730
0115276100

[ابوالاء]

السلام عليكم

انابالمنطقه السابعه قطاع أ قطعه46 الواجه على شارع 9 متر مرتفع عن الشارع الخلفى حوالى3 متر والحديده الاماميه على الشارع الرتفع حوالى 2 متر والباقى منخفض 3 متر فما هو الحل

[شريف عامر]

السلام عليكم
انا عندى قطعة فى المنطقة الخامسة
بعد عمل معاينة نهائية للسقف اخبرونى انى عندى تعديل(اعتقد ان فى كمرات ناقصة) ولازم اشوف مكتب هندسى لعمله
حد عنده فكرة عن الموضوع ده وفين اعمل التعديل
واود ان اقترح على رئيس الجهاز عمل غرامات رمزية على المخالف بدلا من موضوع التعديل ده
لانى اعتقد انه بياخد وقت وفلوس كتير وذلك اذا كانت المخالفة لا تؤثر على سلامة المبنى
وتستغل قيمة هذه المخالفات للانفاق على المشروع
وشكرا للجميع

[somaforever]

انا اتصلت بجمعية ابني بيتك كذا مرة و محدش رد
بس لما اعرف اي حاجة هبلغكو بيها على طول

[الفارس الاسود]

فين نتيجة الاجتماع واجابة تساؤلاتنا
هو الاجتماع كان 1/5
اى له 6 ايام
ايه الاخبار

[ياسر احمد]

السلام عليكم مهندس هيثم-جزاك الله خيرا على المجهود الرائع وربنا يجعله فى ميزان حسناتك يوم القيامة انا الدكتور ياسر احمد --سؤالى بخصوص :1 - كيفية تسليم المبنى كامل ثلاثة ادوار هل له طلب خاص يقدم للجهاز لانهاء المعاينة للمبنى كاملا ام هناك اجراء اخر ؟؟ 2 - هل فى حالة تسليم المبنى كامل كما ذكرت لسيادتكم هل يتم اعفائى من دفع الاقساط السنوية فيما بعد ؟؟

[youssri]

انشاء الله الاجتماع القادم مع رئيس الجهاز هيكون في خلال اسبوعين

اي حد عنده سؤال يسيبه هنا و انا انشاء الله هطرحه على رئيس الجهاز
الفكرة دي جاتلي لأني عارف ان فيه ناس مش هتعرف تيجي لسفر او انشغال
عموما سيب استفسارك و انا انشاء الله اعرضه كأنك موجود
بس ياريت لو واحد عنده مشكلة كبيرة أوي يجي بنفسه عشان يعرضها على رئيس الجهاز
و انشاء الله اول ما اعرف الاجتماع امته بالظبط هبلغ الناس




المشكلة ان قطاع ب المنطقة السابعة لم يتم استلام الرخصة حتى الأن وذلك لان الأرض بها مشكلة وطلبوا منا النتظار شهر ثم شهر أخر لأن المشكلة لن تحل ومن مكتب رئيس الجهاز قال أحد المسؤلين انه سيتم تغير الأرض هل هذا معقول بعد المشورة دية والمصاريف والجسة ب 600 جنية تروح علينا وياعالم هيدونا أرض فعلن ولا هيأولوا أنتظروا فتح الباب مرة أخرى بعد سنتين ولا ثلاثة الله أعلم ياريت يكون فى حل لهذة المشكلة وجذاكم الله عنا بالخير

[somaforever]

فين نتيجة الاجتماع واجابة تساؤلاتنا
هو الاجتماع كان 1/5
اى له 6 ايام
ايه الاخبار

مين قال ان الاجتماع كان 1/5
يا ريت لو حضرتك حضرت اجتماع زي ده تقول ايه الاخبار
شكرا

[somaforever]

السلام عليكم مهندس هيثم-جزاك الله خيرا على المجهود الرائع وربنا يجعله فى ميزان حسناتك يوم القيامة انا الدكتور ياسر احمد --سؤالى بخصوص :1 - كيفية تسليم المبنى كامل ثلاثة ادوار هل له طلب خاص يقدم للجهاز لانهاء المعاينة للمبنى كاملا ام هناك اجراء اخر ؟؟ 2 - هل فى حالة تسليم المبنى كامل كما ذكرت لسيادتكم هل يتم اعفائى من دفع الاقساط السنوية فيما بعد ؟؟

جزاكم الله خيرا يا دكتور
الناس المحترمة اللي زي حضرتك مش بس تسأل... دي تأمر أمر كمان

حضرتك ممكن تسلم المبنى ثلاث أدوار و لكن لازم تاخد بالك من حاجة مهمة أوي
ان مهندس المعاينة هيبقى محتاج يشوف القواعد ... فهيبقى عندك حل من اتنين

تعمل معاينة المرحلة الاولى لوحدها

أو لو عايز تسلم التلات مراحل مرة واحدة ... تبني التلات مراحل بس من غير ما تعمل قصة الردم و الردم عشان المهندس يقدر يشوف القواعد

و بخصوص الاعفاء من ثمن الارض في حالة بناء الثلاث ادوار... الكلام ده صحيح و كمان تقدر تبيع بطريقة رسمية زي ما حضرتك عايز

[somaforever]

السلام عليكم
انا عندى قطعة فى المنطقة الخامسة
بعد عمل معاينة نهائية للسقف اخبرونى انى عندى تعديل(اعتقد ان فى كمرات ناقصة) ولازم اشوف مكتب هندسى لعمله
حد عنده فكرة عن الموضوع ده وفين اعمل التعديل
واود ان اقترح على رئيس الجهاز عمل غرامات رمزية على المخالف بدلا من موضوع التعديل ده
لانى اعتقد انه بياخد وقت وفلوس كتير وذلك اذا كانت المخالفة لا تؤثر على سلامة المبنى
وتستغل قيمة هذه المخالفات للانفاق على المشروع
وشكرا للجميع

لو عايز تعمل تعديل ممكن تكلم المهندس محمد خيري (ده مش اعلان انا اتعاملت مع المهندس و لقيه شخص محترم جدا)
0144507772
و لو رحت ادام الجهاز هتلاقي مليون واحد تبع مكتب تعديلات هندسية

[شريف عامر]

لو عايز تعمل تعديل ممكن تكلم المهندس محمد خيري (ده مش اعلان انا اتعاملت مع المهندس و لقيه شخص محترم جدا)
0144507772
و لو رحت ادام الجهاز هتلاقي مليون واحد تبع مكتب تعديلات هندسية


جزاكم الله خيرا يا م.هيثم
انا عارف موضوع الناس اللى بيقفوا قدام الجهاز ولكن ما عنيش ثقة فيهم
ولو م.محمد خيرى ده فعلا كويس ومحترم اكيد هيبقى افضل
وشكرا

[ياسر احمد]

لا العفو يامهندس هيثم ما يأمر عليك عدو -ربنا يعزك ويجزاك عنا خير--بس هل فى طلب او اجراء خاص بتسليم المبنى ثلاثة ادوار ولا هم يعاينوه روتينيا مع معاينات المراحل الثلاث الخاصة بالدور الارضى؟

[المستشار]

السلام عليكم ورحمه الله وبركاته
هناك اح الاصدقاء تفضل وخاطبنى على الايميل،اسمه هيثم للاسف حدث خطأ وتم مسح الرسالة من عندى،ارجو التفضل من سيادته ومحادثتى مرة اخرى لنبحث سويا مشاكل المنطقة السابعة ب علما بأن عملى بمدينة السادس من أكتوبر يمكننى التواصل مع الجهاز بسهولة...... أرجو المعذرة يا أخ هيثم

[حماده شاهين]

سلام الله عليك يااستاذ هيثم ارجو منك ان تساعدنا في مشكلتنا مجرد ان تقول لاي مسئول احنا عارفين ان مفيش فايده بس حاول معنا جزاكي الله عنا الف خير فنحن نلتمس من حضراتكم
بعض الاهتمام بنا

[somaforever]

السلام عليكم ورحمه الله وبركاته
هناك اح الاصدقاء تفضل وخاطبنى على الايميل،اسمه هيثم للاسف حدث خطأ وتم مسح الرسالة من عندى،ارجو التفضل من سيادته ومحادثتى مرة اخرى لنبحث سويا مشاكل المنطقة السابعة ب علما بأن عملى بمدينة السادس من أكتوبر يمكننى التواصل مع الجهاز بسهولة...... أرجو المعذرة يا أخ هيثم


انا مش هيثم اللي حضرتك كلمته بس لو تقدر تساعد الناس في بعض الاستفسارات يبقى ياريت و رينا يجزاك خير

[somaforever]

سلام الله عليك يااستاذ هيثم ارجو منك ان تساعدنا في مشكلتنا مجرد ان تقول لاي مسئول احنا عارفين ان مفيش فايده بس حاول معنا جزاكي الله عنا الف خير فنحن نلتمس من حضراتكم
بعض الاهتمام بنا

و الله يا استاذ حماده موضوعك ده ان مش عارفله حل للأسف
ياريت حضرتك تروح تكلم رئيس الجهاز شخصيا ممكن يكون عنده حل
و ممكن تفكر كمان انك تشارك اي حد بيني
مثلا انته تبني دور و هو يبني اثنين و بكده يبقى اتعفيت من تمن الارض

[somaforever]

لا العفو يامهندس هيثم ما يأمر عليك عدو -ربنا يعزك ويجزاك عنا خير--بس هل فى طلب او اجراء خاص بتسليم المبنى ثلاثة ادوار ولا هم يعاينوه روتينيا مع معاينات المراحل الثلاث الخاصة بالدور الارضى؟

شكرا يا أستاذ ياسر على ذوقك و ربنا يكرمك و يعينك
أعتقد ان المعاينة هتبقى عادية من غير طلب و الله اعلم... بس انا رايح الجهاز في خلال الاسبوع ده و هبقى اسئلك

[somaforever]

جزاكم الله خيرا يا م.هيثم
انا عارف موضوع الناس اللى بيقفوا قدام الجهاز ولكن ما عنيش ثقة فيهم
ولو م.محمد خيرى ده فعلا كويس ومحترم اكيد هيبقى افضل
وشكرا

و الله انا هقولك على حكاية غريبة
انا لما عملت شهادة الاشراف الهندسي .. عملتها عن واحد من اللي واقفين قدام الجهاز.. و حتى و الله ما فاكر اسمه ايه
و الشهادة طلعت و كله تمام
و لما رحت اعمل التعديل ... المقاول اداني رقم المهندس محمد
و رحت للمهندس محمد و كان شخص في منتهى الذوق
المهم انه طلب يشوف الورق بتاعي
و سألني انته مطلع شهادة الاشراف دي من فين
فقلتله واحد من اللي واقفين قدام الجهاز
ضحك أوي و قالي طيب اقرا اسم المهندس المشرف كده
فقريت و طلع اسم المهندس محمد خيري الصاوي
غريبة صح؟

المهم ان الناس اللي بتقف قدام الجهاز فعلا 99% منهم نصابين
و الصدفة دي لا تغير الواقع ان كتير اوي منهم نصابين
لازم المقاول اللي هتتعامل معاه يكون معرفة و شفة سابق لأعماله عشان تبقى مطمن

[somaforever]

سلام الله عليك يااستاذ هيثم ارجو منك ان تساعدنا في مشكلتنا مجرد ان تقول لاي مسئول احنا عارفين ان مفيش فايده بس حاول معنا جزاكي الله عنا الف خير فنحن نلتمس من حضراتكم
بعض الاهتمام بنا


انشاء الله حلك في الموضوع ده يا استاذ شاهين
http://www.vb.6ocity.net/showthread.php?t=11647&p=61592#post61592 (http://www.vb.6ocity.net/showthread.php?t=11647&p=61592#post61592)

[ياسر احمد]

شكرا لك م/هيثم ومتأسف للازعاج

[محمودالحلواني]

اخواتى وجيرانى بالمرحلة التاسعة عايزين نكون يد واحدة من اول ما نستلم الارض ونتلاشى اى اخطاء نفكر اولا فى شركة المقاولون العرب لانها لها اسمها وعندهم ضمير لان اهم حاجة فى المبنى الاساس السليم لانى سمعت كتير المقاولين لايتمون بالاساس مما يعرض المبنى للخطر ارجو الى عندة فكرة ازاى نوصل ونتفق معهم يكب لنا لنكون يد واجدة من البداية لبناء اساس سليم لمستقبل الجيل الجديد

[حماده شاهين]

سلام الله عليك استاذ هيثم والله ياريت لكن احنا معنا 30 الف فقط وكنا هنبيع الشقه وهناخد حقنا حوالي 35 الف جنيه لكن جزاك الله خيرا علي محاولتك وادعو الله العظيم ان ييسر لك امورك كلها سلام الله عليكم ورحمه الله وبركاته

[tolbasaid]

سلام الله عليك اخى الكريم كان لى استفسار سابقا عن اخبار الانفاق الخاصه بالمنطقه السته والحقيقه انه حتى الان لم تظهر اى بوادر بخصوص هذه الانفاق ارجو من حضرتك متابعه هذا الموضوع وشكرا

[mmhossny]

السلام عليكم
برجاء معرفة بدقة متى تصل المرافق ( مياه - كهرباء - صرف صحى - غاز ) الى المنزل .. اى امتى الواحد يقدر يسكن ويقول انا ساكن فى بيتى ... ومدام الموضوع لسة شوية طب ايه لازمة البناء فى المدة وبعد كدا نسيبها ... وكمان ممكن يتسرق السور الحديدى والشبابيك بتاعت المرحلة الاخيرة مدام مفيش حد فى المنطقة ساكن ... ولو الواحد بنى المرحلة الاولى والثانية وترك الثالثة لحين استكمال الدولة باقى الزماتها هل سيتم سحب الارض وماعليها وتعويض الفرد ... طب الناس اللى بتاجر فى الاراضي .. يعنى واسعارها زى ماحنا سمعين .. طب اذاى الدولة بتحاول توفر لنا واحنا مش عاوزين طب استلمو ليه مش كان افضل يسلمو ناس محتاجة تسكن افضل مايسلمو ناس مش محتاجة ... اين الرقابة .... وكمان اذاى الدولة تشيل الاقساط من الناس اللى بنت الادوار الثالثة وتاخذ اقساط من الناس اللى بالعافية بيبنو دور واحد .. انا عارف انى طولت لكن رئيس الجهاز هو المسئول من الدولة امامنا ..

[somaforever]

السلام عليكم
برجاء معرفة بدقة متى تصل المرافق ( مياه - كهرباء - صرف صحى - غاز ) الى المنزل .. اى امتى الواحد يقدر يسكن ويقول انا ساكن فى بيتى ... ومدام الموضوع لسة شوية طب ايه لازمة البناء فى المدة وبعد كدا نسيبها ... وكمان ممكن يتسرق السور الحديدى والشبابيك بتاعت المرحلة الاخيرة مدام مفيش حد فى المنطقة ساكن ... ولو الواحد بنى المرحلة الاولى والثانية وترك الثالثة لحين استكمال الدولة باقى الزماتها هل سيتم سحب الارض وماعليها وتعويض الفرد ... طب الناس اللى بتاجر فى الاراضي .. يعنى واسعارها زى ماحنا سمعين .. طب اذاى الدولة بتحاول توفر لنا واحنا مش عاوزين طب استلمو ليه مش كان افضل يسلمو ناس محتاجة تسكن افضل مايسلمو ناس مش محتاجة ... اين الرقابة .... وكمان اذاى الدولة تشيل الاقساط من الناس اللى بنت الادوار الثالثة وتاخذ اقساط من الناس اللى بالعافية بيبنو دور واحد .. انا عارف انى طولت لكن رئيس الجهاز هو المسئول من الدولة امامنا ..
رئيس الجهاز قال المرة اللي فاتت ان المرافق كلها هتوصل على شهر 10 او اول السنة بالكتير
و ادينا مستنين لما نشوف هيحصل ايه
و بعدين الجهاز ما كنش عامل حسابه على العدد الكبير ده
يمكن هو ده اللي أخرهم
و يمكن يكون ده سب منعهم سلم الدور الثالث عشان عارفين ان الناس هتبني خمس ادوار
و ساعتها المرافق مش هتكفي الناس زي ما بيحصل في حلوان

و بعدين تسليم المرحلة الثالثة مش مطلوب فيه ابواب او شبابيك او حديد سور او باب السور
كل اللي مطلوب حلقان الابواب و الشبابيك

و نائب رئيس الجهاز قال ان الحالة الوحيدة اللي هتتسحب فيها الارض انها تكون فاضية


و أعتقد ان الناس اللي بتبيع ارضها بتبيع بسبب ان هما مش معاهم مش العكس
اللي بيبيع شايف انه مش هيقدر يبني فبيحاول يستفيد من الموضوع بأي شكل

و موضوع اللي يبني الثلاث ادوار يتعفي من الاقساط
ده كان زي تشجيع ان اللي معاه يبني الثلاث ادوار على طول
و لو كان عمل العكس... كان اللي معاه و اللي مش معاه بناء دور واحد بس
بس حضرتك معاك حق تماما في اللي بتقوله
الاولى ان التشجيع يروح للي يستاهل التشجيع
انا مش عارف الموضوع ده يتحل ازاي بس انشاء الله هسأل فيه

شكرا

[safwat_ebrahim]

الاخ اللى بيقول انه فيه ظلم ان اللى يخلص الثلاث ادوار يعفى من باقى الاقساط
هوه اصلا ما جربش انه اللى بنى الثلاث ادوار فى الغالب ما فضلش عليه الا الشحاته
علشان يخلص فى محاولة لتخفيف الحمل علشان تبقى ديون مرة واحدة ولمكان واحد مش لكل الدنيا
وعلى العموم اللى ايده فى الميه مش زى اللى ايده فى النار
انت ايدك فى نار دور واحد
انما احنا ايدنا فى نار ثلاث ادوار
علشان كده الحكومة بتحاول تساعد باللى تقدر عليه
وعلشان كده بتلغى باقى الاقساط
ارجوا ان تكون قد تفهمت الوضع
مع الشكر

[youssri]

انشاء الله الاجتماع القادم مع رئيس الجهاز هيكون في خلال اسبوعين

اي حد عنده سؤال يسيبه هنا و انا انشاء الله هطرحه على رئيس الجهاز
الفكرة دي جاتلي لأني عارف ان فيه ناس مش هتعرف تيجي لسفر او انشغال
عموما سيب استفسارك و انا انشاء الله اعرضه كأنك موجود
بس ياريت لو واحد عنده مشكلة كبيرة أوي يجي بنفسه عشان يعرضها على رئيس الجهاز
و انشاء الله اول ما اعرف الاجتماع امته بالظبط هبلغ الناس


أرجوكم حد يرد علينا بخصوص الأراضى الموقوفة المنطقة السابعة قطاع ب لم نتسلم الرخصة حتى الأن وأبلغنا ان الأرض موقوفة وسيتم تبديلها قطعة 366 قطاع ب المنطقة السابعة

[بشندى]

هل حقاً لا يتم سحب الأرض إذا كان به أعمدة فقط ؟
هل استطيع استبدال قطعتى بشقة سكنية حتى بعد صدور الرخصة ؟
ومتى يتم التسليم ؟ وما هى الالتزامات التى تترتب على ذلك ؟
شكرا

[mmhossny]

[QUOTE=somaforever;61689]

رئيس الجهاز قال المرة اللي فاتت ان المرافق كلها هتوصل على شهر 10 او اول السنة بالكتير
و ادينا مستنين لما نشوف هيحصل ايه
و بعدين الجهاز ما كنش عامل حسابه على العدد الكبير ده
يمكن هو ده اللي أخرهم
و يمكن يكون ده سب منعهم سلم الدور الثالث عشان عارفين ان الناس هتبني خمس ادوار
و ساعتها المرافق مش هتكفي الناس زي ما بيحصل في حلوان


و بعدين تسليم المرحلة الثالثة مش مطلوب فيه ابواب او شبابيك او حديد سور او باب السور
كل اللي مطلوب حلقان الابواب و الشبابيك


و نائب رئيس الجهاز قال ان الحالة الوحيدة اللي هتتسحب فيها الارض انها تكون فاضية



و أعتقد ان الناس اللي بتبيع ارضها بتبيع بسبب ان هما مش معاهم مش العكس
اللي بيبيع شايف انه مش هيقدر يبني فبيحاول يستفيد من الموضوع بأي شكل


و موضوع اللي يبني الثلاث ادوار يتعفي من الاقساط
ده كان زي تشجيع ان اللي معاه يبني الثلاث ادوار على طول
و لو كان عمل العكس... كان اللي معاه و اللي مش معاه بناء دور واحد بس
بس حضرتك معاك حق تماما في اللي بتقوله
الاولى ان التشجيع يروح للي يستاهل التشجيع
انا مش عارف الموضوع ده يتحل ازاي بس انشاء الله هسأل فيه


شكرا


شكرا على رد حضرتك لكن انا معاك فى بعض النقاط ومختلف فى بعض النقاط
اتفق مع حضرتك انهم مش عاملين حسبهم فى العدد الكبير لكن ممكن يعطو فرصة اطول لهم ولينا فى مراحل البناء لحين الانتهاء من توصيل المرافق كما يمكن ايضا كتابة اقرار شديد جدا بعدم البناء للادوار العليا مثل الرابع والخامس وذلك للاستفادة من السطح
اما مسئلة التشجيع دى انا مع حضرتك علشان اخر السنة يقولوا بنينا كم الف وحدة سكنية مش اكثر وعلشان هم عارفين لانهم فعلا شجعوا الشباب لاكمال الثلاث ادوار للتاجير وكمان دفع مبلغ 15 الف جنيه للى هيسكن فيها كمقدم ايجار مثلا لكن اتحدى ان يكون فى حد بنى ثلاث ادوار وسكن فيها شاب مثلة لم يسبق واخذ شقة من الهيئة
عموما انا بشكر حضرتك لكن هذه مقترحات كما يمكن ايضا المساهمة معهم فى اى تطوير لكن زى مانت عارف لسة فى غاز واسفلت وتشجير وهما مستعجلين جدا واحنا كمان مستعجلين لكن هما مش يستعجلونا وهما براحتهم لان كلام حضرتك على شهر 10 او شهر 1 يبقى كدا فى ناس المفروض انهم خصلو وساكنين فيها اصحاب المراحل الاولى والا انا غلطان .. واشكرك

[mmhossny]

انا مع حضرتك ياستاذ صفوت والله يكون فى عونك و ربنا معاك .. بس التشجيع علشان تسكن فيه شاب اخر مش علشان حضرتك وبس ... ولو نيتك كدا يبقى ربنا يبارك لك فيه ولو علشان تبقى لواحد انتى وبس وعلشان نوفر خوف من الزيادة اللى ممكن تيجى بعد كدا ... اى ولو مؤخدا ذكاء من حضرتك ... يبقى ولامؤخذا الدولة تشجعك ليه .. وطب كنت ابنى دور وربنا يسهلها عليك وعلينا بدل من الضغط على حضرتك ويفضل لك على حسب قولك الشحاتة ... وعموما كلنا فى نار واحدة زى نار 3 وعلى فكرة انا لسة مدخلتش النار لانى لسة ماتسلمتش اصلا
وشكرا

[somaforever]

هاهاهاهاهاهاهااااا
كل العصبية دي و لسه ما استلمتش؟؟؟؟؟؟؟؟؟؟؟؟؟؟؟
طيب لما تستلم هتعمل اي؟؟؟؟؟؟؟؟؟؟؟؟؟
و بعدين لما انته لسه ما استلمتش زعلان اوي ليه ان المرافق هتخلص في شهر 10
و صدقني دور مش زي ثلاثة ابدا
و اعتبرني اخوك الصغير و اقبل نصحتي
بطل تشوف الدنيا سوده كده و طول بالك شوية
و كل حاجة بتخلص واحدة واحدة
ربنا كان ممكن يخلق السموات و الارض في أقل من لمح البصر
بس ده كان درس ان كل حاجة لازم تاخد وقتها و يبقى فيه صبر
و صدقني الموضوع محتاج صبر جامد أوي

[somaforever]

هاهاهاهاهاهاهااااا
كل العصبية دي و لسه ما استلمتش؟؟؟؟؟؟؟؟؟؟؟؟؟؟؟
طيب لما تستلم هتعمل اي؟؟؟؟؟؟؟؟؟؟؟؟؟
و بعدين لما انته لسه ما استلمتش زعلان اوي ليه ان المرافق هتخلص في شهر 10
و صدقني دور مش زي ثلاثة ابدا
و اعتبرني اخوك الصغير و اقبل نصحتي
بطل تشوف الدنيا سوده كده و طول بالك شوية
و كل حاجة بتخلص واحدة واحدة
ربنا كان ممكن يخلق السموات و الارض في أقل من لمح البصر
بس ده كان درس ان كل حاجة لازم تاخد وقتها و يبقى فيه صبر
و صدقني الموضوع محتاج صبر جامد أوي

[mmhossny]

بص ياخى الصغير ..

انا مش عصبى والا شايف الدنيا سودا والا حاجة ومعاك ان الموضوع لازم يكون فيه صبر مش دلع واستنصاح ... كل الموضوع انى لما تشوف وتسمع المسئولين بيقولو ... لما انت مش قد البناء ماتاخد شقة على قدك .. ولما يقولو انتو عاوزين الارض علشان تسقعوها وبعد كدا تبيعهوا باضعاف مضاعفة .. وبعد كدا تشوف الاخوة طالع عنيهم علشان الدعم ومش باخدوا ... مع انهم محتاجين الدعم علشان مثلا يسدد اللى علية والا يستفيد فى مرحلة اللى بعدها ... وناس مش فارقة معاهم الدعم وربنا يسهل لهم ويقولو استلفنا وبنشحت ... طب المسئول هيصدق مين .. مابيرضو علينا باللى قولتة ... ودا حصل فعلا وشوف برنامج البيت بيتك مع اصحاب الجمعية مع الاستاذ محمود سعد مثلا ... طب اذاى يعنى انا مثلا اشحت واستلف علشان ابنى ثلاث ادوار علشان ابيع الشقة وتجيب كذا الف (( انا مش بحسد والا اقر )) ربنا يسهلة لكن انا بقصد انا يدر عليا عائد تعبى ..لكن انا بتكلم على واحد مش مهاه يكمل وخايف يدخل وينتقل الى مرحلة افضل فى حياته والوقت مش معاه يعمل ايه .. يبيع باى سعر علشان على راى المثلا ميطلعتش من المولد بالاحمص .. وبالتالى هيطلع خسران ... طب ليه علشان مش معاه فى الوقت الحالى يقوم يتحرم منها علشان محدش مصدقة من المسئولين علشان اللى بيشفوه ويسمعوه .. والا انت مش معياه
اما موضوع المرافق فانا مش زعلان بقدر ماهو صعبان عليا الناس اللى تعبت وشقيت دول جيران المستقبل انهم لسة مش قادين يسكنو فى بيتهم مع ان فى ناس منهم اكيد باعت شقتهم والا استلفو ومديونة ومش عارفين يستقروا علشان يسدو اللى عليهم ثم ما المفروض خلصوا اللى مطلوب منهم يبقى من يحصدوا نتيجة تعبهم باسرع وقت واحساسهم بالنجاح وامل فى التحسن .. والا المقصود من المشروع ابنى بيتك لأولادك
دا سبب حيرتى وسبب استفسارى وكمان لما تلاقى جار ليك بيبص لنفسة وبس ويقول انا طالع عينى علشان ابنى 3 ادوار وبيستفيد زايه زاى زى اللى اللى طالع عينة فى دور واحد وممكن ياخد الدعم قبلة كمان ... ومش فارق معاه جاره اللى مش عارف يطلع بدور واحد ... والا انت مش معيا يابشمهندس
كل اللى بتمناه هو ان الكل يراعى بعضة وينظر لاجارة ويستحمل بعضه .. ونبقى ايد واحدة لتحقيق حلمنا فى ان يصبح لك بيت مش شقة ايجار
اسف اسف جدا على الاطالة وربنا معاك ومعنا

[beroooo73]

بدايه انا بشكر الاستاذ mmhossny وانا بايده لاننا كلنا نكون ايد واحده ومتكاتفين مع بعضنا البعض
والكلام الى قاله فى شئ من التفاؤل وان الانسان لازم يكون متفاؤل عشان يحاول يحقق حلم من احلامه او يوصله
وانا معاه وبقول للاخوه لازم نكون جميعا متفائلين وكل حاجه لازم تاخذ وقتها
وشكرا

[safwat_ebrahim]

على فكرة انا معاكم فى كل اللى انتو بتقولوه
قلباً وقالبا
ومن وجهة نظرى المتواضعه
ان بعض التسهيلات للصالح العام
فمثلا لو كان فعلا رئيس الجهاز قد افاد بانه تسليم المرحلة الاولى تكون بالحلوق الخشبية وبدون بوابة حديد
فهذا الكلام ممتاز جدا
وتعتبر خطوة فى الطريق الصحيح يستفيد منها الجميع
لان مفيش حد هيقدر يسكن هناك دلوقتى
يعنى الحاجات دى عدم تركيبها اامن من تركيبها
لان مفيش حد يحرسها
ويا ريت لو يكمل جميله ويخلى الدهان الخارجى مؤجل لحين الانتهاء من المرافق ( مياه / صرف / كهرباء)
يبقى كتر خيره
وديماً عامر
مع الشكر

[محمودالحلواني]

دمتم اخوة فى الله متحابين متعاونين

وفقنا الله واياكم جميعا
برجاء الاستفسار ان امكن للجهاز

ان يتولى البناء او الاشراف عليه

حتى لانقع فريسة للجشعين

[somaforever]

بص ياخى الصغير ..

انا مش عصبى والا شايف الدنيا سودا والا حاجة ومعاك ان الموضوع لازم يكون فيه صبر مش دلع واستنصاح ... كل الموضوع انى لما تشوف وتسمع المسئولين بيقولو ... لما انت مش قد البناء ماتاخد شقة على قدك .. ولما يقولو انتو عاوزين الارض علشان تسقعوها وبعد كدا تبيعهوا باضعاف مضاعفة .. وبعد كدا تشوف الاخوة طالع عنيهم علشان الدعم ومش باخدوا ... مع انهم محتاجين الدعم علشان مثلا يسدد اللى علية والا يستفيد فى مرحلة اللى بعدها ... وناس مش فارقة معاهم الدعم وربنا يسهل لهم ويقولو استلفنا وبنشحت ... طب المسئول هيصدق مين .. مابيرضو علينا باللى قولتة ... ودا حصل فعلا وشوف برنامج البيت بيتك مع اصحاب الجمعية مع الاستاذ محمود سعد مثلا ... طب اذاى يعنى انا مثلا اشحت واستلف علشان ابنى ثلاث ادوار علشان ابيع الشقة وتجيب كذا الف (( انا مش بحسد والا اقر )) ربنا يسهلة لكن انا بقصد انا يدر عليا عائد تعبى ..لكن انا بتكلم على واحد مش مهاه يكمل وخايف يدخل وينتقل الى مرحلة افضل فى حياته والوقت مش معاه يعمل ايه .. يبيع باى سعر علشان على راى المثلا ميطلعتش من المولد بالاحمص .. وبالتالى هيطلع خسران ... طب ليه علشان مش معاه فى الوقت الحالى يقوم يتحرم منها علشان محدش مصدقة من المسئولين علشان اللى بيشفوه ويسمعوه .. والا انت مش معياه
اما موضوع المرافق فانا مش زعلان بقدر ماهو صعبان عليا الناس اللى تعبت وشقيت دول جيران المستقبل انهم لسة مش قادين يسكنو فى بيتهم مع ان فى ناس منهم اكيد باعت شقتهم والا استلفو ومديونة ومش عارفين يستقروا علشان يسدو اللى عليهم ثم ما المفروض خلصوا اللى مطلوب منهم يبقى من يحصدوا نتيجة تعبهم باسرع وقت واحساسهم بالنجاح وامل فى التحسن .. والا المقصود من المشروع ابنى بيتك لأولادك
دا سبب حيرتى وسبب استفسارى وكمان لما تلاقى جار ليك بيبص لنفسة وبس ويقول انا طالع عينى علشان ابنى 3 ادوار وبيستفيد زايه زاى زى اللى اللى طالع عينة فى دور واحد وممكن ياخد الدعم قبلة كمان ... ومش فارق معاه جاره اللى مش عارف يطلع بدور واحد ... والا انت مش معيا يابشمهندس
كل اللى بتمناه هو ان الكل يراعى بعضة وينظر لاجارة ويستحمل بعضه .. ونبقى ايد واحدة لتحقيق حلمنا فى ان يصبح لك بيت مش شقة ايجار
اسف اسف جدا على الاطالة وربنا معاك ومعنا

و الله الراجل ده بيقول كلام زي الفل

[الفارس الاسود]

السلام عليكم ورحمة الله وبركاته
استلمت قطعتى فى 1/7
وفى 6/1 ((اى قبل نهاية المرحلة الاولى ب 26يوم)) سلمت المرحلة الاولى
وانتظرت الدعم
فى 6/4 اتصل بى صديق وجار وقال لى انه صرف الدعم
فسافرت ((أنا مدرس بسوهاج)) الى 6 أكتوبر
وذهبت الى بنك التعمير والاسكان يوم29/4 لاصرف الدعم فؤجت بعدم وجود اسمى بالكشوف وعلى الكمبيوتر وقال لى الموظف اذهب للماليات بالجهاز
ذهبت للماليات قال الموظف اسال فى المعاينات
ذهبت للمعاينات قال لى لسه متعينش؟؟؟؟؟؟؟؟؟؟
كنت هتجنن بعد 5شهور من التسليم وبعد ماقبض زمايلى بشهر الدعم يقولى لسه متعاينتش؟؟؟؟؟؟؟؟؟
قلت يا حضرت اتعاينت يوم 6/1 ازاى النهاردة 29/4 واتقولى لسه ؟؟؟؟؟
اتصلت بالمهندس اللى عاين وقالى ده خطأ الموظف اللى فى المعاينات وهعالعجوه والاسم سقط من الكشف قلت انا عايز ابنى المرحلة الثانية ده اخر شهر فيها قاللى ابنى
سافرت سوهاج وعدت الى اكتوبر يوم10/5 واتمتت المرحلة الثانية وسلمتها يوم 16/5 ((أى قبل موعدها ب15 يوم))
ثم سالت عن مشكلة المرحلة الاولى فوجدت انها اتمضى كشف المعاينة وكله تمام لكن المعاينة بتاريخ 6/5؟؟؟؟؟؟؟؟ وليس بتاريخ 6/1؟؟؟؟؟؟
البعض قالى لى سوف تقبض الدعم خلال اسبوعين او تلاتة!!!!!!!!!!!!!!1
والبعض قالى سوف تقبض دعم المرحلة الاولى بعد اربع شهور اخرى؟؟؟؟؟؟؟؟؟؟
ازاى خطأ موظف ياخر دعمى((الله اعلم هقبضه امتى))عن زملائى اللى قبضوا لهم شهريين وانا لسه وياعالم امتى هقبض دعم المرحلة الاولى اللى مسلمها من اكثرمن 5شهور ونصف حتى الان واحنا مسلميين مع بعض وفى نفس الوقت؟؟؟؟؟؟؟؟؟؟؟؟؟؟؟
رجاء
اقبض دعم المرحلة الاولى امتى؟؟؟؟؟
وكيف أرد على هذا الظلم اللى تسبب فيه خطأغيرى؟؟؟؟؟؟؟؟؟

[المهندس مختار]

السلام عليكم ورحمة اللة /يا اخوانى اسمى موجود فى المرحلة التاسعة قطاع ح ولكنى مش عارف اعمل اية لانى مش موجود فى القاهرة فانا مش عارف اروح فين واسأل مين /// وهل فى اى أجراء نعملة قبل الاستلام ////ياريت يا جماعة لو حد عارف اى حاجة يكتب رقم تليفونو او ايميلو علشان ارسلو لانى بجد محتاج مساعدة /// ولكم جزيل الشكر // اخوكم المهندس مختار

[mayariri]

موعد الاجتماع القادم السبت 29/5 بقاعة الاجتماعات بالجهاز بعد الساعة 12 ظهرا

[ياسر احمد]

السلام عليكم- ايه اخبار اجتماع رئيس الجهاز امس ياجماعة--ارجوا الرد وجزاكم الله خيرا

[علاء عثمان عقل]

نتيجة اجتماع رئيس الجهاز والمسؤلين
بمستفيدي ابني بيتك

تم الاجتماع يوم السبت 29/5/2010


أولا: بالنسبة لرسوم الرخصة والتعديل
كانت أول كلمة لرئيس الجهاز عن رسوم الرخصة والتعديل
حيث أخبرنا بأن الجهاز قرر عدم زيادة رسوم الرخصة أو التعديل
ثانيا: بالنسبة لمدد البناء :
قرر رئيس الجهاز بأن المدد تم دمجها في بعض بحيث أن البناء للثلاث مراحل تتم خلال الـ 15 شهر ولو كانت كلها في الشهر الأخير .
ثالثا: بالنسبة للدعم:
قرر رئيس الجهاز بأن الدعم يستحق عن جميع المراحل حتي لو تم البناء في أي شهر من الـ 15.
رابعا: بالنسبة للسور الحديد:
قرر رئيس الجهاز بأنه لا يشترط في تسليم المرحلة الثلاثة حديد السور ، نظرا لسرقته ، ولكنه اشترط بأنه سوف يتم التوقيع علي إقرار من المستفيد ، يتعهد بموجبه بأنه سوف يعمل السور الحديد قبل إدخال المرافق.
خامسا: بالنسبة لسور الحديد للقطع التي علي ممر:
قرر رئيس الجهاز بأنه تيسيرا علي اصحاب القطع الناصية علي المرر ، بأنه يكتفي ببناء السور الجانبي بالطوب وليس بالحديد.
سادسا: قرر بأن من يتعثر عن بناء المراحل الثلاثة بالكامل ، ولكنه اثبت الجدية ببناء الدور الأرضي بالتشطيب الخارجي دون السور فلن تسحب من الأرض.

[somaforever]

شكرا يا استاذ علاء على ملخص اللقاء
و انا اسف لكل الناس لاني معرفتش ان الاجتماع هيكون يوم 29

[ياسر احمد]

السلام عليكم ا-علاء ياترى تسليم المرحله الثالثه لا يشترط فيها تسليم حديد السور فقط ام انه لا يشترط التسليم بالشبابيك والابواب وحديد السور ايضا كما ذكر بالاجتماع السابق وجزاكم الله خيرا

[صادق]

قمت بتسليم المرحلة الثالثة والحمد لله واريد ان اعرف كيفية تسليم الأدوار الثلاثة ( الاجراءات ازاى )
اشكركم لمجهودكم

[صادق]

السلام عليكم ا-علاء ياترى تسليم المرحله الثالثه لا يشترط فيها تسليم حديد السور فقط ام انه لا يشترط التسليم بالشبابيك والابواب وحديد السور ايضا كما ذكر بالاجتماع السابق وجزاكم الله خيرا
لقد قمت بالتسليم بدون ابواب حديد او حديد للسور

[wardany555]

عايز اعرف الارتفاع الذى ممكن ارتفع به فوق المسموح به بالسقف لان انا سمعت انه ممكن ارتفع بالسقف فوق المسموح به 75 سم اى اذا كان الارتفاع المسموح به 2.9 متر من الممكن الارتفاع اى 3.65 هل هذا الكلام صحيح وذلك له فائدة من ناحيتين الاولى ان سقف الدور الارضى عالى مما يشعرك بمساحة اكبر الاستفادة الثانية هو الاحتياط من اعمال الجهاز والمفاجئات بارتفاع منسوب البيارة ليجعلك البيت مدفون وذلك لانه حدث قبل ذلك بارتفاع منسوب البيارة بعد صب السقف مما جعل البيت مدفون وغير ذلك من مشاكل الصرف الصحى وخصوصا ان البيارة امامى منخفضة وامام القطع التى خلفى مرتفعة جدا فالخوف كل الخوف من تغيير منسوب البيارة ليكون مثل القطع التى خلفى ونأسف على الاطالة

[mayariri]

ما هو موعد الاجتماع القادم برئيس الجهاز لوجود العديد من الاستفسارات بخصوص رسوم التعديل و الرخصة و غيرها و لكم جزيل الشكر

[محمودالحلواني]

ارجو من عندة فكرة عن السوءال السابق نستفيد منة عن تعديل الرسومات والمبلغ المطلوب ويجب ان نتفق يوم استلام الرخصة عن المقاول

[ِAhmed Hassan]

امتى المرافق هتوصل لكل القطع وامتى الشوارع تتمهد عشان اللى خلص بنى يروح يسكن؟؟؟؟؟

[شريف عامر]

ما هو موعد الاجتماع القادم برئيس الجهاز لوجود العديد من الاستفسارات بخصوص رسوم التعديل و الرخصة و غيرها و لكم جزيل الشكر
انا سمعت انه يوم السبت القادم 7 اغسطس الساعة 12 ظهرا
والله اعلم

[شريف عامر]

امتى المرافق هتوصل لكل القطع وامتى الشوارع تتمهد عشان اللى خلص بنى يروح يسكن؟؟؟؟؟
بيقولوا على اخر السنة
ربنا يسهل

[mayariri]

الاجتماع يوم السبت القادم 7/8 الساعة 12 ظ بقاعة الاجتماع بالجهاز

[essamesh]

يا ترى ايه اخبار الاجتماع وهل يوجد اى جديد

[mayariri]

لا يوجد جديد بالنسبة للاجتماع فلم يحضر رئيس الجهاز و حضر نائبه و قام بحل مشاكل عدد من مستفيديى ابنى بيتك و قال ان سلم السطح و البدروم ممنوع و سوف يوقف الدعم و دخول المرافق و ايضا قال انه لن يتم دخول المرافق الا بعد تركيب البوابة الحديدية و حديد السور و الابواب و الشبابيك و انه تم بالفعل دخول المرافق للمناطق الاولى حتى الرابعة و بعد الانتهاء منها سيبدا فى الخامسة و السادسة وفى بداية العام القادم سيبدا فى السابعة

[& أبو مهند &]

السلام عليكم ورحمة الله وبركاته
وكل عام وأنتم جميعا بخير





م. هيثم أنور





جزاك الله عنا خيرا على ما تقدمه لإخوانك من عون وجعله في موازين حسناتك
أخي الغالي لاحظت في موضوعك أنك تقول "إنشاء الله" وتكتبها بهذه الطريقة وأنت تقصد مشيئة الله والتي كتابتها الصحيحة هكذا "إن شاء الله" وهناك فرق كبير بين الأولى والثانية في المعنى وذكرت هذه المشاركة هنا من باب أن تعم الفائدة لأن هذا الأمر يتكرر كثيرا وكنت أقع فيه شخصيا قبل أن أعرف الفرق فآمل تقبل نصحي ولكم أطيب تحية






الفرق بين : إن شاء الله و إنشاء الله





السؤال:


السلام عليكم ورحمة الله وبركاته


بارك الله فيكم شيخنا الفاضل


إن شاء الله


هل كتابتها هكذا ( إنشاء الله ) به شىء ؟


و إن كان فلماذا ؟


جزاكم الله خيرا




الجواب:


وعليكم السلام ورحمة الله وبركاته


وجزاك الله خيراً .


( إن شاء الله ) هذا من المشيئة


و ( إنشاء ) هذا من الإنشاء والتشييد .


وهذا الأخير ( إنشاء ) لا يُقال في هذا الموضع في حق الله تبارك وتعالى .


وإنما الذي يُقال ( إن شاء الله ) لتعليق الأمر على المشيئة فيما يُريد الإنسان فِعله .


والله تعالى أعلم .

[العندليب]

الاخ الفاضل المهندس هيثم تحيه طيبه وبعد عند مشكله ارجو من حطرتك ايجاد طريقه للحل عند المعيانه الاخره ايسقاط ثمن الارض # يوجد بروز اعلى سلم الحديقه الخلفيه وخلف الحمام فى حدود 60 سم فى 160 سم

[safwat_ebrahim]

شكرا على المجهود الرائع
تقدمت بطلب الاعفاء وذلك للحصول على العقد بتاريخ 18/2/2011 وافادني موظف الارشيف بانهم سيقومون بالاتصال بى خلال شهر وتابعت الامر بعد شهر فافادنى المسئول بانهم ما زالو يعملون فى طلبات شهر مايو 2010 مما يعنى ان امامى ليس اقل من ثمانية اشهر صفوت ابراهيم مقبل
منطقة 6 قطاع ق قطعة 134
ت 0111133231
ارجوا الافادة
مع وافر الشكر

[tolbasaid]

الاخ الفاضل هما طلبين لكل شباب ابنى بيتك اولا الامن ثانيا المرافق تخيل حضرتك انى بنيت الادوار الثلاثه وتم التشطيب من الداخل والخارج وعشمت نفسى انى هاسكن ولكن للاسف الشديد حتى هذة اللحظه لم تدخل المرافق قطاع ز المنطقه السته فين بقى المسئولين اللى زى احنا ما عملنا اللى علينا المفروض ان الدوله توفى معنا بوعدها

[العندليب]

الاخ الفاضل المهندس هيثم جزك الله خير على تعبك ان صاحب المشكله رقم 77 وه البروز اعلى سلم الحديقه وخلف الحمام فى 60سم فى130سم ارجو من سيادكم اجاد حل لهذه المشكله ونظر بعين الرحمه لم قبلنه من اعرب وفط الاتاوت وارتفاع الخامات واسعار الميا لاخ لاخ لاخ ارجو ارحمه من الله ثم السيد رئس الجهاز ونا مستعد لىاى حل غير الهدم مميتسبهو من اضرار على المبنا وعلى لاخرين من الجيران لعلم انا عامل تعديل فى السقف فلات ويوجد فى هذه المنطقه حديد المخدات المدفونه وعدد 2طبقه حديد12مم و10مم طبقه علويه واخره سفليه حديد قطر16مم ارجو الافاده جزاك الله خير الف شكر على تعبك

[العندليب]

:50 (21)::50 (21)::50 (21)::50 (21):
الاخ الفاضل المهندس هيثم تحيه طيبه وبعد عند مشكله ارجو من حطرتك ايجاد طريقه للحل عند المعيانه الاخره ايسقاط ثمن الارض # يوجد بروز اعلى سلم الحديقه الخلفيه وخلف الحمام فى حدود 60 سم فى130سم

[Galilioz]

معلش انا ليه مشكلة كبيره بقالها فتره ومش عارف اعمل ايه الموضوع باختصار انا طلعت مرحله تاسعه والمفروض استلم قطعه الارضى بتاعتى بتاعه مشروع ابنى بيتك فى شهر يوليو 2010 المهم انا روحت جهاز مدينه 6 أكتوبر وخلصت كل الورق وقدمت على الجسه والكلام ده وقالولى شهر سبتمبر 2010 هتستلم الترخيص قولتلهم تمام جيت عشان استلم الارض قالولى مش هتقدر انهارده تابعنا على الرقم ده وهنقولك هتستلمها امتى هى عمتن خلال اسبوعين المهم كلمتهم بعد اسبوعين قالولى اسبوعين كمان وبعدين اسبوعين كمان و..... الخ وعدى حتى الشهر اللى المفروض استلم فيه التراخيص وانا لسه مستلمتش الارض وكل ما اكلمهم يقولى اسبوعين وعلى الحال ده بقالى داخل اهو على سنه ومش عارف استلم الارض وبعد السؤال عرفت ان السبب ان قطعه الارض بتاعتى بتكشف منطقه عسكريه طيب المهم انا ايه زنبى المفروض يتحل الموضوع ده واخد قطعه ارض تانيه مكانه او تظبطوا الموضوع ده انا عايز استلم ارضى انا المفروض منطقه 7 قطاع (ح) قطعه 131 أتمنى من رئيس الجهاز حل مشكلتى لانى للاسف تعبت من كتر ما بكلم جهاز 6 أكتوبر كتير جدا مشغول وكتير جدا وبيلطعونى على التليفون شويه ومفيش رد غير كلمنا كمان اسبوعين نفس الكلمه عايز حل لو سمحتم عشان كده كتير فعلا انا شاب وعايز اتجوز وشكرا

[حسين الدهشورى]

السلام عليكم/قرات فى احدى الجرائد ان وزارة الاسكان قررت مد مهلة البناء لكافة الاراضى بانواعها لمدة ستة اشهر.فأود معرفة هل هذا ينطبق على مشروع ابنى بيتك؟علما بأننى لم اقم حتى الان بعمل اى شىء فى الارض فهل لو انقضت الفترة المسموح لى بالبناء فيها هل يتم سحب الارض؟ارجوا الاهتمام وشكرا لكم

[tolbasaid]

استاذى الفاضل انا كنت من ضمن الوفد اللى قابلنا رئيس الجهاز وطلبنا منه تجديد الاجتماع الشهرى وحددنا معه يوم السبت الموافق4 يونيو وكانت مطالبنا الاساسيه الامن والمرافق وتحديد مواعيد المياه والصرف وكافه الخدمات مثل ما تم من تحديد مواعيد الكهرباء وتيسر الامور بالنسبه للى لسه بيبنى وصرف الدعم المتاخر وهى دى المطالب الاساسيه ويريت نركز عليها فى الاجتماع المقبل يوم السبت 4/يونيو والله الموفق