صعيدى طلع الهرم

[rose]

فى واقعة فريدة من نوعها صعد شاب صعيدى فى الثلاثين من عمره الهرم الأوسط "خفرع" حتى قمته، وذلك فى منطقة الأهرامات بالجيزة عصر يوم الخميس، بعد ما أغفل رجال شرطة السياحة وصعد للقمة.
وصعد الشاب بهدف تصوير منطقة الأهرامات من على سطح الهرم، إلا أنه فشل فى الهبوط، وأصبح معلقا فوق القمة، الأمر الذى دفع المسئولين عن منطقة الهرم إلى مطالبته بالهدوء وعدم التحرك لحين استدعاء سلم ضخم لإنزاله.
وأكد أحد شهود العيان أن الشاب فى حالة صحية جيدة وجاء صعوده لقمة هرم "خفرع" بهدف التصوير، وحتى الآن معلق على سطع الهرم بعد ما فشل فى النزول وأنه جارى الاستعانة برجال الدفاع المدنى والمطافئ لنزوله دون تعرضه لأى ضرر.

[محمد المصري]

دا فعلا خبر حقيقى

والله دا احنا لسة فى مصر

امال فين الهيلوكوبتر

تسلم ايدك ياروز

[محمود التهامي]

والله لو كنا لسة ايام الفراعنه كانوا عرفو ينزلوه
هههههههههههههه

[اميرة حبى انا]

احنا نجيب ملاية كبيرة
ونقف كلنا تحت وهو ينط
و هههههههههههههههههه
هو وحظه بقى مادام مش عارفين يعملو زى ماعملو فى فيلم ماجدة ونزلوها
ياعينى زمان الاخ مرعوب
يمكن الفراعنة بيسلوه طول الليل

[AFIFI MOSTAFA]

الله يكون فى عونه ( المصيبة انه برضة صعيدى والدلع دى دى )

[نور]

امال فين الهيلوكوبتر

هليكوبتر اية بس ياستاذ محمد شكلك مش عايش في مصر
الهيلوكوبتر دي مبتطلعش غير في الازمات
وطلع صعيد الهرم مش ازمة

[نور]

والله لو كنا لسة ايام الفراعنه كانوا عرفو ينزلوه

مش هما اللى بنوها اكيد هيرعرفوا ينزلوه
ده اصغير عيل عند الفراعنة يطلع يجيبه

[ahmed love]

تسلم ايدك روس

[خلود]

حد يستدعى لنا الاخ امتحوتب ولا بتاح

ينزل عمو الصعيدى ده

ياعينى ياضناى

[محمود التهامي]

اللي مستغربه ازاي صعيدي ومش عارف ينزل
دا الصعيدي لو طلع الأول حتى هيعرف ينزل
هههههههههه

[اميرة حبى انا]

ما تسيبو الراجل بقى
يا ساتر عليكو
مش كفاية الرعب اللى هو عايش فيه دلوقتى
تفتكرو بعد ما يرجع بالسلامة
هيقولنا اسمه ايه؟؟؟؟؟؟؟؟؟

[محمود التهامي]

اسمه هريدي على اسم جده
هههههه

اللي غايظني بقا الصحافة اللي نقلت الموضوع على انه نكتة وابتدوها بصعيدي طلع الهرم
هو الصعيدي دا يعني ملهوش اسم
وللا معرفوش اسمه يعني وهو فوق بس عرفو انه صعيدي
طيب عرفو ازاي ؟؟
كان طالع بالعمه مثلا
طيب ما يمكن هندي
واهي برضه كانت هتنفع نكته
يعني نقول مرة واحد هندي طلع الهرم ومعرفش ينزل ههههههاي

[اميرة حبى انا]

هو انت لازم تطلع القطط الفطسانة فى كل موضوع
اه يانى منك