RSS
17-12-2011, 10:26 AM
المقادير:
**************
2.1/2 ك دقيق
1.1/2 ك سكر
2 بيضه
1/2 كيس بيكنج باودر
2 كيس فانيليا
1 م كربوناتو ممسوحه " يعني مش مليانه أوي"
2 ك عصير رمان محلى بسكر خفيف ومصفى جيدا
ويستحسن يكون بيور " أي غير مزود بالماء "
5 م جوز هند
1/2 ك سمن
" ملحوظه "
م " ملعقه
ك : كوب وليست كيلو
طريقه التحضير
***************
أولا هنشغل الفرن سواء الكهرباء أو العادي
على درجة حرارة 180 قبل مانلدأ بتحضير أي حاجه
وهنا هعتمد على حاجه إذا عندك عجان في البيت أو لا
إذا في عجان بنحط فيه على سرعه متوسطه السمن والسكر والفانيليا يتخلطوا سوا
ونضيف البيض واحده ورا التانيه
ولما نتأكد إن الخليط بقى متجانس
بننخل الدقيق الأبيض ونضيف ليه البيكنج باودر والكربوناتوا وجوز الهند
ونبدأ ننزل في العجان ربع مقدار الدقيق ومعاه نص كوب عصير
ونبدأ كل ما يتجانسوا نزود شويه دقيق مع شويه عصير لحد ما نخلص
وملحوظه مهمه " أنا في العجن هستخدم كوب ونص عصير رمان فقط مش 2 "
وطبعا بعد ما نخلص
بنبطن الصينيه بتاعتنا بالسمن ونرش عليها رشه دقيق
وبعدها ننفضه علشان ميتحرقش مننا
" أما إذا كانت الصينيه سيلكون أو تيفال فلا داعي "
وبعدها نبدأ في صب العجينه في الصينيه
نبدأ بالوسط ثم الأطراف
ولما نخلص نهز الصينيه كويس علشان يبقى العجين مستوى واحد
وبعدها تدخل الفرن ونظبط التايمر على تلت ساعه " 20 دقيقه "
" وإذا كان مفيش عندنا عجان"
هنحط السمن السكر والبيض والفانيليا في الخلاط العادي
وبعدها نخرج الخليط في طبق غويط ونبدأ نضيف شويه دقيق ومعاهم شويه عصير
ونقلب بالراحه إما بالمضرب اليدوي أو الكهرباء
وبعدها نعمل نفس الخطوات اللي قلناها فوق
بعد ماتدخل الكيك الفرن
بنجيب نص كوب العصير اللي بقيناه
ونحطه على النار وعليه 2 م سكر
ويترك يغلى على النار مدة عشر دقائق ثم يترك ليبرد
بعد التلت ساعه هنفتح على الصينيه الفرن قبل كدا لالالا
ونختبرها
بعود كبريت في النص ونشوف خرج بعجين ولالا
إذا لا يبقى نضجت الكيك
وإذا خرجت بعجين تقفلي عليها بسرعه قبل ماتهبط وتسيبيها شويه كمان
" نصيحه عامه إذا لقيتي في مرة وش الكيك معاكي إتحمر قبل ما هي تستوي
هاتي ورقه كراسه وإدهينيها سمن أو زيت وغطي بيها وش الكيك تحميهالك من الحرق "
المهم بعد ما طلعنا الكيك من الفرن
نسيبها في الصينيه زي ماهي ونسقيها بالعصير اللي غليناه على النار وسيبناه يبرد
وبعدين نسيبها بقى لما تبرد تماما
وبعدها نقطعها ويفضل تقديمها مبرده في التلاجه بجانب أي مشروب مفضل
سواء بيبسي أو قهوه أو شاي
منقول
**************
2.1/2 ك دقيق
1.1/2 ك سكر
2 بيضه
1/2 كيس بيكنج باودر
2 كيس فانيليا
1 م كربوناتو ممسوحه " يعني مش مليانه أوي"
2 ك عصير رمان محلى بسكر خفيف ومصفى جيدا
ويستحسن يكون بيور " أي غير مزود بالماء "
5 م جوز هند
1/2 ك سمن
" ملحوظه "
م " ملعقه
ك : كوب وليست كيلو
طريقه التحضير
***************
أولا هنشغل الفرن سواء الكهرباء أو العادي
على درجة حرارة 180 قبل مانلدأ بتحضير أي حاجه
وهنا هعتمد على حاجه إذا عندك عجان في البيت أو لا
إذا في عجان بنحط فيه على سرعه متوسطه السمن والسكر والفانيليا يتخلطوا سوا
ونضيف البيض واحده ورا التانيه
ولما نتأكد إن الخليط بقى متجانس
بننخل الدقيق الأبيض ونضيف ليه البيكنج باودر والكربوناتوا وجوز الهند
ونبدأ ننزل في العجان ربع مقدار الدقيق ومعاه نص كوب عصير
ونبدأ كل ما يتجانسوا نزود شويه دقيق مع شويه عصير لحد ما نخلص
وملحوظه مهمه " أنا في العجن هستخدم كوب ونص عصير رمان فقط مش 2 "
وطبعا بعد ما نخلص
بنبطن الصينيه بتاعتنا بالسمن ونرش عليها رشه دقيق
وبعدها ننفضه علشان ميتحرقش مننا
" أما إذا كانت الصينيه سيلكون أو تيفال فلا داعي "
وبعدها نبدأ في صب العجينه في الصينيه
نبدأ بالوسط ثم الأطراف
ولما نخلص نهز الصينيه كويس علشان يبقى العجين مستوى واحد
وبعدها تدخل الفرن ونظبط التايمر على تلت ساعه " 20 دقيقه "
" وإذا كان مفيش عندنا عجان"
هنحط السمن السكر والبيض والفانيليا في الخلاط العادي
وبعدها نخرج الخليط في طبق غويط ونبدأ نضيف شويه دقيق ومعاهم شويه عصير
ونقلب بالراحه إما بالمضرب اليدوي أو الكهرباء
وبعدها نعمل نفس الخطوات اللي قلناها فوق
بعد ماتدخل الكيك الفرن
بنجيب نص كوب العصير اللي بقيناه
ونحطه على النار وعليه 2 م سكر
ويترك يغلى على النار مدة عشر دقائق ثم يترك ليبرد
بعد التلت ساعه هنفتح على الصينيه الفرن قبل كدا لالالا
ونختبرها
بعود كبريت في النص ونشوف خرج بعجين ولالا
إذا لا يبقى نضجت الكيك
وإذا خرجت بعجين تقفلي عليها بسرعه قبل ماتهبط وتسيبيها شويه كمان
" نصيحه عامه إذا لقيتي في مرة وش الكيك معاكي إتحمر قبل ما هي تستوي
هاتي ورقه كراسه وإدهينيها سمن أو زيت وغطي بيها وش الكيك تحميهالك من الحرق "
المهم بعد ما طلعنا الكيك من الفرن
نسيبها في الصينيه زي ماهي ونسقيها بالعصير اللي غليناه على النار وسيبناه يبرد
وبعدين نسيبها بقى لما تبرد تماما
وبعدها نقطعها ويفضل تقديمها مبرده في التلاجه بجانب أي مشروب مفضل
سواء بيبسي أو قهوه أو شاي
منقول