مش قادر ابعد عنك

[fagrmasr01]

مش قادر أبعد عنك
ولا عارف أهرب منك
وهموم أحزانى زادت
عاشقك من صغر سنك

من يوم ما شفت عينيكى * * انا حبيتك وعشقت هواكى
حنيت لك يا حبيبتى اليكى * * وجاهدت انى افوز برضاكى
واهو قلبى بيحوم حواليكى * * وييقول لك يا مصر فداكى

وانا مهما يبعدونى عنك
هتلاقى يا حبيبتى انك
رمزى لعشق العشاق
وهاعيش عاشقك لانك

لانك انتى يا روحى مصر * * عصفورة مش بنك وقصر
والمهر هدفعه من دمى * * مهرك يا روحى عز ونصر

واوعى تنسى يامصر انك
عاشقك انا من صغر سنك

[خلود]

http://up.stop55.com/upfiles/QP285607.gif

جميل اوى تشبيه مصر بالحبيبه وكل العشق ده لها

ربنا يخلى لنا بلدنا هى حتى لو ايه فهى فعلا معشوقتنا

[fagrmasr01]

خلود الرائعة .. اشكر لك اهتمامك بما اكتب
واشكر تعليقك الجميل
الذى هو بالفعل قد أسعد قلبى وعقلى

[محمود التهامي]

أنا بفكر اغير اسم حضرتك من فجر مصر إلى عاشق مصر


تقبل مني ألف تحية على كلماتك الجميلة دائما

[DMR]

فعلا شعر جميل جدا
شكرا

[fagrmasr01]

نصــ الهوى ـل
خلود الرائعة
dmr المتميزة

تشجيعكم المتواصل يسعد قلبى ويريح صدرى ويشجعنى
جزاكم الله عنى خير الجزاء

[ahmedabdelziem]

لانك انتى يا روحى مصر * * عصفورة مش بنك وقصر
والمهر هدفعه من دمى * * مهرك يا روحى عز ونصر



تسلم ايدك يافجر مصر

[اسامة22]

تسلم يافجر مصر
بجد حاجة تفرح كلماتك الجميلة في حق مصر

[fagrmasr01]

لانك انتى يا روحى مصر * * عصفورة مش بنك وقصر
والمهر هدفعه من دمى * * مهرك يا روحى عز ونصر



تسلم ايدك يافجر مصر


الله يسلم عمرك ويكرمك ويبارك لك يا احمد
ويجازيك عنى كل خير

[fagrmasr01]

تسلم يافجر مصر
بجد حاجة تفرح كلماتك الجميلة في حق مصر



اللى يفرحنى بجد هو مرورك يا أسامة

ربنا يجازيك عنى كل خير

[ahmedabdelziem]

ابداعك رائع
وتقبل النقد منك اروع

[fagrmasr01]

والله ياعم احمد
اللى بيحب بجد الشعر وبيحب يكتبه او يتذوقه لازم يحب النقد
لأن النقد مهما كانت صورته هو أساس التطور لما هو مكتوب
ربنا يخليك يا عم احمد ويكرمك يارب كمان وكمان

[ahmedabdelziem]

مجرد ردك بيضيف لمعلوماتى
معلومه جديده
افادك الله ورزقك العلم الوفير
وحب الناس