رأي... تعمل ايه لو استلمت في ابني بيتم و انته واخد دعم من الحكومة قبل كده؟

[somaforever]

موضوع ان مستفيد ابني بيتك ليه بيت تاني بدعم من الحكومة او من بنك الاسكان و التعمير
شوف يا سيدي ... انا اعرف واحد عنده شقة من بنك الاسكان و التعمير و قدم في ابني بيتك و اتقبل !!!
سألنا كذا طرف في الحهاز و بره الجهاز في الموضوع و كان الرد كالتالي:

* مهندس في الجهاز (بشكل رسمي)

الارض هتتسحب
*مهندس اخر في الجهاز (بشكل غير رسمي)

الجهاز مش هيعمل اي حاجة الا اذا حد بلغ عن المستفيد
*مهندس اخر في الجهاز ( بشكل غير رسمي و ده أكتر رأي انا بميل ليه و الله اعلم)

المشكلة في الدعم اللي هينزلك لأن الدعم لما ينزلك اسمك هيطلع على الكمبيوتر بتاع بنك الاسكان و التعمير و ساعتها الارض بالمباني اللي عليها هتتسحب فحاول تعمل اي مخالفات تحرمك من الدعم و بكده ماحدش هيبص عليك و لا اسمك هيطلع على الكمبيوتر
* مهندس مقاول

حاول تعمل اي مخالفة تحرمك من الدعم عشان ماحدش يعرف انك استفدت من اي دعم قبل كده
* المهندس علاء نائب رئيس الجهاز

لازم المستفيد يتنازل عن الارض او عن الشقة و الا الارض هتتسحب
* الفقير لله انا (و ده مجرد رأي مش أكتر و القرار ليك)

اتوكل على الله و ابني و اعمل اي مخالفة تضيع الدعم و استعوض ربنا في الدعم و ابعد عن المشاكل بانك تمشي جمب الحيط ( انا قصدي انك تاخد كل حقوقك بس لو حاجة ناقصة ماتعملش شكوى او تعمل اي موقف يستدعي فتح ورقك مع البنك)... و ربنا يوفق الجميع
و يا ريت لو اي حد ممكن يفيدنا في الموضوع ده او يعف حاجة يقول اللي يعرفه عشان الكل يستفيد

[somaforever]

مهندس اخر داخل الجهاز أكد ان المشكلة في ان حد يبلغ عن الشخص اللي استلم
و ان اللي استلم يبني لحد المرحلة الاولى و يقف.. لو الدعم نزل ليه في البنك يكمل زي ما هو عايز
و لو الدعم مانزلش.. يبقى هيخيرو ما بين الارض و الشقة... لازم يتنازل عن واحدة فيهم