المساعد الشخصي الرقمي

مشاهدة النسخة كاملة : غدا التخفيض الخامس على 9 سلع غذائيه


خلود
09-02-2009, 01:53 AM
يبدا غدا الاتنين اجراء التخفيض الخامس على 9 سلع ضروريه لتصل التخفيضات الى حوالى 40 % واهمها زيت الطعام ليصبح سعر الزجاجه 5 جنيهات مقابل 10 ج والشحومات والمسليات 35 % والزبده !% ج ( بدلا من 24) والمكرونه الى 110 قروش زنه 350 جرام و185 قرشا للعبوه 400 جرام واللحوم المستورده بين 17 و18 ج بنزول 7 ج ودخلت سلع جديده قائمه التخفيضات منها الدقيق 225 قرشا للبيع بدلا من 350 و375قرشا ومصنعات المخبوزات من اغذيه وحلوى الاطفال وكذلك الدواجن للمره الرابعه لتصبح15 ج مقابل 17 للكيلو
جاء ذلك خلال اجتماع الشركه القابضه للصناعات برئاسه الدكتور احمد الركايبى وقد تقرر عمل مراجعه يوميه لاسعار الخبز والفاكهه والنزول بها قيمه لا تقل عن 10 % عن الاسعار السائده مع الاهتمام بالتفتيش والجوده
fagrmasr01
09-02-2009, 10:51 AM
خلود .. ياريت تقولى لنا الاسعار دى نشترى بيها من دولة ايه؟
هل هى اسعار جزر القمر مثلاً
واللا أسعار القمر نفسه
عفوا يا قمر المنتدى .. اصلها بقت حاجة تغيظ
كل يوم يعلنوا اسعار
ومفيش لها اى ظل من الحقيقة
ويظل الغلاء .. مع تخفيض بسييييط اووووى
ربنا يرحمنا .. آمين
خلود
09-02-2009, 03:56 PM
ده خبر قريته فى جريده الاخبار وياريت يكون حقيقى يارب وميكونش كلام جرايد

وربنا يرحمنا يارب
lionking
09-02-2009, 04:12 PM
فعلا


يا ريت يكون حقيقى


هو احنا نكره ان الاسعار تكون كده بجد


بس احنا فى مصر المحروصة مش متعودين ان سعر اى


حاجة بينزل احنا اتجاه واحد



طــــــــــــــــــــــــــــــــــالـــــــــع وبـــــــــــــــــــس



ربنـــــــــــــــــــــــــا يستـــــــــــــــــــر ع الشعـــــــــــــــــــب
إبراهيم البشبيشي
09-02-2009, 09:57 PM
أيوة بس انا معرفتش هو الخبر ده كان في الأخبار يبقى نتعامل معاه زي بقيت أخبار الحكومة النظيفة بأن ننفض له ونعتبره كان لم يكن ولا ده خبر من الأخبار اللي بجد !!؟؟؟
اميرة حبى انا
10-02-2009, 01:40 AM
كل واحد يروح يشترى ازازة زيت
وهنعرف اذا كان صح ولا غلط
محمود التهامي
10-02-2009, 07:40 PM
الأخبار دي مضروبة

لأن الفراخ عندنا بــ 12 مش 17

باينهم ناويين يغلوها مش يرخصوها

زي وزارة الاتصالات كدا لما قالت ان الدقيقة المحلي بقت بـ 3 قروش على اساس انه تخفيض يعني

مع ان سعر الدقيقة كان قرشين بس

وعلى فكرة الناس اللي بتدخل نت دايل اب تاخد بالها لان الساعه كدا بقت بـ 180 قرش

يعني ادخلو من سايبر ارخصلكو
محمد الوهدانى
10-02-2009, 10:39 PM
الحكومة فكرانا مجانين هنصدق الكلام الى عمالين يقولوه ده ياخى دهدىىىىىىىىىىىى