المساعد الشخصي الرقمي

مشاهدة النسخة كاملة : اعاده فتح ابني بيتك تحت اسم ابني بيتك 2


العاشق الحزين
02-04-2010, 03:11 PM
ياجماعه انا سمعت ان مشروع ابني بيتك هيعاد فتحه بشروط تانيه
ياريت اللي عنده اي معلومات يقول
وازاي نقدم ومين له الاولويه
وقدامه اد ايه ويبقي حقيقه
وهل ابني بيتك 1 حقق النجاح المطلوب
محمود التهامي
02-04-2010, 07:09 PM
وهل ابني بيتك 1 حقق النجاح المطلوب

في رأيي الشخصي ابني بيتك نصباية كبيييييييييرة
لم يستفد منه الا المقاولين والسماسرة
العاشق الحزين
03-04-2010, 10:10 AM
طيب الحل ايه للشباب الغلبان
محمود التهامي
03-04-2010, 11:53 PM
طيب الحل ايه للشباب الغلبان


وهو يعني الشباب الغلبان هيقدر يدفع 60 الف ع الاقل عشان يبني دور اول دا غير التشطيب بعد كدا
ويضطر كمان يشتري عربية عشان ابني بيتك ملوش مواصلات ومافيهوش خدمات

يبقا يشتري بيهم شقة في السادس وللا الاتناشر احسنله
اهو على الاقل يلاقي سوق وعيادة ومدرسة

أما الحل بقا

اسأل الحكومة

يمكن تلاقي عندهم حل
سواء لابني بيتك أو للاختراع الغبي والقنبلة الموقوته
اللي اسمها الشقق الـ 60 متر
اللي هتبقا كارثة في السنين الجاية
somaforever
04-04-2010, 03:26 PM
الموضوع مش نصباية و لا حاجة
الموضوع فيه عيوب او سلبيات و ليه في نفس الوقت مميزات و ايجابيات
و الموضوع كله بايجابياته و سلبياته و بابا غنوجة معقول في الاخر
المساحة مش 60 لان تلات ادوار انته اللي اللي بتختار تبنيهم ازاي
و التكلفة عمرها ما تتحسب كده لأن 60 الف دول جواهم حفر و عادية و قواعد و سملات و قصة ردم و عزل... دول لوحدهم حوالي 25 ألف و الله أعلم
اذا التكلفة دي للدور الارضي بس لكن بقية الادوار هتكون تكلفتها ارخص

و بعدين انا سمعت برضو انهم هيفتحو باب التقديم تاني
و يا ريت ده يحصل لان ناس كتير هتستفيد من المشروع ده
العاشق الحزين
04-04-2010, 10:15 PM
والله فعلا كارثه بكل المقاييس مساحه ال60 متر
حتي شقق برنامج الانتخابي للريس 63 متر
وبتوصل ل160 الف جنيه وتقسيط مجهد اكتر من الكاش
والمفروض انها شقق شباب
فالامل في ابني بيتك
علي اساس اننا هنبني علي مراحل وربنا يسهل
اللي يعرف امتي فتح الباب لابني بيتك ياريت يقول
محمود التهامي
04-04-2010, 11:29 PM
اللي يعرف امتي فتح الباب لابني بيتك ياريت يقول


بشوية تكهنات ومحاولات للتخمين أقدر أقولك
فور ترشيح السيد الرئيس نفسه لفترة جديدة
خلود
05-04-2010, 12:05 AM
والله الشباب دول صعبانين على فى ظل الغلا والكوا اللى احنا فيه ده

ربنا يعينكم ويقويكم بقى

وتقدر الحكومه بمناسبه الانتخابات دى توفر لهم اى فرص للعمل والسكن وتقف جمبهم شويه
محمود التهامي
05-04-2010, 10:07 AM
وتقدر الحكومه بمناسبه الانتخابات دى توفر لهم اى فرص للعمل والسكن وتقف جمبهم شويه



اهو انتي كدا فهمتي اللي عليه العين والنية
هدية كل انتخابات
وكل انتخابات وانتو طيبين ومؤيدين ومطحونين ومقهورين ووموظفين
هههههههههههههههه
العاشق الحزين
05-04-2010, 06:35 PM
والله الواحد مصدوم وماعارف اخره الحكومه ايه
اللي تعبت كل الشباب
somaforever
06-04-2010, 11:06 AM
اللي ماشي على ابني بيتك ماشي على كل الناس من سلبيات و ايجابيات
و الحكومة ساعدة الناس لما ادتلهم الارض ببلاش و الرسومات و الدعم
و بعدين كل الناس بتشتكي من الغلو و بعديها بيقولو 63 متر قليل ؟ طيب لو كان االبناء على 150 متر الناس كانت هتجيب فلوس منين؟
هو كده حلو اوي و بارك الله فيما رزق (:
العاشق الحزين
30-05-2010, 10:37 AM
لسه مفيش اخبار برضه ياشباب
اتمني رد من المتابعين
محمودالحلواني
01-06-2010, 06:14 AM
الصبر جميل ياجماعة ديما نكون متفائلين ان بعد العسر يسر
العاشق الحزين
01-06-2010, 10:45 AM
ربنا يكرم ويارب يكون اخر الصبر خير