مايك المنتدى .........

[خلود]

مايك المنتدى .........
http://img469.imageshack.us/img469/3198/093cx.gif



http://www1.istockphoto.com/file_thumbview_approve/5714755/2/istockphoto_5714755-old-microphone-isolated.jpg


لكل عضو .. صوت .. لابد أن يسمع ..




ونحن كأخوة .. هنا .. في منتدى اكتوبر




من واجبنا .. أن نستمع لبعضنا ..!
http://m002.maktoob.com/alfrasha/up/19517293231040594946.gif


+ ومن هذا المنطلق +


برزت فكرة " مايك المنتدى "..


لذا .. سيحق .. في كل يومين لعضو واحد فقط


أن يتملك المايك .. ويفصح من خلاله .. عما يريد قوله ..!


قواعد المايك ..


1) للعضو + صاحب المايك + :



لك أن تقول ما يحلو لك .. ( تعرفنا بنفسك - مواقف حدثت معك - مقال من كتابتك - قصيده لك - صور .. ) ..


او لك ان تجمعهم كلهم




ولكن الأهم أن تبدي رأيك اولا في المنتدى



ثانياً في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلهم ..


فشعارنا هنا ..



http://www.7rkt.at/uploader/uploads/b8f8267582.gif



2) للأعضاء..



عدم مقاطعة العضو بالردود " يعني .. ممنوع أي أحد يرد ..
على الموضوع .. قبل مايقول


العضو اللي معه المايك .. (( انتهيت .. الان المجال لكم ايها الاعضاء ))


ومن بعدة الكل يقول رايه
يعنى بعد مضى اليومين هندخل كلنا ونعلق على كل ما ورد على لسان ضيفنا الكريم ومناقشته فى كل ما قاله

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..



لأنه مدة استلامه للمايك يومين فقط كما ذكرت سابقا .







http://m002.maktoob.com/alfrasha/up/19517293231040594946.gif



ملاحظة:



على العضو بعد إن ينتهي من المايك أن يسلمه لصاحبه الموضوع وهختار انا العضو اللى بعد

ودلوقتى اسمحوا لى اختار
ولانى هختار مش اى حد طبعا

ده المعلم الكبير بتاعنا
وشخص محبوب من الجميع
مديرنا

محمود التهامى

اتفضل مع حضرتك المايك

وفى انتظارك



http://m002.maktoob.com/alfrasha/up/19517293231040594946.gif

[اميرة حبى انا]

هههههههههههههههههههه
هو كل حاجة المدير
والله صعبان عليا
ههههههههههههههه
بس عشان الحلفان
مش اوى يعنى
ههههههههههههههههه

[فريد]

ربنا يكون فى عونك
اصل التجربة هاتبداء بيك
و دى ضريبة انك تبقى مدير
و كلنا هانكون وراك
بس ياخلود خلينى فى الاخر عشان اغش
ارجوكى

[خلود]

انا مش هكون ورا حد

وبصراحه يااميره انتى وفريد هو مش صعبان على خالص

عارفين ليه

لانه قدها وقدود

مش كده يامديرنا

يلا بطل كسل كده وادخل الموضوع ابتدى من النهارده مستنينك والمايك بيناديك

فريد
دورك جاى جاى

ومش عايزين غش من حد والا هسحب الورقه
هههههههه

[خلود]

ياحضره المدير الهمام انت فين

عايزين حضرتك هنا بسرعه

المايك فى انتظارك

[محمود التهامي]

هما مش كدا اليومين خلصو خلاص
هههههههههههه

معلش يا جماعه اصلها كانت جايبة مايك بايظ ومن ساعتها وانا بحاول اصلحه

[محمود التهامي]

هااااااااااااااا
حد سامع حاجه كدا

اشتغل وللا لسة

[خلود]

بلاش تلاكيك واليومين لسه يبتدوا لما حضرتك تتفضل وتمسك المايك

والمايك كان شغال شوف بقى انت عملت فيه ايه

يلا خلص كده بقى بقى

[محمود التهامي]

ايييييييييييييييييه
انتو باعتين تجيبوني عشان ترجعي تقوليلي اخلص
طيب مش مخلص
ومش سايب المايك البايظ بتاعكو ده

وبعدين اصلا اصلا النور كان قاطع ولسة جاي

وبعدين انا مبحبش اللخمة دي
عايز مايك وايرليس
انتي جايبالي مايك من أيام الست

[خلود]

http://4photos.net/photo/15small_1205321550.jpg

http://www.behringer.com/EN/images/lightboxphotos/B-2-PRO_P0190_Spinne_XL.jpg

http://tw.image.bid.yahoo.com/users/4/1/4/9/f671010-img600x519-1117248575yaesu_md_200a8x_3-1.jpg


اتفضل اختار مايك ويارب نخلص انا قاعده لك للصبح لما اشوف اخرتها ايه وياك

تحب اشوف لك مايك غير دول

اظن كده مافيش حجه

[محمود التهامي]

الساعة بقت اربعه الفجر
الناس نايمة
بصي
انتي ادي شوية المايكات دي للجامع اللي جمبك
يصحي بيهم الناس عشان صلاة الفجر

وتصبحي على خيييير
ههههههههههههه

[خلود]

طيب ياريت حضرتك تدينا جواب نهائى فى الموضوع ده

ولو مش عندك استعداد للمشاركه ياريت تبلغنى

واشكرك

[اميرة حبى انا]

هو فى ايه
كل ده ولسه مش سمعنا منك ولا كلمة
الحاجة جابتلك كل المايكات اللى فى الدنيا
يلا سمعنا بقى
كفاية كده

[خلود]

طيب لغايه ما ديكتاتور المنتدى يشوف يشترك ويانا تانى فى موضوعنا ده نختار عضو كلنا بنحبه ونعتز بيه ونشوف هيقول لنا ايه وهيحكى لنا فى خلال يومين كل اللى يحب يقوله لنا

اخونا الكبير وشاعرنا

جمـــــــــــــــــــــــال فجـــــــــــــــــــر مصــــــــــــــــــــر

يالا يا جمال بقى كلمنا عن نفسك عاوزين نعرف كل حاجة عنك

ايه اللى تحب نقوه لنا اى حاجه وكل حاجه تخطر على بالك
المايك معاك

[fagrmasr01]

بسم الله الرحمن الرحيم
نبدأ الان بعض التجارب
للتعرف على المايك والتعود عليه
10
9
8
7
6
5
4
3
2
1
صفرررررررررررررررررر

شكرا يا خلود على الاختيار
وقبل ما ابتدى ... انبه الى انى باحب اتكلم بصرررراحة .. ومحدش يزعل من اللى هاقوله
لسببين
اول سبب : انى هاقول اللى يعجبنى
تانى سبب : ان اللى يعجبنى هاقوله

تعريف
الاسم : جمال
الشهرة : فجر مصر الأول
المهنة : متخصص فى تنمية الموارد البشرية HR
الهواية : القراءة ومحاولة كتابة زجل او شعر او خواطر ..
باكتب لمجرد انى اكتب
ساعات باعبر عن حزن او فرح او دهشتى من الاحوال او اعتراضى عليها
وساعات باكتب عشان اكسب وسام فى المسابقات
لكن لسا مكسبتش ولا حتى هاكسب ربع جنيه من الصداع اللى باعمله لكم دا كله

اشتركت ف المنتدى من 15 شهر برقم عضوية 343
كنت داخل اطلب ان حد يساعدنى فى معرفة نتائج منتصف العام الدراسى اللى فات ... وكنت اول مرة ادخل منتدى ... وعجبتنى جدا اخلاقيات المنتدى ...
فوجئت باثنين من المديرين الشباب .. اخلاقهم زى العسل .. ومتدينين ودمهم خفيف ومحترمين جدا .. محمد ابو زيد ومحمود التهامى

واتعرفت بأخوات .. أميرة وخلود وليون كنج بعد كدا .. ساعدونى فى انى اتعرف واشارك فى عالم المنتديات لأول مرة .. وعجبتنى جدا طريقتهم فى التعاون .....

وعجبنى جدا اخويا .. ربنا يطمننا عليه .. ابراهيم البشبيشى .. مثقف .. ظريف .. مؤدب .. مبدع .. متعاون .. لدرجة جعلتنى اكتر واحد يشارك فى قسم ابداعات الاعضاء

وبسبب العشرة وطول الفترة .. أكرمونى فى المنتدى بوسام .. والوسام التانى كسبته فى مسابقة ... مش لانى كنت احسن واحد . . لالالالا .. كسبت الوسام التانى لان الوحيد اللى اشترك فى المسابقة بشروط المسابقة
يعنى لو باقى المتسابقين كانوا التزموا بالشروط .. كانت فرصتى هاتبقى قليلة جدا اوى خالص فى الفوز
لان اغلب اللى اشتركوا كانت مواضيعهم احسن منى
بس اهو .... النصيب ... وهو دا اللى حصل بصراحة
المهم دلوقتى عندى اتنين وسام منورين تحت اسمى .. وعقبالكم جميعا

وللحديث بقية .. ان كان فى العمر بقية
خوصا انى هاقووووول .. رأيى وقناعتى على كل واحد وواحدة اتعاملت معاهم هنا
وبمنتهى الوضوح .. وبمنتهى الصرررررراحة
الصراحة .. راحة

[fagrmasr01]

معلش بئا .. قدركم .. ان يستمر الموضوع يومين .. واكتب فيهم براحة راحتى ع لاخر

اما اول الشروط .. رأيى فى المنتدى... هو طبعا لو مكانش عاجبنى كنت اختفيت ... وجودى فيه هو دليل قناعتى بيه

صحيح فيه حاجات احيانا تزعلنى منه ( المنتدى ) لكن باحبه لانى حسيت انه بيتى وان اللى فيه هم اهلى
وعلى سبيل الفضفضة ... ساعات احزانى فى اشعارى تحصل لها مقاطعات ... او رفض... هو طبعا كل واحد حر يدخل الموضوع اللى يعجبه ويعلق على الموضوع الى يحب يرد عليه براحته
انما اللى بيكتب اشعار او نثر او قصة او موضوع هو اللى كاتبه .. بصراحة بييجيله احباط لما يلاقى الدنيا شغالة اخر نشاط فى القطر والألعاب مع اهمال لموضوعه ... خصوصا لما الواحد بيحس ان الرفض غير مبرر

انا طبعا هنا مش باعاتب ولا زعلان .. بدليل انى بعد فترة إعتكاف بسيطة رجعت تانى وكتبت .. وشاركت .. وعل ىفكرة .. باكون سعيد بوجودى هنا فعلا .. ولو انى بعد رجوعى من الاعتكاف حاسس ان فيه اعضاء كثير مش عارفهم ... وكمان حسيت ان المبدعين زى ما يكونوا مش فى المود

اما عن المبدعين .. فللقصة دى موضوع .. لانه موضوع يهمننى اوى ان اقول فيه وبراحتى اوى طبعا جدا خالص
وربنا يستر ومحدش يزعل

[fagrmasr01]

قصتى مع المبدعين هنا فى اكتوبر

بدأت مع المشرف الهمام النشيط المثقف اخونا الأكثر من رائع
ابراهيم البشبيشى
ياريت تشوفوا كتاباته وردوده اللى كانت لها زى العسل وظريفة وكلها دروس فى ازاى انا اكتب وازاى ارد على المواضيع

وغاب ابراهيم .. وتمنيت رجوعه ولكن .. بعد فترة .. لقيتنى باوافق على الاشراف على نفس القسم اللى كان بيشرف عليه العملاق ابراهيم البشبيشى .. قسم الابداعات
وكتبت .. وحاولت ان اجتهد ... غازلت الحب بأشعارى وكتاباتى .. وعانقت الفرحة مع الاحزان بالأحضان أحيانا وبالإكراه أحايين اخرى كانت تجبرنى فرحتى ان اكتب عنها
او تضطرنى احزانى الى التعبير .. فأكتب

ولتشجيع المبدعين .. كنت امر يوميا عدة مرات على القسم لمتابعة الجديد .. والتعليق والتشجيع .. وكنت فى قمة فرحتى بتواجدى بينهم وهم اغلبهم قامات وهامات عالية

ولكن
فى الشعر ابداعات .. قد تسحب الكاتب الى التعبير بكلمات تغضب الله ... وهنا .. كان لزاما ان أنبه ... وكان البعض يسئ التفسير لتدخلى على انه علشان انا مشرف القسم
ونتصالح .. ونتصارح .... ونعود لنبدع معا
الى ان بدأت خلافات الرؤى السياية
واختلفنا كيف نعبر عن رؤانا الوطنية والسياسية ... ولكن ... ومع تكرار الاختلاف .. كنت احاول ان اقول .. ياريت اللى يزعل ما يمشيش بعيد .. وكنت صاحب نداء ان ياريت اللى عايز يخرج من عندنا مايقفلش الباب .. وخللى الباب موارب لعلنا يوما نتصارح او نتصالح او نتسامح

واليوم .. اتمنى ان يعود المبدعين الى سابق عهدهم من نشاط وحيوية
لكن بمنتهى الصراحة ... اذا استمر اشرافى على القسم .. فسأستمر فى نفس طريقى .. انه مهما كان الشعر او الشاعر فلا مجال ان يكون المجاز هنا فى اوضاف تدخلنا والعياذ بالله فى غضب الله

[fagrmasr01]

ملاحظة هامشية .. ياريت اللى بيقاطع موضوع لمجرد ان فلان صاحبه .. ياريت يصحصح ويعرف ان المنتدى بالتواصل مش بعدد المشاركات ولا عدد الردود

بجد شئ مزعج جدا انك تقاطع موضوع فلان .. لانك ببساطة بتجبر فلان انه مهما كان طيب .. بعد فترة هايقاطعك.. وتتفكك أواصر المحبة فى المنتدى بسبب عناد مالوش اى معنى

وخصوصا ان كل واحد فينا بيقول عن نفسه طيب ومخلص وحنون

[خلود]

الله عليك ياجمال

والله كلامك كله مظبوط وحقيقى انت لك خبره فى نواحى كتيره ياريت نستفيد منها

وبجد انت منور المنتدى والمايك ملعلع بصوتك

استمر واحنا وياك ومتابعين ومعلشى دخلت ورديت بس عجبنى الكلام بقى وقلت اقول الله عليك ياحاج

[fagrmasr01]

صباح الخير
عليكوا جميعا

صباح الخير على اللى مقاطعين مواضيعى .... وعلى اللى بيردوا طبعا صباحين وتلاتة اكيد

صباح الخير على اللى بيعملوا مشاكل فى الردود المطولة عشان يثبتوا وجودهم ... وعلى الطيبين اصحاب العقل والمنطق صباحين وتسعة اكيد

صباح الخير على اللى بيحط موضوع طوووويل وفيه اربعة واربعين رابط وبيتوهنا معاه .. وهو ياعينى عليه ناقل الموضوع كله ويادوب عارف منه قشرة ...... وتسعة وتسعين صباح طبعا على اللى بيحطوا مواضيع هادفة فيها نقاش ورأى وعقل ومنطق

صباح جميل شريف نظيف عليكم جميعا .. حتى اللى باختلف وياهم وبيتخانقوا ويايا ... وصباح لذيذ ورايق طبعا على اللى افكارهم بتعجبنى وافكارى بتعجبهم


وزى الفضائيات ...... فاصل .. ونواصل

[fagrmasr01]

فى الفاصل اكتب لكم تحية سجع ....
وخدوا بالكم ان السجع .. غير الحاجة الساجعة ... هههه

صباح جميل اوى خالص وجديد
وفى يوم الجمعة عليكوا سعيد
ولسا حقى اقول كماااان وأزيد
بس اوعوا تزعلوا وتمشوا بعيد

[fagrmasr01]

وفى مايك المنتدى الميمون .. اللى احسن من سبيستون ... اقول لكم انا ممنون ... وعائدون عائدون


واقدم تحية لأخويا اللى عايزنا نسب ونلعن المقاومة وبيكتب يستدر العواطف ان صاحبه مات واخوه مات وعمته ماتت وخالته فى الانعاش ... ههههههههههه وكل يوم يغير لنا اسمه ويخش باسم جديد
واقول له .. ياريت تعقل ... وتبطل الحاجات دى .... كلنا هنا ناس طيبين ومحدش فينا ممكن يكره الفلسطينيين .. مهما عمل الاعلام الغربى واللا العملاء المدسوسين فى الاعلام العربى ... فلسطين بتحب مصر .. ومصر شايلة القضية فى عينيها وقلبها ...
ايوا فيه تقصير ع المستوى الرسمى ولكن .. الشعب هو الشعب .. وعلى رأى الشاعر ..
لابد للشعب فى يوم يقوم
مش هايعيش العمر ف نوم
طبعا الشاعر هنا .. هو العبد الفقير الى الله ..... واخد بالك انت .. انا كلامى باحاول اخليه ... بالأصوووووول

وبرغم ان بيننا مؤهلات عليا ومتوسطة وبدون مؤهلات ... لكن اقسم بالله ان فيه هنا مستوى وعى عالى جدا ...
ويكفى للتدليل .. موضوعات زى مناقشات ليون اللى هى حقيقى مستوى عالى من الفهم والادراك لأبعاد كل قضية بتطرحها هنا

وموضوعات خلود حتى لو فيها تهريج .. انما دايما فيها قضية بتطرحها وفيها مناقشات جديدة ومنفتحة وبعقل وبوعى رائعين

واختيارات أميرة لموضوعاتها بقوة عجيبة تجبر اى انسان انه يفكر بعمق ويعيش الحالة اللى بتطرحها أميرة وكأنها تفتح لنا باب ملكى لعبور افاق التفكير الانسانى والنفسى

وطبعا وردة الايمان .. الغايبة .. خشوا شوفوا اشعارها .. وعمنا فريد الراجل اللى بيكتب باحساسه كلمات ولا اروع منها .. وعفيفى ومصطفى .. ومديرنا الجميل محمود التهامى المثقف الشاعر الجميل .. وابو زيد بحكمته وكأنه فى مشيخة برغم انه شاب زى العسل
ودى دى الاكثر من رائعة الفنانة الموهوبة والمثقفة بثقافات تتعدى مراحلها السنية .. وروز العملاقة النشيطة .. وام الاء التى تعتبر موسوعة حقيقية ... ودعاء الكروان التى تنتقل من قمة الى قمة برشاقة وتمكن وفنياتها الرائعة فى الاختيار والطرح وحتى الرد
والباشا الجميل برغم غياباته الكثير .. وقمر المنتدى قمر الرائعة .. وشذا وكتكوتة وكتكوت وابوتريكا الكنج ونور المشرفة النشيطة جدا .. واحمد لف وحبيبى الغالى حودا مهندس العربيات الجميل البيييييسسسسس

سلاااام كبير اوووى لكل اللى قلتهم
ولكل اللى مش قلتهم كمان

[fagrmasr01]

وبعد ما وجهت كلامى بالأصول ....... يا أحلى أعضاء فى أجمل منتدى ... يتبقى لى كلمة عتاب .. والعتاب للرجل النابغة .. م. صبرى النجار.. الموسوعة
ولا ينكر احد علو قامته وارتفاع هامته .. ولكن لى عتابين لا أجد منهما بداً

أولهما ... الموضوعات المطولة جدا والموجود فيها لينكات متعددة تضيع التركيز وتبعد القارئ .. وخصوصا انها تحتاج الى وقت طويل جدا لكى ندرك أبعاد الموضوع .. فلا يجوز لنا ان نقرأ جزأ منها ونكتفى .. والا فسوف لن نرد ...
والثانى .. ارجو عدم النقل وخصوصا منكما .. ودعونا نتصارح... لماذا لا تكتوبن الموضوعات من خلاصة أفكاركم وبطريقتكم انتم لكى يمكنها ان تصل الى مفاهيمنا وحدود ادراكنا .. اقصد طبعا كأغلبية ..
فمن السهل على مثلى وانا من فضل الله متخصص فى تنمية الموارد البشرية وأهوى القراءة وهى جزء من صميم علمى .. وبرغم هذا يصيبنى الملل .. من هذه المقالات ذات التشعب المسترسل بلا حدود ..
ارجو قبول وجهة نظرى بهدوء لأننى لست بناقد لأى من الموجودين
انما هى فضفضة ... بس النصيب بئا ان الفضفضة طلعت على المايك .. والمايك مفتوح ... زى فيلم محمود عبد العزيز ..... فاكرينه ؟

ارجو ان محدش يزززعل منى لانى مش قاصد اخللى حد يزعل

[fagrmasr01]

وقبل ما نقوم نصلى الجمعة باذن الله
اخر فضفضة

الى المشرفين ... هل معقول مشرف يغيب عن قسمه بالاسابيع ..... ؟ تساؤل اعتقد انه محتاج للرد .... وكمان ياريت المشرفين يدخلوا يشوفوا اقسامهم ويشجعوا كمان باقى الاقسام ... ياريت ..

والى الاعضاء الغاليين ... هل عشاق الشعر والقصة اقل من 10 اعضاء فى منتدى يزيد على عشرة الاف عضو .. ياريت تدخلوا تشجعوا المبدعين .. لان الناس اللى بتكتب .. لما بتلاقى عدم اقبال .. بتبعد وتزهق .. مش شرط تشجعوا بالموافقة والاعجاب.. انما ع الاقل ادخل وقول رأيك

والى المبدعين.. اتمنى عودتكم لابداعاتكم وزيادة المطروح من الابداعات .. والتفاعل مع النقد البناء من غير حساسيات

والى الادارة الحبيبة .... شكررررا للفرصة الجميلة وانكم بجد .. ادارة عاقلة وجميلة ونزيهة

[fagrmasr01]

(( انتهيت .. الان المجال لكم ايها الاعضاء ))

[lionking]

هههههههههههههههههههههه

والله يا جمال بجد مش قادرة امنع الضحك ومش عارفة اركز فعلاااااااااااااا ...........

انت كتبت حاجات كتير وانا اكيد هناقشك بس بعد الفاصل
:storm_6014232031094 :storm_6014232031094 :storm_6014232031094 :storm_6014232031094

[fagrmasr01]

وانا متشكر اولا لمرورك .. وهاكون متشكر اكتر لمناقشاتك التى تزيد الموضوعات قيمة حقيقة
وفى انتظار انك توفى بوعدك .. ونتناقش .. واتشرف طبعا يا ليون بمناقشاتك

[ahmed love]

تسلم ايدك يا خلود

[محمود عبد الله]

الموضوع ده شديد يا جماعة
و فكرته مبتكره
تسلم ايدك يا خلود

[وردة الايمان]

موضوع جميل جدا يا خلود ...

وهيقرب الأعضاء من بعض اكتر ....

تسلم ايدك ...

افكارك جميله فعلا ....

[خلود]

اشكركم جميعا على اجمل ردود ياجماعه واتمنى فعلا يزيد التواصل فيما بيننا كأخوه فى الله ولكن احب ان اوجه شكرى الى اخونا وشاعرنا جمال فجر مصر على وجوده معنا على مدار اليومين فى هذا الموضوع الذى اتمنى ان يتيح لنا الفرصه للتواصل والتعرف اكثر على اعضانا من خلال ما يطرحونه لنا من افكارهم وارائهم فى مختلف المواضيع والذى عبر عنه جمال بمنتهى القدره والتمكن فعلا

احييك على وجودك معنا جمال وارجو من اعضاءنا الافاضل كما ينص الموضوع على التحاور مع الضيف فيما صرح به وتحدث معنا فيه فى خلال فتره وجود المايك معه

فى انتظار اعضاءنا لمناقشته والخلاف معه اذا وجد ومحاورته فى اراءه

وبعدها نختار ضيف جديد يمسك المايك مره اخرى ويتواصل معنا

[fagrmasr01]

واضح ان جميع الاعضاء لم يقرأوا اى مما كتبت
او يمكن كلهم معترضين .. اما على الشخص او على الكلام
شكرا لكل من مر ولم يهتم
وشكرا على مجاملتك يا خلود

[محمود التهامي]

لا والله يا عم جمال مفيش اعتراض ولا حاجه
انا عجبني الكلام قوي بس مالاقيتش حاجه اقولها غير اللي انت قولته
ربنا يباركلنا فيك

[الفارس]

بصراحه بكل صراحه

هو كان فيه احلى من دا كلام

تسلم على كل الى قولته

تحياتى ,,,

[فريد]

ازيك ياعم جمال
انا مش هاعترض و لا هاناقش
و لا هاقول كلام جميل او حتى مش ظريف
ده وجهة نظرك ويجب ان نحترم وجهة نظر الاخرين
و ان كانت مخالفة لوجهة نظرنا
و لا احنا يعنى لزم نعترض و نشجب
احنا فى الموضوع ده بنشوف
وجهة نظر كل واحد حسب رؤيته هو ليه
تشكر ياعم جمال

[lionking]

الى المشرفين ... هل معقول مشرف يغيب عن قسمه بالاسابيع ..... ؟ تساؤل اعتقد انه محتاج للرد .... وكمان ياريت المشرفين يدخلوا يشوفوا اقسامهم ويشجعوا كمان باقى الاقسام ... ياريت ..

والى الاعضاء الغاليين ... هل عشاق الشعر والقصة اقل من 10 اعضاء فى منتدى يزيد على عشرة الاف عضو .. ياريت تدخلوا تشجعوا المبدعين .. لان الناس اللى بتكتب .. لما بتلاقى عدم اقبال .. بتبعد وتزهق .. مش شرط تشجعوا بالموافقة والاعجاب.. انما ع الاقل ادخل وقول رأيك

والى المبدعين.. اتمنى عودتكم لابداعاتكم وزيادة المطروح من الابداعات .. والتفاعل مع النقد البناء من غير حساسيات





انا جيت اهو يا جمال

وهنبدا من الاخر للاول وطبعا هاخد اقتباس لكى اتسم بالموضوعية هههههههههههههههههه

ونتكلم بالاصول

انا طبعا مش موافقة على غياب المشرف عن قسمه لان ده بيعطل القسم ومش بيخلى فى تفاعل بين الاعضاء

بس هل ممكن تقول مين المشرفين الغايبين يمكن يقرأوا ويفكروا ويرجعوا

نسيت اقول ان محمود عبد الله من المشرفين اللى بيعملوا دعاية للباب بتاعهم
:storm_6014232031094:storm_6014232031094:storm_601 4232031094:storm_6014232031094

تانى حاجة بالنسبة لعشاق الشعر

طبعا مش كتير ومش كل الناس بتقدر تستيغ الشعر او تحس بيه

مش عارفة هل ممكن اقول ان الناس ممكن تكون بتجامل صاحب الابداع حتى لو هو مش بيحس بالشعر بس هو حاسس انه لازم يرد ويعمل اى منظر فى المنتدى

.....................

هتغدى وارجع تانى

ان شاء الله

[fagrmasr01]

أحبابى .....
خلود - محمود التهامى - الفارس - فريد - ليون
اشكركم على تشجيعكم ...
والمشرفين الغايبين الادارة عارفاهم طبعا .. وفى مثل هذه الحالة .. أعتقد ان الادارة اولى بتوجيههم .. انا هنا طرحت الفكرة من وجهة نظرى ولإدارة المنتدى ان تتصرف ... وانا على ثقة من حكمة الادارة الجميلة بتاعتنا .. والله الموفق

[fagrmasr01]

وكما جاء فى تعليمات الموضوع فإن على العضو بعد إن ينتهي من المايك أن يسلمه لصاحبه الموضوع وهختار انا العضو اللى بعده

متشكر جدا على اتاحة الفرصة لىَّ بالمايك الجميل دا
وأحيى الموضوع وصاحبته بتحية تقدير
واتفضلى استلمى المايك يا خلود
.. واختارى العضو التالى ..

[خلود]

اشكرك ياجمال واحييك من كل قلبى واتمنى لك الصحه والتوفيق يارب

وفعلا كانوا يومين حلوين جدا استمتعنا فيهم بأرائك الجميله ومناقشتك الموضوعيه

والان اسمحوا لى
اخواني الاعزاء ... اخواتي العزيزات .....




http://www.samysoft.net/forumim/fwasel/1/lov111.gif
..


وهانحن من جديد على بساط من الاخوة الصادقة نلتقي ....



في إطلاله جديده مع موضوعنا هذا مايك المنتدى





http://www.samysoft.net/forumim/worood/1/big/ghfghfgh.gif




ضيفنا ضيف غير اعتيادي



كلنا نريد




ان نغوص معه في عالمه ونبحر في سمائه



لـ نتعرف على تلك الشخصيه التي سحرتنا بـ أخلاقها



وحسن تعاملها وتميزها وبـ عصاميتها




http://www.samysoft.net/forumim/fwasel/3/efbf9455a21.gif




مرحبا بك يا مدير المنتدى

ala7bab

معاك المايك اتفضل ومحدش هيقاطعك الا بعد مرور يومان
بس نتمنى الصراحه في كل ما تقوله لنا
وطبعا هى معروفه عنك جدا
وياريت من غير دبلوماسيه

قول كل اللى نفسك تقوله واللى مش نفسك تقوله
نحن كلنا اذان صاغيه

[محمد المصري]

السلام عليكم ورحمة الله وبركاته

أولا أحب أن اشكر صاحبة الموضوع

أ / خلود
على موضوعها الجميل الذي سيتيح لي الفرصة
أن أتكلم براحتي مع ناس أنا بحبهم

ونفسي محدش فيهم يزعل من كلامي
لأني بجد أحببت هذا المكان ( منتدى مدينة 6 أكتوبر )
علشان جمعنا سوا وعرفنا بشخصيات جميلة ومثقفة نحترمها ونقدرها وأتمنى أن نستفيد سويا من هذا المكان نستفيد بالعلم وتبادل الخبرات والحب والصداقة

ثانيا أحب اشكر أ / جمال ( فجر مصر )

على كلماته الجميلة وعلى عتابه وثقته في الإدارة


ولى عودة لكي امسك المايك

انتظروني

[خلود]

فى البدايه انا اللى بشكرك يااستاذ محمد على قبولك تشريفنا فى هذا الموضوع الذى نتمنى من خلال التواصل معا كما تعودنا من خلال هذه النافذه المفتوحه امامنا من خلال وجودنا جميعا فى منتدانا الجميل الذى اتفقنا من البدايه جميعا على حبنا وانتمائنا له

ومش بس الاستاذ جمال بيثق فى الاداره وبيحبها كلنا هنا بنعتز بوجود مديرين ( محمود ومحمد ) بيتقوا الله فى جميع تصرفاتهم وافعالهم وعمرهم ما اعتبروا انفسهم مديرين ولكنهم اخواتنا واصدقاءنا

ومش هتكلم كتير المايك فى انتظارك يامحمد واكيد محدش هيزعل من اى حاجه هتقولها ابدا لانك مش بتعرف تزعل حد

ونحن كلنا فى انتظارك

[محمد المصري]

السلام عليكم ورحمة الله وبركاته
وحشتوني كلكم
أحب أول كلامي أعركم بنفسي

اسمي : محمد ابوزيد عبد الرسول
عمري 25 سنة
الحالة الاجتماعية : متزوج وأعول
ولدت في محافظة البحيرة مركز إيتاي البارود

العمل :
1- اعمل سكرتير في إحدى الجمعيات الأهلية .
2- تصميم مواقع انترنت وطبعا كلكم عارفين دا ( صاحب الشركة المصرية للأنظمة الرقمية والخدمات المتكاملة ).
آه نسيت أقلكم محمود التهامي شريكي في الشركة دي
ودا موقع الشركة www.ecdscs.com (http://www.ecdscs.com/)

يلا اسيبكم شوية وارجعلكم

[محمد المصري]

السلام عليكم ورحمة الله وبركاته

مقلتلكوش بقى

انا عايش في مدينة 6 أكتوبر من 6 سنين

وباحبها جدا

اتعرفت على ناس كتير وقابللت ناس كتير واتعلمت اكتر

عن الحياة والدنيا شفت كدب ونفاق وشفت ناس طيبة جدا وناس بتحب الخير

دا من خلال عملي



بالنسبة للمنتدى بقى

أنا هاتكلم براحتي ونفسى محدش يزعل من كلامى لانى بحبكم

لانى بجد عايز اقول كلام كتير وخايف تزعلوا منى بس هاحاول ما اجرحش حد

ليا عتاب عندكم كلكم

ليه مبقيناش زى الاول بنرد ونتكلم ونتابع ونتواجد

ليه بنزعل من راي الاخرين مع اننا لو شفنا الموضوع من وجهة نظرهم ممكن نلاقى انهم صح

ليه كل واحد فينا شايف نفسه هو بس اللى صح

والناس كلها غلط

ليه ليه ليه ........

مع ان الارتقاء والتقدم بيكون بالحوار المتبادل والنقاش

وللحديث بقيه

[اميرة حبى انا]

ياعينى على الكلام الكبير
الكبير كبير يا ريس والله
معلش اسفة على المقاطعة
بس كان لازم احييك على كلام الجميل ده

[محمد المصري]

رجعت لكم من جديد
باعتب على احبائى الغاليين الاعضاء المميزين الذين كنا نتابع موضوعاتهم باستمرار وبشغف
وعلى سبيل المثال لا الحصر
وردة الايمان - محمد خليفة – ليون كينج – روز – الفارس – رحاب محسن – ابراهيم البشبيشى – ام الاء – dmr - haneen - الصالحى - ام العيال - الطاوس الحزين - AFIFI MOSTAFA - nasr - nogafoda - ام انس - ...... الخ
لذلك من خلال مايك المنتدى ارسل لهم هذة الكلمات
نحبكم في الله
ونتمنى ان يكون المانع خيرا
ونتمنى وجودكم بيننا ونستمتع بقراءة كلماتكم على سطور المنتدى

اخد استراحة وارجعلكم

[محمد المصري]

السلام عليكم ورحمة الله وبركاته

رجعت وبطالب كل شخص في المنتدى أن يسامحني إن كنت أخطأت في حقه أو تناقشت معه بطريقة ضايقته
وأقول لكم سامحوني
لعل هذا قد يكون خيرا لي في الآخرة
وأتمنى أن تتذكروني بالخير وتدعوا لي ولوالدي بالمغفرة

[خلود]

طيب ممكن اقول حاجه كده فى السريع

بدايه قويه جدا فى الحديث يامديرنا الهمام

عشم وعتاب ولوم جميل فى اخواتك واصدقاءك واكيد فى محله

اتمنى تكمل بمنتهى الصراحه اللى ابتديت بيها كلامك ونتناقش بعد مرور اليومان

وياريتهم كانوا اسبوعين

[محمد المصري]

السلام عليكم ورحمة الله وبركاته

أحب اشكر الناس اللي شاركت معانا في المنتدى منذ انشاءة

اميرة وخلود وفجر مصر ومحمد خليفة وليون والطاووس الحزين وابراهيم البشبيشى ورحاب محسن ومحمود عبد الله ونور وكل اعضاءنا وأحب اشكر ايضا كل من ساهم ولو بموضوع مفيد

واقدم لكم باقة ورد معطرة باجمل العطور على مجهودهم الرائع ومواضيعهم المفيدة والهادفة ونتمنى ذلك دائما


كان فيه سؤال في الموضوع عن رأيي في المنتدى
طبع صعب أجاوب على السؤال دا لان المثل بيقول ( القرد في عين امة غزال )
بس أنا هاقلكم رائي في حاجة
أنا شايف إن فيه فجوة بين الأعضاء إلا وهى اختلاف الآراء وعدم قبول الرأي الأخر
حيث انه من أهم الموضوعات التي تهدم و تعيق التواصل بيننا
وأتمنى أن نعيد النظر في هذا الموضوع


مش هاتكلم بقى عن الإدارة أو المشرفين لان انا واحد منهم
وهاسيب الكلام دا لاعضاءنا الكرام


اسيبكم ولى عودة

[خلود]

اكيد استمتعنا بوجودك ويانا يامديرنا وقائدنا الاعلى ولسه اكيد فى كلام كتير عايزين نسمعه منك لذلك بنستسمح حضرتك والاعضاء فى مد فتره وجود المايك وياك يومين كمان

لكى نستزيد من كلامك الجميل وتكلمنا اكتر عن كل ما يجول بخاطر مدير منتدانا

[محمد المصري]

السلام عليكم ورحمة الله وبركاته

شكرا ياخلود على مد المدة

واتمنى ان اكون ضيف خفيف



رجعت ومش عايز اطول عليكم

أتمنى من كل عضو لدية معلومة مفيدة لا يبخل علينا بها

قال رسول الله صلى الله عليه وسلم : " إذا مات الإنسان انقطع عنه عمله إلا من ثلاثة : إلا من صدقة جارية ، أو علم ينتفع به ، أو ولد صالح يدعو له " رواه أبي هريرة

لذلك لا تبخل على نفسك بهذه الصدقة
التي تنفعك في أخرتك وبعد مماتك وحاول أن تفيد الآخرين ولو بكلمة طيبة

[خلود]

اكيد كل اعضاءنا مواضيعهم ومشاركاتهم مفيده وبتحمل معلومه مهمه جدا

اشكرك استاذ محمد وياريت تدخل تختم لنا هذا الموضوع الذى جمعنا واياك والذى استمتعنا جميعا به

[محمد المصري]

انا باعتذر عن عدم الاستكمال بانتظام

وذلك لظروفي الخاصة

اخيرا استودعكم الله واتمنى لكم جميعا التوفيق


ولكم منى دعوة بظهر الغيب

اللهم اغفر لكم ذنوبكم

اللهم ادخلكم الجنه

اللهم ستجب دعائكم


استودعكم الله

واخيرا اترك المايك لصاحبة الموضوع