هكمل الكلام

[اميرة حبى انا]

السلام عليكم ورحمة الله وبركاته
قلت فى كلامى قبل كده ان لسه فى كتير كلام
عايزة اقرب اكتر واعرف اكتر
من ايه صح اكيد بتسألو
من الحاجات اللى معرفش عنها حاجة
عايزة اعرف قصص الانبياء كلهم
وقصص اللى فى القرآن كلها
كنت ببحث وسألت وبحثت تانى على النت عن كتاب يحكى القصص كقصص
لقيت فى كتاب لاحمد بهجت بيقولو عليه جميل وسهل جدا
ممكن اذا حد يعرف كتاب بالمواصفات دى يقولى عليه
طب عارفين عايزة اعرف ايه كمان
مثلاااااااااا
استاذ فريد كاتب فى موضوعه ان اول من تمنى الموت هو سيدنا يوسف عليه السلام
طب تمنى الموت امتى وليه
عايزة اعرف
عايزة اعرف عشان احس زى ماحسيت لما شفت القصة
متهيألى انى مكنتش بحس قبلها
عايزة اعرف عشان احس انى عرفت انى فهمت انى عايشة وبقرب
مش بصلى وبصوم وخلاص
ده جانب
فى جانب تانى
حياتنا العادية بقى
عايزة جدول مذاكرة لابنى اللى فى اولى ثانوى عشان افهم هو بيعمل ايه بالظبط
انا بتكلم جد اذا حد يعرف وعنده خبرة فى حاجة زى كده انا هكتب مواعيد الدروس وعلى اساسها يتعمل الجدول اذا اتعمل اصلا
مثلا بيرجع من المدرسة 2 او 2 ونص
فى يوم السبت درس رياضة الساعة 6
الاحد درس كيمياء بعد المدرسة و درس انجليزى الساعة 6
الاتنين درس عربى الساعة 6
الثلاثاء درس المانى الساعة 4
الاربعاء والخميس والجمعة الحمدلله مافيش
اللى يعرف يقولى جدول المذاكرة يبقى ايه مع العلم ان لسه فى مادتين مش بياخد فيهم درس هما التاريخ والاحياء
اللى يعرف له الاجر والثواب عند الله
وهنيئا للك يا فاعل الخير والثواب
لسه جوايا حاجات كتير
ولسه حاجات كتير عايزة اعرفها
عايزة اعرف بالقراءة وانا على السرير
محدش يقولى نزليه من على النت
اللى عنده اسم كتاب مفيد وشيق وهيخلينى اعيش جوه كل حرف فيه
ياريت يكتبلى اسمه
وبالمرة منين وسعره كمان
ووالله لو جابو هدية يبقى احسن
ههههههههههههههههههه
للحديث بقية
لان جوايا كتيييييييييير اوى
ارجو انكو متزهقوش منى
واتمنى الاقى اجابة عندكم

[محمود التهامي]

طيب هو لازم كتب دينية يعني وللا أي كتاب ؟؟؟

مينفعش يعني شعر أو أدب ؟؟؟؟؟؟

[اميرة حبى انا]

اولا انا مبحبش الشعر
ولا الادب
هههههههههههههههههههه
لا لا
ارجوك اوعى تفهمنى صح
يا عم الحاج بقولك متأثرة بقصة سيدنا يوسف
تقولى شعر وادب
اعمل بيهم ايه دول

[خلود]

واحده داخله على لبس نقاب قريب تقولها شعر وادب

يادى الخيبه

ربنا معاكى يااميره بقى

اما بالنسبه لجدول المذاكره لو سمحتى عايزه نسخه منه للاولاد يمكن يمكن

[اميرة حبى انا]

لما حد يعملهولى ويعبرنى
ابقى خدى 10 نسخ يا حاجة

[اميرة حبى انا]

فين الجدول
هو محدش فيكو كان بيذاكر ولا ايه

[محمود التهامي]

هو انتو بتصدقو الكلام بتاع العيال الدحيحة اللي بتنجيب 99.9 % دي
اللي بيقولو جدول مذاكرة وخمستناشر ساعه مذاكرة
دي اشتغالات يا جماعه
هو ساعتين حلوين قوي
ويتذاكر فيهم اربع خمس مواد كمان
اوعو حد يذاكر مادة واحده يوم كامل
ذاكرو صفحتين من عشرين مادة حتى احسن من عشرين صفحة من مادة واحده
بيكون كدا اسهل للمخ والذاكرة

[lionking]

ههههههههههههههههههههههه

جدول ايه يا اميرة فى الزحمة دى كلها

ده كتر خيره والله انه بيروح الدروس وبينجح

احمدى ربنا........

وبعدين اشمعنا التاريخ والاحياء يا حاجة

اتكلى على الله خلى الاسبوع يكون كومبليت

ده العيال دى غلابة والله

[اميرة حبى انا]

افادكم الله
ماهو اللى ايده فى المية

[فتوح العربي]

الاستاذة الفاضلة الكريمة
الأستاذة الفاضلة
أميرة حبي أنا
أولا :وقبيل كل شيء أقدم اعتذاري للتأخير في الرد!
وذلك للتركيز في المواضيع للمشاركة بالمنتدى فالرجاء قبول اعتذاري….
ثانيا:
القصة في القرآن الكريم دائما ماتهدف إلى مقاصد دينية و إيمانية ، لكي يتلاءم أسلوب عرض القصة مع الوفاء بحق الغرض الذي سيقت لأجله ، ومن أبرز سمات منهج القصص في القرآن ما يلي :
إن القصة لا ترد في القرآن بتمامها دفعة واحدة سوي قصة واحدة...
بل يقتصر على الجزء الذي يناسب الغرض الذي تساق القصة لأجله …
وجود التوجيهات و العظات و الإعلان بها في ثنايا القصة و في ختامها …
فنجد مثلا في قصة موسى مع فرعون في سورة غافر وردت في جو كأنه جو صراع بين الحق والباطل…
كما تكررت قصة موسى مع فرعون تارة ومع قومه تارة، ومع نبي الله شعيب في مدين …. وفي كل موضع عبرة و عظة و حكمة و دروس .
كذلك في قصة لقمان مثلا :
( و إذ قال لقمان لابنه و هو يعظه يا بني لا تشرك بالله إن الشرك لظلم عظيم ) يأتي البيان القرآني بتعقيب على هذه الموعظة بقوله (ووصينا الإنسان بوالديه )
وبذلك تحقق القصة غرضين كبيرين :
الأول : التأكيد على وصية لقمان ( لا تشرك بالله )
الثاني : تأكيد حق الوالدين (ووصينا الإنسان بوالديه )
وكذلك..
نجد في أسلوب القرآن الكريم المعجز تجاوب أسلوب القصص الفني في القرآن مع فن القصة المعاصر ، ونجد ذلك جليا في قصة سيدنا يوسف….

لذلك أستاذتي الفاضلة
يجب علي الإنسان أمور يجب إتباعها عند قراءتها من القران…
وبالنسبة لرواة قصص القران فمعظمها إسرائيليات وخاصة قصة موسي وسليمان عليهما السلام فموسي المؤسس الأول لهم ومحررهم وسليمان مؤسس دولتهم !!!!
والنصيحة هي مجموعة تفسير القران للشيخ سيد قطب (في ظلال القران) دار الشروق القاهرة
والفائدة للمجموعة مزدوجة مابين قصص الأنبياء وبين تفسير القران لهذه القصص!!
أما من الناحية البلاغية فالأسلوب كم هو شيق يجعلك تعيشين في جو خيالي كمشاهدة وليست قراءة مع البساطة…
الأستاذة الفاضلة
ابتداء من الموضوع القادم إنشاء الله سوف أتناول قصة هيكل سليمان ستجدين فيها بمشيئة الله ودعم من المولي ما يشرح الفؤاد من المفاجأة…
اما الموضوع الثاني فليس لدي جواب عنه !!!

[اميرة حبى انا]

استاذ فتوح اشكرك على ردك الجميل الوافى
واشكرك على النصيحة
كما اشكرك على البدء فى مشاركتنا موضوعاتنا
وانتظر قصة هيكل سليمان فى اقرب وقت