إزاى تحولى الحلة العادية الى حلة ضغط فى خمس دقايق بس؟؟!(البيت بيتك)!! ...

[RSS]

إزاى تحولى الحلة العادية الى حلة ضغط فى خمس دقايق بس؟؟!!!



أولاً الحلة الضغط : فكرتها ببساطة انها بتمنع خروج البخار اثناء تسوية الاكل وده بيساعد على سرعة التسوية ...

http://www.vb.6ocity.net/images/imgcache/2011/11/10147.jpg

احنا هنحاول نعمل نفس الفكرة ...

هتجيبى الحلة العادية وغالبا لما تيجى تسلقى لحمة لانها من الاكلات اللى بتاخد وقت فى السوى ....
هتظبطى المية بصل وتوابل وغيره ولما تغلى تحطى اللحمة وغلوتين ونبدأ تنفيذ الخطة..


اطفى النار "الاحتياط واجب" ..

هاتى ورق فويل يعنى ورق المونيوم يعنى ورق قصدير ....بكل اللهجات اهوه http://www.vb.6ocity.net/images/imgcache/2011/11/3632.gif
غطى بيه الحلة كويس واقفلى من كل جوانبها عشان مفيش اى بخار يتسرب منها نهاااائى وحطى فوق الفويل غطا الحلة "وطبعا بتكونى ماسكاه بفوطة مطبخ عشان ما تتلسعيش ..

وهدى النار حاولى ما تفتحيش عليها خلاص لحد ما تستوى ....او تتحرق لو المية مش كفايه ...

خدى بالك من حاجتين ...


1- متخليش اى فويل نازل لتحت وملامس للنار لانه هيتحرق "اتنيه لفوق " قبل ما تولعى النار تانى


2- اعملى بطرف السكينه خرم صغير خالص فى الفويل عشان البخار الزيادة يطلع منه وما يضطرش يفتح الجوانب ويطلع منها
وبس خلالالاص.... كده اللحمة هتستوى فى نص الوقت المعتاد ..


ممكن كمان تسألوا السؤال دة ..

طب انا مش اما احط غطا الحلة ..الفويل هيتقطع؟؟؟
الاجابة انك تستخدمى حلة غطاها مسطح مش زى غطا التيفال اللى بيدخل لجوه الحلة
لو مش كده مش مهم ....ممكن نحط الغطا عشان يتقل على الفويل فيفضل سخن ويسوى اسرع ....يعنى ممكن تحطى فوقها طبق كبير او صنية ...او متحطيش خالص






منقول