من يجرؤ .....

[خلود]

بسم الله الرحمن الرحيم


*أنت مكلف بحذف حرفين من حروف اللغة العربية .. أيهما ستختار ولماذا ؟

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

*بجملة واحدة فقط أكتب تعريفاً لكل كلمة من الكلمات التالية:

الوطن :

الأم :

الليل :

الحب :

الصمت :

أمريكا :

المرأة :

الإنترنت :

البوابة :

الماسنجر :



*كيف تتخيل العالم دون هذه الأشياء ( الشاي، الكمبيوتر ،، أمريكا ، يوم الجمعة) ؟!!

*اختر منصباً واتخذ قرارا ! ؟

*عاد المتنبي وقصدك لتبحث له عن عمل ، ماذا ستقترح عليه ؟



*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟

*أختر خمسة أعضاء من المنتدى وامنحهم ألقاباً ؟

*وجه رسالة لشخص لا يعرفه إلا أنت ؟

*ما هو لون النسيان؟


اتمنى من الجميع الأجابه

[محمود التهامي]

بصي بقا
الموضوع ده غايظني وعايز اتفرغله
بس للأسف مش عارف ومش قادر من امبارح
بس عموما اديني برفعه عشان اشوفه بكره تاني
وبرضه لو مقدرتش هدخل ارفعه تاني
بس لو مت بقا معلش يبقا مليش نصيب

[خلود]

وانا مستنياك لغايه السنه اللى جايه ترد عليه

وياسيدى ربنا يديك الصحه وطول العمر وترد على كل الحاجات

وعلى فكره لو مش رديت بكره متنساش ترفعه لبعد بكره

[saadrabea]

من يجرؤ ..... (http://www.vb.6ocity.net/showthread.php?t=10425)


بسم الله الرحمن الرحيم


*أنت مكلف بحذف حرفين من حروف اللغة العربية .. أيهما ستختار ولماذا ؟
الحرفين هم
أ / تاء مربوطه
هم معاه يمثلون أه واحث بها في ألام الشعب المصري كله
وتاء المربوطه تستخدم للاشارة لى المؤنث - وعند حذفها - سوف تتساوى المرأه مع الرجل حتى في الحروف بس


*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة - في مقر الحكومه التي جعلت الشعب إنشغل بقوت يومه فقط - الورده للسيد الرئيس / مبارك - لتحملة هذة الحكومه
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
نعم - الكتابه في معظم الاحيان تعمل كأحلام يقظه
*بجملة واحدة فقط أكتب تعريفاً لكل كلمة من الكلمات التالية:

الوطن :مصر

الأم :مدرسة

الليل :سكون

الحب :حياه

الصمت :حكمه

أمريكا :شيطان

المرأة :سكون - ومش عارف ليه عايزه تتساوى بالرجل

الإنترنت :وسيله

البوابة :بداية

الماسنجر :بريد



*كيف تتخيل العالم دون هذه الأشياء ( الشاي، الكمبيوتر ،، أمريكا ، يوم الجمعة) ؟!!
الشاي - عادي
الكمبيوتر - جهل
أمريكا - ياريت
يوم الجمعة - لا نستطيع بدونه
*اختر منصباً واتخذ قرارا ! ؟
وزير التربيه والتعليم - عودة التعليم كما كان منذ 30 عاما
*عاد المتنبي وقصدك لتبحث له عن عمل ، ماذا ستقترح عليه ؟
وزير للثقافه



*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟
وزراء التعليم - كما فعلو بالشعب المصري كله .
*أختر خمسة أعضاء من المنتدى (http://vb.6ocity.net/) وامنحهم ألقاباً ؟
محمود عبدالله - روح المنتدى
جمال - عفيفي - الاحساس
أميرة - أميره
خلوود - فكر جميل
دعاء الكروان - ملكة
روز - ورده


*وجه رسالة لشخص لا يعرفه إلا أنت ؟
لا الله إلا الله
*ما هو لون النسيان؟
بدووون

[lionking]

*أنت مكلف بحذف حرفين من حروف اللغة العربية .. أيهما ستختار ولماذا ؟
هههههههه

هختار حرف الـــ ض
وحرف الــــ و

مش بحبهم وخلاص
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

خخخخخخ :1 (11): :1 (11): :1 (11):القنبلة طبعا فى منظومة الفساد الجامدة اللى عندنا

الوردة:: على روح شهداء الاقصى

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

الكتابة فن التحليق والسيطرة

*بجملة واحدة فقط أكتب تعريفاً لكل كلمة من الكلمات التالية:

الوطن : يعنى ايــــه وطن؟؟

الأم : نبع الحنان ومصدر الالهام

الليل : ساعات الصفا والهدوء

الحب : اجمل احساس فى الكون

الصمت : احيانا يكون ابلغ من الكلام

أمريكا : قالوا لفرعون ايه فرعنك ؟؟ قال ما لقيتش حد يلمنى ( واخدين بالكم )

المرأة : اكتر من نصف المجتمع بكتيييييييييير

الإنترنت : لا يمكن الاستغناء عنه

البوابة : شىء لابد منه

الماسنجر : مليش موقف ضده ( عادى)

*كيف تتخيل العالم دون هذه الأشياء ( الشاي، الكمبيوتر ،، أمريكا ، يوم الجمعة) ؟!!
منغير الشاى :: عادى انما لو النسكافيه تبقى كارثة

الكمبيوتر:: تخلف بزيادة واحنا مش ناقصين

امريكا:: عادى احنا اللى عملنا الوحش ومش عارفين نتصرف معاه

يوم الجمعة:: مفيش خروووووووووووج
*اختر منصباً واتخذ قرارا ! ؟
هههههههههههه معلش انا طماعة

هختار رئيس الجمهورية

وقرارى:: اقالة الحكومة الحالية وتعديل الدستوووووور
*عاد المتنبي وقصدك لتبحث له عن عمل ، ماذا ستقترح عليه ؟

لالالالالالالا هنصحه يرجع مكانه وزمانه


*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟

هاخد الناس الغدارين اللى مش بيقدروا معنى الصداقة واكيد هضيعهم:storm_6014232031094:storm_6014232031094:sto rm_6014232031094

*أختر خمسة أعضاء من المنتدى (http://vb.6ocity.net/) وامنحهم ألقاباً ؟
الاحباب:: العقل

محمود التهامى:: الدينامو

جمال:: الشاعر

اميرة:: الملكة

خلود:: الشقية
*وجه رسالة لشخص لا يعرفه إلا أنت ؟
حســــــبى الله ونعــم الوكيـــــــــل

*ما هو لون النسيان؟
ابيض

[خلود]

محمود رغم انك لسه مش رديت

سعد باجاباتك الواضحه الصريحه

ليون يامتمرده دائما

http://m002.maktoob.com/alfrasha/ups/u/25467/30212/381502.gif

اشكركم جدا وفى انتظار مشاركه اجرأ اعضاء فى اجمل منتدى

http://m002.maktoob.com/alfrasha/ups/u/27517/32084/400103.gif

[fagrmasr01]

*أنت مكلف بحذف حرفين من حروف اللغة العربية .. أيهما ستختار ولماذا ؟
أ و هـ .. لانهم فى اجتماعهم بيشكلوا الاهات
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
القنبلة ... فى الحكوووومة
والوردة ... لحبيبتى مصر .. فوق النصب التذكارى للشهيد (الجندى المجهول)
*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

الكتابة هى نتاج العقل والوجدان .. والتنفس والتحليق فى أرحب الآفاق

*بجملة واحدة فقط أكتب تعريفاً لكل كلمة من الكلمات التالية:
الوطن : حبيبتى اللى عايزين يبعدونى عنها ومش هاسيبها ولا هابعد عنها أبداً
الأم : الحنان بلا حدود.. رحمة الله عليكى يا أمى
الليل : صديق العاشقين والشعراء والحالمين
الحب : المعنى الحقيقى للحياة
الصمت : تعبير الحكماء والعاشق المحروم
أمريكا : قمة تكنولوجيا وقمة غباء وقمة عجرفة
المرأة : أجمل الأحاسيس
الإنترنت : التواصل والمعرفة لو احسننا استعماله
البوابة : المدخل الطبيعى لكل شئ طبيعى
الماسنجر : تسهيل امور الاتصالات .. بشرط الصدق
*كيف تتخيل العالم دون هذه الأشياء :
الشاي ... عادى .. انا باشرب قهو ونسكافيه
الكمبيوتر .. العودة الى التخلف بأسرع طريق
أمريكا .. هاتتنفس الشعوب الصعداء .. لكن هاتطلع غيرها
يوم الجمعة .. من غيره هاتكون المساجد فاضية لان اغلب الناس بتصلى الجمعة وبس
*اختر منصباً واتخذ قرارا ! ؟
رئيس مصر ... وتغيير الدستور من خلال لجنة حكماء
*عاد المتنبي وقصدك لتبحث له عن عمل ، ماذا ستقترح عليه ؟
اقول له اررررجع فووووراً .... لانهم ممكن يدخلوك المعتقل
*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟
عدد كبير من الناس اللى بتكذب
*أختر خمسة أعضاء من المنتدى (http://vb.6ocity.net/) وامنحهم ألقاباً ؟
فريد .. الأخ الجميل
نصر .. الشاعر الطيب
حودا .. الظريف الهادى
الأحباب .. العاقل الرزين
محمود التهامى .. المثقف
*وجه رسالة لشخص لا يعرفه إلا أنت ؟
مهما بعدتى .. مقدرش أنساكى .. مش بإيدى
*ما هو لون النسيان؟
أسود حزين

[اميرة حبى انا]

حاضر يا ست خلود
هنرد على الاسئلة
بس دى صعبة اوى
هروح افكر وآجى
استنينىىى

[فريد]

بسم الله الرحمن الرحيم


*أنت مكلف بحذف حرفين من حروف اللغة العربية .. أيهما ستختار ولماذا ؟
انا لا استطيع فعل ذلك و لا املك السلطة

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
ساضع القنبلة مباشرة فى العدو الصهيونى
و الوردة ساضعها فى يد امى

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
الكتابة هى الحياة بلا حدود فى زمن الحدود

*بجملة واحدة فقط أكتب تعريفاً لكل كلمة من الكلمات التالية:

الوطن :امن سكن

الأم :هى الحضن الدافىء من برد الشتاء القارص

الليل : تدبر و تفكر فى حكمة الخالق

الحب : كدبة

الصمت :فضيلة

أمريكا :رأس الفساد

المرأة :نصف المجتمع هى الام الاخت الزوجة و الابنة
و للاسف المديرة

الإنترنت : دنيا تانية ملهاش حدود


البوابة :انه بوابة

الماسنجر : من افضل الاشياء لو .............



*كيف تتخيل العالم دون هذه الأشياء
( الشاي، صداع
الكمبيوتر ،كنا عايشين فل برضه من غيره
، أمريكا ، لا مش ممكن
يوم الجمعة) ؟!! من غير صلاة الجمعة صعب قوى

*اختر منصباً واتخذ قرارا ! ؟
رئيس الجمهورية : عزل كل الحكومة و اعضاء مجلس الشعب و الشورة و المحليات و الجيش و الشرطة و بعدين استقيل و اسيبك تقرروا مسيركم .

*عاد المتنبي وقصدك لتبحث له عن عمل ، ماذا ستقترح عليه ؟
ايه الا يرجعك ياعم و تشوف الا احنا فيه ده.



*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟
الحكومة عشان هما الا ضيعونا من غير الربع الخالى

*أختر خمسة أعضاء من المنتدى (http://vb.6ocity.net/) وامنحهم ألقاباً ؟
عم جمال الفليسوف وحبيب قلبى
خلود المتميزة
اميرةالمتمكنة
محمود التهامى الفاهم
و كان ليه واحد صاحبى فاكرينه هاوى (احمد ) المتمرد

*وجه رسالة لشخص لا يعرفه إلا أنت ؟
ارجو ان تسامحنى على كل ماسبتته لك من الم انا وحدى اعلمه سامحنى ..........

*ما هو لون النسيان؟
ابيض

[خلود]

اجاباتك جميله اوى يافريد

ولو انها تحمل كثير من الحزن ولكنها جريئه جدا

اشكرك على وصفك لى بالتميز

نورت موضوعى بردك وانتظرك دائما فى صفحتى يافريد

[nogafoda]

*أنت مكلف بحذف حرفين من حروف اللغة العربية .. أيهما ستختار ولماذا ؟


اناهحذف (ل)و(و)
لانهم بيكونوا كلمه لو التي تفتح عمل الشيطان

*في يدك قنبلة يدوية وف الأخرى وردة حمراء .. أين ستضع القنبلة وأين ستضع الوردة؟
اكيد القنبله كلنا محتاجين نحطها في وجه اي عدو
اما الورده بصراحه هحطها في ايد زوجي العزيز



*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
الكتابه هي المخرج من كل الهموم لان الورق ملوش لسان يفتن بيه علي صاحبه




*بجملة واحدة فقط أكتب تعريفاً لكل كلمة من الكلمات التالية:

الوطن :غالي

الأم :عطاء

الليل :سكون
الحب :جنون
الصمت :من ذهب

أمريكا :دوله

المرأة :بركان

الإنترنت :وسيله

البوابة :مدخل
الماسنجر :سلاح ذو حدين


*كيف تتخيل العالم دون هذه الأشياء ( الشاي، الكمبيوتر ،، أمريكا ، يوم الجمعة) ؟!!

الشاي_________مبشربوش

الكممبيوتر___________تاخرفي كل شي
امريكا_________اكيد مش هيكون في اسرائيل
يوم الجمعه__________صعب الحياه بدون عيد اسبوعي للمسلمين

*اختر منصباً واتخذ قرارا ! ؟
الزوج____________________مش هذاكر للولاد تاني علشان انا تعبت


*عاد المتنبي وقصدك لتبحث له عن عمل ، ماذا ستقترح عليه ؟
طبعا وزير التعليم وربنا يقدره ويصبره علي ما بلاه

*لو كنت مرشدا سياحيا فى صحراء الربع الخالي من ستصطحب معك وتضيعه هناك، ولماذا ؟
وزير الاسكان لانه سبب بهدله الناس وارتفاع اسعار الشقق والاراضي

*أختر خمسة أعضاء من المنتدى (http://vb.6ocity.net/) وامنحهم ألقاباً ؟
اميره______________اميره
محمود التهامي________________الاستاذ
روز______________ورده المنتي
الفارس______________فارس بلا جواد
دعاء الكروان____________المتدينه

[خلود]

اشكرك نوجا على اجاباتك الجميله ولو ان اختيارك لمنصب الزوج عجبنى جدا لانى انا كمان كان نفسى اختاره ولسه قايله كده امبارح ياريتنى كنت رجل بسبب العيال بس

شكرا وتسلمى ويسلم لى مرورك الجميل

[fagrmasr01]

علقتى على الجميع
ماعدا كلمتى .. يظهر انك نسيتى تشوفيها
واللا الكلام اللى فيها مش نافع ؟

[خلود]

عذرا جمال افندى

يظهر محتاجه البس نظاره ولو ان نظرى والحمد لله سته على سته

اما بالنسبه لكلامك فهو من احسن ما يكون فعلا

وبجد نورت الموضوع ياحاج ودائما منور مواضيعى