مصر يا ست الكل

[ابو اسامه]

مصر يا ست الكل





******




مصر ياست الكل ياطاهرة




هم اولادك رايحين فين




احنا بناخدك خطوة لفوق





وهما بيرجعوا بيك سنتين




هم اولادك رايحين فين




ننسى وجعنا




جو دموعنا




ولما رجعنا بشوق وحنين




سرقوا الضحكه




سدوا السكه




قالوا كفايه قولوا آسفين




ثورة مين اللى عملتوها




دا أسمه اللعب مع الشياطين




هم اولادك رايحين فين




شوفوا حياتكم




شوفوا اولادكم




سيبوا الثورة نظبتهلكم




احنا كمان سيد العارفين




لقمه هنية




كفت مية




ناموا واحلموا




قولوا امين




سيبوا الهم ده لاصحابه




وجربوا بس كمان ثلاثين




ثلاثين سنه بيعدوا بسرعه




وان معجبش الحال وياكم




انزلوا واقفوا فى الميادين




مصر ياست الكل ياطاهرة



هم اولادك نايمين فين.

[خلود]

الله بجد

حلوه اوى اوى

تسلم كلماتك وابداعاتك الرائعه

[ahmedabdelziem]

والله عندك حق فى كل كلمه
تسلم ايدك
ويسلم احساسك ومعانيك

[الشاعره الثائره]

يسلمواااااااااااااااااااااااااك
كتيييييييييييييييييييييير حلوه

[اسامة22]

اهلا برجوعك ياابوى ابوى ابوى

ابو اسامه نورت من تانى ووحشتنا جدا بمواضيعك وابداعاتك اللى اتمنى متحرمناش منها تانى