المساعد الشخصي الرقمي

مشاهدة النسخة كاملة : شكر واجب .... افتتاح قسم نادي 6 اكتوبر


وليد عبد الحميد
26-01-2010, 10:04 AM
اشكر الاستاذ محمود التهامي على وعده الذي اتمه بعمل قسم لنادي 6 اكتوبر بالمنتدى
وها هو القسم الجديد
اتمنى من جميع اعضاء المنتدى ان يشتركوا معي بالموضوعات و التعليقات و الاراء
التي تخص النادي
كما اتمنى ان يكون الحوار بيننا هادف بما يحقق افضل استفادة للنادي و اعضائه
شكرا
وليد عبد الحميد :36_3_12[1]:
وليد عبد الحميد
26-01-2010, 10:14 AM
سؤال بعد مرور اكثر من 6اشهر على تولي مجلس الادارة الجديد امور النادي
ايه رايكم في النادي ؟؟؟
من جميع النواحي
الرياضية و الاجتماعية و الرحلات و الثقافية
قولو رايكم ثم سوف نقوم بالمناقشة
وليد
:36_3_12[1]:
محمود عبد الله
26-01-2010, 03:40 PM
انا بحب النادى بكل عيوبه و مميزاته
بحبه من قلبى
محمود التهامي
27-01-2010, 12:17 AM
لا شكر على واجب يا استاذ وليد
يشرفنا وجود اعضاء النادي في منتدى مدينة 6 أكتوبر
لانهم جزء لا يتجزأ من المدينة
ونتمنى ان تعم الفائده على الجميع
وليد عبد الحميد
27-01-2010, 11:09 AM
ايه يا جماعة عدد اعضاء المنتدي 14000 عضو
مفيش حد فيهم مشترك في النادي ولا ايه ؟؟؟
اتمنى انيشترك الجميع معنا لخير النادي و اعضاءه
محمود عبد الله
27-01-2010, 03:44 PM
م انا معاك اهه
قول بس انت ايه اللى مضايئك فى النادى
وليد عبد الحميد
28-01-2010, 11:50 AM
با سيدي احنا بنشوف رأي الاعضاء في النادي علشان لو فيه حاجة ناقصة نكملها
لة فيه حاجة عجباهم نحاول نطورها و نجددها
انت بقة ايه رايك في النادي ؟
و يا ريت جميع اعضاء المنتدى يشتركوا معانا
محمود عبد الله
28-01-2010, 03:40 PM
هوا سعادتك من المسئولين عن النادى ؟؟؟؟؟؟؟
وليد عبد الحميد
04-02-2010, 11:34 AM
تعيين مدير جديد للنادي و هو اللواء اسماعيل
:36_3_12[1]:
م. صبري النجار
04-02-2010, 05:31 PM
أفضل ما فيك يا أستاذ وليد هو إيجابيتك وطاقتك أدعو الله أن تكون دائما فيما هو مفيد لك ولأسرتك وناديك وبلدك وأمتك
حبيبي وليد: ونحن في بداية عام 2010 لم أسمع شيئاً عن نشر دعاية تجارية لأحد أعضاء مجلس الإدارة في إدارات النادي وأروقته ، بغرض الترويج لبضاعته في النادي، بعد أن استخدم اسم منشأته التجارية كاسم شهرة له من دون والده أو جده أو لقب العائلة ، وذلك بغرض إشهار منشأته التجارية قسراً على السنة أعضاء النادي فيتحقق الغرض التجاري وهو زيادة مبيعات منشأته

فهل توقف نشر التقويم هذا العام ولحسن الحظ أم أن نفس العادة لم تنقطع ولكن لا تصلني أخبارها ؟
م. صبري النجار
04-02-2010, 05:55 PM
أتوجه بالشكر للأستاذ / وليد عبد الحميد صاحب المبادرة الطيبة، والأستاذ/ محمود التهامي المدير العام الذي أيد الفكرة ونفذها

وأتمنى ان يكون هذا القسم منبراً لنا نحن أعضاء النادي وسكان المدينة في نفس الوقت، نطرح فيه قضايا النادي، ونطالع أخباره ، ونقرأ فيه مساهمات الأعضاء، في الموضوعات الثقافية العامة التي تتطرق للتاريخ والأدب والفلسفة والدين والتكنولوجيا والعلوم والصحة العامة وهلمّ جراً
والله الموفق
م. صبري النجار
04-02-2010, 06:02 PM
ماهذا الخبر المبتور يا وليد ؟
ماذا استفدنا منه غير االإسم الأول للمدير ؟
من هو وأين كان يعمل في أندية سابقة؟ وهل كان لواء شرطة أم جيش؟
وبمناسبة الرتب العسكرية ، أذكر حينما كنت أرتب لزيارة في اللجنة الثقافية لقسم المراقبة الجوية بمطار القاهرة، طلب مدير هيئة الطيران المدني أن نكتب لقبه السيد الطيار ، وليس اللواء الطيار، لأنه ليس لواءًا بعد ترك الخدمة العسكرية في القوات الجوية

على كل حال في انتظار نعرف من هو بديل الدكتور محيي الدين يا أستاذ وليد
وليد عبد الحميد
05-02-2010, 02:44 PM
اشكر الاستاذ المهندس صبري النجار على اهتمامه كاول مشترك ايجابي على قسم نادي 6 اكتوبر بهذا المنتدي الجميل
وارجوا ان يكون دائما معنا في تواصل مستمر
بخصوص سؤال حضرتك ..... فيه حكمة بتقول
ابعد عن القضايا يا تتبهدل يا ضنايا !!!!! ولكن
1- مازال مستمر انتشار التقويم اياه في جميع ارجاء النادي ...... و محدش بيتكلم علشان اللي بيتكلم مسافر
2- المدير الجديد اسمه اللواء اسماعيل كان بيتشتغل سكرتير عام محافظة اسيوط تقريبا
3- طبعاً لواء جيش
4- اول مرة يمسك نادي
5- كل حاجة موجودة على الفيس بوك علشان مش عايزين نعمل للمنتدى ده مشاكل .. فبكتب كل حاجة على الفيس بوك جميع المعلومات و المشاكل و بالصور زي محضرتك عارف
وليد عبد الحميد
06-02-2010, 03:12 PM
حفلة للموسيقى العربية
لفرقة عشاق النغم
المكان الصالة المغطاة اللي في اخر النادي
يوم الخميس
11 - 2 - 2010
الساعــــة السابعة مساء
سوف يقفل باب الصالة الساعة السابعة و النصف و ممنوع اصطحاب الاطفال
يوجد سحب( تمبولة ) فى نهاية الحفل عن طريق صورة كارنية النادي
:50 (36):
وليد عبد الحميد
07-02-2010, 10:03 AM
تقويم ايه اللي انت جي تقول عليه
؟؟؟؟
مكتوب في محضر مجلس الادارة الاتي
كافتريا ملعب الكروكية نازلة مزايدة محدودة
انشاء ملاعب خماسية برده نازلة مزايدة محدودة
مش عارف ايه تاني مزايدة محدودة
لكن
باقي الكافتريات نازلة مزايدة عامة !!!!
ممكن حد يقول لي
ايه الفرق بين المزايدة المحدودة و العامة

:50 (8):
م. صبري النجار
11-02-2010, 05:38 PM
1- مازال مستمراً انتشار التقويم إياه في جميع أرجاء النادي ...... و ماحدش بيتكلم علشان اللي بيتكلم مسافر إ



هل تقصد تقويم 2010 ؟
وللدعاية التجارية لمنشأة عضو مجلس الإدارة في النادي حيث العمل التطوعي؟؟؟!!!
ومكتوب عليها أسعارنا كذا وعنواننا كذا وموقعنا على النترنت كذا
حسبي الله ونعم الوكيل
أرسل لي صوراً على جه السرعة يا أستاذ وليد يا عسل
م. صبري النجار
11-02-2010, 05:45 PM
أستاذ وليد:
في انتظار أخبار الحفل الموسيقي وقرعة سحب الجوائز أو الهدايا
م. صبري النجار
11-02-2010, 05:51 PM
أفضل من يشرح: محاسب
وأفضل من يعرف: حسام رفعت
وآخر من يعلم: نحن الأعضاء
وليد عبد الحميد
12-02-2010, 10:40 AM
http://img535.imageshack.us/img535/7742/img0014a.jpghttp://img96.imageshack.us/img96/2811/img0013ai.jpghttp://img140.imageshack.us/img140/4493/img0018aj.jpg
كان الحفل الموسيقي اكثر من رائع . و نشكر صاحب الفكرة . العبقرية . بدأ الحفل طبعاً الساعة 8 او اكثر مش زي ماقالوا الساعة 7 و هيتقفل الباب الساعة 7و نصف طبعاً الباب متقفلش خالص . و طبعاً قالوا مفيش اطفال كل القاعة كانت مليانة اطفال .
الظلنطحية :]
هذا التعبير سمعته امبارح في حفلة الموسيقى العربية و سبب هذا المصطلح العجيب... كانت القاعة كالتالي كراسي حمام السباحة على اليمين و اليسار و في الوسط كراسي فراشة سفنج قطيفة ذات يد فضية ميتلك . لعلية القوم اللي هما برده اعضاء النادي بس معاهم دعوات !!! المهم .. بعد منتصف الحفل و جدنا بعض عمال النادي دخلين علينا بصواني مليانة سنداوتشات اشي فراح و لحمة باردة ثم تابعها بجاتوه و مشروبات و مياه معدانيه ... لكن للاسف ( حود ) هؤلاء العمال مع انهم كانوا جيين من نحيتنا نحن الجالسون على كراسي حمام السباحة . الى ناحية الجالسون على الكراسي القطيفة . و انقسم الفرح ... اقصد الحفل الى جزئين جزء بياكل و جزء بيتفرج عليهم . و من هنا جاء تعبير الظلنطحية . حيث قال احد الذين يتفرجون على اللي بيكلوا
طبعاً الاكل ده رايح لشوية الظلنطحية
و في هذه اللحظة بالتحديد قلت لو كان الظلنطحي رجلاً لقتلته . ولكنى اعدت التفكير بعد قليل بعد ان تمكن الجوع و العطش مني و قلت يجب ان اعيد التفكير في حياتي كلها و ان اصبح ظلنطحياً . فلو لم اكون ظلنطحيا ليجب ان اكون ظلنطحياً

http://img33.imageshack.us/img33/5254/img0019az.jpghttp://img6.imageshack.us/img6/7673/img0020aj.jpg http://img132.imageshack.us/img132/103/img0021aq.jpg http://img202.imageshack.us/img202/1268/img0022am.jpg http://img175.imageshack.us/img175/6245/img0017at.jpg
طبعاً قالوا السحب هيكون عن طريق الكارنية لكن لم يحدث ذلك ووجدناهم يوزعزن علينا ارقام و انت و شطرتك تبقى خايب زي حلاتي و تاخد رقم واحد على اساس ان العضو له رقم واحد !!! او تكون مثل الاخرين و تاخد 60 او 70 رقم حسب مقدرتك على التحمل . و طبعاً فرصتك كده في الفوز تزيد .
حدث في الحفل
عدم حضور مجموعة ال15 الا بعد مرور اكثر من نصف ساعة على بدايه الحفل بكامل عدتها و على راسها الكابتن عبد اللطيف و المهندس طاهر
حضور الاستاذ وحيد حمدي و تركه الحفل بخمس دقائق بعد مشادة كلامية مع احد رجال الامن
الغريبة وجود دعوات حضور مع عليه القوم اللي بيجلسوا على التراس !!!
هجوم على دكتور المخ و الاعصاب عضو المجلس من بوس و احضان من جانب مجموعة ال15 و الدكتور تيفة خاصة
ترك مجموعة ال15 الحفل بعد حضورهم تقريبا بنصف ساعة و تركهم رئيس مجلس الادارة وحيداً
عدم حضور برناسوس بسبب سفره
:36_3_1[1]:
stylooo
13-02-2010, 08:43 AM
نادى الطبقة الراقية
قاصر على الأغنياء و ليس مفتوح لكل الناس .....
و كمان اشتراكه نار فين فى بداية التسعينات
و كان الاشتراك مجموعمة من المئات من الجنيهات و الآن ا لآلاف منها
المهم مبروك و أدينا بنشارك على البعد و نطالع أخبار الطبقة العلوى
و الف مبروك على قسم نادى 6 أتوبر لمحبى 6 أكتوبر
وليد عبد الحميد
13-02-2010, 12:15 PM
واحد سأل احد الهتيفة المنوفي عمل ايه للنادي
الهتيف قال له
دا لسه كاتب شيك لجمعية ........... في المدينة !!!!!!
الهتيفة بتشجع و احنا برده مش معاهم :]
وليد عبد الحميد
15-02-2010, 08:18 PM
مفاجأة
معظم هديا الحفل و خاصة الهدية الاولى ( الديب فريزر ) كسبها واحد مش عضو في النادي
هاهاهاهاها
:storm_1680014788131
وليد عبد الحميد
18-02-2010, 04:14 PM
v=AGIXywjJVJ0


AGIXywjJVJ0 (http://www.youtube.com/watch?v=AGIXywjJVJ0)


ANjXrRnzo4o (http://www.youtube.com/watch?v=ANjXrRnzo4o)


http://www.youtube.com/watch?v=AGIXywjJVJ0
http://www.youtube.com/watch?v=ANjXrRnzo4o

v=ANjXrRnzo4o
م. صبري النجار
04-03-2010, 12:23 PM
أستاذ styloo
أعجبتني دعابتك ، وطبعا ما قلته عن الطبقة الراقية إن هو إلا محض دعابة جميلة
مرحباً بك داخل النادي، لترى أنه ليس حكراً على الطبقة الراقية كما تظن أو تعتقد
ربما كان به بعض الأغنياء القليلين ولكن السواد الأعظم من الطبقة المتوسطة
شرفنا بدخولك وعاين بنفسك
ومرحباً بك في النادي في أي وقت
محمود التهامي
05-03-2010, 10:37 AM
استاذ صبري
على حد علمي اشتراك النادي دلوقتي تعدى 40 ألف جنيه
يعني اكتر من 3500 جنيه شهريا وهو اكثر من راتب 4 موظفين

لا اعلم ان كان تجديد الاشتراكات بيكون ثابت
يعني الناس اللي اشتركت ايام ما كانت العضوية بـ 300 جنيه بيجددوها بنفس السعر ام لا
ولكن حتى ان كان كذلك
فالاسعار الحالية لا تسمح الا لطبقة معينه بالانضمام
وليد عبد الحميد
05-03-2010, 10:46 AM
محمود باشا
النادي زي الحديقة بل واكثر
ممكن تدخل بتذكرة ودي ب 10 جنيه
و ممكن تدخل بسلامو عليكو
تركب عربية و تدخل بكل ثقة على امن البوابة و قول السلامو عليكو هيفتحولك الباب على طول من غير سؤال !!
و ممكن تدخل برده من باب المعرض الموجود عند البوابة و قول برده للامن السلامو عليكو هتدخل على طول
انا مش عارف انت مصعبها على نفسك ليه ؟؟؟؟
محمود التهامي
05-03-2010, 11:04 AM
ههههههههههههههههههههههههههههههههههههههههههههههه
ههههههههههههههههههههههههههههههههههههههههه

بس على فكرة حكاية العشرة جنيه مبقتش تنفع
النظام الجديد دلوقتي لازم تدخل مع عضو
وليد عبد الحميد
06-03-2010, 11:25 AM
يظهر انك مبتجيش النادي
كل حاجة بتنفع
تصدق بمين
انا اعرف واحد دخل النادي طوال اربع سنوات بدون ان يكون عضو بالنادي ولا دفع اي تذكرة خلال كل هذه السنوات
و على فكرة كان بييجي خميس و جمعة و سبت كل اسبوع طوال هذه السنوات
محمود التهامي
06-03-2010, 01:05 PM
ههههههههههههههههههه
ماهو من كتر ما كانو بيشوفوه كانو فاكرينه عضو
المشكلة بقا لو كان صدق نفسه ورشح نفسه لمجلس الإدارة
stylooo
10-03-2010, 04:35 PM
أستاذ styloo
أعجبتني دعابتك ، وطبعا ما قلته عن الطبقة الراقية إن هو إلا محض دعابة جميلة
مرحباً بك داخل النادي، لترى أنه ليس حكراً على الطبقة الراقية كما تظن أو تعتقد
ربما كان به بعض الأغنياء القليلين ولكن السواد الأعظم من الطبقة المتوسطة
شرفنا بدخولك وعاين بنفسك
ومرحباً بك في النادي في أي وقت

شكراً لحضرتك الرد الدبلوماسى و إن هو من شيم حضرتك لكنى مدرس ليس يكفينى الراتب فمابالك بدخول النادى كفاية على المشاركة من بعيد و لا يخف عليك سرى ف بعض الأوقات أحب دخول النادى لمعرفة أهم النشاطات التى به و هو نادى كبير و نرجو أن يكون كباقى النوادى العاملة ف مصر
مشكور للمرة الألف على حسن الرد و ربما تجدنا معك قريبا بالنادى
stylooo
10-03-2010, 04:37 PM
محمود باشا
النادي زي الحديقة بل واكثر
ممكن تدخل بتذكرة ودي ب 10 جنيه
و ممكن تدخل بسلامو عليكو
تركب عربية و تدخل بكل ثقة على امن البوابة و قول السلامو عليكو هيفتحولك الباب على طول من غير سؤال !!
و ممكن تدخل برده من باب المعرض الموجود عند البوابة و قول برده للامن السلامو عليكو هتدخل على طول
انا مش عارف انت مصعبها على نفسك ليه ؟؟؟؟

شكرا لحضرتك و أنا ف الطريق لشراء سيارة
إن شاء الله و سأعمل بنصيحتك ههههههههههههههههههههه
stylooo
10-03-2010, 04:42 PM
يظهر انك مبتجيش النادي
كل حاجة بتنفع
تصدق بمين
انا اعرف واحد دخل النادي طوال اربع سنوات بدون ان يكون عضو بالنادي ولا دفع اي تذكرة خلال كل هذه السنوات
و على فكرة كان بييجي خميس و جمعة و سبت كل اسبوع طوال هذه السنوات

ههههههههههه
طيب ايه اللى كشفه ليكم
هههههههههههههه
و هل مازال بيدخل و لا تم تعليق صورته و رقم البطاقة القومى
و التموين على أبواب النادى
حتى لا يتسلل إليه مرة أخرى
مشكور على الرد
وليد عبد الحميد
11-03-2010, 10:02 AM
يا سيدي متكشفش ولا حاجة
كل ما في الامر انه عايز عيالة تلعب سباحة او اي لعبة
علشان كده اضطر انه يشترك في النادي
بس
و عموماً حاول و هتشوف النتيجة
فيه طريقة تانية
اول انك تبع احد اعضاء مجلس الادارة ( صاحبه - قريبه - عايز تكلمه - اي حاجة )
هتلاقي الابواب اتفتحتلك على مصرعيها
اه بجد
مهي كلمة السر في النادي
عضو مجلس الادارة
stylooo
12-03-2010, 01:31 PM
يا سيدي متكشفش ولا حاجة
كل ما في الامر انه عايز عيالة تلعب سباحة او اي لعبة
علشان كده اضطر انه يشترك في النادي
بس
و عموماً حاول و هتشوف النتيجة
فيه طريقة تانية
اول انك تبع احد اعضاء مجلس الادارة ( صاحبه - قريبه - عايز تكلمه - اي حاجة )
هتلاقي الابواب اتفتحتلك على مصرعيها
اه بجد
مهي كلمة السر في النادي
عضو مجلس الادارة
مشكور مستر وليد على المتابعة و كثيراً نمر بجوار أبواب النادى
و ياريت يكون فيه عضوية شرفية كما ف باقى نوادى مصر
مثلا الذى مثل المدرس يستطيع أن يقدم دروس بدون مقابل
ف سبيل دخول النادى بعضوية شرفية و هذا معمول به
ألا يوجد مثل ذلك لديكم يا ليت الإفادة من حضرتك
و مشكور حضرتك للمتابعة
وليد عبد الحميد
12-03-2010, 04:24 PM
هههه
حضرتك بتقول ايه طبعاً فيه عضوية شرفية
و القانون محدد نديها لمين بالنص في لائحة النوادي
بس في النادي بتعنا
بنديها لاصدقاء و اقارب و حبايب و اصحاب اعضاء مجلس الادارة
ممكن حضرتك تتعرف على واحد فيهم و هيديك العضوية الشرفية على طول
بس ابقى افتكرني اديني دليتك على الطريق
محمود التهامي
12-03-2010, 04:48 PM
بس في النادي بتعنا
بنديها لاصدقاء و اقارب و حبايب و اصحاب اعضاء مجلس الادارة


بقا كدا برضه يا استاذ وليد
وسايبنا نخبط في الناس من الصبح
اهو بعد الكام موضوع اللي هنا دول بقا مفيش امل
هههههههههههههههههههههههههههههههههه
وليد عبد الحميد
12-03-2010, 11:08 PM
لا يا باشا متخفش
مش احنا اصدقاء؟؟
استنة لما ابقى عضو مجلس ادارة و هتشوف انا هعمل معاك ايه:storm_1680014788131
stylooo
15-03-2010, 09:03 AM
هههه

حضرتك بتقول ايه طبعاً فيه عضوية شرفية
و القانون محدد نديها لمين بالنص في لائحة النوادي
بس في النادي بتعنا
بنديها لاصدقاء و اقارب و حبايب و اصحاب اعضاء مجلس الادارة
ممكن حضرتك تتعرف على واحد فيهم و هيديك العضوية الشرفية على طول

بس ابقى افتكرني اديني دليتك على الطريق

مشكور مستر و ليد
أدام الله عزك
بس أنا جديد فى أكتوبر و لا أعرف أحد من أعضاء مجلس الإدارة الموقر
و هل من السهل الحصول على تلك العضوية
أظنها صعبة شوية
ياريت أنت اللى تفكرنى افتكر
هههههههههههه
نورتنى مستر وليد وردك المفيد
stylooo
15-03-2010, 09:05 AM
لا يا باشا متخفش
مش احنا اصدقاء؟؟
استنة لما ابقى عضو مجلس ادارة و هتشوف انا هعمل معاك ايه:storm_1680014788131
ندعو الله أنه يتم انتخابك ضمن مجلس الإدارة ووقتها نقدر ندخل النادى بعضوية شرفية
يااااااااااااااااااااااااارب
وليد عبد الحميد
15-03-2010, 10:52 AM
يا جماعة دعونا نعمل في صمت
:storm_1680014788131
وليد عبد الحميد
18-03-2010, 10:10 AM
صديقنا العضو الجديد الاستاذ محمد كمال المحامي
كنا عايزين من حضرتك خدمة لاعضاء النادي
حضرتك شفت بالتاكيد موضوع البارك اللي عايزين يخلوه معرض
كيف نوقف ذلك قانوناًِِ؟؟