المساعد الشخصي الرقمي

مشاهدة النسخة كاملة : ياقلب حزين


fagrmasr01
06-02-2009, 11:03 AM
ياقلب حزين ياقلبى مسيره يعود
وأغنى له أغانيا بنفس العود
الى كل اوتاره لحزنى شهود
مهما هجرنى لحنينى
معايا روحه تراعينى
ف أفراحه بتدعينى
وف الاحزان تواسينى
وصورته هى نور عينى
ولو يشمت عدو وحسود
مسيره يعود
ابكيه ودمع عينى ما سال
ودقة قلبى للحزين موال
مسا وصباح باعود له باعوادى
فراقه جراح ودمى نهر بالوادى
شبابى راح وانا شايله باكبادى
يقولوا غاب واقول لالا موجود
واغنى له اغانيا بنفس العود
ياقلب حزين يا قلبى مسيره يعود
خلود
06-02-2009, 11:28 AM
معايا روحه تراعينى
ف أفراحه بتدعينى
وف الاحزان تواسينى
وصورته هى نور عينى

الله يااستاذ جمال ياشاعر منتدانا وكل المنتديات

بجد احاسيس فظيعه
fagrmasr01
06-02-2009, 11:41 AM
انتى الى طيبة اوى يا خلود ... يارمز الكرم والجود
ربنا يخليكى ويجبر خاطرك
زى ما بتجبرى بخاطر الناس الى زى حالاتى يا ست يا طيبة

بس اوعى ترجعى ف كلامك
زى موضوع قمر بالستر
ههههههههههههههههه
خلود
06-02-2009, 12:38 PM
هههههههههههههههههههههه

حاضر حاضر

شفت انا طيبه ازاى ومش هرجع فى كلامى
fagrmasr01
15-02-2009, 02:07 AM
هل باقى السادة المشرفين والسادة أعضاء المنتدى الكرام زهقوا ؟
واللا بصراحة خلاص اتخنقوا من الى بنكتبه واللا ايه
فين الردود.؟
فين التعليقات ؟
فين النقد ؟؟
مهم أوى النقد أيها السادة .. والسكر الزيادة
بس ارجوكم نقد يكون بناء
يعنى قولوا لى ايه الصح وايه الغلط
وياريت حد برضه يرشدنا
منتظركم .. رأيكم يهمنى اوى
اميرة حبى انا
15-02-2009, 02:17 AM
كلامك مينفعش معاه غير تصفيق حاد
مش نقد
الطاوس الحزين
15-02-2009, 02:32 AM
تسلم ايدك يا ا. جمال

ربنا يزيدك
إبراهيم البشبيشي
15-02-2009, 02:36 AM
رائعة كالعادة يا عم جمال ولن نرضى بأقل من هكذا مستوى في كتاباتك , ولي تعليق أقل من الصغير على البيت التالي , أليس من الأوفق أن يكون " مسيره يعود مسيره يعود " مرتين بدلا من مرة واحدة أم أنها كانت مرتين فعلا ولم يتم تسجيلها .؟


مسيره يعود



وأخيرا دمت لنا متألقا كعهدنا بك .
fagrmasr01
15-02-2009, 02:56 AM
خلود .. متشكر جدا

أميرة .. انتى الى تستحقى الاعجاب.. إعجابنا كلنا

الطاووس المبهج .. ولن أقول الطاووس الحزين.. الف شكر .. وبلاش أ. جمال.. اسمى جمال .. وربنا يخليكى

الأخ ابراهيم.. بارك الله فيك وفى قلمك ومتشكر لملحوظتك
معك حق .. التكرار يزيدها جمالاً ..
ربنا يباركلى فيكم جميعا ويخليكم
ويجازيكم عنى كل خير
ahmedabdelziem
09-12-2010, 02:47 PM
انا شكلى
هبقى مدمن اشعارك
مع هشام الجخ
fagrmasr01
09-12-2010, 04:28 PM
انا اللى اشعارى تتشرف بيك يا حمد
ربنا يكرمك ويبارك لك
ahmedabdelziem
09-12-2010, 04:30 PM
الشرف لينا
فنحن ابناءك
ونتشرف بالمرور على مواضعيك
وشرفنا الاكبر بالرد عليها