المساعد الشخصي الرقمي

مشاهدة النسخة كاملة : قصة قصيرة ولكن طويلة ... حلقات مسلسلة


وليد عبد الحميد
08-03-2010, 10:22 AM
سيناريو
يبدأ السيناريو بمنظر خارجي لبوابة النادي الملاكي و منظر الخيمة المُعدة للانتخابات من الخارج ثم منظرها من الداخل و الانوار مضائه
ووقوف انصار المرشحين امامها يهتفون بأسماء مُرشحيم
و صوت يأتي من بعيد يُذكر الناس بموعد الجمعية العمومية و وجوب حضورها
يقف بعض الاشخاص على باب الخيمة يسألون هي فين الكشوفات علشان نعرف هننتخب مين و فين الصندوق ؟
يتدافع انصار المرشحين اليهم ليذكروهم بأسماء من يريدون انتخابه
تدور عقارب الساعة انها الان الساعة الواحدة و لم يحضر سوى 300 فرد و صلاة الجمعة يؤذن لها
يخرج الحاضرون الى المسجد و تنتهي الصلاة اميين
و تظل عقارب الساعة تدور
يتصل الحاضرون بزويهم حتى يحضرون الجمعية العمومية اصبحت الساعة الثالثة يندي منادي يا جماعة النِصاب لم يكُتمل
السلام عليكم الساعة دلوقتي 3 اشوفكم الجمعية الجاية
و في يوم الجمعية الثاني يعاد نفس المشهد
و يتم انتخاب رئيساً للنادي و بعض اعضاء قائمته و بعضاً من القائمة الاخرى
و تبدأ اولى جلسات المجلس الجديد بموضوع التفاوض على الارض فهذا هو الهدف الاساسي
منظر جانبي على مقعد مجلس الادارة و بجواره اعضاء المجلس
و رئيس المجلس يقول
ازيكم يا جماعة .ان شاء الله ربنا يوفقنا و نعرف ندور النادي ده
عايزين معجزة من السماء علشان ده يحصل. الله يكرمهم المجلس اللي فات سبلنا تركة كبيرة المهم انا عايز اتكلم النهارده على موضوع الارض ده. طبعاً كلنا متفقين ان احنا مش هنقدر على الحكومة ولا على بناء الارض يبقى نتفاوض .و اعتقد ان احنا كلنا متفقين على كده من الاول ولا ايه احسن والله اسبهلكم و امشي
الجميع في نفس واحد
طبعاً يا ريس احنا معاك ربنا يكون في عونك
الرئيس
خلاص بكرة هازور الوزير و اتكلم معاه بس مش هاخد حد معايا ولا اقولكم هاخد حُس
علشان هو في الحزب و هينفعني برده في الكلام
الجميع ماشي يا ريس
منظر داخلي لحجرة مجلس الادارة
و تتجه الكاميرا الى وجه السيد رئيس المجلس و هو يقول
اجتمعنا انهارده يا جماعة و ده تاني اجتماع ليا معاكم و احب اقولكم ان ربنا وفقنا و اتفقت انا و حُس مع الوزير على انه هياخد ال100 فدان و احنا هناخد فيها ال58 فدان و اظن ان ده مش كلام جديد عليكم بس يا ابطال عايزين نعمل جمعية غير عادية بس مش عايزن حد يحضرها احنا مش عايزين وجع دماغ و مش عايزين الوزارة تزعل معانا تاني
المرة اللي فاتت خلينا الجمعية العمومية تفوضنا في موضوع الارض ده المرادي عايزينها تفوضنا في انهاء النزاع ده اللي ملوش لازمة خلي الجميع يستفيد
النادي هياخد التصاريح و الوزارة هتاخد الارض
على فكرة يا حُس
الوزارة هتبيع الارض دي و انا اتفقت معاهم على حتتين نبنيهم او نعملهم مول اللارض دي هتولع بعد كده
ها يا جماعة هتعملوا ايه
الجميع في صوت واحد
احنا معاك يا ريس
الرئيس يقول
اه و نبي يا جماعة انا مش فاضي للكلام ده انا و ريا بلاوي و عايز اخلص من موضوع النادي ده
مجلس الشعب على الابواب
ها يا حُس هتعمل ايه هتنزل ولا لسة مربطش
حُس و الله يا ريس لسة مش عارف
تخرج الكاميرا و كل واحد من اعضاء المجلس واخد ودن اللي جانبه و بيتكلم فيها



اراكم بعد الفاصل
اذا اردتم باقي الحلقات ارجوا الاتصال بي
وليد عبد الحميد
08-03-2010, 11:29 AM
منظر داخلي لحجرة مجلس الادارة
الكاميرا على وجه الرئيس و هو يقول
ايه يا جماعة هو انا مش قولتلكم تغيروا الكرسي ده انا مش عارف اقعد
لو سمحت يا حُس اتصل بالمشتريات و غيرولي المكتب ده كله
حُس :بس يا ريس
الرئيس بلغة تهديد:مفيش بس يا حُس
و يلتفت الى باقية اعضاء المجلس و يقول
يا جماعة الموضوع كده هيخرج من ادينا العيال اللي بره دول و عمللي ثوراجيين هيخربوا النادي لازم تشوفوا حل
التفت اليه عضو وقال له اه و نبي يا ريس احسن انا هتبهدل كده .الجهاز مش هيسبني في حالي و كل يوم مشكلة في الشغل .العيال دي لازم نسكتهم و خصوصاً الواد بتاع الصحافة ده . واجع دمغنا انا مش عارف دخلناه النادي ده ازاي. مش كفاية داخل بنص الفلوس كمان مش عايز يسكت
رد عليه عضو اخر و قال والله يا بيه انا بحاول معاه هو و الواد بتاع النت ده بس هما مش هيسكتوا بس انا عندي فكرة
الجميع في صوت واحد ..... ايه
التفت العضو الى الريس و قال له في اذنه
بصِله الريس و اشاح بوجهه كناية عن عدم اعجابه بتفكير السيد العضو و قال
بصوا يا جماعة القاعدة دي كده مش عجباني
انا يا حُس عايزك تقعد جانبي على اليمين و انت يا تقعد على الشمال و انت يا كابتن خليك جنب رئيسك القديم و انت يا دكتور خليك جنب حُس و انت يا استاذ خليك جنب الدكتور و انت خليك جنب الكابتن و بقولكم ايه كل اجتماع عايز القاعدة تكون كده انا بحب النظام
التفت الجميع الى بعضهم البعض و قالوا في صوت واحد حاضر يا ريس
قام قال حُس شكراً ياريس على الثقة الغالية دي
الرئيس طبعاً طبعاً و مال على حُس و قال له في اذنه كله بحسابه يا حبيبي
شوف الحتة الجاية دي و قال بصوت جهير
انا جايز مجيش الجلسة الجية علشان عندي شغل انتخابات
و حُس هيدير الجلسة الجاية حدعنده مانع
نظر الجميع بعضهم لبعض و قالوا
تمام يا ريس
و ضرب الجرس للسكرتارية و قال لاحدهم بقول ايه نديلي الحاج من تحت
منظر خارجي للتراس
مجموعة تجلس على احدى المقاعد و بها شيخ النادي
الكاميرا على شيخ النادي و هو يقول بصوت هاديء و رخيم
والله العيال بتاعة النت دي مش فاهمة حاجة الريس كده مش هيعرف يشتغل احنا عايزين نطلع لهم مجموعة من عندنا تحربهم في النت ده
قال احد الحاضرين : خلاص ياحاج نتعلم لهم النت هو احنا هنجيب حد من بره ولا ايه
رد عليه الحاج : مينفعش يا ريس احنا عايزين شباب
رد احد الحضور بقولك يا حاج طيب و الارض آخرت الموضوع ده ايه
رد الحاج : يا ابني الموضوع ده خلصان من زمان انتوا مدرتوش ايه اللي حصل في الاجتماع مع الوزير
رد الجميع لا منعرفش
قال الحاج بجد؟ طيب هاتوا ودنكوا
الكاميرا عليهم من فوق سطح التراس و جميعهم مُنصتين للحاج

انتظروا الحلقة القادمة
و فيها الحقيقة و الاجتماع
وليد عبد الحميد
08-03-2010, 02:15 PM
منظر داخلي لحجرة مجلس الادارة
و اعضاء مجلس الادارة الجدد يجلسون حسب الترتيب المُسبق
عضو : طيب يا جماعة احنا بقلنا ساعة قاعدين هو مش هييجي ولا ايه
حُس : هو مش قلكم الاجتماع اللي فات انه ممكن ميحضرش عموما بعد 5 دقايق هنبتدي الاجتماع
عضو و هو ينظر بخباثة الى عضو اخر : طيب مين اللي هي يرآس الاجتماع
حُس : ايه يا دكتور هو هنعيد ونزيد في الكلام مهوا قال المرة اللي فاتت
عضو صديق حُس : خلاص يا جماعة نبتدي بقة عايزن نروح انا وريا شغل باليل عايز اريح شوية
حُس يتحرك و يجلس على مقد رئاسة المجلس و ينظر للجميع و يقول
هنبتدي الاجتماع بموضوع كان كلمني فيه الريس
هو عايز نوسع الاوضه دي و نضمها على الصالة اللي جانبها
و نعمله اوضة لوحدة لارئاسة المجلس و احنا ناخد باقي الاوضة و نفصل بينهم بباب
و بصراحة هو مفوضني علشان انفذ
فيه حد عنده اعتراض
عضو يقول : بس ليه
حُس : هو مش عايز دوشة و نظام زماان دة بتاع الداخلين خارجين . احنا لازم نريحه
ثم هو هيخللنا اوضة جانبه وكل واحد يكون براحته ها موفقين
الجميع في صوت واحد موافقين
حُس : شوفوا يا جماعة الموضوع التاني هو موضوع تنمية الموارد حد عنده فكرة
عضو: طيب يا حُس منشوف الناس اللي احنا ليناعندهم فلوس الاول
حُس :دول كلهم على بعض 100 الف جنيه ياعني مش رقم
عضو: متتصل كده ببتاع الاسكواش اهو ناخد منه اي حاجة قبل ما ينتهي العقد بتاعه في شهر 10
حُس : حاضر هكلمه قدمكم اهه علشان محدش يتكلم من ورايا و يروج اشاعات
الكاميرا على حُس و هو يتك الكرسي و يتجه الى اخر الحجرة بجوارالباب و الجميع ينظر اليه
حُس:ازيك يا كابتن عامل ايه .اخبارك . بقولك ايه الناس وكلة وشي ....عايزين فلوس
اه ... بس نراضيهم بقرشين . ايه هو انت مش عايز تجدد؟
يا راجل مش شغال ازاي . دي البوابة بتقولولنا انك من صبحية ربنا شغال الله واكبر
يا راجل .... لا والله مش بحسد بس علشان الناس
ماشي الله يكرمك .... اه 5 كويس
الكاميرا على وجه حُس و هو يقول
خلاص يا جماعة هيبعت 5تلاف جنيه هيبقى عليه 45 هيسددهم
و على فكرة هو كان عايز يجدد العقد ايه رايكم
شوفوا انا هاخد رأي الريس الاول
ينظر اعضاء المجلس لبعضهم البعض ولم يتكلم احد
الباب بيخبط... الكاميرا تتجة الى ناحية الباب
فرد امن يدخل و يقول الباشا وصل و طالع على السلم
الكاميرا تتجة الى ترابيزة المجلس و حُس يقوم من على الكرسي في سرعة و رشاقة ويتجه الى الباب في استقبال الرئيس



انتظرونا في الحلقة القادمة
وليد عبد الحميد
08-03-2010, 03:06 PM
الكاميرا على باب حجرة المجلس و حُس واقف في انتظار دخول السيد الرئيس
يدخل السيد رئيس المجلس و هو منهك و يمد يده ليسلم على حُس بحرارة و هو يبتسم عندما وجد ان اعضاء المجلس في انتظاره في اماكنهم التي حددها مسبقاً
ثم قال و هو يتجه الى كرسيه
الرئيس : ازيكم يا جماعة
الجميع في صوت واحد : ازيك يا ريس
الرئيس: بقول ايه يا حُس و نبي ابعتلي حد يجبلي اكل من المطعم الللي تحت اصلي جعاان و حاجة سقعة لو تسمح
حُس : حاضر يا ريس
يقوم حُس من مكانه ليُحضر طلبات الرئيس
عضو: ازيك يا ريس يا ريت تكون وُفقت في مشوارك
عضو اخر : تعبت نفسك ليه يا ريس و جيت
ينظر الرئيس الى الجميع و هو يبتسم و يقول
ازيكم يا جماعة ايه اخبار الاجتماع حُس بيديره كويس... ايه رايك يا بشمهندس
البشمهندس : تمام يا ريس ..... كل شيء تمام
كنت عايز اسأل حضرتك عملت ايه في اجتماع الوزارة
الرئيس : مخلاص هي حكاية ؟ احنا اتفقنا و خلاص. الكرة في ملعبنا دلوقتي عايزين نعمل الجمعية من غير قلق ونخلص . انا مش فاضي فين الرجالة بتعتنا عايزنهم يوضبولنا الحكاية دي على التراس و بين الناس في النادي علشان محدش يتكلم . و سبولي انا و حُس العيلين بتوع النت دول احنا هنتصرف معاهم
الباب بيخبط
ويدخل حُس و معه احد جرسونات المطعم و يضع الاكل على تربيزة و يخرج
حُس : اتفضل يا ريس بالهناء و الشفاء
الرئيس : ايه ده يا حُس مجبتش للناس دي ليه انا عزمكوا
حُس : يدوم يا ريس و الحساب وصل
الرئيس : لا يا حُس مبحبش كده و بعدين يخرجوا من الاجتماع يقولوا انا اكلت على حساب النادي... اسف
حُس : لا يا ريس انا اللي عازم والله
الرئيس : ماشي يا حُس بس دي اول و اخر مرة .... طيب و انا باكل كده قولولي كنتم بتتكلموا في ايه
وخطف حُس الكلام من البشمهندس و ظل يسرد ما حدث من بداية الاجتماع حتى وصل السيد الرئيس
الرئيس : يا جماعة احنا امام تحدي كبير الاعضاء مش هيسكتوا امال فين الحاج
حُس : مبلاش الحاج يا ريس انت عارفه
الرئيس : بقولك ايه يا حُس الحاج قدملنا خدمة عظيمة في الانتخابات ومينفعش في موضوع زي ده منرجعلوش لازم ياخد القرار معانا ثم انت عارف انه عنده رجالته اللي هينفعونا و انت عارف كمان ان الموظفين بيحبوه و بيسمعوا كلامه مش لازم نخسر الراجل ده..... بقولكم ايه
هتبتدوا تهدوا الحيطان امته انا مش عاجبني القاعدة دي
البشمهندس : حالا يا فندم..... و يتجه الى التليفون و يقول .... اه ابعتلي مهندس الصيانة حالا و اللادارة الهندسية كلها احنا عايزن نعمل الموضوع ده في خلال يومين
على الخط الاخر مدير النادي : بس يا بشمهندس مينفعش مفيش فلوس
البشمهندس بيكلم حُس : بيقول مفيش فلوس
يخطف حُس التليفون من البشمهندس و يكلم مدير النادي بتهديد يعني ايه اعملوا كل حاجة و انا هدفع الحساب و بعدين هحاسب النادي
وينظر الى الريس الذي ما زال ياكل و يقول : اطمئن يا باشا كله هيبقى تمام بعد بكرة بالكتير و هتلاقي حضرتك في اوضة لوحدك انت تأمر يا ريس
ينظر اليه الرئيس و هو يهز رأسه و يبتسم



انتظرونا في حلقة جديدة
عنونها الرحيل
وليد عبد الحميد
09-03-2010, 10:08 AM
منظر خارجي لمطعم النادي الرئيسي على اخر ترابيزة على اليمين بجوار الباب كان يجلس البشمهندس عضو المجلس مع صديقه و زميله في المجموعة البشمهندس طايء
طايء: يا بشمهندس بس اللي انت بتقوله ده كتير ازاي واد زي ده هو اللي يدير الجلسات دا احنا كده منبقاش رجالة و الناس هتاكل وشنا
البشمهندس : ماهو من الاول الاتفاق كان كده ثم هو اللي عامل كل حاجة بفلوسه و احنا كنا موافقين
و اشار طايء بيده لجارسون المطعم وقال له حضرلنا شوية رز على كام حتة لحمة بس سويها كويس ونبي
الجارسون : حاضر يا فاندم
البشمهندس : طايء لازم نجمع المجموعة كلها حضرلنا رحلة ولا حاجة الواد دة لازم نشوفلو حل
طايء : حاضر يا بشمهندس انا هتصل بالجماعة كلها بس يا رب يوفقوا ييجوا منت عارف
منظر خارجي للتراس وعلى مائدة مستديرة عليها فنجان من الشاي و زجاجة ماء ويجلس عليها الاستاذ وعيد عضو مجلس الادارة السابق في انتظار الحاج شيخ النادي
وعيد وهو يشير الى لاحد الاعضاء و هو مار امامه
وعيد: ازيك عامل ايه . اتفضل
العضو و هو ماشي: شكرا و يتركه
وعيد في سره اه يا ابن الكلب منا لوكنت لسة في المجلس كنت جيت قعت وشربت شاي كمان .... زمن ابن كلب ..... هو فين الحاج ده كمان اتاخر ليه ؟
ونادى الجرسون بصوت جهير .... انت يابني فين القهوة ايه هقعد ساعة مستني القهوة بسرعة شوية
احس الاستاذ وعيد بانه انتظر طويلاً فقرر الصعود الى حجرة مجلس الادارة ونادى على الجارسون خلاص يا بني انا همشي
وتحرك الى الدور العلوي
داخل المطعم مازل البشمهندس و الاستاذ طايء يتكلمون و دخل عليهم الاستاذ شري الصحفي واحد من بتوع النت اللي كانوا بيتكلموا عليهم
شري : ايه ازيك يا بشمهندس ازيك يا استاذ طايء ؟عاملين ايه ؟ايه اخبار المجلس .... كله تمام؟
البشمهندس : ازيك يا شري متخف علينا يا راجل في موضوع النت ده انت و الاخ ولول
شري : حاضر يا بشمهندس بس مهو بصراحة انتم من ساعة مطلعتم المجلس مفيش حاجة اتغيرت
البشمهندس : انت عارف لسة الامور بتتحدد و بندرس
قطع طايء كلام البشمهندس و قال بلهجة تهديد : ايه يا شري متخف على الراجل منت عارف انه لوحده في المجلس و كلهم عليه
شري : ييه هي لسة النغمة دي مش هنخلص منها ولا ايه
البشمهندس : يا شري ما هي دي الحقيقة مهو حُس عايز يكوش على النادي كله و انت عارف كده
شري: مانتم يا بشمهندس اللي عملتوا معاه التحالف
طايء: بقولك ايه يا شري احنا هنحاول نصلح الخطأ اللي احنا وقعنا فيه ده بس بعد ميخلص موضوع الارض ده
شري: اه بعد متبيعوا الارض و ينتهي الموضوع لا يا طايء مش هنسكت
القى الاستاذ شري كلمته الاخيرة ثم تركهم
طايء: والله الواد ده كلمنجي وهتشوف يا بشمهندس اول ما يفتح المكتب بتاعه هيعمل ايه
هز البشمهندس رأسه موافقاً على كلام طايء
تنتقل الكاميرا الى الدور العلوي حيث يدخل الاستاذ وعيد الى حجرة مجلس الادارة ولا يجد احد فيتجه الى السكرتارية
وعيد: ازيك يابني عامل ايه
السكرتير بملل : كويسين يا استاذ وعيد
وعيد: امال هما فين
السكرتير بملل ايضاً : مش موجودين فيه حاجة يا استاذ وح
وعيد: ايه يابني بتكلمني كده ليه
السكرتير : بس تعبان شوية ... هما سابوا الاوضة علشان هيفتحوها على الصالة اللي جنبهم
وعيد: ازاي يعملوا كده هي سايبة ولا ايه
السكرتير : حضرتك ممكن تروح لمدير النادي
احمر وجه الاستاذ وعيد وخرج من الحجرة و هو يبرطم ... زمن ابن كلب


الى الحلقة القادمة
وليد عبد الحميد
09-03-2010, 10:09 AM
انتهي البشمهندس عضو مجلس الادارة و البشمهندس طايء من تناول الغداء في مطعم النادي
وامام باب المطعم كان الاستاذ وعيد ينزل على السلم
البشمهندس : وعيد ازيك فين يا باشا
وعيد : موجود ... انتوا اللي مبتسالوش
طايء: وحنا نقدر منسالش
البشمهندس : بقولك يا استاذ وعيد عيزينك تيجي باليل علشان الريس كان عايز يشوفك في حاجة ضروري
وعيد : و هو متصلش بيه ليه .... ولا خلاص
البشمهندس و الابتسامة على وجهه: خلاص ايه بس يا باشا هو احنا نقدر نستغنا عنك
وعيد : اه يا خويا تقدروا
طايء و هو يحاول تخفيف التوتر يميل على الاستاذ وعيد و يقول و هو يبتسم
يا باشا دا النادي من غيرك ولا حاجة
البشمهندس : بس تعالى نقعد في الصالة دي
ومشوا جميعاً في اتجاة الصالة المكيفة
العمال ينقلون حجرة رئيس مجلس الادارة و مدير الصيانة و مدير النادي
واحد اعضاء النادي بصوتاً عالاً يا ناس حرام عليكوا دانتوا عايزنا ندفع 200 جنيه زيادة و انتم بتجددوا اوضة رئيس مجلس الادارة ليه هي اشتكت
مدير النادي : يا سيدي النادي مدفعش حاجة الاستاذ حُس هو اللي دفع
عضو النادي : حُس هو ايه كل حاجة حُس حُس. ايه اشترى النادي ولا ايه
و تركهم و هو بيبرطم
الامن على البوابة يتكلم في اللاسلكي : ايوة يا باشا حُس بيه دخل من البوابة و بيركن العربية
مدير النادي : اهي كملت ماهي نقصاه هو كمان
مدير الصيانة: خليه ياخد اليومين بتوعه مشي حالك
مدير النادي: يومين مين يا عم دا قاعد لغاية ما يبقى الرئيس
حُس طالع على السلم و امام الباب كان واقف مدير النادي و مدير الصيانة
حُس: السلام عليكم
الاثنين في نفس واحد ... و عليكم السلام
مدير النادي : ازيك يا باشا هو الريس مش جي النهاردة ولا ايه
حُس : الريس مش فاضي مخلاص موضوع الارض هينتهي و مش هيبقى فاضلنا . نفسكم معايا بقة عايزين نطور النادي ونخليه زي نادي الصيد ولا الاهلي
مدير النادي : طبعاً يا باشا احنا تحت امرك
حُس يوجه كلامه لمدير النادي: بقولك ايه اخبار الاسكواش ايه
مدير النادي : الكابتن بعد 5 تلاف جنيه
حُس : كويسين و بتاع الفروسية بنتولوا الاكستنشن الزيادة اللي كان طالبه و توافق عليه من مجلس الادارة
مدير النادي : احنا كلمنا الادارة الهندسية و بتعمل الرسومات
حُس : طيب خليهم يخلصوا الموضوع ده بسرعة.... مشوفتش الاستاذ وعيد
مدير النادي : اه دا كان مع البشمهندس من شوية في الصالة اللي تحت
حُس في سره يا ولاد ال... يا ترى بترتوب ايه

الى اللقاء الحلقة القادمة
محمود التهامي
09-03-2010, 11:01 AM
الحق نزل كل الحلقات بسرعه يا استاذ وليد
عشان لو منزلتهاش في اسرع وقت يبقا مش هتلحق
ههههههههههه
وليد عبد الحميد
09-03-2010, 01:14 PM
ياعم اتريق زي ما انت عايز ماشي
المهم استمر ولا كفاية
يعني مش عجباك
محمود التهامي
09-03-2010, 01:47 PM
ياباشا براحتك
حرية الرأي مكفولة للجميع
أما رأيي فالمفروض يكون باين في الاستطلاع فوووووق





"جميع الأراء والمواضيع المنشورة تعبر عن رأي صاحبها ، وليس بالضرورة أن تعبر عن رأي إدارة المنتدى"
محمود التهامي
09-03-2010, 01:48 PM
و طبعاً الأهم من رأيي
رأي اعضاء النادي !!!
وليد عبد الحميد
09-03-2010, 02:53 PM
اصدقائى قارئي القصة . تحياتي
بسبب القيل و القال و بسبب انه قد يتشابه اشخاص القصة و بعض اشخاص نادينا و الذين قد يتضرروا نفسيا و معنويا بذلك
فقد تم تغيير معالم القصة من نادي الى مدينة ! فقد يكون لهذا عزاء لهم لراحة اعصابهم


وليد









في الحلقة الماضية تركنا حُس و هو يفكر ماذا يرتب الاستاذ وعيد و البشمهندس عضو المجلس و البشمهندس طايء
و هم جالسون في القاعة المكيفة

البشمهندس :بس ايه رايك في الحركة اللي عملناها ساعة الجمعية العمومية
وعيد :حركة ايه
البشمهندس : اه انت متعرفش الواد طايء فكر فوكيرة جمدة قوي راح خلنا نعمل خيمة الجمعية العمومية في اخر المدينة و كتب عليها خيمة احتفالات المتفوقين الناس دورت على خيمة الجمعية ملقوهاش هاهاها
طايء :خلاص نعملها مرة تانية ساعة الجمعية الغير عادية
وعيد : طب تفتكر الناس اللي عمالة تعارض على الفاضية و المليانة دي هتسكوت
البشمهندس :اصلهم مش عارفين مصلحة البلد
طايء :سيبك منهم بكرة يعرفوا مين اللي ممكن يفيد البلد اكتر و المثل بيقول ايه
وعيد : ايه
طايء :فيد و استفيد
و ضحكوا معاً ضحكة عالية هههاهاهاهاه
حُس و هو جالس على انترية قاعة المجلس الجديدة و يتكلم في تليفونه المحمول ايه يا ريس هو احنا هنسيب شري كده عمال يلسن علينا بالكلام
الريس على الجانب الاخر : طبعا لآ هنشوفلوا صرفة
حُس : بس بصراحة ان يا ريس انفعلت يوم الجمعية زيادة عن اللزوم ز خلاك تخرج عن شعورك مكنش لازم تهدده قدام الناس احنا كده مش هنقدر نعمله حاجة
الريس : هو مين ده اللي مش هيقدر يعمله حاجة . بكرة تشوف
حُس : يا ريس دا ابتدى ياخد شعبية و انا خايف الناس تقف وراه وتدعمه و العيار اللي ميصبش يدوش
الريس : يا حُس متخفش انا مرتبله خطة متخرش المية بكرة هتعرفها

و الى اللقاء في الحلقة القادمة
وليد عبد الحميد
11-03-2010, 11:21 AM
اجتمع اعضاء مجلس الادارة في ثالث اجتماعلهم في الغرفة الجديدة و كان كل واحد جالس في مكانه

على راس الترابيزة رئيس مجلس ادارة المدينة و على جانبه اليمين حُس و جانبه الشمال البشمهندس و بجواره الدكتور تيفة و بجواره الدكتور ابو دراع و بجوار حُس الاستاذ سلاوي و الدكتور خشبة و بدأ الريس حديثه فقال
الريس: ازيكم يا جماعة
الجميع الحمد لله يا ريس
الريس : ايه اخبار المدينة عايزين نجدد فيها شوية عايزين شوية رياضة على شوية رحلات على شوية انشطة خللي الناس تفرفش هاهاهاه
لبشمهندس : بس يا ريس انا سمعت ان فيه طعن على الانتخابات دي
حُس : يا بشمهندس متخليهم يطعنوا كل شيء مدروووس
دكتور تيفة : بس يا ريس احنا عايزين بره نوضح للناس ان الكلام دا كله كدب في كدب
الدكتور ابو دراع و على وجهه ابتسامة عريضة : يا جماعة احنا الناس اديتنا صوتنا و كانت واثقة فينا يقولوا بقة زي ما هما عايزين
الدكتور خشبة : يا جماعة دي زوبعة في فنجان و خلي اللي يتكلم يتكلم
استاذ سلاوي : يا جماعة خليهم يعملوا طعن يعني هيوصلهم لايه احنا بنا و بينهم القضاء
الريس : شوفوا اتصلي يا بشمهندس بالاستاذ وعيد انا عايزه ضروري هو كان في لجنة الانتخابات و شاف كل حاجة و عارف ان احنا نضاف و معملناش حاجة تغضب ربنا و لا ايه يا حُس مش كل شيء تمام
حُس : تمام يا ريس
البشمهندس : انا امبارح شوفت الاستاذ وعيد و قلتله تعالى قالي و حضرتك متتصلش بيه ليه
الريس : حقه الراجل برده تعب معانا و بيفكر معنا كويس كفاية انه كان معايا ساعة ترتيب الندوة بتعتي هو طايء الناس دي رجالتنا و مش لازم نزعلهم مننا ولا ايه
الجميع في صوت واحد طبعا طبعا يا ريس
الدكتور تيفة : طيب يا ريس انا كنت عايز اتكلم عن دورة نعملها للشباب في المدينة علشان رمضان
البشمهندس : استنة يا تيفة لما نشوف حكاية الطعن دي و حكاية الاستاذ شري
حُس : لا يا بشمهندس خليه يعمل الدورة خللي الناس تتلهي و متخدش بالها
الدكتور خشبة :عنده حق حُس الناس عايزة حاجة تشغلها نعملهم اي نشاط
الريس : المهم دلوقتي يا جماعة عايزن نعلن عن حد ييجي يمسك مدير للمدينة و مدير للامن علشان ده هيقدم استقالته
الدكتور خشبة : ايه ده مدير الامن هيقدم استقالته ليه ؟


والى الحلقة القادمة
وليد عبد الحميد
14-03-2010, 12:04 PM
منظر خارجي : لتراس المبنى الاجتماعي للمدينة
اشجار و تربيزات ونخيل و ازهار
ومديرالامن ( زيزو ) سائراً بجوار اشرف مساعده
مديرالامن ( زيزو): قال اية عايزني اقدم استقالتي . وحياه امهم مهيشفوها
اشرف: يا زيزو متقدمهلهم على الجزمة مش حُس حُس جبلك شغلانة احسن؟؟
زيزو : اقدم مين لازم اعزبهم شوية دنا محضرلهم صاروخ ارض جو هيطلعلهم من تحتيهم هاهاها
اشرف : يا عم الطيب احسن شوف مصلحتك روح الشغل الجديد و سيبك منهم
زيزو : ايه يا اشرف مالك انت عايزين امشي ليه ؟؟ هما و عدينك بحاجة ؟
اشرف في ارتباك : حاجة ايه برحتك
نعود الى حجرة المجلس
والجميع ينظر الى الريس و تيفة يقول
تيفة : ياريس منمشي معتز و نجيب المهندس ابراهيم مكانه
الريس : ابراهيم مين هو انتم عايزين المدينة تمشي على مزاجكم المدير تبعكم ومدير الامن تبعكم امال انا يبقى لزمتي ايه
البشمهندس : لا يا ريس . تيفة ميقصدش
حسُ حُس: لا يقصد يا بشمهندس انتم عايزين تكوشو على كل حاجة
الدكتور خشبة الشهير برمانة : يا جماعة مش كدة كل حاجة بالاتفاق احنا مش متفقين اننا هنغير مدير المدينة و مدير الامن خلاص
هنشوف التقسيمة هتبقى ازاي
حُس : ماشي يا دكتور بس لازم يعملو حسابهم العملية كلها شيلني وشيلك
تيفة و البشمهندس وهما بيفكرو ( صدق اللي سماك رمانة ) و هما ينظرون الى الدكتور
استاذ سلاوي المحامي :يا جماعة عايزين نفكر هنعمل ايه في موضوع قضية المجلس
دكتور ابو دراع : يا عم دا انت محامي و خايف ؟؟ جمد قلبك شوية الموضوع هيطلع فشنك مفيش تغيير في مجالس الادارة لغاية 2011
انتوا مشفي الدنياولاايه و عموماً منجيب مستشار ولا دكتور من اللي قادين تحت دول يمسكلنا القضيو و نديله قرشين مش هيقول لا
الريس : ماشي يا دكتور شفلنا حد كده يكون على قيدك مش عايزين قلق
البشمهندس : طيب ومين هيدفعله ؟؟
استاذ سلاوي : طبعاً مش المجلس احنا ملنا مش الناس اللي انتخبتنا يبقى اللي يدفع صاحب المحل
و نظر بعضهم لبعض وهات يا ضحك

في الحلقة القادمة
المواجهة الصعبة

كونوامعنا