المساعد الشخصي الرقمي

مشاهدة النسخة كاملة : ـفقه البنت (احكام الاستحاضه) ...



RSS
31-10-2011, 09:00 PM
http://www.vb.6ocity.net/images/imgcache/2011/10/1647.gif

الاستحاضة

ايه هي الاستحاضة؟
الاستحاضة هي جريان الدم من فرج المرأة في غير أوانه من مرض أو عرق

عرفنا ازاي نفرق بين دم الحيض و دم الاستحاضة باللون و الرائحة والمدة

يعني دم الحيض خلاص بتبقي عارفة هيجي امتى في الشهر
فالدم اللي لونه أحمر غامق وله رائحة كريهة و هينزل عليكي في توقيت الدورة...إذن ده يبقى دم حيض

لكن لو نزل دم لونه أحمر فاتح من غير آلام الدورة الشهرية المعروفة ونازل في توقيت مش توقيت الدورة خالص (لأنه ممكن يكون نزيف) + أن مدته هتطول عن المعتاد أو قد ينزل مجرد نقط أو ما يشبه النزيف في غير وقت الدورة... يبقى دم استحاضة


مثلا متعودة يجي لك الحيض كل يوم 15 في الشهر العربي
وخلاص جتلك الدورة وخلصت ايامها وشفتي الطهر واغتسلتي
لكن
لقيتي بعدها ب 4 أيام مثلا دم تاني نازل بالصفة اللي قلناها.. إذن ده استحاضة

أو جتلك دورة وعدت عدد الأيام اللي متعودة عليهم لكن لقيتي أن الدم لازال مستمر... إذن ده استحاضة









http://www.vb.6ocity.net/images/imgcache/2011/10/1653.gif

طيب لو واحدة معرفتش تميز دم الحيض من دم الاستحاضة ؟؟

الموضوع يفرق من واحدة مميزة وعارفة وقت حيضها
وبين واحدة مثلا نسيت معاد حيضها أو أول مرة ينزل عليها دم خالص
(يعني لسه بالغة لأول مرة)

أولا بالنسبة للمميزة:
** فإذا كان نزول الدم قد استمر أكثر من خمسة عشر يوما، فقد ثبت بذلك كونك مستحاضة، ومن ثم فالواجب عليك أن ترجعي إلى عادتك السابقة إن كنت تعرفينها، وهي الأيام التي كان يأتيك فيها الدم قبل حصول الاستحاضة، فتعدين هذه الأيام حيضا، فإذا انقضت فإنك تغتسلين ثم تتحفظين بشد خرقة أو نحوها على الموضع وتتوضئين لكل صلاة بعد دخول وقتها وتصلين بوضوئك هذا الفرض وما شئت من النوافل، ولك جميع أحكام الطاهرات فتصومين وتمسين المصحف بوضوء ويطؤك زوجك

معناها أنه مثلا لو دورتك 6 أيام لكن لاقيتي أن الدم فضل مستمر
في النزول ووصل أكتر من 15 يوم... كده حالتك دي تسمى استحاضة
فهتعتبري ان خلاص الايام اللي فاتت دي كلها (15 يوم) ..
كانت حيض والدم اللي نازل بعده كله دم استحاضة
فتفصلي ما بين الاتنين بغسل
أنك تغتسلي بنية الطهارة من دم الحيض(اللي نزلوا طوال ال15 يوم) ...
ثم كده تعتبري طاهرة حتى لو نزل عليكي دم تاني
(اللي هيعتبر هنا دم استحاضة.. ودم الاستحاضة طاهر)



http://www.vb.6ocity.net/images/imgcache/2011/10/1653.gif


الحالة التانية .. واحدة مميزة لكن نسيت وقت حيضها:
** وإن لم تكن لك عادة تعرفينها فإنك تعملين بالتمييز الصالح، فما ميزت فيه صفة دم الحيض بلونه الأسود وريحه المعروف وغلظه والألم المصاحب لخروجه فإنك تعدينه حيضا، وما لم تكن فيه تلك الصفات فهو استحاضة، فإذا انقضت الأيام التي ميزت فيها صفة دم الحيض فإنك تغتسلين وتفعلين ما ذكرناه

معناها لو واحدة بتيجي عند كل شهر تنسي معاد الدورة .. فتميز دم الحيض عن الاستحاضة باللون
والرائحة زي ما وصفنا قبل كده
فلما تعدي الايام اللي شايفة فيها صفات دم الحيض:
اللون الغامق-الريحة الكريهة - نازل بحرقان
تعرف أن ده حيض
لكن لو نازل ببرود ولونه فاتح والوش ريحة ..
يبقى استحاضة


الحالة التالتة... واحدة لأول مرة تبلغ وينزل عليها دم... مش عارفة تميز صفات الدم ولا عارفة طبعا هي دورتها كم يوم ولا عارفة لها معاد.. لأن أول مرة تجي لها:
** وإن لم تكن لك عادة أو تمييز جلست ستة أيام أو سبعة بالتحري واعتبرتها حيضا واغتسلت بعد انقضائها، وما بقي من الشهر يكون استحاضة، تفعلين فيها ما ذكرناه من التحفظ والوضوء بعد دخول وقت كل صلاة.


http://www.vb.6ocity.net/images/imgcache/2011/10/1653.gif
ايه أحكام المستحاضة ؟؟

تسري على المستحاضة كل أحكام المرأة الطاهرة
المستحاضة تصلي و تصوم وتطوف بالبيت
وتمس المصحف ويجامعها زوجها


بالنسبة للصلاة..

طبعا نزول الدم مستمر على المستحاضة حتى وقت الصلاة
فالمهم أنها تبدأ الصلاة في حال طهارة ونظافة

أنها قبل ما تصلي .. تغير الفوطة اللي حاطاها
و تتوضأ قبل كل صلاة
وذلك أقرب للتقوى

ليه؟
لعل المستحاضة ينزل منها مع الدم مذي مثلا أو أي افرازات ناقضة للوضوء وهي لا تراه !
فلذلك الحكم ليس لنجاسة دم الاستحاضة (لأنه طاهر)
ولكن لاحتمال اختلاط النجاسة بالمذي أو ما شابه بالدم وهي لا تعلم

فالوضوء لكل صلاة هنا هو الأقرب للتقوى

لو تاخدوا بالكم هتلاقوا أننا في الكلام عن المستحاضة ماجبناش سيرة الغسل



http://www.vb.6ocity.net/images/imgcache/2011/10/1653.gif

فهل على المستحاضة غسل؟
مش كنا قلنا أنها في حكم الطاهرة ؟؟؟
لا خلاف بين أهل العلم في وجوب الغسل على المستحاضة عند انقضاء زمن الحيض ، وإن كان الدم جاريا

يعني..
مثلا هي أيام دورتها 6 أيام.. لكن لقت الدم لسه بينزل عليها بعد ال 6 أيام مثلا وصل لحد 10 أيام
فكده بعد ال 6 أيام هتغتسل غسل واحد بنية الطهارة من الحيض
بحيث تفصل بين الحيض والاستحاضة
وفي الأيام اللي بعدها هتاخد حكم المستحاضة فتكون في حكم المرأة الطاهرة

لحديث فاطمة بنت أبي حبيش ، حيث قال لها النبي – صلى الله عليه وسلم – :
( ..دعي الصلاة قدر الأيام التي كنت تحيضين فيها،
ثم اغتسلي وصلي).
متفق عليه.
قال النووي – رحمه الله تعالى – في المجموع :
( فيه دليل على وجوب الغسل على المستحاضة إذا انقضى زمن الحيض ، وإن كان الدم جاريا ، وهذا مجمع عليه )اهـ.


خلاص عرفنا أن واحدة مستحاضة..

لكن في حديث تاني ورد فيه استحباب الغسل لكل صلاة
وفيه رخصة لجمع صلوات الظهر مع العصر.. وجمع المغرب مع العشاء !!

خدوا بالكم قلنا الغسل.. وليس الوضوء فقط

يعني هتغتسل قبل كل صلاة
للأخذ بالاحتياط والثقة
والحديث صححه بعض اهل العلم

لكن طبعا سنة النبي صلى الله عليه وسلم مفيهاش تعارض
فالعلماء جمعوا بين الحديثين كالآتي
أن الحديث الاول اللي قلناه بيقول أن الفرض الواجب هو الغسل بعد مرور أيام الحيض
واللي عايزة تاخد بالاستحباب وتخرج من الخلاف وتاخد بالثقة والاحتياط على ما في هذا من المشقة أنها تغتسل لكل صلاة
يليها في الاستحباب انها تغتسل في اليوم 3 مرات:
غسل لصلاة الفجر ثم تصلي الفجر
ثم تغتسل عند صلاة الظهر وتجمع بين الظهر والعصر جمع تقديم
ثم تغتسل عند صلاة العشاء وتجمع بين المغرب والعشاء جمع تأخير
http://www.vb.6ocity.net/images/imgcache/2011/10/1653.gif
والدليل من هذا الجزء من الحديث:
(.... وإن قويت على أن تؤخرين الظهر وتعجلين العصر فتغتسلين وتجمعين الصلاتين الظهر والعصر، وتؤخرين المغرب وتعجلين العشاء ، ثم تغتسلين وتجمعين بين الصلاتين فافعلي ، وتغتسلين مع الفجر فافعلي وصومي إن قدرت على ذلك .)
فقال رسول الله -صلى الله عليه وسلم-:
( وهذا أعجب الأمرين إلي )
رواه أبو داود و أحمد والترمذي و صححاه ، وحسنه الألباني في الإرواء و المشكاة و صحيح السنن.

http://www.vb.6ocity.net/images/imgcache/2011/10/1653.gif

إذا امرأة مستحاضة احتلمت.. كيف تعرف؟
وطبعا باحتلامها كده خرجت عن حال طهارتها ولازم تغتسل لما تصحى

تعرف بحاجتين:
1- أن تتذكر الحلم
2- أن ترى افرازات ثقيلة .. وليس لها حال الا ذلك



http://www.vb.6ocity.net/images/imgcache/2011/10/1650.gif







منقول